Дзюдоист Ильхам Закиев

İlham Zəkiyev: "2016-cı ildə bizi çətin sınaqlar gözləyir"

117
(Yenilənib 12:01 05.04.2016)
Paralimpiyaçı çempion: "Rəqiblərimə deyirəm: hazırlaşın, gəlirik!"

BAKI, 31 dek-Sputnik. Yola saldığımız 2015-ci ildə Azərbaycan idmanı hansı uğurları ilə yadda qaldı və 2016-cı ildə hansı yeniliklər ola bilər? Sputnik əməkdaşının bu istiqamətdə suallarını 2 dəfə paralimpiya oyunları çempionu, 2 dəfə dünya çempionu, 5 dəfə Avropa çempionu, əməkdar idman ustası, "Şöhrət" ordeni, "Tərəqqi" medalı, "Heydər Əliyev" Fondunun təsis etdiyi Beynəlxalq "Qızıl çinar" mükafatları laureatı İlham Zəkiyev cavablandırır:

Паралимпиец, чемпион мира по дзюдо
Sputnik
Ильхам Закиев, чемпион мира по дзюдо

- İlham bəy, 2015 —ci il Azərbaycan idman tarixi üçün yadda qalan il oldu. İlk Avropa oyunları, müxtəlif idman növləri üzrə Avropa və dünya çempionatları  keçirildi, qələbələr qazandıq. Hətta 2016 Olimpiya oyunlarına da lisenziya qazanan idmançılarımız oldu. Konkret olaraq, İlham Zəkiyev üçün 2015-ci il idman karyerasında nə ilə yadda qaldı?

— Mən bu il 3 yarışda güləşdim. 2015-ci ilin fevral ayında Macarıstanda Dünya kubokunda  qalib gələrək qızıl medal qazandım. Sonra 30 ay ərzində işləyərək öhdəsindən gəldiyimiz İlk Avropa Oyunlarında  yenə də bayrağımızı yüksəklərdə dalğalandırdım. Hətta oyunlar zamanı digər ölkələrdən gələn hakimlər və idmançılarla söhbətimiz zamanı Azərbaycanın belə möhtəşəm oyun keçirməsindən razı qaldıqlarını dəfələrlə qeyd etdilər. Bakı 2015 oyunlarının açılış mərasimində mən bir daha fəxr elədim ki, azərbaycanlıyam. Hər şey çox yüksək səviyyədə idi.  Biz hər kəsi heyran edə bildik. Bu oyunların keçirilməsində Cənab Prezident İlham Əliyevin və xanımı Mehriban Əliyevanın rolu əvəzsizdir. Mən bir daha onlara təşəkkürümü bildirirəm. Azərbaycanın İlk Avropa Oyunlarında Rusiyadan sonra 2-ci yerə çıxması böyük uğurdur. Rusiya 150 milyonluq əhalisi ilə 1-ci yeri götürdüyü halda Azərbaycan 10 milyonluq əhalisi ilə 2-ci oldu. Heç kəs gözləmirdi bunu. İdmançıların əzmi nəticəsində biz bunu bacardıq.

- İlham Zəkiyev bu il ümumilikdə Azərbaycan idmançılarının qazandıqları nəticələrdən razıdır?

— Bu yaxınlarda Azərbaycan taekvandoçuları Meksikada keçirilən dünya kubokunda komanda hesabı ilə 1-ci yerə layiq görüldülər. Amerikada Las-Veqasda keçirilən güləş üzrə  dünya çempionatında güləşçilərimiz yüksək səviyyədə iştirak etdilər və uğur qazandılar. 2015-ci il Azərbaycan Cüdo Federasiyasına yeni rəhbər seçildi — Rövnəq Abdullayev. Və bu qısa zamanda artıq cüdoda dirçəlmə göz qabağındadır. İnanıram ki, qarşıdakı illərdə cüdoçularımız daha böyük uğurlara imza atacaq. Eynilə boksda bu il yaxşı  nəticələrimiz oldu. Elvin Məmişzadəni xüsusilə qeyd etmək lazımdır. 

- Bu yaxında ilin yekunlarına görə ilin ən yaxşı idmançısı, ən yaxşı jurnalisti üzrə mükafatlandırma mərasimi keçirilib. Əgər İlham Zəkiyev münsif olsaydı, o, 2015-in ən uğurlu idmançısı və ən yaxşı jurnalisti olaraq kimləri seçərdi?

