Kəpənək, arxiv şəkli

Abşerona hücum edən kəpənəklərin tırtılları iki il ərzində ziyan vuracaqlar

615
(Yenilənib 14:49 09.09.2021)
Bioloqun sözlərinə görə, bəzi kəpənəklərin qanadlarının üzərindəki tozcuqlar allergiyalı şəxslərə əks təsir göstərə bilərlər.

BAKI, 9 sentyabr — Sputnik. Abşeron yarımadası və Sumqayıtda kəpənəklərin kütləvi axını və hərəkəti müşahidə edilir. Son günlər bu barədə sosial şəbəkə istifadəçiləri məlumatlar və fotolar paylamaqda davam edirlər. Onlar qəfil qonaq gələn bu həşəratların insanlara və təbiətə ciddi zərər vuracağından narahatdırlar. Sputnik Azərbaycan insanların narahatlığına son qoymaq üçün bu kəpənəklərin zərərlərini araşdırıb. 

Azərbaycan Milli Elmlər Akademiyasının Zoologiya İnstitutunun aparıcı elmi işçisi, biologiya üzrə fəlsəfə doktoru İradə Nuriyeva Sputnik Azərbaycan-a bildirib ki, kəpənəklərin inkişafı müəyyən dövrlərdə müşahidə olunur. 10-12 ildən bir onların inkişafı, artımı, kütləvi çoxalması pik həddə çatır:

"Belə olan halda kəpənəklərin çoxalması kütləvi halda olur. Hazırda görülən kəpənəklər Azərbaycan dilində "Çəmən kəpənəkləri" adlanır. Bu kəpənəklər "odlucalar" qrupuna aiddir Odur ki, ona bəzən “çayır odlucası” da deyilir. Kəpənəklər özləri yox, əsasən onların tırtılları ziyanverici olurlar. Bu ziyanvericilər əsasən bitkilərlə qidalanırlar və iki ildən artıq müddətdə bitkilərə ziyan vururlar".

Həmsöhbətimiz deyir ki, tırtıllar əsasən tərəvəz, taxıl bitkilərinə zərər vururlar: "Yazda görünməyə başlayan bu tırtılların payızda ziyan verəcəkləri bitkilər qalmır. Bu tırtıllar eyni zamanda paxlalı bitkilər, cökə çuğunduru, arpa, buğda, kartof, alaq bitkilərinə də ziyan vururlar".

Bioloqun sözlərinə görə, son zamanlar havaların küləkli keçməsi ilə əlaqədar olaraq kəpənəklər digər ərazilərə də yayılırlar: "Ola bilsin ki, bu kəpənəklər Abşeron yarımadasının hansısa ərazisində lokal şəkildə peyda olublar, lakin artıq küləklə başqa ərazilərə də yayılıblar. Bu isə o deməkdir ki, hazırda tırtılların olmadığı ərazilər də gələn il onların zərərli hücumuna məruz qala bilər".

Onların gecə kəpənəkləri olduğunu və əsasən alatoranlığa gəldiyini söyləyən həmsöhbətimiz bildirir ki, bəzi kəpənəklərin qanadlarının üzərindəki tozcuqlar allergiyalı şəxslərə əks təsir göstərə bilər. Bu kəpənəklərin başqa zərərləri yoxdur.

İ.Nuriyevanın sözlərinə görə, bu kəpənəklər ehtimal ki, Abşeronda 4 nəsil verirlər: "Adətən 4-cü nəsil payızda peyda olur. Hazırda bizim rast gəldiyimiz kəpənəklər 4-cü nəslin kəpənəkləridir. Ümumiyyətlə, qeyd edim ki, kəpənəklərin həyatı 4-20 gün olur. Ola bilsin ki, bu kəpənəklər bir həftədən sonra məhv oldular".

Tırtılların zərərləri ilə mübarizəyə gəldikdə isə İ.Nuriyeva aqronomların bu işlə məşğul olmalarının vacibliyini vurğulayıb.

Ötən ilin may ayında isə Bakıda kəpənəklərin kütləvi axını müşahidə olunurdu. İ.Nuriyevanın sözlərinə görə, ötən il Bakıda yayılan "Amerika ağ kəpənəyi" idi. Builki kəpənəklər isə xırdadır və boz rəngdədirlər.

615

İyirmidən çox ölkənin nümayəndəsi Bakıda təhsil dizaynını müzakirə edir

474
Tədbirdə dünyanın 20-dən çox ölkəsindən beynəlxalq və yerli ekspertlər həm də onlayn formatda təmsil olunurlar.

BAKI, 24 sentyabr — Sputnik. Heydər Əliyev Mərkəzində "Post COVID-19 və 4-cü sənaye inqilabı perspektivlərindən təhsilin dizaynı" mövzusunda beynəlxalq konfrans işə başlayıb.

Sputnik Azərbaycan xəbər verir ki, Heydər Əliyev Mərkəzi, Kənd Təsərrüfatı Nazirliyi və Təhsil Nazirliyinin təşkilatçılığı, Azərbaycan Dövlət Turizm Agentliyi, "Regional İnkişaf" İctimai Birliyi, Azərbaycan Futuroloqlar Cəmiyyətinin - Minillik Layihəsinin Azərbaycan Respublikasındakı bölməsi və Bakı Media Mərkəzinin tərəfdaşlığı ilə keçirilən beynəlxalq konfrans "Nizami Gəncəvi İli"nə həsr olunub.

