Pandemiya zamanı imtahan, arxiv şəkli

Ali məktəblərə qəbul imtahanlarının tarixi açıqlandı

19
(Yenilənib 15:10 12.07.2021)
DİM II ixtisas qrupu və III ixtisas qrupu üzrə ali təhsil müəssisələrinə qəbul imtahanları keçirəcəyi vaxtı açıqlayıb. İmtahanların hansı rayonlarda keçiriləcəyi qeyd olunub.

 

BAKI, 12 iyul — Sputnik. Dövlət İmtahan Mərkəzi tərəfindən iyulun 14-də III ixtisas qrupu, iyulun 15-də isə II ixtisas qrupu üzrə ali təhsil müəssisələrinə qəbul imtahanları keçiriləcək. DİM-dən Sputnik Azərbaycan-a verilən məlumata görə, imtahanlar Bakı, Naxçıvan, Gəncə, Şəmkir, Qazax, Ağstafa, Sumqayıt, Abşeron, Mingəçevir, Şəki, Zaqatala, Bərdə, Ağcabədi, Göyçay, Kürdəmir, Şirvan, Sabirabad, Salyan, Lənkəran, Cəlilabad, Masallı, Quba və Xaçmazda təşkil olunacaq.

İştirakçılar iyulun 7-dən etibarən Dövlət İmtahan Mərkəzinin saytından "İmtahana buraxılış vərəqəsi"ni çap edə bilirlər.

"İmtahana buraxılış vərəqəsi"ndə imtahanın keçiriləcəyi tarix, şəhər (rayon), bina, zal, başlanma vaxtı və abituriyentin imtahan binasına gəlmə vaxtı və s. məlumatlar qeyd olunub.

Abituriyentlərin bir daha nəzərinə çatdırırıq ki, imtahanlar saat 10:00-da başlanacaq. İmtahanların başlanmasına 15 dəqiqə qalmış – saat 09:45-də buraxılış rejimi başa çatır və bundan sonra gələn iştirakçılar imtahan binasına buraxılmırlar.

Kütləviliyin və təmas hallarının qarşısının alınması məqsədilə imtahan iştirakçıları üçün imtahan binasına müxtəlif daxilolma vaxtları müəyyən edilib və imtahan iştirakçısının buraxılış vərəqəsində həmin vaxt göstərilib. Ona görə də imtahan binasına buraxılış vərəqəsində qeyd olunan vaxtda gəlmək lazımdır.

Abituriyentlər imtahana aşağıdakı sənədləri gətirməlidirlər:

- İmtahana buraxılış vərəqəsi;

- Sağlamlıq haqqında bəyannamə (buraxılış vərəqi ilə birlikdə çap edirsiniz və imzalayırsınız. İmtahana buraxılış vərəqəsi abituriyentin özündə saxlanıldığı, sağlamlıq haqqında bəyannamə isə imtahan nəzarətçisinə təhvil verildiyi üçün hər iki sənəd ayrıca vərəqdə çap olunmalıdır);

- Şəxsiyyəti təsdiq edən sənədin əsli:

a) Azərbaycan Respublikasının vətəndaşları (16 yaşı tamam olmayan iştirakçılar da daxil olmaqla) şəxsiyyət vəsiqəsini;

b) əcnəbilər və vətəndaşlığı olmayan şəxslər Dövlət Miqrasiya Xidməti tərəfindən verilmiş icazə vəsiqələrini, qaçqın statusu almış xarici vətəndaşlar və onların ailə üzvləri isə qaçqın vəsiqələrini;

- Şəxsiyyət vəsiqəsində şəkli olmayan iştirakçılar digər sənədlərlə yanaşı, təhsil müəssisəsi tərəfindən verilmiş və fotoşəkilləri yapışdırılmış arayışı (arayışa iştirakçının 3x4sm ölçülü şəkli yapışdırılır və şəkil möhürlə təsdiqlənir).

İmtahan keçirilən şəhər və rayonlarda ümumilikdə 168 imtahan binası, 2873 imtahan zalı ayrılıb. İmtahanların idarə olunmasına 168 ümumi imtahan rəhbəri, 473 imtahan rəhbəri, 3748 nəzarətçi–müəllim, 380 buraxılış rejimi əməkdaşı, 168 bina nümayəndəsi ayrılıb.