— Çətin sualdır (gülür —red.). Qaliblər haqqında xəbərim var. İlin idmançısı Rəsul Çunayev, ilin jurnalisti isə İlkin Fikrətoğlu seçilib. ("Hamısı dostumuzdur" deyib sualdan yayınmaq istəyir. Amma "dostluğu qoyaq kənara, bir mütəxəsis kimi fikrinizi istəyirik" deyərək suala yenidən qayıdırıq —red.). Yaxşı idmançılarımız çoxdur. Rəsul Çunayev, Hacı Əliyev var, onu qeyd etmək olar. Elvin Məmişzadə  də var. Mən Elvin Məmişzadəni ilin idmançısı seçərdim. Ən çətin sual isə ilin jurnalisti ilə bağlıdır. Heç kimin xətrinə dəymək istəmirəm. Hamı bu ada layiqdir. 

- 2016-ci ildə İlham Zəkiyev qarşısına nə məqsədlər qoyub?

— 2016-cı il məsuliyyətli ildir. 4 ilin yekunu olaraq  Olimpiya oyunları bizi gözləyir. Allah bütün idmançıları zədədən qorusun və yarışlara sağlam və tam hazırlıqlı qatıla bilsinlər. Və mən də çalışacam Azərbaycanı Rio-de-Janeyroda layiqincə təmsil edim. 

Президент Ильхам Алиев и победитель Евроигр - паралимпиец-дзюдоист Ильхам Закиев
Президент Ильхам Алиев и победитель Евроигр - паралимпиец-дзюдоист Ильхам Закиев

- Rio-de-Janeyroda keçiriləcək yarışda kimləri çempion kimi görə bilərik?

— Cüdo üzrə paralimpiyadan — Ramin İbrahimov (60 kq), Bayram Mustafayev (66 kq), Ramin Qasımov (73 kq) kimi idmançılardan qızıl medal gözləyirik. 81 kilo çəkidə Rövşən Səfərov da Avropa çempionu, dünya üçüncüsüdür. Qızıl olmasa da,  medal götürə biləcək gücə malikdir. 100 kq-da olan idmançımız üçlükdə qərarlaşa bilər. 100+ də məndən hamı qızıl medal gözləyir. Çalışacağam ümidləri doğruldum. 57 kiloqramda Səbinə Abdullayeva oyunlara kimi öz üzərində işləyib hazırlaşacaq və yaxşı hazırlaşsa, finala çıxa bilər. Cüdo milli yığmamızdan Nicat Şıxəlizadə (66 kq) təcrübəli idmançıdır. 60 kiloda bizdə iki güclü idmançı var. İlqar və Orxan Səfərovlar. Hər ikisi medala iddialı idmançıdır. 74 kiloda Rüstəm Orucov, 100 kiloda Elxan Məmmədov və Elmar Qasımovdan qələbə gözləyirik. Güləşçilərimizdən daha çox uğur gözləyirik. Toğrul Əsgərov, Rəsul Çunayev, Həsən Əliyevdən medal gözləyirəm. Boksdan Elvin Məmişzadə, Elnur Məmmədov, taekvandodan Radik İsakovdan medal gözləyirik. İnanıram ki, bizi bütün idmançılarımız sevindirəcək. 

Ильхам Закиев
Ильхам Закиев

- Rusiya idmançıları ilə münasibətiniz necədir? Yalnız tatamidə görüşürsünüz, yoxsa dostluq edirsiniz?

— Hamısı ilə dostuq, hamı ilə əlaqə saxlayırıq. Sonuncu Avropa çempionatında final döyüşüm rusiyalı idmançısı Qaydar Qaydarovla oldu. 7-ci dəfə də rəqibimin üzərində qələbə çalaraq 6-ci dəfə Avropa çempionu adını qazandım. Qeyd edim ki, Rusiyada cüdo məşhur idman növlərindən biridir və onlarda yaxşı inkişaf edib. Tatamidə 5 dəqiqəlik rəqibik. Tatamidən kənarda bütün rəqiblərimlə dostam. Arada zəngləşirik və bayramlarda bayramlaşırıq da.

- İlham Zəkiyev rəqiblərinə nə söyləyir?

