Bərdədə kitab evi

Kitabı ver oxucuya, birini üstəlik: Bərdədə detektiv romanları sevirlər

681
(Yenilənib 18:46 25.03.2021)
Bərdəli oxucular arasında populyarlığını saxlayan yerli yazıçılar isə Çingiz Abdullayev və Elxan Elatlıdır.

BAKI, 25 mart — Sputnik. Məşhur bir deyim var: "Kitab oxuyanlar, hər zaman televizora baxanları idarə edəcək". Bərdə şəhərinin mərkəzindəki kitab evi də "televizora baxanları idarə edəcək" şəxslər üçün nəzərdə tutulub.   

Sputnik Azərbaycan Bərdənin Həzi Aslanov küçəsində Cümə məscidi ilə üzbəüzdə yerləşən kitab evinin qonağı olub.

© Sputnik / Musa Muradli
Bərdədə kitab evi

Burada xeyli kitab toplanıb. Arzu edənlər üçün Azərbaycan yazıçıları, Türk ədəbiyyatı, Avropa və dünya ədəbi məktəbinin nümayəndələrinin əsərləri ilə tanış olmaq imkanı var.

"Özüm kitabsevərəm. İstəyirəm ki, hamı kitab oxusun. İdeyamızın ortaya çıxması bu həvəslə bağlıdır. Kitablar əldə etdik. Onu daha da genişləndirmək, yaranan xərcləri qarşılamaq üçün kitab satışına başlamışıq", – deyə mərkəzin yaradılmasının təşəbbüskarlardan biri olan Özal Əsgərli bildirib.

Özal Əsgərli deyir ki, kitab evinə gəlib-gedənlərin sayı az deyil. Gələnlərin hamısı kitab alıb aparmasalar da, onunla maraqlanırlar. Bunun özü də kitabın təbliği baxımından faydalıdır.

"Kitab oxumağa niyyətləri var. Sadəcə, onları belə başa düşmək olar ki, büdcələrində kitaba görə pul ayırmayıblar. Daha zəruri dolanışıq xərclərilə yanaşı kitaba xərcləməyə pul nəzərdə tutmayıblar. Ola bilsin ki, bu da ailə büdcəsinə görə maddi imkanların məhdudluğu ilə bağlıdır”, - Özal Əsgərli alıcıların kitabla maraqlandıqlarını, ancaq ala bilmədiklərini belə izah edir. 

Kitabxanalarla müqayisədə kitab evində oxucuların maraqlandığı ədiblərin əsərləri daha çox əlçatandır. Özal Əsgərli bildirib ki, kitabxanalarda çox vaxt təzə çıxan kitablar olmur. Ancaq kitab evlərində istənilən kitabı hardan olursa-olsun tapıb oxucuya çatdırmaq mümkündür.

© Sputnik / Musa Muradli
Bərdədə kitab evi

Oxucuları əsasən hansı ədəbi janrlar maraqlandırır? Məlum olur ki, Bərdədə detektiv romanlar daha çox oxunur. Romantik ruhlu əsərlərə müraciət edənlər də  az deyil. Bərdəli oxucular arasında populyarlığını saxlayan yerli yazıçılar isə Çingiz Abdullayev və Elxan Elatlıdır.

Əsgərlinin bildirdiyinə görə, sevgi romanlarına müraciət edənlər ən çox Türkiyə nasirlərini seçmiş olurlar. Peyami Safa, Ahmet Şerif İzgörənin kitablarını seçənlər də az deyil.

681
 Pandemiya zamanı imtahan

Bu gün buraxılış imtahanı keçirilir

27
Ehtiyat tədbirləri çərçivəsində imtahan binasına daxil olan iştirakçıların məsafədən ölçə bilən elektron termometrlə bədən hərarətləri yoxlanılacaq, zəruri dezinfeksiyaedici vasitələrdən istifadə olunacaq

BAKI, 15 aprel — Sputnik. Dövlət İmtahan Mərkəzi tərəfindən bu gün tam (11 illik) orta təhsil səviyyəsi üzrə buraxılış imtahanı keçirilir.

DİM-dən Sputnik Azərbaycan-a verilən məlumata görə, imtahanlar saat 11:00-da başlayıb. Buraxılış imtahanında iştirak üçün 8124 şagird qeydiyyata alınıb. Bu gün tam orta təhsil səviyyəsi üzrə buraxılış imtahanı keçirilən şəhər və rayonlar bunlardır: Gəncə şəhərinin Kəpəz rayonu, Ağdam, Hacıqabul, İsmayıllı, Qax, Qazax, Siyəzən, Tərtər, Xızı rayonları, Lənkəran və Şirvan şəhərləri.

Kütləviliyin və təmas hallarının qarşısının alınması məqsədilə imtahan iştirakçıları üçün imtahan binasına müxtəlif daxilolma vaxtları müəyyən edilib və imtahan iştirakçısının buraxılış vərəqəsində həmin vaxt göstərilib. Ona görə də imtahan binasına buraxılış vərəqəsində qeyd olunan vaxtda gəlmək tövsiyə olunub.