İyulun 14-ü III ixtisas qrupu üzrə keçiriləcək imtahanda 21035, iyulun 15-i II ixtisas qrupu üzrə keçiriləcək imtahanda isə 16757 nəfər olmaqla, ümumilikdə 37792 abituriyentin iştirakı nəzərdə tutulur.

İmtahanlarda 42 nəfər fiziki məhdudiyyətli (gözdən əlil, eşitmə əngəlli) abituriyent də iştirak edəcək. Bu abituriyentlərin rahat şəkildə imtahan verməsi üçün imtahan binalarında xüsusi zallar ayrılıb, gözdən əlillər üçün fərdi nəzarətçilər təyin edilib.

Hazırda imtahanlarda iştirak edəcək nəzarətçilər, imtahan rəhbərləri, mühafizə əməkdaşları ilə onlayn şəkildə təlim-seminarlar keçirilir. Bütün imtahan binalarına baxış keçirilib, imtahan zallarında abituriyentlərin rahat şəkildə imtahan verməsi üçün zəruri şərait yaradılıb.

Ehtiyat tədbirləri çərçivəsində imtahan binasına daxil olan iştirakçılarının məsafədən ölçə bilən elektron termometrlə bədən hərarətləri yoxlanılacaq, zəruri dezinfeksiyaedici vasitələrdən istifadə olunacaqdır. İmtahana bədən hərarəti 37°C-dən aşağı olan şəxslər buraxılır.

Eləcə də oxuyun:

19
Teqlər:
ali məktəb, Ali məktəblərə qəbul imtahanı, Təhsil Nazirliyi, abituriyentlər
Laboratoriya işçiləri, arxiv şəkli

Koronavirusla bağlı şok iddia: Bu virus 2013-cü ildən mövcuddur

671
(Yenilənib 12:08 01.08.2021)
İsveçrəli alim deyib ki, virusla bağlı nəşrlər, dissertasiyalar Uhan laboratoriyalarında çalışan insanlar tərəfindən hazırlansa da, sonradan yoxa çıxıb.

BAKI, 1 avqust - Sputnik. Cenevrə Tibb Universitetinin yoluxucu xəstəliklərin qarşısının alınması və nəzarəti şöbəsinin müdiri Didye Pitte SARS-CoV-2 virusunun 2013-cü ildən mövcud ola biləcəyi ehtimalını irəli sürüb. 

Sputnik Azərbaycan RİA Novosti-yə istinadla xəbər verir ki, Didye Pittenin sözlərinə görə, 2013-cü ildə Çinin Ubey vilayətinin Uhan şəhərindən təxminən 1100 kilometr aralıda speleoloqlar tərəfindən araşdırılan mağaralarda “COVID -96” virusuna çox oxşar yoluxucu virus aşkarlanıb.

Lakin mağarada çalışan insanların bu virusa yoluxub-yoluxmadığı məlum deyil.

"Qaranlıq qalan məsələ sözügedən virusun Uhan laboratoriyalarından biri tərəfindən aşkarlanıb-aşkarlanmamasıdır. Lakin bu, koronavirusun laboratoriyada yaradıldığı anlamına gəlmir", - deyə isveçrəli mütəxəssis bildirib. 

Bütün bunlara baxmayaraq D.Pitte hesab edir ki, Çin oxşar bir virusun hələ 2013-cü ildə aşkar edildiyini gizlətməyə çalışıb.

"Sözügedən virusla bağlı nəşrlər, dissertasiyalar bu laboratoriyalarda çalışan insanlar tərəfindən hazırlanıb. Ancaq həmin dissertasiyalar sonradan yoxa çıxıb. Bu məqam bir az narahatlıq doğurur”, - Pitte deyib .

Alimin sözlərinə görə, hələ 2019-cu ildə Çində keçirilən hərbi Olimpiya Oyunlarına qatılan idmançılar arasında koronavirusa bənzər bir xəstəliyin yayılması əlamətləri var idi.

Koronavirusun yayılmasının əsas səbəbkarı kimdir? 

 

Koronavirus yayılmağa başlayandan Böyük Britaniyanın The Lancet tibbi jurnalının patogenin insandan insana keçməsini təsdiqləyən elmi işlərə eksklüziv çıxışı olub, lakin bunu gizlədib. Bu barədə Daily Mail nəşri Wellcome Trust-ın direktoru, tibbi tədqiqatçı Ceremi Farraranın kitabına istinadən yazıb.

