Futbol, azarkeşlər, Gent-Zenit

Rus azarkeşlərə stadiona giriş qadağan olundu

1109
Daniel Termont: Bu şəhərdə çoxlu sayda türklər yaşayır, ona görə də rus tərəfdarlara stadiona gəlməməyi tövsiyyə edirəm.

BAKI, 2 dek — Sputnik. UEFA Çempionlar liqasının növbəti turunda oynanılacaq Gent-Zenit matçında rus azarkeşlərin stadiona girişinə qadağa qoyulub. Bu barədə Belçikanın Gent şəhər bələdiyyə başçısı Daniel Termont məlumat verib.

Termont, Gent şəhərində çoxlu sayda türklərin yaşadığını səbəb göstərərək rus tərəfdarların stadiona gəlməməsini tövsiyyə edib. Bələdiyyə başçısı, Zenitə azarkeşlik edənlərin stadiona buraxılmayacağını deyib.

"Rusiya-Türkiyə arasındakı gərgin münasibətləri nəzərə aldığımız üçün, rus dostlarımızın stadiona girişini doğru hesab etmirik. Çünki Gent şəhərində çoxlu sayda türklər yaşayır", deyə Daniel Termont əlavə edib.

Mövzu ilə bağlı Rusiya İdman naziri Vitali Mutko da açıqlama verib.

Mutko, qərarın normal olmadığını, bu səbəblə də UEFA-ya şikayət edəcəklərini bildirib.

1109
Teqlər:
Zenit, Gent, UEFA, Vitali Mutko, Rusiya, Türkiyə, futbol, Rusiya İdman naziri Vitali Mutko, Gent-Zenit matçı, Daniel Termont, Belçika
Uruqvaylı futbolçu Franko Akosta (mavi formada), arxiv şəkli

Məşhur ispan futbolçu çayı keçərkən yoxa çıxıb

15
(Yenilənib 11:38 07.03.2021)
Dənizdə xilasetmə və axtarış üzrə koordinasiya mərkəzi həmin əraziyə hərbçiləri və dəniz piyadalarını çıxarıb. Ölkənin Hərbi Dəniz Qüvvələri futbolçunu axtardıqlarını açıqlayıb.

BAKI, 7 mart — Sputnik. İspaniyanın "Vilyarreal" klubunun sabiq futbolçusu vətəni Franko Akosta Uruqvayda çayı keçməyə cəhd edərkən itkin düşüb.

Sputnik Azərbaycan Report-a istinadla xəbər verir ki, Uruqvay dənizçiləri və polisləri 25 yaşlı hücumçunun axtarışına başlayıblar.

Hadisə martın 6-da gündüz saatlarında baş verib. Akosta Kanelones departamentində qardaşı ilə çayı keçmək istəyərkən, yoxa çıxıb. Polisi məhz onun qardaşı məlumatlandırıb.

Dənizdə xilasetmə və axtarış üzrə koordinasiya mərkəzi həmin əraziyə hərbçiləri və dəniz piyadalarını çıxarıb. Ölkənin Hərbi Dəniz Qüvvələri futbolçunu axtardıqlarını açıqlayıb.

Qeyd edək ki, Franko Akosta 2020-ci ilin yayından Uruqvayın "Atenas" komandasının formasını geyinir. Hazırda onun transfer məbləği 125 min avro qiymətləndirilir.

15
Formula-1 üzrə Azərbaycan Qran-prisi, arxiv şəkli

Ciddi məhdudiyyət: Bakıda "Formula-1"də azarkeşlər yerli TV olmayacaq

22
(Yenilənib 22:58 02.03.2021)
Azərbaycan Qran-prisinin təşkilatçıları bu il paytaxtımızda "kral yarışları"nın necə keçiriləcəyindən danışıblar.

BAKI, 2 mart — Sputnik, Teymur Tuşiyev. "Formula 1"in Azərbaycan Qran-prisinin reqlamentində bir sıra dəyişikliklər baş verib. Sputnik Azərbaycan xəbər verir ki, bu barədə Baku City Circuit (BCC) əməliyyat şirkətinin brifinqində məlumat verilib.

