Atletlər kəndində rus idmançılar ukraynalını döyərkən

İdman öz həmyerlilərini "cəzalandırmaq" vasitəsidir?

333
(Yenilənib 16:32 27.01.2016)
Bəzi idmançıların qazandıqları uğurları həmvətənlərinin üzərində "sınamaları", bütün idmançılara qarşı ölkədə formalaşmış rəğbəti zədələməyə başlayıb. İdmançıların özləri də bu gedişatdan narazıdırlar.

BAKI, 27 yan — Sputnik. Ölkədə idmançılara qarşı münasibət hər zaman müsbət olub. Bayrağımızı xarici ölkələrdə uclara qaldıran idmançıları Vətəndə toy-bayram sevinci ilə qarşılayıb, hər zaman baş üzərində tutublar. Dövlət səviyyəsində idmana verilən dəstək, sərf olunan maliyyə də öz yerində.

Гасан Алиев, борец
Гасан Алиев, борец

Amma zaman-zaman bəzi idmançıların cəmiyyət arasındakı qeyri-etik davranışları, qazandığı bilək gücünü öz həmvətənləri üzərində "sınaması", müxtəlif qalmaqallı olaylarda adlarının hallanması, ölkədə ümumi idmançılara qarşı münasibəti zədələməyə başlayıb. Buna jurnalist Rasim Əliyevin idmançı gənclər tərəfindən döyülərək öldürülməsi, yaxud hansısa restoranda baş verən dava-dalaş və digər nümunələr misal göstərmək olar.

Nəhayət, dünən gecə yenidən analoji hadisənin xəbəri yayıldı. Belə ki, adı açıqlanmayan bir generalın qohumu və onun idmançı dostları yanacaqdoldurma məntəqəsində dava salaraq, oranın işçisini döyüblər.

Görəsən, idman dünyanın hər yerindəmi öz həmyerlilərini "cəzalandırmaq" vasitəsidir? Yaxud, niyə bəzi idmançılarımız müəyyən bir şöhrət zirvəsinə və bunun nəticəsində külli miqdarda pul-paraya qovuşandan sonra, qabaqlarına çıxanları əzişdirə biləcəklərini düşünürlər?

Гасан Гулиев, каратист
Гасан Гулиев, каратист

Sputnik əməkdaşı bu cür mübahisəli sualların cavablarını, elə peşəkar idmançıların özlərindən öyrənməyə çalışıb.

Həsən Əliyev — güləşçi: "Siz dediyiniz idmançılar, sadəcə özü üçün məşq edən, bədənini başqalarına göstərən, ya da kiminsə çantasını daşımaq üçün böyük görünən adamlardır. Peşakar idmançının bu günə kimi hansısa bir davada, kriminal söhbətdə adını görə bilməzsiniz. Mən tanıdığım tanınmış idmançılar böyüdükcə sadələşiblər".

Фариз Абдуллаев, президент Федерации реального Айкидо Азербайджана
Фариз Абдуллаев, президент Федерации реального Айкидо Азербайджана

Həsən Quliyev — karateçi: "Mən neçə ildir, karate ilə məşğulam. Uğurlarım da çox olub. Amma heç vaxt lovğalanmamışam ki, idmançıyam, çempionam. Çünki özümə belə hərəkətləri yaraşdırmıram. İdmançı sadə olmalıdır, davalardan uzaq olmalıdır, heç kəslə işi olmamalıdır. Hal hazırda bank sektorunda işləyirəm. Mənimlə görüşəndə, kimsə "çempion, salam" deyəndə utanıram və bu adın məsuliyyətini hiss edirəm".