— Bütün rəqiblərimə bir kəlmə deyə bilərəm. Hazırlaşın, gəlirik.

117
Dieqo Armando Maradona, arxiv şəkli

Əfsanəvi Dieqo Maradona vəfat etdi

58
(Yenilənib 20:55 25.11.2020)
Dieqo Maradona 1986-cı ildə Argentina yığmasının futbol üzrə dünya çempionu olmasında həlledici rol oynayıb.

BAKI, 25 noyabr - Sputnik. Dünya futbolunun əfsanəsi Dieqo Armando Maradona dünyasını dəyişib.

Sputnik Azərbaycan RİA Novosti-yə istinadən xəbər verir ki, argentinalı hücumçu 60 yaşında vəfat edib. O, bir neçə gün əvvəl La-Plata klinikasında beyin əməliyyatı keçirdiyinə baxmayaraq, ölümü başqa səbəbdən olub. Maradona infarktdan həyatını itirib. 

Dieqo Maradona 1986-cı ildə Argentina yığmasının dünya çempionu olmasında həlledici rol oynayıb.

Dieqo Armando Maradona 1960-cı il oktyabr ayının 30-da Argentinanın Villa Fiorito şəhərində anadan olub. Futbol karyerasına 10 yaşından başlayıb. 1976-cı ildə "Argentinos Xuniors" klubunda ölkə çempionatı matçına çıxan Maradona 1979-cu ildə keçirilən gənclər arasında dünya çempionatına qatılıb.

O, 1982-ci ildə o dövr üçün rekord məbləğə – 4 milyon dollara İspaniya "Barselona"sına transfer olub. İki il sonra İtaliya "Napoli"sinə keçən Maradona Neapolda 1991-ci ilədək qalıb. O, Argentina millisinin şərəfini qoruduğu 91 matçda 34 qol vurub.

1986-cı ildə Argentina yığmasının qızıl medal qazandığı dünya çempionatında Maradonanın 1/4 finalda İngiltərə yığmasının qapısından əl ilə keçirdiyi top uzun müddət müzakirə mövzusu olub. Səbəbkarın özü hakimin hesaba aldığı topu "tanrının əli" vasitəsilə qapıdan keçirdiyini bildirib.

1991-ci ildə İtaliya çempionatı matçından sonra dopinq-testdən keçən Maradonanın kokain qəbul etdiyi aşkarlanıb. İki il sonra İspaniya "Sevilya"sına transfer olan futbolçu 1994-cü il dünya çempionatında forma geyib. Lakin onun yenə qadağan olunmuş dərman preparatı qəbul etdiyi ortaya çıxdığından, 15 aylıq diskvalifikasiya olunaraq, yarışdan kənarlaşdırılıb.

Cəzalı olduğu müddətdə o, vətənində "Deportivo Mandiyu" və "Rasinq" klublarında baş məşqçi kimi çalışıb, diskvalifikasiyası başa çatdıqdan sonra isə o, "Boka Huniors"a qayıdıb. Lakin kokain aludəçiliyindən qurtula bilməməsi üzündən 1997-ci ildə futbolçu karyerasını başa vurub.

Eniş-çıxışlarla, qalmaqallarla zəngin həyatına baxmayaraq, Maradona 2000-ci ildə FİFA tərəfindən braziliyalı Pele ilə birgə XX əsrin ən yaxşı futbolçusu seçilib. Lakin o, təntənəli mərasimdə öz mükafatını aldıqdan sonra Pelenin də təltif olunmasını gözləmədən zalı tərk edib. O, ertəsi gün verdiyi açıqlamada yalnız özünü dünyanın ən yaxşı futbolçusu hesab etdiyi üçün belə addım atdığını bildirib.

58
Teqlər:
Argentina, hücumçu, Dieqo Maradona, Vəfat
Qalatasaray azarkeşləri, arxiv şəkli

Türkiyənin məşhur klubundan şəhidimizlə bağlı jest

42
(Yenilənib 21:08 24.11.2020)
"Qalatasaray"ın növbəti oyunlarından birində stadionda şəhidimiz Muradın səs yazısı səslənəcək, oyunçular Fərid yazılı forma ilə oyuna çıxacaqlar.

