Bakı məktəblərin birində, arxiv şəkli

Yeni dərs ilindən dəyişiklik olacaq: xüsusi vakansiya elan edilib

31
Təhsildə Keyfiyyət Təminatı Agentliyi “məktəb inspektoru” vakansiyası elan edib. İndiyədək inspeksiyalar pilot layihə kimi aparılırdısa, gələn tədris ilindən hər şey dəyişəcək.

BAKI, 28 iyun — Sputnik. Növbəti dərs ilindən məktəblərdə real yoxlamalara başlanacaq.

Bu münasibətlə Təhsil nazirinin müvafiq əmri ilə həyata keçirilən “Məktəblərdə keyfiyyətin inspeksiyası” layihəsi çərçivəsində Təhsildə Keyfiyyət Təminatı Agentliyi növbəti dəfə “məktəb inspektoru” vakansiyası elan edib.

Sputnik Azərbaycan xəbər verir ki, layihənin məqsədi məktəblərdə tədrisin keyfiyyətini yüksəltmək, o cümlədən, məktəb-şagird-vaideyn əlaqələrini daha da gücləndirərək, sağlam və keyfiyyətli təhsil mühiti formalaşdırmaqdır.

Layihə çərçivəsində 10 mart–7 iyunda Bakı, Sumqayıt, Gəncə, Mingəçevir, Yevlax, Lənkəran şəhərlərində, həmçinin Abşeron, Masallı, Cəlilabad və Bərdə rayonlarında yerləşən 24 məktəbdə pilot inspeksiyalar keçirilib. Mövcud vakansiya üzrə inspektorların seçimi və seçilmiş namizədlərin təlimləndirilmə prosesi yekunlaşdıqdan sonra növbəti tədris ilindən etibarən real inspeksiyalara başlanacaq.

Qeyd edək ki, sözügedən vakansiya üzrə müraciətlərin qəbulu 10 iyul 2021-ci il tarixədək davam edəcək. Müraciət etmək istəyən şəxslər Agentliyin rəsmi internet səhifəsi olan www.tkta.edu.az saytına daxil olub vakansiya tələbləri ilə tanış olaraq, məlumatlarını göndərə bilərlər.

İlin yekunları 

"Ağır bir tədris ilini başa vurmaq üzrəyik, amma təsirlərini uzun müddət aradan qaldırmalı olacağıq". Təhsil naziri Emin Əmrullayev iyunun 10-da tədris ilinin yekunlarına dair canlı yayımda çıxışında bildirmişdi. Nazir qeyd etmişdi ki, builki tədris ili fərqli oldu: "Azərbaycan Ordusu Ali Baş Komandanın rəhbərliyi ilə 44 günlük müharibədə qalib gəldi. Bu müharibədə Azərbaycan müəllimləri də iştirak ediblər. Birmənalı olaraq COVİD pandemiyası təhsil sahəsinə müsbət təsir etmədi, təhsilimiz kifayət qədər çətin proseslə üz-üzə qaldı".

Nazir bildirib ki, bu il ümumtəhsil müəssisələrinin XI sinfini 84 mindən çox, IX sinfi isə 131 mindən çox şagird bitirib. Bu il 160 mindən artıq I sinif şagirdi üçün də fərqli il oldu, onlar da bu dərs ilini yarı distant, yarı hibrid bitirdilər.

Pandemiyanın təhsilə təsiri

Xatırladaq ki, 2019-cu ilin dekabr ayında Çinin Uhan şəhərində koronavirusun (COVID) yayılması dünyanın düzənini dəyişdi. 2020-ci il martın 11-də Ümumdünya Səhiyyə Təşkilatının (ÜST) yayılan virusu pandemiya elan etməsindən sonra dünya bu virusla mübarizəyə başladı. Dünyanın əksər ölkələrində koronavirus infeksiyasının yayılmasının qarşısını almaq məqsədilə bir sıra qadağaların tətbiqinə başlandı. Koronavirus pandemiyası Azərbaycanda da həyatın axarını dəyişdi. Azərbaycanda COVID-19-la mübarizəyə 2020-ci ilin fevral ayının 27-dən başlandı.

Koronavirus pandemiyasının səbəb ola biləcəyi təhlükənin qarşısını almaq, profilaktik və təxirəsalınmaz tədbirlərin görülməsi üçün Nazirlər Kabineti yanında Operativ Qərargah yaradıldı. Fevralın 28-də ölkədə COVID-19-un ilk müsbət halı təsdiqləndi. Hazırda ölkəmizdə koronavirus əleyhinə vaksinasiya uğurla davam etdirildiyindən ölkəmizdə karantin qaydalarının yumşaldılması davam edir.