Fariz Abdullayev — Azərbaycan Real Aikido Federasiyasının prezidenti: "İnsanın gücü, bacarığı, nüfuzu nə qədər artarsa, bir o qədər sadə, təvazökar olmalıdır. Bu, idman sahəsində də belə olmalıdır. Təəssüf ki, bəzən uğur qazanan idmançılarımız öz güclərindən yanlış formada istifadə edirlər. Özlərindən zəif insanları döyür, onlara müəyyən təzyiqlər göstərir, el arasında "söhbətlərə gedir" kimi xoş olmayan hallar edə bilirlər. Həmin idmançılar anlamalıdırlar ki, nə uğur qazanırıqsa, bunu Vətənimizin adını və şanlı Bayrağımızı ucalara qaldırmaq üçün etməliyik. Mərd Azərbaycan xalqını və onun nəyə qadir olduğunu yaxşı mənada dünyaya göstərməliyik. Öz xalqımızdan olan zəif nümayəndəyə hər hansı formada güc tətbiq etməksə, insanlıqdan kənar və heç bir humanist normaya sığmayan haldır. Bəzən isə elə hal baş verir ki, çempionlarımız hər hansı dövlət işinə düzəlir və yaxud şəxsi biznesə yiyələnir. Yəni pulu gördükdən sonra idman həyatını dayandırır. Bunu da şəxsən arzuedilməz hallardan biri kimi qəbul edirəm".

Рауф Ибрагимов, заслуженный тренер по восточным единоборствам
Рауф Ибрагимов, заслуженный тренер по восточным единоборствам

Rauf İbrahimov — Şərq döyüş növləri üzrə əməkdar məşqçi: "İdmançı da bir insandır. O da özünə görə bir şəxsiyyətdir. Və hər kəsin də özünəməxsus xarakteri var. Düzdür, idmançı olaraq bəzi insanlardan fiziki cəhətdən güclü olmaq olar, amma çox zaman bu güclə yanaşı, səbrli olmağı da bacarmaq lazımdır. Amama bir məsələ də var ki, bəzən adi insan bilir ki, qarşısındakı idmançıdır, amma dilini dinc saxlamır, hətta söyüş də söyür. Bu zaman artıq idmançıya çıxış yolu qoymur. Axı idmançının da mənliyi var. Bir sözlə idmançı səbrli olmağı öyrənməlidir, amma adi insanlar da özündən 5 dəfə güclü idmançı ilə danışıq etikasını öyrənməlidirlər ki, sonradan döyülməsinlər".

333
Teqlər:
dava, peşəkar, idmançı, idman
Əlaqədar
Peşəkar idmançı Bakıda “Formula 1” keçirilməsinə qarşıdır
İki idmançımız liderliyi ələ aldı
Azərbaycan idmançıları yenə saxtakarlıq üstündə yaxalandılar
Azərbaycanlı idmançılar növbəti dəfə dopinq qalmaqalı ilə üzləşiblər
İdman mərc oyunlarından əldə edilən gəlirlərdən vergi tutulacaq
Mariya Şarapova dünyanın ən çox qazanan qadın idmançısıdır
Güləş, arxiv şəkli

Fransa Güləş Federasiyası loqoda bayrağımızın olmamasına görə üzr istədi

23
(Yenilənib 11:47 14.01.2021)
Azərbaycan Güləş Federasiyasının mətbuat katibi Sərxan Musayev səsləndirilən narazılıqlara aydınlıq gətirib.

BAKI, 14 yanvar — Sputnik. Fransanın Nitsa şəhərində keçiriləcək güləş üzrə Qran-pri turnirinin təşkilatçıları Azərbaycan bayrağının yarışın loqosunda yer almamasına görə üzr istəyib.

Bu barədə "Report"a Azərbaycan Güləş Federasiyasının Mətbuat katibi Sərxan Musalı məlumat verib.

O bildirib ki, məsələ ilə bağlı dərhal Fransa Güləş Federasiyası ilə əlaqə saxlayıblar: "Onlar qeyd etdilər ki, üzrlü hesab edin, bu, daha əvvəl hazırlanmış loqodur və burada bəzi yarış iştirakçılarının bayraqları yoxdur. Loqoda daha əvvəl bu yarışda olan ölkələrin bayraqları həkk olunub. Buna görə nəzərə alınmayıb. Loqoda elə ölkələrin bayraqları var ki, bu yarışda iştirak etmirlər. Həmin loqo 2020-ci ildə də istifadə edilib. Sadəcə, diqqətsizlik olub və bizə üzürxahlıq etdilər. Təşkilatçılıqla bağlı problem belə ola bilərdi ki, yarış nəkanında bayrağımız olmazdı. Amma bununla bağlı problem olmayacaq".