BAKI, 24 noyabr — Sputnik. "Qalatasaray"ın növbəti oyunlarından birində stadionda şəhidimiz Murad Məmmədovun səs yazısı səslənəcək, oyunçular Fərid yazılı forma ilə oyuna çıxacaqlar. Sputnik Azərbaycan-ın məlumatına görə, bu barədə CBC Sportun idman şərhçisi Gündüz Abbaszadə məlumat yayıb. O bildirib ki, şəhidin ailəsi "Qalatasaray"ın oyununa dəvət olunacaq. Klub şəhidimizin məzarını ziyarət edəcək: ""Qalatasaray" prezidentinin köməkçisi Yusuf Günay bir az əvvəl telefon danışığımızda mənə bunları dedi. Fərid və Muradın ailəsinin nömrələrini də istədi. Tapdıq, göndərdik. Bununla yanaşı, Türkiyə TV-lərində bu haqda xəbərlər olacaq. Ümid edirəm, ruhları şaddır!"

Xatırladaq ki, Vətən müharibəsində torpaqlarımızın azad edilməsi uğrunda qəhrəmancasına döyüşərək şəhid olan Fərid Dursunovun son istəklərindən biri azarkeşi olduğu Türkiyənin "Qalatasaray" klubu ilə bağlı olub. Qax rayonundan olan Fərid "Şəhid olsam, məzarıma Azərbaycan bayrağı ilə yanaşı "Qalatasaray"ımın bayrağını da asarsınız", - deyə dostlarından xahiş edib. Şəhidlik zirvəsinə ucalandan sonra isə yoldaşları onun bu istəyini yerinə yetiriblər. Qəhrəmanımızın məzarına üçrəngli Azərbaycan bayrağı ilə yanaşı, "Qalatasaray" bayrağı da asılıb. Eyni zamanda sosial şəbəkələrdə gəncin dostları və digər fəallar məsələ ilə bağlı "Qalatasaray" klubunun rəhbərliyinə məlumat verdiklərini bildiriblər. Qeyd edilib ki, klub rəsmiləri də şəhidin xatirəsini əbədiləşdirmək məqsədilə müəyyən rəsmi addımlar atacaqlarını vurğulayıblar.

42
Teqlər:
bayraq, arzu, Qax, azərbaycanlı, şəhid, "Qalatasaray" futbol klubu, Türkiyə

Cəbhəyanı ərazilərdə onlarla tank piyada əleyhinə mina, bombacıqlar aşkarlandı

0
Mina təhlükəsinə dair maarifləndirmə üzrə mütəxəsisslər tərəfindən 80 141 nəfər mülki şəxs arasında mina təhlükəsizliyinə dair maarifləndirmə təbliğatı aparılıb.

BAKI, 26 noyabr - Sputnik. Azərbaycan Respublikası Ərazilərinin Minalardan Təmizlənməsi üzrə Milli Agentliyə (ANAMA) Ağcabədi, Ağdam, Beyləqan, Füzuli, Goranboy, Göygöl, Tərtər rayonları ərazisində mərmilərin aşkar olunması barədə Daxili İşlər Nazirliyinin ″102″ Xidməti-Zəng mərkəzi sistemindən 38 və Fövqəladə Hallar Nazirliyinin Böhran Vəziyyətlərində İdarəetmə mərkəzindən 7 müraciət daxil olub.

ANAMA-dan Sputnik Azərbaycan-a verilən məlumata görə, daxil olmuş 45 çağırış əsasında agentliyin xüsusi mobil çevik əməliyyat qrupları tərəfindən Daxili İşlər Nazirliyinin əməkdaşları ilə birlikdə 28 operativ və təxirəsalınmaz əməliyyat çıxışı həyata keçirilib.

Aparılmış əməliyyat-axtarış tədbirləri zamanı 71 ədəd partlamamış hərbi sursat (PHS), 2 ədəd tank əleyhinə mina, 42 ədəd piyada əleyhinə mina, 4 ədəd bombacıq və 40 ədəd partlamış mərmi qalıqları aşkar olunub.

Agentliyin partlayış qrupu tərəfindən 26 ədəd mina və partlamamış hərbi sursat (PHS), 4 ədəd bombacıq zərərsizləşdirilib, mina təhlükəsinə dair maarifləndirmə üzrə mütəxəsisslər tərəfindən 80 141 nəfər mülki şəxs arasında mina təhlükəsizliyinə dair maarifləndirmə təbliğatı aparılıb.

0