Farraranın fikrincə, pandemiya başlayanda The Lancet-ə məlum olan informasiya yoluxmanın artımının qarşısını ala və milyonlarla insanın həyatını xilas edə bilərdi. Lakin jurnalın redaktorları "hər saniyənin böyük mənası olan vaxtda" çinli səhiyyə işçilərin ilk tədqiqatlarını dərc etməyiblər və aparıcı epidemioloqların məsləhətlərinə qulaq asmayıblar.

Ferrara deyir ki, virusun simptomsuz daşıyıcılar vasitəsilə yayıla biləcəyinə dair sübutlar da jurnal tərəfindən çap edilməyib: "Dünya dərhal bu barədə bilməli idi. Xəstəliyin yayılması zamanı sürət bəlkə də ən vacib şeydir".

Tədqiqatçı qeyd edir ki, Çində yeni virus təhlükəsi barədə artıq 2019-cu ilin sonunda Uhan şəhərində ilk yoluxma halları qeydə alınanda danışmağa başlayıblar: "Belə görünür ki, The Lancet bu məlumatı yaymaq istəməyən ÇXR rəsmilərinin təzyiqi altında olub".

Koronavirus bəlası

Xatırladaq ki, hazırda, demək olar ki, bütüm dünyanı cənginə alan koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Ümumdünya Səhiyyə Təşkilatı (ÜST) 2020-ci ilin fevralında 11-də infeksiyanın törətdiyi xəstəliyin adını COVID-19 qoyub, 2020-ci ilin martın 11-də isə koronavirusu pandemiya elan edib.

671
Məktəbdə imtahan

Aşağı qiymət alan şagirdlərə fərdi yanaşma üsulu olmalıdır - Valideynlər etiraz edir

1201
(Yenilənib 08:17 01.08.2021)
Müəllim əgər pedaqoqdursa, şagirdi "uçurum"dan atmaq əvəzinə zəif qiymət alanla maraqlanmalı, onu təkrar motivasiya etməli və cəmiyyətə qazandırmalıdır

BAKI, 1 avqust — Sputnik. Təhsil Nazirliyinin tabeliyində olan lisey və gimnaziyalar istisna olmaqla digər lisey və gimnaziyalarda şagird hansısa bir fəndən 3 qiyməti alarsa, məktəbdən xaric olunur. Valideynlər isə belə halın baş verməsinə etiraz edirlər. Onlar bildirir ki, bu cür yanaşma şagirdlərdə ciddi travma yaradır, özünə inamı öldürür. Onlar bu fikri əsaslandıraraq deyirlər ki, müəllim əgər pedaqoqdursa, şagirdi "uçurum"dan atmaq əvəzinə zəif qiymət alanla  maraqlanmalı, onu təkrar motivasiya etməli və cəmiyyətə qazandırmalıdır. Təhsil Nazirliyi belə hallara ciddi nəzarət etməlidir.

Əslində necə olmalıdır?

Azərbaycan Gənc Alim, Aspirant və Magistrlər Cəmiyyətinin sədri İlqar Orucov Sputnik Azərbaycan-a açıqlamasında bildirir ki, xüsusən də yuxarı sinif şagirdləri bu cür hallarla qarşılaşırlar. İ.Orucov deyir ki, lisey və gimnaziyalarda proqramlar adi ümumtəhsil məktəblərindən tədris olunan proqramlardan fərqli, mürəkkəbdir: "Əslində valideynlərin də narahatlığı başa düşüləndir. Bizə də dəfələrlə bu cür şikayətlər daxil olub. Onlar bu münasibətdən övladlarının travma aldığını vurğulayırlar. Təhsildə travma olmamalıdır, çünki təhsilin əsas hədəflərindən biri savadlı vətəndaş yetişdirməkdirsə, digəri sağlam vətəndaş yetişdirməkdir".

Ekspert deyir ki, şagird proqramı mənimsəyə bilmirsə, burada şagirdi cəzalandırmaqdan söhbət getməməlidir. Sadəcə olaraq belə olan halda şagirdlər adi ümumtəhsil müəssisələrinə transfer edilirlər: "Yəni, belə bir addım atılmasında məqsəd şagirdləri gərginlik altında saxlamaq, onları cəzalandırmaq deyil. Məsələyə digər rakursdan baxaq. Biz şagirdin zəif oxuduğu üçün məktəbdən kənarlaşdırılmasını travma kimi qiymətləndiririksə, o zaman onun məktəbdə oxuyaraq sinif yoldaşlarından geridə qalmasını da travma olaraq dəyərləndirməliyik".

