"Qalatasaray" futbol komandasının baş məşqçisi məlum olub
BAKI, 23 noy-Sputnik. Türkiyənin "Qalatasaray" (Galatasaray) futbol komandasının yeni baş məşqçisi bəlli olub.
Sputnik APA-ya istinadən xəbər verir ki, klub ölkənin ən tanınmış futbol mütəxəssislərindən olan Mustafa Dənizli ilə anlaşıb.
Bu gün "Qalatasaray" prezidenti Dursun Özbək Mustafa Dənizli ilə görüşüb və razılıq əldə edib. Hələlik tərəflər arasında rəsmi müqavilə imzalanmayıb. Anlaşmanın 1,5 illik olacağı xəbər verilir. "Klub rəhbərliyi olaraq boşalan texniki direktor vəzifəsinə Mustafa Dənizlinin gətirilməsinə qərar verdik. Bu qərarımızı ona bildirdik. Xocamız təklifi prinsipcə qəbul etdi. Onun "Qalatasaray"a xidmətlərini anlatmağa ehtiyac yoxdur. Bir-iki gün ərzində rəsmi müqavilə imzalanacaq", — deyə D. Özbək söyləyib.
M. Dənizli isə çox həyəcanlı olduğunu deyib: "Karyerama "Qalatasaray"da başladım və inşallah, burada yekunlaşdıracağam. Mən burada yetişdim və bir gün karyeramı, uğurlarımı riskə atmalı olsam, bu klub məhz "Qalatasaray" olacaqdı. Təklifi qürurla qəbul edirəm".
Qeyd edək ki, "Qalatasaray" rəhbərliyi ötən həftə baş məşqçi Hamza Hamzaoğlunu vəzifədən uzaqlaşdırıb. Hazırda komanda Super Liqada lider "Beşiktaş"dan 7 xal geri qalır və 3-cü sıradadır.
Teqlər:
Hollivudla əməkdaşlıq edən məşhur idmançı "Oscar" almaq istəyir
BAKI, 22 fevral — Sputnik. Peşəkar karyerasını bitirdiyini elan edən məşhur rusiyalı döyüşçü Həbib Nurməhəmmədov karyerası haqqında film çəkilişləri üçün Hollivudla çalışdığını və "Oscar" qazanmağı planlaşdırdığını söyləyib.
Sputnik Azərbaycan xarici mediaya istinadən xəbər verir ki, döyüşçü hazırda sənədli film üzərində işləyir: "Təxminən bir il yarım lazımdır. "Oscar" qazanmaq istəyirik. 20 dəqiqə ərzində "Oscar"lıq film çəkmək o qədər də asan deyil. Hollivudla birlikdə işləyirik. Çox güman ki, dərhal kinoteatrlarda nümayiş olunacaq. Bu normal bir hekayədir, dağdan gələn oğlan çəki kateqoriyasından asılı olmayaraq ən yaxşı döyüşçü oldu, məğlub olmadı".
Xatırladaq ki, 32 yaşlı Nurməhəmmədov Castin Qeyjini UFC 254 turnirinin ikinci turunda "üçbucaq" boğma fəndindən istifadə edərək məğlub edib. Döyüşdən sonra rusiyalı karyerasını bitirdiyini elan edib. Onun hesabında 29 MMA döyüşündə 29 qələbə, o cümlədən UFC-nin 13 döyüşündə 13 qələbə var.
Teqlər:
Dünyanın ən yaxşı futbolçusu qəmə batdı: əzizini COVID apardı
(Yenilənib 14:41 21.02.2021)
Ronaldinyo 71 yaşlı anası Migelinanın xəstəxanaya aparıldığını hələ ötən ilin dekabrında sosial şəbəkədə yazmışdıBAKI, 21 fevral - Sputnik. Futbol ulduzu Ronaldinyo Qauçonun anası koronavirusdan vəfat edib.
Sputnik Azərbaycan bildirir ki, bu barədə Mundo Deportivo xəbər yayıb.
Ronaldinyo 71 yaşlı anası Migelinanın xəstəxanaya aparıldığını hələ ötən il dekabrın 21-də sosial şəbəkədə yazmış, anasının intensiv terapiya şöbəsinə yerləşdirildiyini və həkimlərin tam qayğısı ilə əhatə olunduğunu demişdi.
😔 ¡LAMENTABLE NOTICIA DESDE BRASIL!
— Telemundo Deportes (@TelemundoSports) February 21, 2021
😥 La madre de @10Ronaldinho falleció a sus 71 años por #COVIDー19.
Conoce los detalles 👉👉 https://t.co/Ij426baAg8 pic.twitter.com/vruYSmWN1M
Ronaldinyo 2018-ci ildə futbolçu karyerasına son qoyub. O, 2003-2008-ci illərdə "Barselona"nın heyətində iki dəfə İspaniya çempionu, bir dəfə isə Çempionlar Liqasının qalibi olub.
Teqlər:
Qubadlının Əfəndilər kəndinin görüntüləri - VİDEO
BAKI, 27 fevral — Sputnik. Müdafiə Nazirliyi Qubadlı rayonunun Əfəndilər kəndindən videogörüntülər yayıb.
Sputnik Azərbaycan həmin görüntüləri təqdim edir:
Teqlər: