CƏMİYYƏT
Cəmiyyətin həyatında baş verən aktual hadisələr

İki müəllimin əməli naziri riqqətə gətirdi

© AR Ministry of EducationТелеурок, фото из архива
Телеурок, фото из архива - Sputnik Azərbaycan
Abunə olmaq
"Vətən müharibəsində könüllü olaraq döyüşlərə qatılan müəllimlər kimi, arxa cəbhədə övladlarımıza könüllü dərs deyən pedaqoqlarımız da olub"

BAKI, 26 dekabr — Sputnik. "Başa çatmasına bir neçə gün qalan 2020-ci il ölkə Prezidenti cənab İlham Əliyevin müvafiq sərəncamı ilə "Könüllülər ili" elan edilmişdi. Pandemiya şəraiti olmasına baxmayaraq, ölkəmizdə müxtəlif sahələrdə könüllülük hərəkatı geniş vüsət aldı".

Sputnik Azərbaycan-ın məlumatına görə, bunu Təhsil naziri Emin Əmrullayev "Facebook" səhifəsində yazib.

O qeyd edib ki, bu sırada Vətən müharibəsində könüllü olaraq döyüşlərə qatılan müəllimlər kimi, arxa cəbhədə övladlarımıza könüllü dərs deyən pedaqoqlarımız da olub: "Bu ilin martından teledərslərin hazırlanması prosesinə könüllü qatılan, gənclərə örnək olan müəllimlərdən ikisi barədə danışmaq istərdim. Müəllimlərimiz Nüşabə Məmmədova Qita Veyseyskaya təqaüddə olmalarına baxmayaraq, könüllü şəkildə teledərslər vasitəsilə şagirdlərimizə dərs deyiblər. Özü də bu işi sevə-sevə, ürəklə, yüksək keyfiyyətlə görüblər.

Çətin vaxtlarda hər iki müəllimimiz sözün əsl mənasında fədakarlıq nümayiş etdiriblər. Təhsil Nazirliyinin "Fəxri Fərman"ı ilə təltif olunan hörmətli müəllimlərimizə dəyərli əməkləri, göstərdikləri səylər üçün bir daha dərin təşəkkürümü bildirirəm".

Xəbər lenti
0