İmtahan, arxiv şəkli

Avqustun 11-də növbəti imtahanlar keçiriləcək

41
(Yenilənib 10:43 09.08.2021)
İmtahanların başlanmasına 15 dəqiqə qalmış – saat 09:45-də buraxılış rejimi başa çatır. Bundan sonra gələn iştirakçılar imtahan binasına buraxılmır.

BAKI, 9 avqust — Sputnik. Dövlət İmtahan Mərkəzi avqustun 11-də növbəti imtahanlar keçirəcək. Mərkəzdən Sputnik Azərbaycan-a verilən məlumata görə, ümumi (9 illik) orta təhsil səviyyəsi üzrə aşağıdakı imtahanların keçirilməsi nəzərdə tutulub.

1. Əvvəlki illərin məzunları üçün orta ixtisas təhsili müəssisələrinə qəbul imtahanı;

2. Müsabiqədə buraxılış imtahanında verdiyi xarici dildən fərqli dil üzrə iştirak etmək istəyənlər üçün əlavə xarici dil imtahanı;

3. Qəbul imtahanını buraxılış imtahanında verdiyi dildən fərqli dil üzrə vermək istəyənlər üçün əlavə imtahan;

Yuxarıdakı 3 kateqoriyaya aid olan abituriyentlər buraxılış vərəqəsini verilən linkdən (https://eservices.dim.gov.az/brxv) çap edirlər.

4. İyun ayında keçirilən buraxılış imtahanlarında üzrlü səbəbdən iştirak edə bilməyən şagirdlər üçün buraxılış imtahanı;

5. Eksternat qaydasında imtahan verənlər üçün buraxılış imtahanı.

4-cü və 5-ci kateqoriyaya aid olan şagirdlər isə imtahana buraxılış vərəqəsini bu linkdən (https://eservices.dim.gov.az/sagirdbv/?frm=egov) çap edirlər.

İmtahanlar Bakı, Naxçıvan, Gəncə, Şəmkir, Sumqayıt, Abşeron, Mingəçevir, Şəki, Bərdə, Göyçay, Şirvan, Sabirabad, Lənkəran, Cəlilabad və Xaçmaz rayonlarında təşkil olunacaq.

"İmtahana buraxılış vərəqəsi"ndə imtahanın keçiriləcəyi tarix, şəhər (rayon), bina, zal, başlanma vaxtı və abituriyentin (şagirdin) imtahan binasına gəlmə vaxtı və s. məlumatlar qeyd olunub.

İmtahanlar saat 10:00-da başlanır.

İmtahanların başlanmasına 15 dəqiqə qalmış – saat 09:45-də buraxılış rejimi başa çatır. Bundan sonra gələn iştirakçılar imtahan binasına buraxılmır.

Abituriyentlər (şagirdlər) imtahana aşağıdakı sənədləri gətirməlidirlər:

- İmtahana buraxılış vərəqəsi;

- Sağlamlıq haqqında bəyannamə (buraxılış vərəqi ilə birlikdə çap edirsiniz və imzalayırsınız. İmtahana buraxılış vərəqəsi şagirdin özündə saxlanıldığı, sağlamlıq haqqında bəyannamə isə imtahan nəzarətçisinə təhvil verildiyi üçün hər iki sənəd ayrıca vərəqdə çap olunmalıdır);

- Şəxsiyyəti təsdiq edən sənədin əsli:

a) Azərbaycan Respublikasının vətəndaşları (16 yaşı tamam olmayan iştirakçılar da daxil olmaqla) şəxsiyyət vəsiqəsini;

b) əcnəbilər və vətəndaşlığı olmayan şəxslər Dövlət Miqrasiya Xidməti tərəfindən verilmiş icazə vəsiqələrini, qaçqın statusu almış xarici vətəndaşlar və onların ailə üzvləri isə qaçqın vəsiqələrini;

- Şəxsiyyət vəsiqəsində şəkli olmayan iştirakçılar digər sənədlərlə yanaşı, təhsil müəssisəsi tərəfindən verilmiş və fotoşəkilləri yapışdırılmış arayışı (arayışa iştirakçının 3x4sm ölçülü şəkli yapışdırılır və şəkil möhürlə təsdiqlənir).

İmtahan keçirilən şəhər və rayonlarda ümumilikdə 53 imtahan binası, 892 imtahan zalı ayrılıb. İmtahanların idarə olunmasına 53 ümumi imtahan rəhbəri, 147 imtahan rəhbəri, 1098 nəzarətçi-müəllim, 106 buraxılış rejimi əməkdaşı (mühafizə), 53 bina nümayəndəsi ayrılıb.

İmtahanlarda ümumilikdə 11 552 abituriyentin (şagirdin) iştirakı nəzərdə tutulur.

Dövlət İmtahan Mərkəzi tərəfindən avqustun 11-də dövlət qulluğunda inzibati vəzifələrin B növünə (inzibati icraçı vəzifələr) aid olan BA və BB qruplarına uyğun olan vəzifələr üzrə dövlət qulluğuna qəbul olmaq üçün də test imtahanı keçiriləcək.

İmtahan Bakı şəhərində təşkil olunacaq. İmtahanda iştirak etmək üçün BA qrupu üzrə 446, BB qrupu üzrə 996, ümumilikdə isə 1442 namizəd qeydiyyatdan keçib.

Qeydiyyatdan keçmiş namizədlər DİM-in internet saytına daxil olaraq "İmtahana buraxılış vərəqəsi"ni çap etməlidirlər.