"Formula 1" Azərbaycan Qran-prisi bu ilin 4-6 iyun tarixlərində Bakı küçələrində təşkil olunacaq. Keçən il yarış koronavirus pandemiyası səbəbindən baş tutmamışdı. Epidemiya əleyhinə tədbirlərlə əlaqədar olaraq, yarışın Bakı mərhələsi tamaşaçısız keçiriləcək, buna görə stendlərin və əyləncə zonasının inşası nəzərdə tutulmur və konsertlər də təxirə salınır. Bundan başqa, həftəsonları mükafatlandırma mərasimləri sadələşdirilmiş formada, yarış iştirakçıları üçün mətbuat konfransları isə onlayn keçiriləcək.

Azərbaycan Qran-prisinin təşkilatçıları azarkeşlər olmasa da yarışın Bakıda keçirilməsinin vacibliyini vurğulayıblar.

"Bu qədər ciddi məhdudiyyətləri nəzərə alsaq, ortaya belə bir sual çıxa bilər: bu şəraitdə yarışı keçirməyin nə mənası var? Bildiyiniz kimi, "Formula 1" yarışları ölkənin turizm potensialını nümayiş etdirir, buna görə də onun keçirilməsi böyük əhəmiyyət daşıyır ", – deyə BCC-dən bildirilib.

Yeri gəlmişkən, BCC-nin Azərbaycan Qran-prisini keçirməkdən imtina etməməsinin daha bir səbəbi əks halda təşkilatçıların cərimə ödəməli olmasıdır. Cərimənin məbləği isə açıqlanmayıb.

Məhdudiyyətlər KİV nümayəndələrindən də yan keçməyib. Sosial məsafəyə riayət olunması qaydalarına görə, mətbuat mərkəzində jurnalistlər üçün yerlərin sayının 400-dən 150-yə endirilməsi nəzərdə tutulub. Həmin yerlər xarici və yerli jurnalistlər arasında bərabər şəkildə bölünəcək. Bununla belə, yerli telekanallar və radiolar Azərbaycan Qran-prisi üçün akkreditasiya əldə edə bilməyəcəklər.

Təşkilatçılar treklərin hazırlanması ilə bağlı əsas işlərin bu ilin may ayında yerinə yetiriləcəyi, bununla əlaqədar paytaxtın bəzi küçələrində nəqliyyatın hərəkətinin məhdudlaşdırılacağını də bildiriblər.

Eyni zamanda, qeyd ediblər ki, könüllülərdən müraciətlərin qəbulu artıq başa çatıb. Bu prosesə start veriləndən sonrakı 60 saat ərzində könüllülərdən təxminən yeddi min ərizə daxil olub. Marşallardan da ərizə qəbulu yekunlaşıb.

Qeyd edək ki, bu il marşalların sayı 150 nəfər artırılacaq.

22
Teqlər:
Formula-1 yarışı, Formula 1

Elmar Məlikov sərvət qazandıran tullantılardan danışır

0
(Yenilənib 14:53 09.03.2021)
“Təmiz Şəhər” ASC-nin ictimaiyyətlə əlaqələr şöbəsinin müdiri Elmar Məlikov deyir ki, tullantıların idarə olunması sadəcə həmin yerin tullantılardan təmizlənməsi deyil, həm də qlobal səviyyədə ortaya çıxan iqlim probleminin həllində də çox vacib yer tutur
Elmar Məlikov: “Tullantılar düzgün idarə olunmadığı təqdirdə böyük fəsadlar ortaya çıxa bilər”

“Tullantıların idarə olunması bütün dünyada aktual mövzudur”. Bunu Sputnik Azərbaycan Multimedia Mətbuat Mərkəzində keçirilən tədbirdə “Təmiz Şəhər” ASC-nin ictimaiyyətlə əlaqələr şöbəsinin müdiri Elmar Məlikov deyib.

O bildirib ki,  bu sahədə təkmilləmələr gedir, yeni texnologiyalar tətbiq edilir:

“Tullantıların idarə olunması sadəcə həmin yerin tullantılardan təmizlənməsi deyil, həm də qlobal səviyyədə ortaya çıxan iqlim probleminin həllində də çox vacib yer tutur. Tullantılar düzgün idarə olunmadığı təqdirdə böyük fəsadlar ortaya çıxa bilər. Tullantıların idarə olunması mürəkkəb prosesdir”.

Elmar Məlikovun fikirlərinə audiofaylda qulaq asa bilərsiniz

0