Bakı məktəblərin birində, arxiv şəkli

Məktəbə gedən uşaqlar koronavirusa yoluxa bilərmi? Həkimlərdən qızıl kimi tövsiyələr

1397
(Yenilənib 00:01 01.02.2021)
A.Musayevin sözlərinə görə, uşaqlar məktəbdə bol miqdarda ilıq maye qəbul etməli, bol kalorili yeməklər yeməlidirlər

Zülfiyyə Quluyeva, Sputnik Azərbaycan

BAKI, 1 fevral — Sputnik. Bu gündən ənənəvi tədrisin hibrid formada mərhələli təşkilinə başlanılır. İndi övladını məktəbə göndərəcək valideynləri düşündürən sual uşaqlarının virusa yoluxma riskinin olub-olmadığı barədədir. Koronavirus pandemiyası dövründə 10 yaşadək uşaqların virusa yoluxmadığı bildirilsə də, bəzi xarici ölkələrdə uşaqlarda koronavirusun aşkarlanması müəyyən şübhələrə yol açır. Sputnik Azərbaycan-ın əldə etdiyi informasiyaya görə, hətta bəzi modul xəstəxanalarda məktəblərin açılması ilə bağlı uşaq çarpayıları da yerləşdirilib.

Sputnik Azərbaycan COVID-19 xəstəliyinin məktəbə gedəcək uşaqlar üçün təhlükəsini araşdırıb.

Tibb Universitetinin Yoluxucu xəstəliklər kafedrasının əməkdaşı, infeksionist Vüqar Cavadzadə Sputnik Azərbaycan-a açıqlamasında bildirib ki, uşaqlar arasında virusa yoluxma riski, demək olar ki, çox aşağıdır:

"Uşaqlar bu virusa yoluxa bilərlər. Amma dünya praktikasına görə, COVID-19 uşaqar arasında ciddi fəsad vermir. Ona görə də məktəblərin açılmasına görə uşaqlarla bağlı ciddi təşvişə düşməyə ehtiyac yoxdur. Uşaqlar bu virusu yüngül keçirir və yaxud da virus daşıyıcısı olurlar. O ki qaldı virusun mutasiya olunmuş növünün uşaqlara təsirinə, Azərbaycanda bu təsdiq olunmayıb".

V.Cavadzadə bildirir ki, maska taxmayan uşaqların yoluxmasında müəyyən risk var: "Nəzərə alaq ki, hər uşaq bir evdən gəlir. Üstəlik, məktəbin daimi kontingenti, eləcə də müəllimlərdən də bu virusa yoluxa bilər. Ona görə də məktəb kontingenti arasında vaksinasiya prosesinə bir qədər tez başlansaydı, daha yaxşı olardı. İndiki vəziyyətdə müəllimlər və məktəbin digər kontingenti qoruyucu vasitələrdən istifadə etməlidirlər ki, uşaqların yoluxmasına səbəb olmasınlar. Nəzərə alınmalıdır ki, 6-7 yaşında uşaqlar maska taxmırlar. Eyni zamanda uşaqların virusa yoluxmaması üçün profilaktik tədbirlərə əməl edilməlidir. Uşaqlar tək-tək partalarda oturmalı, sinif otaqları dezinfeksiya edilməli, havalandırılmaldır. Siniflərin bölünməsi vacibdir. Çalışmalıyıq ki, uşaqların virusa yoluxmasının qarşısını alaq".

İnfeksionist deyir ki, yanaşı xəstəliklərlə doğulan uşaqların virusa yoluxması halları olarsa, həmin uşaqlar xəstəxanada müalicə olunmalıdırlar: "Onkoloji, qanla bağlı xəstəliyi olan, şəkərli diabet uşaqlar virusa yoluxarlarsa, onların xəstəxanada müalicə olunması məqsədəuyğundur. Nəzərə alaq ki, uşaqların məktəbə göndərilməsi könüllüdür".