Hansı üsullardan yararlanmaq olar?

Ekspert deyir ki, bunun üçün  müəllimlər fərqli yanaşmalar ortaya qoymalıdırlar: "Finlandiyada cəmiyyətin, ailənin təhsilə baxışı fərqlidir. Bütün bunları götürüb Azərbaycanda tətbiq etsək, bu da effekt verməyəcək. Çünki cəmiyyətin özündə təhsilə baxışda fərqli münasibətlər var. Məsuliyyətli və məsuliyyətsiz valideynlər var. Valideynlər var ki, övladını məktəbə göndərir və bütün yükü elə məktəbin üzərinə atır. Finlandiya ilə müqayisə apardıq. Bilirsiniz ki, Finlandiya məktəblərində ev tapşırığı da yoxdur. Bir sözlə, bütünlükdə biliyin mənimsənilməsi prosesi məktəbdə baş verir".

İ.Orucov bildirir ki, bu səbəbdən Azərbaycandakı mənzərəyə baxdıqda, nisbətən zəif uşaqların həmin məktəblərdən uzaqlaşmasında müəllimlərə haqq qazandırmaq olmaz: "Müəllim yalnız dərs keçməklə kifayətlənməməlidir. Müəllimlər hər bir şagirdə görə fərdi yanaşmanı ortaya qoymalıdır. Bu çox vacib amildir. Hesab edirəm ki, müəllimlərin işə qəbuluna tələblər gücləndikcə, məktəb idarəçilik sistemi yenilləndikcə müəllimlər şagirdin bacarığını üzə çıxarmaq üçün bütün səylərini səfərbər edə bilmirlər".

Ekspert bu problemə kompleks yanaşmanın vacib olduğunu deyir. O bildirir ki, bunun üçün ilk növbədə şagird-məktəb-validyen kommunikasiyası düzgün qurulmalıdır. 

Millət vəkili Musa Qasımlı deyir ki, təhsildə ciddi tələbkarlıq, nizam-intizamla yanaşı eyni zamanda şagirdlərə böyük qayğı olmalıdır. O bildirir ki, müəllimlərin sərt tələbkarlığı şagirdlərlə aralarında uçurumun yaranmasına gətirib çıxarmamalıdır: "Bütün şagirdlərə bəzən hansısa üsul olmadan eyni yanaşma da mənfi nəticələrə gətirib çıxarır. Şagirdlə davranmaqda müəllimlər diqqətli olmalı, ən azı böyük kəşflər edən dahilərin həyatına nəzər yetirməlidirlər".

M.Qasımov vurğulayır ki, şagirdlərin hamısı bütün imtahanlardan “4” və ya “5” qiymətlər ala bilməzlər. Onlar müxtəlif qiymətlər, o cümlədən “3” də  ala bilərlər: "Bəs onda “3” nə üçün qiymətləndirmə sırasında var? Harada yazılıb ki, bir fənndən “3” qiymət alan şagird məktəbdən çıxarılmalıdır? Müəllimlər gələcəyimiz olan həmin şagirdlərə fərdi yanaşmalı, xəbərdarlıq etməli, şans verməli və həvəsləndirməlidirlər".

"Belə qərarları qəbul edərkən, şagirdin taleyini düşünməlidirlər. Axı, bir liseyi bitirən şagirdlərin heç də hamısı universitetlərə qəbul zamanı eyni ixtisası seçmirlər. Təbii ki, liseylər arasında rəqabətin olduğunu da unutmaq olmaz. Onların hər biri şagirdlərinin səviyyəsinin yüksək olmasını istəyir. Valideynlər övladlarının təhsilinə xüsusi diqqət verməlidirlər”, - deyə millət vəkili əlavə edib.

Həmçinin oxuyun:

Azərbaycanda məktəbli krediti mümkündürmü - Millət vəkillərinin mövqeyi

Qəbul imtahanlarında maksimum nəticə göstərmiş paytaxt məktəbliləri

1201
Kişi Tokio-2020 Olimpiya Oyunlarının installyasiyasının qarşısından keçir

Koreya ilə Belarus liderlərini birləşdirən dəyər ermənilərin təbiətin məhvinə sevinməsi