Xüsusi karantin rejiminin tələblərinə uyğun olaraq təşkil edilən tədbirdə dünyanın 20-dən çox ölkəsindən beynəlxalq və yerli ekspertlər həm də onlayn formatda təmsil olunurlar.

Dünyanın və Azərbaycanın aparıcı universitetlərinin, araşdırma mərkəzlərinin mütəxəssisləri və peşəkarlarının da təmsil olunduğu beynəlxalq konfrans rəqəmsal transformasiyanın təhsil, aqrar sahəsi, kommunikasiya və texnologiyalara, əmək bazarına təsiri mövzularını əhatə edir.

Eyni zamanda, konfransda "Sənaye 4.0 və yeni təhsil texnologiyaları", "Bilik idarəçiliyi", "Rəqəmsal kənd təsərrüfatı", "İqtisadiyyatın rəqəmsallaşması", "Süni intellekt və etika", "Rəqəmsal dövr: İqtisadiyyat və təhsil sisteminə təsir" və "Rəqəmsal dövrdə yeni peşələr" kimi mövzular 4 panel üzrə müzakirə ediləcək.

Konfransın işinə UNICEF, UNESCO, Dünya İqtisadi Forumunun və digər beynəlxalq təşkilatların nümayəndələrinin qoşulacağı gözlənilir.

Beynəlxalq spikerlər "Əmək bazarının yeni rəqəmsal təhsil tələbləri əsasında yenidən qurulması", "4-cü Sənaye İnqilabı dövründə peşəkar mütəxəssislərin yetişdirilməsi üçün mövcud olan qlobal siniflər", "4-cü Sənaye İnqilabı və "Əşyaların İnterneti" (IoT) üçün yeni bir təhsil yolu", "Onlayn tədrisin keyfiyyətinin artırılması", "Ölkələrarası əməkdaşlıq 4-cü Sənaye İnqilabı üzrə təşəbbüsü dəstəkləyir" və digər mövzularda təqdimatla çıxış edəcəklər.

Qeyd edək ki, beynəlxalq konfransın məqsədi 4-cü Sənaye İnqilabının təsirləri və çağırışları ilə yaranacaq yeni formatlı təhsillə əlaqədar iqtisadiyyatın müxtəlif sahələrində baş verən dəyişikliklərə uyğun olaraq bilik və bacarıqların formalaşdırılması üçün zəruri tədbirlərin görülməsinin vacibliyini cəmiyyətə çatdırmaqdır.

474
Teqlər:
Bakı, konfrans, sənaye, inqilab
Lənkəranda magistraturaya qəbul imtahanının ikinci cəhdi, 26 may 2021-ci il

Universitetlərdə dərs saatı 80 dəqiqəyə endirilir

27
Şöbə müdirinin sözlərinə görə, dərslər fasiləsiz şəkildə olduqda 80 dəqiqə, əks halda 45 dəqiqə olması təklif edilir.

BAKI, 23 sentyabr — Sputnik. Ali məktəblərdə dərs saatının 90 dəqiqədən 80 dəqiqəyə endirilməsi təklif edilib. Sputnik Azərbaycan-ın məlumatına görə, bu barədə Təhsil Nazirliyinin Elm, ali və orta ixtisas təhsili şöbəsinin müdiri Nicat Məmmədli açıqlama verib.

Şöbə müdirinin sözlərinə görə, dərslər fasiləsiz şəkildə olduqda 80 dəqiqə, əks halda 45 dəqiqə olması təklif edilir: "Bu, universitetlərin verəcəyi qərardır. Amma biz tövsiyə etmişik ki, 80 dəqiqəlik dərslər olsun. Beləliklə, tələbələrin tənəffüsə çıxmalarının və təmasların sayının az olmasına səbəb olacaq. Yəqin ki, belə davam etsə, 80 dəqiqəlik dərslər keçiriləcək".

N.Məmmədli universitetlərdə müəyyən qruplarda koronavirusa kütləvi yoluxma halının qeydə alınması təhlükəsinə də toxunub. Nazirlik rəsmisinin sözlərinə görə, belə hallar baş verərsə, həmin qruplarda dərslərin dayandırılması ilə bağlı təhsil müəssisəsi özü qərar verəcək:

"Həmçinin şənbə gününə dərslərin salınması da ali təhsil müəssisəsinin öz ixtiyarındadır. Təhsil müəssisəsi istədiyi halda şənbə günləri də tədrisin keçirilməsini nəzərdə tuta bilər. Şənbə günləri ictimai nəqliyyatın işləməməsi aktual məsələdir. Sözsüz ki, bununla bağlı müvafiq orqanlar artıq qərar verməli olacaqlar".

Həmçinin oxuyun:

"Mühafizəçiyə silah vermək olmaz": Bəs tələbəni necə qorumalı?

27
Teqlər:
universitet, dərs
Elektrik xətləri, arxiv şəkli

İES-lərin enerji hasilatında artım, SES-lərin hasilatında isə azalma var