Bu gün I ixtisas qrupu üzrə qəbul imtahanları keçiriləcək

1323
(Yenilənib 08:30 27.07.2021)
Kütləviliyin və təmas hallarının qarşısının alınması məqsədilə imtahan iştirakçıları üçün imtahan binasına müxtəlif daxilolma vaxtları müəyyən edilib.

BAKI, 27 iyul — Sputnik. Bu gün Dövlət İmtahan Mərkəzi tərəfindən I ixtisas qrupu üzrə ali təhsil müəssisələrinə qəbul imtahanları keçiriləcək.

DİM-dən verilən məlumata əsasən, 19184 abituriyentin iştirakı nəzərdə tutulan imtahanlar 11 şəhər və rayonda - Bakı, Gəncə, Qazax, Ağstafa, Şəki, Bərdə, Göyçay, Şirvan, Salyan, Lənkəran və Xaçmazda təşkil olunacaq.

İmtahanlar saat 10:00-da başlanacaq. İmtahanların başlanmasına 15 dəqiqə qalmış – saat 09:45-də buraxılış rejimi başa çatır və bundan sonra gələn iştirakçılar imtahan binasına buraxılmırlar.

Kütləviliyin və təmas hallarının qarşısının alınması məqsədilə imtahan iştirakçıları üçün imtahan binasına müxtəlif daxilolma vaxtları müəyyən edilib və imtahan iştirakçısının buraxılış vərəqəsində həmin vaxt göstərilib. Ona görə də imtahan binasına buraxılış vərəqəsində qeyd olunan vaxtda gəlmək lazımdır.

Qeyd edək ki, iyulun 27-28-də imtahan keçirilən şəhər və rayonlarda ümumilikdə 151 imtahan binası, 2544 imtahan zalı ayrılıb. İmtahanların idarə olunmasına 151 ümumi imtahan rəhbəri, 422 imtahan rəhbəri, 3309 nəzarətçi–müəllim, 308 buraxılış rejimi əməkdaşı, 151 bina nümayəndəsi ayrılıb. İmtahanlarda 23 nəfər fiziki məhdudiyyətli (gözdən əlil, eşitmə əngəlli) abituriyent də iştirak edəcək. Bu abituriyentlərin rahat şəkildə imtahan verməsi üçün imtahan binalarında xüsusi zallar ayrılıb, gözdən əlillər üçün fərdi nəzarətçilər təyin edilib.

Ehtiyat tədbirləri çərçivəsində imtahan binasına daxil olan iştirakçılarının məsafədən ölçə bilən elektron termometrlə bədən hərarətləri yoxlanılacaq, zəruri dezinfeksiyaedici vasitələrdən istifadə olunacaqdır. İmtahana bədən hərarəti 37°C-dən aşağı olan şəxslər buraxılır.

1323
Məktəblərin birində, arxiv şəkli

Yeni tədris ilinə hazırıqmı? - Sorğunun nəticələri

5
(Yenilənib 20:56 20.09.2021)
Müəllimlərdən “COVID-19” pasportu tələb edilməlidir - Respondentlər belə tələb edirMüəllimlərdən “COVID-19” pasportu tələb edilməlidir - Respondentlər belə tələb edir

BAKI, 20 sentyabr — Sputnik. Nazirlər Kabinetinin qərarına əsasən, Azərbaycanda 2021/2022-ci tədris ilində tədris və təlim tərbiyə prosesi sentyabrın 22-də başlanacaq. Mövzunun aktuallığını nəzərə alaraq, Media Təhlil Mərkəzi (MTM) tərəfindən 06-10 sentyabr tarixlərində sorğu keçirilib.

Sputnik Azərbaycan-ın xəbərinə görə, sorğuda iştirak edən 704 respondentin 54%-ni qadınlar, 46%-ni kişilər təşkil edib.

Yeni tədris ilində dərslərin keçirilmə forması ilə bağlı respondentlərin verdikləri cavablardan məlum olub ki, onların 30%-i dərslərin distant, 53%-i əyani, 13%-i qarışıq (həm distant, həm ənənəvi) qaydada təşkil olunmasını istəyirlər. Cavab verənlərin 4%-i üçün isə tədrisin hansı formada keçiriləcəyinin fərqi yoxdur.

İştirakçıların 44%-i dərslərin ötənilki kimi həm distant, həm ənənəvi qaydada keçiriləcəyini, 36%-i ənənəvi təhsilin tam bərpa olunacağını, 19%-i isə distant qaydadatəşkil olunacağını düşünür.

