İlon Mask, arxiv şəkli

İlon Mask Marsın ilk müstəmləkəçiləri haqda: Əvvəl şüşə günbəzlər altında yaşayacaqlar

15
(Yenilənib 11:21 22.11.2020)
Bütün bunlara baxmayaraq, Mask ümidini üzmür. 2024-2026-cı ilədək mühəndis, üzvləri qırmızı planetin ilk müstəmləkəçiləri olacaq bir heyət ilə ilk Starship missiyasını Marsa göndərəcəyinə söz verib.

BAKI, 21 noyabr — Sputnik. SpaceX-in rəhbəri İlon Mask Marsdakı ilk insan koloniyasını necə gördüyü barədə danışıb.

Sputnik Azərbaycan xarici mətbuata istinadla xəbər verir ki, milyarderə görə əvvəlcə insanlar şüşə günbəzlər altında yaşayacaqlar, çünki terraformasiya çox vaxt aparacaq.

O bildirib ki, terraformasiya dövrümüz üçün çox uzun bir müddətdir.

"Buna baxmayaraq, Marsda insan bazası yarada bilərik. Ən azından bəzi kosmik mədəniyyətlər gələcəkdə xarabalıqlarımızı tapdıqda, nə qədər irəliləməyimizə şok olacaqlar", - deyə Mask vurğulayıb.

Qeyd edək ki, İlon Mask bir neçə ildir ki, ardıcıl olaraq Marsda yer üzündə yaşayanların məskunlaşması üçün planlar hazırlayır. 2015-ci ildə "Stefan Colbert ilə Gec Şou"da danışan Musk, qırmızı planetin daha isti olacağı təqdirdə ikinci bir dünyaya çevrilə biləcəyini demişdi.

O bunu etmək üçün nəhəng buzlaqları əritmək və atmosferə istixana effekti yaradacaq, çox miqdarda karbon dioksid buraxmaq üçün Marsa nüvə bombardmanı etməyi təklif etmişdi.

2018-ci ildə isə, NASA Maskın planının uğursuzluğa məhkum olacağı ilə bağlı araşdırma yayımladı. Araşdırmaya görə, nüvə bombasının düşməsindən sonra sərbəst buraxılan karbon dioksid planetdə rahat bir temperatur saxlamaq üçün kifayət etməyəcəkdi.

Bütün bunlara baxmayaraq, Mask ümidini üzmür. 2024-2026-cı ilədək mühəndis, üzvləri qırmızı planetin ilk müstəmləkəçiləri olacaq bir heyət ilə ilk Starship missiyasını Marsa göndərəcəyinə söz verib.

İlon Maskın proqnozlarına görə, 2050-ci ilədək Marsda ən azı bir milyon insan yaşayacaq.

15
Teqlər:
"SpaceX" şirkəti, "SpaceX", "qırmızı planet", "Mars", Elon Musk, İlon Mask
Məktəbli, arxiv şəkli

Təhsildən yayınan uşaqlara nəzarət gücləndiriləcək

20
(Yenilənib 16:12 28.11.2020)
İşin icrası Təhsil Nazirliyi, Daxili İşlər Nazirliyi və yerli icra hakimiyyəti orqanlarına tapşırılıb.

 

BAKI, 28 noyabr — Sputnik. Təhsildən yayınma hallarının qarşısının alınması məqsədilə nəzarət tədbirləri gücləndiriləcək.

Sputnik Azərbaycan xəbər verir ki, bu, Azərbaycan Respublikası Prezidentinin 2020-ci il 27 noyabr tarixli Sərəncamı ilə təsdiq edilmiş "Uşaqlara dair Strategiyanın həyata keçirilməsi üzrə 2020–2025-ci illər üçün Fəaliyyət Planı"nda əks olunub.

İşin icrası Təhsil Nazirliyi, Daxili İşlər Nazirliyi və yerli icra hakimiyyəti orqanlarına tapşırılıb. Fəaliyyət Planının məqsədi uşaq hüquqlarının müdafiəsi sahəsində çevik institusional mexanizm formalaşdırılmasından və aidiyyəti dövlət orqanlarının (qurumların) qarşılıqlı fəaliyyətinin təmin edilməsindən ibarətdir.

20
Teqlər:
Azərbaycanda Təhsilin İnkişafı üzrə Dövlət Strategiyası, strategiya, Milli Fəaliyyət Planı, təhsil, təhsil naziri, Daxili İşlər Nazirliyi, daxili işlər naziri, Təhsil Nazirliyi
Məktəbdə dərs, arxiv şəkli

İnklüziv təhsillə bağlı qanun təkmilləşdiriləcək

10
Bu məsələ Azərbaycan Respublikası Prezidentinin 2020-ci il 27 noyabr tarixli Sərəncamı ilə təsdiq edilmiş "Uşaqlara dair Strategiyanın həyata keçirilməsi üzrə 2020–2025-ci illər üçün Fəaliyyət Planı"nda əks olunub.

 

BAKI, 28 noyabr — Sputnik. 2021–2022-ci illərdə uşaqların təhsilə çıxışında bərabərliyin təmin olunması məqsədilə inklüziv təhsilə dair mövcud normativ hüquqi bazanın təkmilləşdirilməsi ilə bağlı təkliflər hazırlanacaq.

Sputnik Azərbaycan-ın məlumatına görə, bu, Azərbaycan Respublikası Prezidentinin 2020-ci il 27 noyabr tarixli Sərəncamı ilə təsdiq edilmiş "Uşaqlara dair Strategiyanın həyata keçirilməsi üzrə 2020–2025-ci illər üçün Fəaliyyət Planı"nda əks olunub.

10
Rusiyada həkim

Şimal qonşumuzda bir gündə 300-dən çox adam koronavirusdan öldü

7
Dünyada koronavirus infeksiyasına indiyədək yoluxanların sayı 62,7 milyonu keçib, 1,45 milyondan çox adam isə virus səbəbilə ölüb

BAKI, 30 noyabr — Sputnik. Son bir sutka ərzində Rusiyada 26 338 koronavirusa yeni yoluxma halı aşkarlanıb. Sputnik Azərbaycan Rusiya Operativ Qərargahına istinadən xəbər verir ki, bir gün ərzində qonşu ölkədə 368 nəfər ölüb.

Ümumilikdə, Rusiyada bu xəstəliyə yoluxanların sayı 2 milyon 295 654 nəfərə çatıb. Rusiyada pandemiya yayılandan 39895 nəfər COVID-19-dan vəfat edib. Ölkədə bu virusdan sağalanların sayı 1778704-ə çatıb.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 62,7 milyonu keçib, 1,45 milyondan çox adam isə virus səbəbilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

7
Teqlər:
Rusiya, Koronavirus, COVID-19