 

Pandemiya dövründə təhsil bi müddət distant, sonra isə yarıdistant, yarıəyani olmaqla hibrid keçilməyə başladı. Tədris ilinin sonunda karantin qaydalarında yumşalmalar da nəzərə alınaraq müəyyən qaydalarla "Son zəng" qeyd olundu.

Eləcə də oxuyun:

 

31
Teqlər:
inspektor, vakansiya, yoxlama, məktəb

Təhsil naziri müəllimlərin imtahanı ilə bağlı söz verdi

10
Təhsil naziri əmin edib ki, araşdırmaların nəticəsinə əsasən növbəti 3 gün ərzində müvafiq qərarlar qəbul ediləcək və ictimaiyyətə açıqlanacaq.

BAKI, 24 - iyul - Sputnik. Azərbaycanın Təhsil naziri Emin Əmrullayev müəllimlərin işə qəbulu ilə əlaqədar keçirilmiş imtahanlardan narazılıqlara dair açıqlama verib.

"2021-2022-ci tədris ili üzrə müəllimlərin işə qəbulu imtahanlarında namizədlərə təqdim olunmuş test tapşırıqları haqqında sosial mediada yayılmış narazılıqlardan məlumatlıyıq. Bunları nəzərə alaraq, ekspert komissiyası tərəfindən test tapşırıqlarının müxtəlif seanslar üzrə müqayisəli elmi-statistik təhlili aparılacaq", - deyə nazir sosial şəbəkə hesabında qeyd edib.

O əmin edib ki, araşdırmaların nəticəsinə əsasən növbəti 3 gün ərzində müvafiq qərarlar qəbul ediləcək və ictimaiyyətə açıqlanacaq.

 

Qeyd edək ki, imtahanda iştirak edən müəllimlər sosial şəbəkələrdə xüsusilə ədəbiyyatdan verilən sualların məzmunundan, ümumilikdə isə suallar üçün az vaxt ayrılmasından şikayət ediblər.

Eləcə də oxuyun:

10
Teqlər:
imtahan, işə qəbul, müəllim, Emin Əmrullayev, təhsil naziri, təhsil
Xəstənin müayinəsi, arxiv şəkli

Alimlər süd vəzisi xərçəngi hüceyrələrinin 95%-ni məhv ediblər

13
(Yenilənib 06:11 24.07.2021)
Siçanlar üzərində təcrübədən çıxarılmış ErSO preparatı həm adi şişlərin, həm də metastazların öhdəsindən gəlir.

BAKI, 24 iyul — Sputnik. ABŞ-ın İllinoys universitetinin alimlərinin işləyib hazırladıqları üsul süd vəzisi hüceyrələrini demək olar ki, tamamilə məhv etməyə qadirdir. Sputnik Azərbaycan Rusiya mediasına istinadən xəbər verir ki, müvafiq tədqiqatın nəticələri “Science Translational Medicine” məcmuəsində dərc olunub.

Alimlərin hazırladığı və siçanlar üzərində təcrübədən çıxarılmış ErSO preparatı həm adi şişlərin, həm də metastazların öhdəsindən gəlir. Təcrübə göstərir ki, heyvanların orqanizmi hətta böyük dozalarda da ErSO preparatının təsirini yaxşı keçirir. Müalicə başlandıqdan bir neçə gün sonra xərçəng hüceyrələrinin sayı orta hesabla 99%-dən çox azalıb.

Metodun unikallığı ondadır ki, onun yan təsirləri yoxdur. ErSO-nun aktivliyi süd vəzisi şişlərinin əksəriyyətində rast gəlinən estrogen reseptorundan asılı olur. Preparat onunla birləşərək a-UPR hüceyrə yolunu aktivləşdirir ki, bu da öz növbəsində xəstəliyə yoluxmuş hüceyrələrin böyüməsinə şərait yaradır və onları stresdən qoruyur.

"Hətta bir neçə xərçəng hüceyrəsi sağ qalsa belə, onlar ErSO ilə təkrar müalicəyə həssaslığını itirmir", — deyə tədqiqatın müəlliflərindən biri olan biokimyaçı Devid Şapiro bildirib.

Alimlər yeni preparatın insanlar üzərində təsirini öyrənərək, onun digər xərçəng hüceyrələrinə təsir edib-etməyəcəyini araşdırmaq niyyətindədirlər.

Həmçinin oxuyun:

Baş onkoloq hansı insanlarda xərçəng riskinin yüksək olduğunu açıqladı

Mütəmadi olaraq qan vermək infarkt və xərçəng riskini azaldır

13
İvan Tixonov

On nəfərə bir qələbə: Azərbaycanlı idmançıların Tokioda ilk günü