CƏMİYYƏT
Cəmiyyətin həyatında baş verən aktual hadisələr

Fevralın 1-dən kimlər məktəbə gedəcək? Nazir açıqladı

© Sputnik / Murad Orujov20 nömrəli məktəbdə tədris prosesi
20 nömrəli məktəbdə tədris prosesi - Sputnik Azərbaycan
Abunə olmaq
Nazir bildirib ki, metronun açılmaması təhsilin müəyyən pillələrində əyani tədrisin bərpası barədə qərara öz təsirini göstərib.

BAKI, 22 yanvar — Sputnik. Təhsil naziri Emin Əmrullayev xüsusi karantin rejimi dövründə bütün təhsil müəssisələrində tədrisin mərhələli şəkildə əyani formada təşkili qaydalarını açıqlayıb.

В одной из школ, фото из архива - Sputnik Azərbaycan
ELM
Azərbaycanda tədris mərhələli şəkildə bərpa olunur - Qərar

Sputnik Azərbaycan-ın məlumatına görə, bu barədə nazir bu gün keçirilən brifinqdə məlumat verib. O bildirib ki, təhsil müəssisələrində tədrisin bərpası təkcə Təhsil Nazirliyinin verə biləcəyi qərar deyil. Nazir bildirib ki, fevralın 1-dən Bakıda, Abşeronda və digər iri şəhərlərdə məkəbəhazırlıq, icma əsaslı məktəbəqədər qruplar və ibtidai təhsil bərpa edilir: "Məktəbəhazırlıq, icma əsaslı məktəbəqədər qruplar və ibtidai təhsildə əyani dərslərin həftədə üç dəfə, kiçik kəndlərdə isə həftədə 4-5 dəfə olmaqla bərpası barədə qərar verilib".

Nazir qeyd edib ki, növbəti təhsil pillələri ilə bağlı fevralın ortalarında müvafiq qərarların verilməsi gözlənilir: "Fevralın 15-nə yoluxmanın necə olacağı barədə proqnoz vermək çətindir. Biz nəzərə almalıyıq ki, bu açılmalar yoluxma sayına da təsir edə bilər. İnsan həyatından söhbət getdiyindən düzgün qərarlar verilməlidir. Fevralın 15-dən sonra 5-9-cu sinif və peşə təhsili və ali təhsilin qismən bərpası nəzərdə tutulur. Hal-hazırda verilən qərar ondan ibarətdir ki, metronun fəaliyyəti bərpa edilmədiyindən 5-9-cu siniflərin açılması növbəti mərhələdə daha yaxşı olar".

Xəbər lenti
0