Sinif otağında müəllim, arxiv şəkli

35 min müəllim əyani tədrisə buraxılmaya bilər

48
(Yenilənib 19:01 25.08.2021)
Koronavirus pandemiyası dövründə sağlamlığına həssas yanaşan təhsil işçiləri zəruri olan vaksinasiya prosesində fəal iştirak edirlər. Paytaxt üzrə 37 məktəbdə təhsil işçilərinin 90 faizindən çoxu vaksinasiyadan keçib.

BAKI, 25 avqust — Sputnik. Yeni tədris ili yaxınlaşdıqca pandemiya dövründə təhsil müəssisələrində tətbiq ediləcək qaydalar daha çox müzakirə mövzusuna çevrilir. Ötən gün Bakı Şəhəri üzrə Təhsil İdarəsinin müdiri Mehriban Vəliyeva bildirib ki, COVID-19 pasportu olmayan təhsil işçiləri ilə bağlı məhdudiyyətlər olacaq, amma hələ ki, onlar açıqlanmır:

"Hələlik bunlar müzakirə mərhələsindədir. Pasportu olan şəxslər isə rahat tədrisə cəlb olunacaqlar. Çünki onlar digər şəxslərə risk yaratmayacaqlar".

Sputnik Azərbaycan peyvənd olunmayan müəllimlərin əyani tədris prosesindən kənarda saxlanılmasının təhsilin keyfiyyətinə təsirini araşdırıb.

Təhsil eksperti Kamran Əliyev Sputnik Azərbaycan-a açıqlamasında bildirib ki, tədris prosesinə cəlb olunan müəllimlərin vaksinasiyası vacib şərtdir. Ekspert burada ən vacib amilin təhsilin keyfiyyəti yox, sağlamlıq olduğunu söyləyir:

"Azərbaycanda hər iki ailədən biri məktəblə bağlıdır. Ölkə üzrə 4447 məktəbdə 150 min müəllim çalışır. Əgər əyani tədrisə cəlb olunan müəllimlər peyvənd olunmayıblarsa bu həm cəmiyyətin, həm də müəllim və şagird kontingentinin həyatı üçün riskdir. Müəllimlər təhsilin keyfiyyətli olmasında maraqlıdırlarsa vaksin olunmalıdırlar. Çünki, tədrsin keyfiyyəti qədər insanların sağlamlığı da önəmlidir. Əgər sağlamlıq yoxdursa təhsil də olmayacaq", - deyə K.Əliyev bildirib.

K.Əliyev bu məsələdə orta məktəblərlə müqayisədə ali məktəblərdə ciddi fərq olduğunu söyləyir. Onun sözlərinə görə, ali məktəblərdə müəllim heyəti arasında vaksinasiya yüksək səviyyədədir. Risk qrupu sayılan müəllimlər də peyvənd olunub.

Qeyd edək ki, təhsil nazirinin müşaviri Rüstəm Ağayev bildirib ki, əks-göstəriş arayışı olan 35 minə yaxın təhsil işçisi, yəni onların 23,3%-i vahid əks göstəriş sertifikatı almaq üçün müraciət edib. Nazir müşaviri qeyd edib ki, ənənəvi təhsilə qayıtmaq üçün təhsil işçiləri nazirliyə dəstək olmalıdırlar, bunun da yolu vaksinasiyadır.

Bakı Şəhəri üzrə Təhsil İdarəsindən Sputnik Azərbaycan-a verilən məlumata görə, paytaxtda təhsil işçilərinin 26 486 nəfəri vaksinasiya prosesinə qoşulub:

"Azərbaycan Respublikasında COVID-19 xəstəliyi əleyhinə 2021-2022-ci illər üçün Vaksinasiya Strategiyası"na uyğun olaraq paytaxtdakı təhsil müəssisələrində çalışanların vaksinasiya prosesi davam edir. Bütün bunlar ənənəvi tədrisə davamlı keçid üçün həyata keçirilən zəruri tədbirlərin tərkib hissəsidir. Koronavirus pandemiyası dövründə sağlamlığına həssas yanaşan təhsil işçiləri zəruri olan vaksinasiya prosesində fəal iştirak edirlər. Qeyd edək ki, paytaxtın Pirallahı, Xəzər, Binəqədi, Nəsimi, Sabunçu, Yasamal və Suraxanı rayon məktəbləri vaksinasiyanı nümunəvi həyata keçirən təhsil müəssisələri sırasındadır. Paytaxt üzrə 37 məktəbdə təhsil işçilərinin 90 faizindən çoxu vaksinasiyadan keçib".

Təhsil Nazirliyinin İctimaiyyətlə Əlaqələr şöbəsinin rəhbəri Cəsarət Valehov Sputnik Azərbaycan-a açıqlamasında bildirib ki, respublika üzrə təhsil işçilərinin 220 min nəfərindən 140 minə yaxınına koronavirus əleyhinə peyvəndin hər iki dozası vurulub. 34 mindən çoxu isə əks göstərişlə bağlı arayış təqdim edib.

