Məktəbli, arxiv şəkli

Zərərçəkmiş təhsilin üzləşdiyi vandallıq

100
(Yenilənib 18:09 27.01.2021)
"Təhsil dövlətimiz üçün hər zaman prioritet sahə olub. Ümid edirik ki, təhsilimizin üzləşdiyi problemlər mərhələli şəkildə öz həllini tapacaq".

Elvin Səlimov, Sputnik Azərbaycan

BAKI, 27 yanvar — Sputnik. Təhsil naziri Emin Əmrullayev Beynəlxalq Təhsil Günü münasibətilə şəxsi "Twitter" hesabında paylaşım edib. Nazir paylaşımında qlobal təhsilin yalnız COVID-19 pandemiyasından əziyyət çəkdiyi halda, eyni vaxtda həm də Ermənistanın hücumlarına məruz qalmış Azərbaycanın təhsil sisteminə dəymiş ziyanla bağlı statistik məlumat təqdim edib.

Sputnik Azərbaycan koronavirus pandemiyasının davam etdiyi və Vətən müharibəsinin olduğu bir dövrdə Azərbaycan təhsili sisteminin üzləşdiyi çətinliklərlə bağlı ekspertlərin fikirlərini öyrənib.

Mövzu ilə bağlı fikirlərini açıqlayan təhsil eksperti Nadir İsrafilov bildirib ki, müharibə və pandemiyanın eyni vaxtda təsadüf etməsi, təhsil üçün çətinliklər yaratdı:

"Xüsusən də, cəbhəyanı ərazilərdə yaşayan şəxslər və mövcud olan təhsil obyektləri böyük ziyan çəkdilər. Erməni təcavüzünün hədəfinin təkcə hərbi obyektlər olmadığı hər kəsə bəllidir. Bunun nəticəsidir ki, cəbhəyanı ərazilərdə yerləşmiş bir çox məktəbin şagirdləri digər ərazilərdə təhsil almağa məcbur olub".

Ekspert bildirib ki, təhsil sistemimizin üzləşdiyi çətinliklərin tez bir zamanda aradan qaldırılması əsas məqsədlərdən biridir. Onun sözlərinə görə işğaldan azad edilmiş ərazilərdə təhsil infrastrukturunun yenidən qurulması üçün fəaliyyət planı hazırlanıb: "Təhsil dövlətimiz üçün hər zaman prioritet sahə olub. Ümid edirik ki, təhsilimizin üzləşdiyi problemlər mərhələli şəkildə öz həllini tapacaq".

Azərbaycan Gənc Alim, Aspirant və Magistrlər Cəmiyyətinin sədri İlqar Orucov isə bildirib ki, Azərbaycan təhsil sistemi tək indi deyil, torpaqlarımızın işğalının davam etdiyi otuz ilə yaxın müddət ərzində böyük ziyan çəkib.

Ekspert deyib ki, işğal müddətində Azərbaycan məktəbləri dağıdılıb, bütün infrastruktur məhv edilib: "Bu baxımdan işğaldan azad edilmiş yerlərdə məktəblərin bərpası, müasir təhsil infrasturukturunun qurulması qarşımızda dayanan çətin proseslərdən biridir. Hazırda məktəblərin bərpası üçün statistik məlumatlar toplanılır. Biz işğaldan azad edilmiş ərazilərdən çəkilmiş kadrları izlədikcə insanlarımızın və torpaqlarımızın üzləşdiyi vandallığı görürük".

 

100
Teqlər:
Emin Əmrullayev, təhsil naziri, təhsil
Azərbaycanda koronavirus infeksiyasına qarşı vaksinasiya

Emin Əmrullayev peyvənd olunan müəllimlərin sayını açıqladı

20
(Yenilənib 13:09 05.03.2021)
Martın 3-dən Azərbaycanda təhsil işçilərinin koronavirus əleyhinə peyvəndlənməsi prosesi başlayıb. Vaksinasiyada Çinin Sinovac şirkətinin CoronaVac peyvəndindən istifadə olunur

BAKI, 5 mart — Sputnik. "Artıq təhsil işçilərinin vaksinasiyası prosesinin üçüncü günüdür. Bu müddətdə 1000-dən çox müəllimimizin vaksinasiyası həyata keçirilib".

