Məktəbdə, arxiv şəkli

Məktəblərdən ehtiyat eləməyə daha bir səbəb yarandı

716
(Yenilənib 14:26 03.02.2021)
Valideynlər bildiriblər ki, uşaqlarını dərsə göndərməkdən ehtiyat edirlər. Sputnik Azərbaycan problemin səbəbini araşdırmağa çalışıb

Zülfiyyə Quluyeva, Sputnik Azərbaycan

BAKI, 3 fevral — Sputnik. Koronavirus pandemiyasına görə karantin qaydaları qismən yumşaldılaraq məktəblərdə ənənəvi tədris fevralın 1-dən bərpa olunsa da, təhsil müəssisələrinin bəzilərində istilik problemi yaşanır.

Bu barədə Sputnik Azərbaycan-a məlumat verən valideynlər bildiriblər ki, məktəblər soyuq olduğundan onlar uşaqlarını dərsə göndərməkdən ehtiyat edirlər. Valideynlərin məlumatına görə, məsələn, 51 saylı məktəbdə sinif otaqları soyuqdur. Ona görə də uşaqlar və müəllimlər dərsdə üst geyimində oturmalı olurlar.

"Azəristilik" ASC-nin Abonent və müştəri xidmətinin rəisi Rafiq Əliyev Sputnik Azərbaycan-a açıqlamasında bildirib ki, "Azəristiliktəchizat"ın mənbələrindən istiliklə təmin olunması nəzərdə tutulan məktəblərin hamısına istilik verilir:

"Bizim qurum tərəfindən 287 məktəbə istilik verilir. Yerdə qalan məktəblərin özünün qazanxanası olduğundan istilik təminatını onlar özləri həyata keçirirlər. İndiyədək bizim qurumun istiliklə təmin etdiyi heç bir məktəbdən istiliklə bağlı şikayət daxil olmayıb".

R.Əliyev 51 saylı məktəbin də fərdi qazanxanası olduğunu, "Azəristilik" ASC tərəfindən qızdırılmadığını bildirib.

Təhsil Nazirliyinin İctimaiyyətlə Əlaqələr şöbəsinin müdiri Cəsarət Valehov isə Sputnik Azərbaycan-a açıqlamasında bildirib ki, nazirlik tərəfindən fərdi qazanxanası olan məktəblərə təhsil müəssisələrinin qızdırılması ilə bağlı tapşırıq verilib.

"Ola bilər ki, hansısa ərazidə qazın verilməsində yaranan fasilə üzündən məktəbin qızdırılmasında problem yaransın. Yaxud da hansısa məktəbdə istilik borusunda nasazlıq yaransın. Bunlar hər biri fərdi şəkildə araşdırılmalıdır", - deyə C. Valehov əlavə edib.
716

Nazirlik dərslərin dayandırılması ilə bağlı xəbərə aydınlıq gətirdi

38
Təhsil Nazirliyinin İctimaiyyətlə əlaqələr sektorunun müdiri Cəsarət Valehov illəri qarışdırmamağı tövsiyə edib

BAKI, 2 mart — Sputnik. "Hazırda ümumtəhsil müəssisələrində dərslər öz qaydasında davam edir". Sputnik Azərbaycan-ın məlumatına görə, bunu Təhsil Nazirliyinin İctimaiyyətlə əlaqələr sektorunun müdiri Cəsarət Valehov deyib.

"Xahiş olunur ki, ötənilki məlumatı bu ilə uyğunlaşdırmayasınız. Tədris pandemiya səbəbindən ilk dəfə olaraq 3-9 mart 2020-ci ildə dayandırılmışdı. Bu il isə 2021-ci ildir, dərslərimiz də öz qaydasında davam edir".

38
Teqlər:
məktəb, bağlanma, karantin, dərs, Təhsil Nazirliyi
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar

Mars səthində nəhəng burulğanlar - VİDEO

27
(Yenilənib 00:20 28.02.2021)
Marsın cənub yarımkürəsindəki kraterin dibində hərəkət edən burulğanlardan birinin sürəti saniyədə 4, digərinin isə saniyədə 8 metrdir

BAKI, 28 fevral - Sputnik. ExoMars-2016 missiyasının Trace Gas Orbiter Rusiya-Avropa kosmik aparatı Mars planetinin səthində nəhəng burulğanların şəklini çəkib. 

Sputnik Azərbaycan bildirir ki, şəkilləri "Roskosmos" paylaşıb.

"Nəhəng toz burulğanları Mars səthində daimi hadisədir. 2021-ci il fevralın 27-də Trace Gas Orbiter aparatındakı CaSSIS kamerası ilə 45 saniyə fərqlə çəkilmiş bu iki şəkildə iki hərəkət edən burulğan görünür", - dövlət şirkətinin saytında deyilir.

Məlumat verilir ki, parlaq ləkələr Marsın cənub yarımkürəsində, 70 kilometrik kraterin dibi ilə hərəkət edərək özlərindən sonra tünd rəngli zolaqlar buraxır. İki toz sütununun hərəkət edən kölgəsi də görünür. Burulğanlardan birinin sürəti saniyədə 4, digərinin isə saniyədə 8 metrdir. 

Marsdakı burulğanların hündürlüyü 8 kilometrə çata bilər. Onlar özlərindən sonra onlarla, yüzlərlə kilometr enində izlər qoya bilir. Qırmızı planetin burulğanlarının öyrənilməsi son dərəcə vacib hesab olunur. Çünki bu, onların zaman keçdikcə planetin iqliminə necə təsir etdiyini anlamağa kömək edər.

27
Teqlər:
burulğan, toz, planet, Mars
Qandal, arxiv şəkli

Gün ərzində törədilmiş 37 cinayətin üstü “isti izlər”lə açılıb

0
(Yenilənib 12:44 03.03.2021)
Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 22, qanunsuz saxlanılan silah-sursatla bağlı 1 fakt müəyyən edilib.

BAKI, 3 mart — Sputnik. 2021-ci il mart ayının 2-də daxili işlər orqanlarında qeydə alınmış cinayət və hadisələr haqqında statistik məlumat açıqlanıb.

Daxili İşlər Nazirliyindən Sputnik Azərbaycan-a verilən məlumata görə, respublikanın daxili işlər orqanları tərəfindən, gün ərzində törədilmiş 37 cinayətin üstü “isti izlər”lə açılıb. Əvvəlki dövrlərdən bağlı qalan 20 cinayətin açılması təmin olunub. Axtarışda olduğuna görə ümumilikdə 37 nəfər, o cümlədən borclu şəxs qismində axtarışda olan 22 nəfər saxlanılaraq aidiyyəti üzrə təhvil verilib. Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 22, qanunsuz saxlanılan silah-sursatla bağlı 1 fakt müəyyən edilib.

Cinayət törətməkdə şübhəli bilinən 46 nəfər saxlanılıb.

 

 

 

0