İmtahan bütün binalarda eyni vaxtda – saat 10:00-da başlanır. Saat 09:45-dən sonra gələn namizədlər imtahana buraxılmır. Kütləviliyin və təmas hallarının qarşısının alınması məqsədilə imtahan iştirakçıları üçün imtahan binasına müxtəlif daxilolma vaxtları müəyyən edilib və imtahan iştirakçısının buraxılış vərəqəsində həmin vaxt göstərilib. Ona görə də imtahan binasına buraxılış vərəqəsində qeyd olunan vaxtda gəlmək lazımdır.

İmtahanın keçirilməsi üçün 6 bina, 132 zal, 6 ümumi imtahan rəhbəri, 15 imtahan rəhbəri, 127 nəzarətçi‑müəllim, 12 buraxılış rejimi əməkdaşı ayrılıb.

Həmçinin oxuyun:

41
20 nömrəli məktəbdə tədris prosesi, arxiv şəkli

Bəzi müəllimlərə özlərinin razılığı ilə müəyyən məhdudiyyətlər olacaq

6
(Yenilənib 20:54 16.09.2021)
Mehriban Vəliyeva qeyd edib ki, müəllimlərə məhdudiyyətin qoyulması heç bir bəhanəsi olmadan vaksinasiyadan imtina edənlərlə bağlı olacaq.

 

BAKI, 16 sentyabr — Sputnik. Bakı məktəblərində 90 faiz müəllim artıq vaksinasiya olunub. Sputnik Azərbaycan-ın məlumatına görə, bunu Bakı Şəhər Təhsil İdarəsinin müdiri Mehriban Vəliyeva deyib. O bildirib ki, bu, tədrisin davamlılığı üçün vacib addımdır.

İdarə müdirinin sözlərinə görə, yeni tədris ilində BŞTİ-nin tabeliyindəki məktəblərdə 471 661 şagirdin təlim-tərbiyəsi ilə 28 167 müəllim məşğul olacaq: "Yeni tədris ilə əlaqədar məktəblərdə sanitar-epidemioloji tədbirlər gücləndirilib".

M.Vəliyeva həmçinin qeyd edib ki, müəllimlərə məhdudiyyətin qoyulması heç bir bəhanəsi olmadan vaksinasiyadan imtina edənlərlə bağlı olacaq: "Əgər kiminsə əks-göstəriş sertifikatı varsa, o, tədrisdə sərbəst iştirak edə biləcək. Lakin səhhətində problem varsa, onların sağlamlıqları üçün özlərinin razılığı ilə müəyyən məhdudiyyətlər olacaq. Hər üç sertifikatın sahibləri əyani tədrisdə iştirak edə bilərlər".

2020-2021-ci tədris ili ərzində 20 direktorla bağlanmış əmək müqaviləsi müxtəlif əsaslarla ləğv edilib. Mehriban Vəliyeva məlumat verib ki, 14 direktorun əmək müqaviləsinə isə təqaüd yaş həddinə çatmaları ilə əlaqədar xitam verilib: "25 direktor fəxri fərmanla təltif edilib. 118 direktorla bağlanan müqavilənin müddəti uzadılıb. Təqaüd yaşı çatan 36 direktorun əmək müqaviləsinin müddəti artırılıb. 1 məktəbin (304 nömrəli) fəaliyyəti dayandırılıb, 2 məktəbin (152, 172) fəaliyyəti bərpa edilib. 2020-2021-ci tədris ili müddətində 21, tədris ili bitdikdən sonra 15 direktorin iş yeri dəyişdirilib.

Eləcə də oxuyun:

6
Teqlər:
məktəb, müəllim, vaksinasiya, məhdudiyyət, COVID-19, COVID-19 pasportu
Müəllimlərin işə qəbulu üzrə imtahanı, arxiv şəkli

Müəllimlərin işə qəbul müsabiqəsində yenilik

8
(Yenilənib 18:58 16.09.2021)
İnsan Resursları Mərkəzinin rəhbəri Nurlan İsmayılbəyli deyib ki, ola bilsin ki, yerləşdirmə test imtahanından fərqli keçirilsin.

BAKI, 16 sentyabr — Sputnik. "Gələcəkdə müəllimlərin işə qəbulu üzrə müsabiqənin il ərzində bir yox, bir neçə dəfə keçirilməsi nəzərdə tutulur. Bəzən MİQ müsabiqəsində namizəd imtahana gecikir, ya qanun pozuntusu edir, ya aşağı bal toplayır deyə yenidən imtahan vermək istəyir. Bütün bunları nəzərə alaraq MİQ müsabiqəsini il ərzində bir neçə dəfə keçirmək istəyirik".

Sputnik Azərbaycan-ın məlumatına görə bunu İnsan Resursları Mərkəzinin rəhbəri Nurlan İsmayılbəyli "Media və təhsil dialoqu" mövzusunda keçirilən təlimdə çıxışı zamanı deyib.

Mərkəz rəhbəri əlavə edib ki, yeniliklərlə bağlı müvafiq infrastruktur olmalıdır: "Hazırda bu istiqamətdə müzakirələr gedir. MİQ-də istifadə olunan sualların məzmunu ilə bağlı hər hansı dəyişikliyin edilməsi nəzərdə tutulmayıb. Ola bilsin ki, yerləşdirmə test imtahanından fərqli keçirilsin".

O qeyd edib ki, hər tədris ilində təxminən 1000 vakant yer yaranır: "Yeni dəyişiklərlə keçirilməsi planlaşdırılan MİQ imtahanı ilə əlaqədar vakant yerlərin sayı məsələsinə də baxılacaq".

8
Штаб-квартира Европейского суда по правам человека в Страсбурге

Ermənistan irqi ayrı-seçkiliyə görə məhkəməyə veriləcək