Federasiya rəsmisi təşkilatçılar tərəfindən heç bir soyuq münasibət görmədiklərini sözlərinə əlavə edib: "Mənfi nəsə hiss etməmişik. Ümumiyyətlə, problem olsaydı, bizim komandalara viza verməz, iştiraklarına problem yaradardılar. Arxivə də nəzər saldıq, Dünya Güləş Birliyinin saytında 2014-cü ildən sonrakı yarışları görmək mümkündür. 2019-cu ilə qədər bu yarış Qran-pri statusu almayıb. 2019, 2020 və 2021-ci illərdə artıq Qran-pri statusu ilə təşkil edilib. Yəni, həmin vaxta qədər ciddi yarış hesab edilmirdi. 2019-cu ilə qədər yalnız qadın və sərbəst güləşçilər arasında keçirilib. 2020 və 2021-ci illərdə isə güləşin hər üç növü proqrama daxil edilib. Biz 2020-ci ildə ilk dəfə bu yarışa qatılmışıq. Həmin vaxt yunan-Roma güləşi üzrə yığma komanda iştirak edib. Bu il isə həm yunan-Roma, həm də sərbəst güləşçilərimiz mübarizə aparacaq. Artıq təşkilatçılar bu çatışmazlığı aradan qaldırıblar və loqoya Azərbaycan bayrağını da yerləşdiriblər".

Qeyd edək ki, Qran-pri 15 - 17 yanvarda olacaq.

23
Bakı Olimpiya Stadionu, arxiv şəkli

"UEFA-2020" ilə bağlı vergidən azadolmanın müddəti artırıldı

10
Qeyd edək ki, Azərbaycan həmçinin, 2020-ci ildə futbol üzrə Avropa çempionatının oyunlarına da ev sahibliyi etməli idi.

BAKI, 12 yanvar - Sputnik. Prezident İlham Əliyev Vergi Məcəlləsinə və “Gömrük tarifi haqqında” qanuna dəyişiklikləri təsdiqləyib.

Sputnik Azərbaycan xəbər verir ki, dəyişikliklər "UEFA-2020" futbol çempionatı ilə bağlı vergidən azadolmanın müddətinin daha 1 il uzadılmasını nəzərdə tutur.

Sənəddə deyilir ki, Avropa Futbol Assosiasiyaları Birliyinin (UEFA) İcraiyyə Komitəsi ötən il Avropa Liqasının final oyununun Bakı Olimpiya Stadionunda keçirilməsi haqqında qərar qəbul edilib.

Qeyd edək ki, Azərbaycan həmçinin, 2020-ci ildə futbol üzrə Avropa çempionatının oyunlarına da ev sahibliyi etməli idi. Hazırda bütün dünyada yeni növ koronavirusun (COVID-19) yayılması ictimai-siyasi, sosial-iqtisadi həyatın bütün sahələrinə təsir etdiyi kimi, idman sahəsindən də yan keçməyib, o cümlədən böyük idman oyunlarının keçirilməsi təxirə salınıb.

Bildirilib ki, bu səbəbdən futbol üzrə Avropa çempionatının 2020-ci ildə keçirilməsi nəzərdə tutulan oyunlarının 2021-ci ildə Bakıda keçirilməsi nəzərdə tutulur. Bununla əlaqədar, “Vergi Məcəlləsində dəyişiklik edilməsi haqqında” 9 aprel 2019-cu il tarixli və “Gömrük tarifi haqqında” qanunda dəyişiklik edilməsi barədə” 9 aprel 2019-cu il tarixli qanunların qüvvədə olma müddətinin 1 avqust 2021-ci il tarixinə qədər uzadılması nəzərdə tutulur.

Həmin qanunlarla Azərbaycanda keçirilən UEFA 2019 Avropa Liqasının final oyunu və UEFA 2020 Futbol çempionatının oyunları ilə əlaqədar bir çox vergi növləri üzrə - gəlir vergisindən, mənfəət vergisindən, ƏDV-dən, aksizli mallara görə aksizdən, habelə gömrük rüsumlarından azadolmalar nəzərdə tutulub.

10
Xaçmazda “Şəhidlər Xiyabanı”

Xiyaban kompleksi İcra başçısının ideyası əsasında yenilənib

0
(Yenilənib 13:58 20.01.2021)
Azərbaycanın bölgələri arasında ilk müasir və orijinal Şəhidlər Xiyabanı kompleksi bu rayonda istifadəyə verilib.