Səhiyyə Nazirliyinin baş endokrinoloqu Babək Salek Sputnik Azərbaycan-a açıqlamasında bildirib ki, şəkərli diabet xəstələri koronavirusa yoluxma baxımınan risk qrupuna aiddirlər. Amma diabet uşaqlarla bağlı elə də böyük təhlükə yoxdur: "Biz bunun psixoloji tərəfini də düşünməliyik. Əgər diabetli uşaqları məhz şəkər xəstəsi olduğu üçün məktəbə göndərməsək, həmin uşaqlar psixoloji olaraq düşünəcəklər ki, "digər uşaqlar məktəbə gedirlər, amma mən getmirəm". Bu zaman fikirləşəcəklər ki, onlar normal uşaq sayılmırlar. Bu həmin uşaqlara psixoloji baxımdan çox pis təsir göstərə bilər. Ona görə də kompensasiya olunmuş şəkərdirsə, bu cür diabetli xəstələr məktəbə də gedə, peyvənd də oluna bilərlər. Onlar üçün heç bir problem yaranmaz.

Şəkər xəstəsi olan müəllimlərdə də diabet kompensasiya olunubsa, şəkərin fəsadları yoxdursa, ayaqlarda, ağciyərdə və gözündə fəsad yoxdursa, onların məktəbə getməsində problem yoxdur. Şəkərin kompensasiya mərhələsi normal insan sayılır. Uşaqlarda da 1-ci tip diabetdir. Şəkərli diabet risk qrupuna aiddir. Amma uşaqlar üçün elə böyük təhlükə yoxdur".

B.Salek deyir ki, Azərbaycanda 1850-1900-a yaxın diabet uşaq var: "Bakıda bu uşaqların sayı 850-dir. Bu uşaqların insulin alması üçün biz kontaktı azaltdıq. Onlara üç aydan bir insulin paylandı. Hər ay onların gəlib insulin alması kontaktı artıra bilərdi".

K.Fərəcova adına Elmi-Tədqiqat Pediatriya İnstitutunun direktoru Allahverdi Musayev Sputnik Azərbaycan-a açıqlamasında bildirib ki, uşaqlar 10 yaşadək risk qrupunda yer almırlar: "Bunu aparılmış araşdırmalar da təsdiqləyir. Onlar virusa yoluxsalar da, bunu çox yüngül keçirirlər. Uşaqlar əksər hallarda daşıyıcı olurlar. Xəstələnən uşaqlar arasında ağırlaşma, ölüm ehtimalı 0,2 faizdir".

Bununla belə Allahverdi Musayev bildirir ki, COVID-19-a yoluxmaya 10 yaş üzərində uşaqlar arasında rast gəlinib. A. Musayevin sözlərinə görə, COVID-19 xəstəliyinə yoluxma xəstəxanaya başqa xəstəliklərlə əlaqədar müraciət edən uşaqlarda koronavirusa görə müayinə aparılarkən aşkarlanıb: "Hansısa bir uşaq xəstəxanaya əməliyyat üçün gəldikdə bu sırada onda qarın ağrısı, qusma olduqda, eləcə də bağırsaq infeksiyası keçirdikdə müayinələr aparılır. O zaman həmin uşaqda COVID-19-un pozitiv olub-olmaması aşkarlanır. Yaxud da müayinələr zamanı məlum olur ki, həmin uşaq artıq COVID-19 xəstəliyini keçirib. Bu zaman biz uşağın xəstəxanaya qəbul edilib-edilməməsi barədə qərar veririk".

A.Musayev deyib ki, Azərbaycanda 10 yaşın üzərində uşaqlarda koronavirusun ağırlaşması hallarına da rast gəlinib: "Virusun təsir etdiyi bir sindrom var. Virusu keçirdikdən sonra ürəkdə, böyrəkdə, bağırsaqda ağırlaşmalar olur, qaraciyər zədələnir. Bu hallara çox nadir olsa da, rast gəlinir. Amma uşaqlar arasında virusa yoluxmadan sonra ağırlaşma olsa belə, ölüm halları indiyədək olmayıb. İndiyə qədər bizdə 10 yaşdan yuxarı (12, 13, 14 yaş aralığında) 10-a qədər uşaqda ağırlaşma qeydə alınıb. Onlar sağalaraq evə göndəriliblər. Düzdür, o uşaqlar ağır vəziyyətdə xəstəxanaya daxil olublar. Amma onlar sağalaraq evə buraxılıblar. Uşaqlar arasında koronavirusdan ölüm halı qeydə alınmayıb".