C.Valehov ali təhsil müəssisələrində çalışan müəllimlərin vaksinasiyasının isə Nazirlər Kabinetinin qərarı ilə tənzimləndiyini bildirib.

Həmçinin oxuyun:

Vaksinə əks göstəriş sertifikatını kimlər, necə əldə edə bilər?

48
Teqlər:
təhsil, müəllim, peyvənd, COVID-19 pasportu
Piyada keçidində insanlar, arxiv şəkli

Məktəblərin açılması ilə bağlı yol hərəkəti iştirakçılarına müraciət edilib

448
(Yenilənib 16:16 21.09.2021)
Piyadalara səki ilə hərəkət etməklə avtomobil yollarına çıxmamaq və hərəkət hissəsini piyada keçidləri ilə keçmək, valideynlərə isə azyaşlı uşaqları nəzarətsiz qoymamaq tövsiyə edilir.

BAKI, 21 sentyabr — Sputnik. Məktəblərin açılması ilə bağlı yol hərəkəti iştirakçılarına müraciət edilib.

Baş Dövlət Yol Polisi İdarəsinin (BDYPİ) İctimaiyyətlə əlaqələr şöbəsinin rəisi Namidan Piriyev Sputnik Azərbaycan-a açıqlamasında bildirib ki, sabahdan etibarən orta məktəblərdə ibtidai siniflər üçün əyani tədrisin başlanması küçə və prospektlərdə, xüsusilə də orta təhsil müəssisələrinin yerləşdiyi ərazilərdə nəqliyyat vasitələrinin və piyadaların hərəkət intensivliyinin artmasına səbəb olacaq: "Bunları nəzərə alaraq, bütün sürücülərdən xahiş edirik ki, yol hərəkəti qaydalarına ciddi riayət etsinlər, əsasən də fərdi nəqliyyat vasitələri ilə şagirdləri məktəbə aparan sürücülər dayanma-durma qaydalarını pozmamaqla avtomobillərini icazə verilən ərazilərdə saxlasınlar ki, digər hərəkət iştirakçılarının rahat və fasiləsiz hərəkətinə maneə yaratmasınlar".

Eyni zamanda, piyadalara səki ilə hərəkət etməklə avtomobil yollarına çıxmamaq və hərəkət hissəsini piyada keçidləri ilə keçmək, valideynlərə isə azyaşlı uşaqları nəzarətsiz qoymamaq tövsiyə edilir.

Qeyd edək ki, Nazirlər Kabinetinin qərarı ilə sabah - sentyabrın 22-də Azərbaycanda fəaliyyət göstərən orta məktəblərin ibtidai (I-IV) siniflərində ənənəvi formada yeni dərs ili başlayır.

448
Məktəb, arxiv şəkli

Məktəblərdə ilk dərs müəyyən edildi

14
(Yenilənib 12:37 21.09.2021)
Sabah - sentyabrın 22-də Azərbaycanda fəaliyyət göstərən orta məktəblərin ibtidai (I-IV) siniflərində ənənəvi formada yeni dərs ili başlayır.

 

BAKI, 21 sentyabr — Sputnik. Yeni tədris ilində I-XI siniflərdə ilk dərs "Qarabağ Azərbaycandır!" mövzusuna həsr olunacaq.

Sputnik Azərbaycan-ın xəbərinə görə, bu barədə Təhsil Nazirliyinin İctimaiyyətlə əlaqələr şöbəsinin müdiri Cəsarət Valehov məlumat verib.

Qeyd edək ki, sabah - sentyabrın 22-də Azərbaycanda fəaliyyət göstərən orta məktəblərin ibtidai (I-IV) siniflərində ənənəvi formada yeni dərs ili başlayır. Digər siniflər və məktəbdənkənar müəssisələrdə isə sentyabrın 29-dan həftədə beş dəfə olmaqla əyani tədrisə başlanacaq.

Orta ixtisas, peşə təhsili müəssisələri və universitetlərdə də tədris sentyabrın 29-dan əyani olaraq (bəzi istisnalar olmaqla) həyata keçiriləcək. Tədris olunmayan dərs saatları il ərzində tətil günləri hesabına bərpa ediləcək.

2021-2022-ci tədris ilində ölkənin ümumi təhsil müəssisələrində ümumilikdə 1 589 829 şagirdin təhsil alacağı proqnozlaşdırılır.

Ümumtəhsil məktəblərinin I sinfində 158 608, IX sinfində 132 881, XI sinfində isə 91 538 şagird təhsil alacaq.

Eləcə də oxuyun:

14
Teqlər:
məktəb, ilk, dərs
Qəza, arxiv şəkli

Hadisə yerindən yayınan sürücülərə xəbərdarlıq