"İştirakçılar imtahana tibbi maska ilə gəlməli və onlardan düzgün (burun, ağız və çənə nahiyəsini tam örtməklə) istifadə etməlidirlər. Maskanı çıxarmaq qadağandır və bütün proses (buraxılış rejimi, imtahan müddəti, imtahan binasının tərk edilməsi) boyu istifadə olunmalıdır", - DİM bildirib.

Ehtiyat tədbirləri çərçivəsində imtahan binasına daxil olan iştirakçıların məsafədən ölçə bilən elektron termometrlə bədən hərarətləri yoxlanılıb, zəruri dezinfeksiyaedici vasitələrdən istifadə olunub. İmtahana bədən hərarəti 37°C-dən aşağı olan şəxslər buraxılıb.

Xatırladaq ki, aprelin 15-16-da keçiriləcək imtahan üçün şəhər və rayonlarda ümumilikdə 115 bina və 2001 zal ayrılıb. İmtahanların idarə olunmasına 115 ümumi imtahan rəhbəri, 334 imtahan rəhbəri, 2490 nəzarətçi-müəllim, 230 buraxılışı rejimi əməkdaşı (mühafizə), 115 bina nümayəndəsi ayrılıb.

27

Xaricdə təhsil alanların diplomları niyə tanınmır ekspert açıqlayır

51
(Yenilənib 01:15 15.04.2021)
Təhsil eksperti Kamran Əsədov deyir ki, övladlarının xaricdə təhsil almasını istəyən valideynlər ilk növbədə bu sahənin mütəxəssislərinə müraciət etməlidirlər.
Kamran Əsədov: “Diplomların tanınması üçün müəyyənləşdirilmiş qaydalar var”

Bu ilin I rübü ərzində Azərbaycanda diplomların tanınması üzrə müraciətlərin statistikası açıqlanıb. Ötən dövr ərzində Təhsildə Keyfiyyət Təminatı Agentliyinə 678 müraciət daxil olub.

Təhsil eksperti Kamran Əsədov Sputnik Azərbaycan-a deyir ki, xaricdə təhsil mərkəzləri bir çox hallarda öz kommersiya maraqlarına görə müraciət edənlərin taleyi ilə oynayırlar: “Belə mərkəzlər diplomu tanınmayan, lisenziyasız fəaliyyət göstərən universitetlərə qəbul aparırlar. Azərbaycan tərəfindən diplomların tanınması üçün müəyyənləşdirilmiş qaydalar var. Diplomların tanınmasına səbəb təhsilalanların mövcud parametrlərə uyğun gəlməməsidir. Övladlarının xaricdə təhsil almasını istəyən valideynlər ilk növbədə  bu sahənin mütəxəssislərinə müraciət etməlidirlər. Təəssüf ki, bu işlərlə məşğul olduğunu iddia edən şirkətlər hər il bir ad altında fəaliyyət göstərirlər”.

Kamran Əsədovun geniş şərhinə audiofaylda qulaq asa bilərsiniz

51
Teqlər:
xarici ölkə, Azərbaycan, tanınma, diplom, ali təhsil
Türkiyə hərbçiləri, arxiv şəkli

İrandan Türkiyəni qəzəbləndirəcək plan

0
(Yenilənib 22:55 17.04.2021)
Rusiya ordusuna bağlı birliklər Suriyanın Tel-Rıfat bölgəsini tərk edərkən yerlərinə İran İnqilab Keşikçilərinin elementləri yerləşdirilib.

BAKI, 17 aprel — Sputnik. Türkiyə 6 ildir PKK işğalı altında olan Suriyanın Tel-Rıfat qəsəbəsini və İraq-Suriya sərhəddində yerləşən Sincar bölgəsini terrorçulardan təmizləməyə çalışır.

Sputnik Azərbaycan "Haber7"yə istinadla xəbər verir ki, Tel-Rıfatda Rusiya ordusuna bağlı birliklər bölgəni tərk edərkən yerlərinə İran İnqilab Keşikçilərinin elementləri yerləşdirilib. Digər terror bölgəsi olan Sincara isə Tehrana bağlı "Haşdi Şabi" milisləri yerləşdirilib.

"Hizbullah"ın baş katibi Hüseyin Həmdavi və "Haşdi Şabi"nin qurucusu Hadi əl-Amiri və digərləri Sincar ilə əlaqədar Türkiyəni təhdid ediblər.

"Fərat qalxanı" bölgəsindəki yüksək səviyyəli bir mənbə Tel-Rıfata qarşı hərbi əməliyyat üçün bütün hazırlıqların 2018-ci ildə tamamlandığını, ancaq İranın maneə törətdiyi üçün əməliyyatın təxirə salındığını söyləyib.

 

 

0