A.Musayev bildirib ki, immun sistemi zəif olan uşaqlarda virusa yoluxmanın ağırlaşacağı ehtimal olunsa da, praktikada buna çox rast gəlinmir.

Həmsöhbətimiz deyir ki, çox tünlük olmadan dərslərin ənənəvi davam etməsi mümkündür:

"Burada əsas diqqət yetirilməli məqam uşaqların dərs keçdiyi otaqların havalandırılması, partaların, əllə toxunulan yerlərin dezinfeksiya edilməsidir. Bunlarla bərabər, uşaqlara ciddi nəzarət edilməlidir. Qəti şəkildə halsızlığı, qusması, temperaturu olan uşaqlar məktəbə buraxılmamalıdırlar. Onlar təcrid edilərək nəzarətə alınmalı, dərhal analiz götürülməldiir".

A.Musayevin sözlərinə görə, uşaqlar məktəbdə bol miqdarda ilıq maye qəbul etməlidirlər. Bundan başqa, uşaqlara bol kalorili yeməklər verilməlidir: "Uşaqlara ət yeməkləri, yumurta, protein, zülal tərkibli yeməklər verilməldiir. Bu qidalanma məktəbdə mümkün deyilsə, ailələr evdən dəstəkləməlidirlər. Onlar C vitamini tərkibli meyvələrlə qidalanmalıdırlar".

İnstitutunun direktoru deyir ki, hal-hazırda böyük yaş qrupunda diabet xəstələr üçün yoluxma riski olsa da, uşaqlar üçün elə bir təhlükə yoxdur.

1397
Teqlər:
müəllimlər, uşaqlar, yoluxma, ənənəvi təhsil, məktəb, Koronavirus, epidemiya, COVID-19
Mövzu:
Azərbaycanda koronavirus: son xəbərlər (412)
Test imtahanı, arxiv şəkli

Dövlət qulluğuna qəbul üzrə test imtahanı keçiriləcək

11
COVID-19 infeksiya ilə əlaqədar imtahan binalarına yalnız tibbi maska daxil olmağa icazə veriləcək və namizədlərin məsafədən ölçə bilən elektron termometrlə bədən hərarətləri yoxlanılacaq.

BAKI, 4 mart — Sputnik. Dövlət İmtahan Mərkəzi tərəfindən martın 7-də dövlət qulluğunda inzibati vəzifələrin B növünə (inzibati icraçı vəzifələr) aid olan BA və BB qruplarına, həmçinin inzibati vəzifələrin A növünə (inzibati rəhbər vəzifələr) aid olan AA, AB və AC qruplarına uyğun olan vəzifələr üzrə dövlət qulluğuna qəbul olmaq üçün test imtahanları keçiriləcək.

DİM-dən Sputnik Azərbaycan-a verilən xəbərə görə, COVID-19 infeksiya ilə əlaqədar ehtiyat tədbirləri çərçivəsində görülən işlərə uyğun olaraq imtahan binalarına yalnız tibbi maska daxil olmağa icazə veriləcək və namizədlərin məsafədən ölçə bilən elektron termometrlə bədən hərarətləri yoxlanılacaq, zəruri dezinfeksiyaedici vasitələrdən istifadə olunacaq. İmtahan zallarında namizədlərin bir-birindən lazımi uzaq məsafədə əyləşdirilməsi təmin olunacaq.

İnzibati vəzifələrin B növünə aid vəzifələr üzrə olan imtahan kağız daşıyıcılar vasitəsilə Bakıda 6, Gəncədə isə 1 binada təşkil olunacaq. İmtahanda iştirak etmək üçün BA qrupu üzrə 593, BB qrupu üzrə 1263 olmaqla, ümumilikdə 1856 namizəd qeydiyyatdan keçib.

İmtahan bütün binalarda eyni vaxtda – saat 11:00-da başlanır və 3 saat davam edir. Saat 10:45-dən sonra gələn namizədlər imtahana buraxılmır. İmtahan binasına buraxılış vərəqəsində qeyd olunan vaxtda gəlmək lazımdır. İmtahan binasına mobil telefon və digər rabitə vasitələri, elektron cihazlar, kalkulyator, elektron məlumat daşıyıcısı, kitab, dəftər, jurnal, konspekt, məlumat kitabçası, lüğət, cədvəl, çanta və digər yardımçı vəsaitlər gətirmək qadağandır. İştirakçılardan imtahan binasına əlavə əşyaları gətirməməyi xahiş edirik. Bütün bunlar buraxılış rejimi işinin səmərəli təşkilinə və onun vaxtında başa çatdırılmasına mane olur.