Sputnik Azərbaycan-ın məlumatına görə, bu barədə təhsil naziri Emin Əmrullayev sosial şəbəkədəki hesabında yazıb.

Nazir qeyd edib ki, şagirdlərin davamlı öyrənməsi və təhsil müəssisələrinin mütəmadi fəaliyyətini təmin etmək üçün 50 yaşdan yuxarı pedaqoji və texniki heyətin peyvənd olunması zəruridir: "Birlikdə qısa zaman ərzində bu prosesi uğurla başa çatdıracağımıza inanıram".

Martın 3-dən Azərbaycanda təhsil işçilərinin koronavirus əleyhinə peyvəndlənməsi prosesi başlayıb. Vaksinasiyada Çinin Sinovac şirkətinin CoronaVac peyvəndindən istifadə olunur.

20
Teqlər:
müəllimlər, Sinovac Biotech, vaksinasiya, Azərbaycan
Mövzu:
Azərbaycanda COVID-19 əleyhinə vaksinasiya
Məmur portfeli, arxiv şəkli

Mehriban Vəliyevanın müavinləri bəlli oldu - FOTO

16
(Yenilənib 12:18 05.03.2021)
Onlar Xarici dillər təmayüllü gimnaziyada direktor müavini və direktor vəzifələrində, Azərbaycan Respublikası Təhsil İnstitutunun Layihə Katibliyinin rəhbəri vəzifəsində çalışıblar

BAKI, 5 mart — Sputnik. Bakı Şəhəri üzrə Təhsil İdarəsində (BŞTİ) müdir müavini vəzifələrinə yeni təyinatlar həyata keçirilib. Sputnik Azərbaycan-a İdarədən verilən məlumata görə, təhsil naziri Emin Əmrullayevin əmrinə əsasən, Xəyalə Əhmədzadə Orxan Kərimov BŞTİ-nin müdir müavini vəzifələrinə təyin ediliblər.

  • Xəyalə Əhmədzadə
    © Photo : From personal archives Hayala Ahmedzade
  • Orxan Kərimov
    © Photo : From personal archives Orhan Kerimov
1 / 2
© Photo : From personal archives Hayala Ahmedzade
Xəyalə Əhmədzadə

Qeyd edək ki, bu təyinata qədər Xəyalə Əhmədzadə Səttar Bəhlulzadə adına Xarici dillər təmayüllü gimnaziyada direktor müavini və direktor vəzifələrində, Orxan Kərimov isə Azərbaycan Respublikası Təhsil İnstitutunun Layihə Katibliyinin rəhbəri vəzifəsində çalışıb.

16
Teqlər:
təyinat, müdir müavini, BŞTİ
Qonaqlıq, arxiv şəkli

Masallıda toy: Polis şadyanalıq üçün qonşunun evinə toplaşanları cəzalandırdı

0
(Yenilənib 00:27 08.03.2021)
Toyda iştirak edən 13 nəfər barəsində İnzibati Xətalar Məcəlləsinin müvafiq maddəsinə əsasən, qanunamüvafiq tədbirlər görülüb.

BAKI, 7 mart - Sputnik. Masallı Rayon Polis Şöbəsinin əməkdaşları tərəfindən xüsusi karantin rejimi qaydalarının təmin olunmasına nəzarət edilməsi istiqamətində keçirilən növbəti tədbirlər zamanı şəhər sakini İ.Vəliyevin qonşusuna məxsus yaşayış evində oğluna toy məclisi təşkil etdiyi müəyyən edilib.

Sputnik Azərbaycan AZƏRTAC-a istinadla xəbər verir ki, Rayon Polis Şöbəsinin əməkdaşları həmin məclisdə iştirak edənlərə bir daha xüsusi karantin rejiminin qaydalarını izah ediblər.

Toyda iştirak edən 13 nəfər barəsində İnzibati Xətalar Məcəlləsinin müvafiq maddəsinə əsasən, qanunamüvafiq tədbirlər görülüb.

0