affa

Azərbaycanın futbol klubları 100 min manat cərimələndi

151
AFFA-nın İntizam Komitəsi 10 ən güclü klubu ümumilikdə 100400 manatlıq cəza tətbiq edib.

BAKI, 22 dek-Sputnik. Topaz Premyer Liqasında 2015/16 mövsümünün ilk yarısında klublara 98200 manat cərimə tətbiq olunub.

Sputnik Apasport-a istinadla xəbər verir ki, yüksək liqa klublarının ölkə kubokunda da 2200 manat cərimələndiyini nəzərə alsaq, AFFA-nın İntizam Komitəsi 10 ən güclü klubu ümumilikdə 100400 manatlıq cəza tətbiq edib.

İntizam Komitəsi daha çox AFFA-ya yaxınlığı deyilən klublara cəza kəsib. Belə ki, "Kəpəz" hamıdan çox — 18200, "Sumqayıt" isə 17800 manat ziyana düşüb. "İnter"ə də ilk 18 tur baha başa gəlib — 16400.

Əvvəlki illərdə böyük cərimələri ödəməsi ilə diqqət çəkən "Neftçi" və "Xəzər Lənkəran" növbəti pillələrdə yer alıb — müvafiq olaraq, 11800 və 7800 manat.

Premyer Liqaya bu il yüksələn "Zirə" 7600, "Rəvan" isə min manat az ödəyib. AZAL və "Qarabağ" nisbətən az — hərəyə 5000 manatlıq cəriməyə yol verib. Daha intizamlı olan "Qəbələ" isə cəmi 4200 manat ziyana düşüb.

151
Teqlər:
Topaz, Premyer Liqa, Kəpəz, Neftçi, Sumqayıt, İnter, Topaz Premyer Liqası, AFFA, Azərbaycan Respublikası