“Təhsil müəssisələrində koronavirus əleyhinə hansı tədbirlərin görülməsini məqsədəuyğun hesab edirsiniz?” sualına verilən cavablar belə olub:

  • 18 yaşdan yuxarı tələbə və müəllimlərdən “COVID-19” pasportu tələb edilməlidir - 58%;
  • Şagird, tələbə və müəllimlər maska taxmalıdır - 43%;
  • Təhsil müəssisəsi mütəmadi olaraq dezinfeksiya olunmalıdır - 69%;
  • Siniflər dezinfeksiyaedici vasitələrlə təmin olunmalıdır - 58%;
  • Şagirdlər arasında ara məsafə saxlanılmalıdır - 39%;
  • Müəssisəyə daxil olanların hərarəti ölçülməlidir - 46%;
  • Məktəblərdə tənəffüs müddəti siniflər üçün fərqli saatlarda təşkil olunmalıdır - 30%

Respondentlərin 8%-i yeni tədris ili üçün alış-verişə 100 AZN-ə qədər, 28%-i 100-200 AZN, 31%-i 200-300, 22%-i 300-500 AZN, 12%-i isə 500 AZN-dən çox vəsait lazım olduğunu bildirib.

Həmçinin oxuyun:

Məktəbli formasının bazarı "bağlanıb" - Valideynlər artıq xərcə düşmək istəmirlər

5
Teqlər:
tədris ili, hazırlıq, sorğu
Tibb işçisi insana COVID-19-dan Sinovac vaksini vurur, arxiv şəkli

Vaksin olunan təhsil işçilərinin sayı açıqlanıb

6
(Yenilənib 18:30 20.09.2021)
Ümumi təhsil müəssisələrində çalışan təhsil işçilərinin 90 faizi vaksinasiya prosesində iştirak edib.

BAKI, 20 sentyabr — Sputnik. Təhsil işçilərinin vaksinasiyası prosesi davam etdirilir. Təhsil Nazirliyindən Sputnik Azərbaycan-a verilən məlumata görə, hazırda ölkə üzrə bütün təhsil işçilərinin 86 faizi COVID-19 əleyhinə vaksinasiyadan keçib.

Qeyd olunub ki, ümumi təhsil müəssisələrində çalışan təhsil işçilərinin 90 faizi vaksinasiya prosesində iştirak edib.

Bakı şəhəri üzrə bu göstərici 88, Sumqayıt şəhəri üzrə 92, Gəncə şəhəri üzrə 94, Abşeron rayonu üzrə 89, Yardımlı rayonu üzrə 97, Naftalan şəhəri üzrə 96, Şirvan, Qazax və Tərtər rayonlarının hər biri üzrə 95 faiz təşkil edir.

Həmçinin oxuyun:

Vaksin və sertifikatı olmayan müəllimlər təhsil müəssisələrinə buraxılmayacaqlar

6
Teqlər:
vaksin, təhsil
Stefan Kuntz, arxiv şəkli

Türkiyə milli futbol komandasının yeni baş məşqçisi məlum oldu

0
(Yenilənib 22:54 20.09.2021)
Stefan Kuntz Almaniyanın 21 yaşdan aşağı futbolçulardan ibarət milli komandasının baş məşqçisi olub və 1995-1996-cı illərdə Beşiktaş komandasının tərkibində çıxış edib.

BAKI, 20 sentyabr — Sputnik. Türkiyə milli komandasına yeni baş məşqçi təyin olunub. Sputnik Azərbaycan-ın NTV kanalına istinadla verdiyi xəbərə görə, Türkiyə Futbol Fedarasiyası bu məqsədlə alman mənşəli keçmiş futbolçu Stefan Kuntzla razılıq əldə edib.

Federasiyadan verilən açıqlamada "Türkiyə Futbol Fedarasiyası İdarəetmə Heyəti milli komandanın baş məşqçisi vəzifəsi üçün Stefan Kuntzla razılıq əldə edib", – deyə bildirilir.

Yeni baş məqşçi ilə imza mərasimi sabah baş tutacaq.

Qeyd edək ki, Stefan Kuntz Almaniyanın 21 yaşdan aşağı futbolçulardan ibarət milli komandasının baş məşqçisi idi. 1995-1996-cı illərdə isə Beşiktaş komandasının tərkibində çıxış etmişdi.

Xatırladaq ki, Türkiyə Futbol Federasiyası bu günlərdə milli komandanın baş məşqçisi Şenol Günəşlə yollarını ayırıb. Buna səbəb Türkiyə millisinin 2022-ci il Dünya Çempionatının Avropa seçmə oyunları çərçivəsində  G qrupunda Hollandiyaya 6:1 hesabı ilə uduzması olub.

Həmçinin oxuyun:

Şenol Günəş istefaya göndərildi

0
Teqlər:
futbol, Türkiyə, milli