B növü imtahanının keçirilməsi üçün 7 bina, 137 zal, 7 ümumi imtahan rəhbəri, 21 imtahan rəhbəri, 176 nəzarətçi‑müəllim, 14 buraxılış rejimi əməkdaşı ayrılıb.

İnzibati vəzifələrin A növünə (inzibati rəhbər vəzifələr) aid olan vəzifələr üzrə test imtahanı elektron qaydada, kompüterlər vasitəsilə DİM-in Bakı ş., Nəsimi rayonu, Əbdülvahab Salamzadə, 28 (keçmiş Bakı Asiya Universitetinin binası) ünvanında yerləşən binasında keçiriləcək. Bu imtahanda iştirak etmək üçün qeydiyyat hələ davam edir və 5 mart saat 12:00-da başa çatacaq. İmtahan saat 11:00-da başlanır. Namizədlər şəxsiyyəti təsdiq edən sənədləri ilə birlikdə saat 10:00-dan gec olmayaraq imtahan binasında olmalıdırlar.

11

Nazirlik dərslərin dayandırılması ilə bağlı xəbərə aydınlıq gətirdi

39
Təhsil Nazirliyinin İctimaiyyətlə əlaqələr sektorunun müdiri Cəsarət Valehov illəri qarışdırmamağı tövsiyə edib

BAKI, 2 mart — Sputnik. "Hazırda ümumtəhsil müəssisələrində dərslər öz qaydasında davam edir". Sputnik Azərbaycan-ın məlumatına görə, bunu Təhsil Nazirliyinin İctimaiyyətlə əlaqələr sektorunun müdiri Cəsarət Valehov deyib.

"Xahiş olunur ki, ötənilki məlumatı bu ilə uyğunlaşdırmayasınız. Tədris pandemiya səbəbindən ilk dəfə olaraq 3-9 mart 2020-ci ildə dayandırılmışdı. Bu il isə 2021-ci ildir, dərslərimiz də öz qaydasında davam edir".

39
Teqlər:
məktəb, bağlanma, karantin, dərs, Təhsil Nazirliyi
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
Oğlan, arxiv şəkli

Daha bir telefon mağazasından oğurluq olub

0
Yasamal ərazisindəki mağazaların birindən 10.000 manat dəyərində 20 ədəd mobil telefon oğurlamaqda şübhəli bilinən əvvəllər dəfələrlə məhkum olunmuş A.Yusifov saxlanılıb.

BAKI, 4 mart — Sputnik. Yasamalda telefon mağazasından 10.000 manat dəyərində mobil telefon, moped və 2 ədəd motosiklet oğurlayan şəxslər saxlanılıblar. Bu bardəə Daxili İşlər Nazirliyindən Sputnik Azərbaycan-a verilən məlumatda bildirilib.

Qeyd olunub ki, Yasamal Rayon Polis İdarəsinin (RPİ) 27-ci Polis Bölməsinin (PB) əməkdaşlarının keçirdikləri əməliyyat-axtarış tədbirləri nəticəsində rayon ərazisindəki mağazaların birindən 10.000 manat dəyərində 20 ədəd mobil telefon oğurlamaqda şübhəli bilinən əvvəllər dəfələrlə məhkum olunmuş A.Yusifov saxlanılıb. Saxlanılan şəxsin ətrafında aparılmış tədbirlərlə onun paytaxt sakini Kamil Xasıyevlə birgə Bakı şəhər sakini olan 1 nəfərin mopedini, 2 şəxsin isə “Yamaha” və “Haojue” markalı motosikletlərini qaçırmaları da müəyyən edilib. Bölmə əməkdaşları tərəfindən həyata keçirilən əməliyyat-axtarış tədbirləri nəticəsində K.Xasiyev də saxlanılaraq istintaq təqdim edilib.

Faktla bağlı 27-ci Polis Bölməsində saxlanılan şəxslər barəsində toplanan materiallar Yasamal RPİ-nin İstintaq Şöbəsinə göndərilib, araşdırmalar davam etdirilir. 

0