Leyla Abdullayeva, Sputnik Azərbaycan

BAKI, 20 yanvar — Sputnik. Qan yaddaşımız olan 20 yanvar faciəsindən 31 il keçməsinə baxmayaraq, hər ilin bu günü respublikamızda Ümumxalq Hüzn günü kimi qeyd olunur, şəhidlərimizi uşaqdan böyüyə hamı yad edir. Hər birimizin and yeri olan "Şəhidlər Xiyabanı"nı qorumaq, onun abad qalmasını təmin etmək vətəndaşlıq borcumuzdur. Xaçmaz şəhərindəki Şəhidlər Xiyabanı da təməlli şəkildə təmir olunub və istifadəyə verilib.

Sputnik Azərbaycan-ın verdiyi məlumata görə, bu xiyaban Azərbaycanın bölgələri arasında ilk belə müasir və orijinal kompleksdir. Xaçmaz rayon İH-in baş məsləhətçisi Yaqut Məhsimovanın sözlərinə görə, xiyaban əvvəllər baxımsız vəziyyətdə olub.

© Sputnik / Leyla Abdullayeva
Xaçmazda “Şəhidlər Xiyabanı”

2020-ci ilin mart ayından başlayaraq Xiyabanda əsaslı bərpa və yenidənqurma işləri aparılıb. Əvvəlki şəhidlər xiyabanından indi əsər-əlamət qalmayıb. Ümumi ərazisi 3000 kv.m olan yenilənmiş Xiyabanda 700 kv.m sahədə yaşıllıq və qazon salınıb, 1500 kv.m sahəyə beton tavalar - tamet daşları döşənib. Xaçmaz Şəhidlər Xiyabanında Azərbaycanın Milli Qəhrəmanı Yavər Şahbazovun büstü qoyulub, 1-ci Qarabağ müharibəsində həlak olmuş 226 şəhidin , 2-ci Qarabağ müharibəsində həlak olmuş 48 şəhidin və 1 nəfər 20 yanvar şəhidinin xatirə lövhələri yenidən yüksək keyfiyyətlə hazırlanıb.

Şəhidlər Xiyabanının girişində şəhidlərimizin ölməz ruhunun ucalığını əks etdirən 17 metr hündürlüyündə ay-ulduzlu rəmzi abidə möhtəşəmliyi ilə diqqəti cəlb edir. Ərazinin işıqlandırılması üçün 8 ədəd işıq dirəyi, 140 paqonmetr beton bardürlər quraşdırılıb. Xiyabana qalxan pilləkənlərə və rəmzi abidənin önünə mərmər lövhələr düzülüb.

  • Xaçmazda “Şəhidlər Xiyabanı”
    © Sputnik / Leyla Abdullayeva
  • Xaçmazda “Şəhidlər Xiyabanı”
    © Sputnik / Leyla Abdullayeva
  • Xaçmazda “Şəhidlər Xiyabanı”
    © Sputnik / Leyla Abdullayeva
  • Xaçmazda “Şəhidlər Xiyabanı”
    © Sputnik / Leyla Abdullayeva
  • Xaçmazda “Şəhidlər Xiyabanı”
    © Sputnik / Leyla Abdullayeva
  • Xaçmazda “Şəhidlər Xiyabanı”
    © Sputnik / Leyla Abdullayeva
1 / 6
© Sputnik / Leyla Abdullayeva
Xaçmazda “Şəhidlər Xiyabanı”

Ümumiyyətlə, xiyabanda 1600 kv.metrə yaxın mərmərdən istifadə edilib. Belə ki, xatirə lövhələrinin istinad divarları, qazonların ətrafı, bardürlərin üzəri və işıq dirəklərinin oturacağı yüksək keyfiyyətli mərmərlə üzlənib.

Xiyabanın yenilənməsi Xaçmaz rayon İcra Hakimiyyətinin başçısı Elnur Rzayevin təşəbbüsü ilə baş tutub. Bu gün Xaçmaz Şəhidlər Xiyabanı mətbuat nümayəndələrinə təqdim olunub.

Vətəndaşlar 20 Yanvar faciəsinin 31-ci ildönümü ərəfəsində belə möhtəşəm xiyabanın istifadəyə verilməsini çox təqdirəlayiq hadisə və şəhidlərimizin ruhuna dərin hörmət rəmzi kimi dəyərləndiriblər.

0