Məktəbli, arxiv şəkli

İki həftəlik fasilə təklifi: "Erməni təxribatçıları evində oturmuş məktəblini öldürdülər"

567
(Yenilənib 23:11 01.10.2020)
"10 mindən çox valideyn isə övladının dərsə gəlməməsi üçün iltizam yazıb. Məktəblərdə davamiyyət maksimum 50 faizdir. Bu şəraitdə dərslərin iki həftəlik dayandırılması vacibdir"

Zülfiyyə Quluyeva, Sputnik Azərbaycan

BAKI, 1 oktyabr  — Sputnik. Artıq bir neçə gündür ki, sosial şəbəkələrdə hərbi vəziyyətdə dərslərin bir həftəlik dayandırılması tələb olunur. Təhsil üzrə ekspertlər dərslərin hərbi vəziyyətdə bir müddətlik dayandırılmasının həm internetdə yaranmış məhdudiyyətlər, həmçinin də cəbhədə baş verən hadisələrlə bağlı vacib olduğu qənaətindədirlər. Sputnik Azərbaycan hərbi vəziyyətdə dərslərin dayandırılmasının nə dərəcədə vacib olduğunu araşdırıb.

Qeyd edək ki, bu tədris ilindən dərslər ali məktəblərdə onlayn, orta məktəblərdə isə hibrid formada təşkil olunur. Bu gündən etibarən isə məktəblərdə mərhələli təhsilə görə 5-9-cu siniflər Bakı-Abşeron Sumqayıtda həftədə iki, regionlarda isə həftədə üç dəfə olmaqla əyani şəkildə dərslərini davam etdirirlər.

Təhsil üzrə ekspert Kamran Əsədov Sputnik Azərbaycan-a açıqlamasında bildirib ki, hazırki şəraitdə dərslərin əyani keçirilməsi təhlükəlidir: "Həm koronavirus pandemiyası, həmçinin də cəbhədəki vəziyyətə görə dərslərin bir müddətlik dayandırılması daha məqsədəuyğundur.

Hazırki şəraitdə erməni başını itirib. Mülki əhalini belə hədəfə alırlar. Ona görə də iki həftə tədrisin dayandırılması təhlükəsizliyimiz üçün vacib məqamdır. Hal-hazırdakı situasiyada məktəblərdə dərslərin davam etdirilməsi təhlükəlidir. Bu gün Azərbaycan məktəbləri mühafizə olunmur. Göydən raket düşsə, bunun qarşısını dərhal almaq mümkün deyil. Erməni təxribatçıları evində oturmuş məktəblini öldürdülər. Azyaşlı uşaqların belə bir vaxtda məktəbə getməsi təhlükəlidir".

K.Əsədov deyir ki, bu gündən tədrisin nəzərdə tutduğumuz mərhələli təşkili düzgün deyil: "Cəbhə bölgəsində yerləşən 468 məktəbdə hərbi əməliyyatlar səbəbindən həftəlik dərs cədvəllərinə dəyişiklik edilib. Bu məktəblərdə dərslər iki həftəlik dayandırılıb. 10 mindən çox valideyn isə övladının dərsə gəlməməsi üçün iltizam yazıb. Məktəblərdə davamiyyət maksimum 50 faizdir. Bu şəraitdə dərslərin iki həftəlik dayandırılması vacibdir".

Təhsil Nazirliyindən isə bildirdilər ki, Bakı şəhərində əyani formada dərslərə davamiyyət 85-90 faiz təşkil edib: "Bölgələrdəki ümumi təhsil müəssisələrində əyani formada təhsil davam edir. Distant (məsafədən) dərslərə gəldikdə isə, ölkə üzrə internetin verilməsində məhdudiyyətlərin tətbiq edilməsi səbəbindən mümkün fasilələrin olmasını anlayışla qarşılamağınızı xahiş edirik. Şagirdlərimizin hazırkı vəziyyətdə "Mədəniyyət" və "Arb Günəş" televiziya kanalları vasitəsilə yayımlanan və bütün fənləri əhatə edən teledərsləri izləməyi tövsiyə olunur. Hazırda təhsil müəssisələrində tədris və təlim-tərbiyə prosesi Nazirlər Kabinetinin "Xüsusi karantin rejimi dövründə Azərbaycan Respublikasında fəaliyyət göstərən təhsil müəssisələrində tədris və təlim-tərbiyə prosesinin təşkilinin müvəqqəti Qaydaları"na uyğun olaraq təşkil edilir. İnanırıq ki, ümumi təhsil müəssisələrində tədrisin təşkili istiqamətində nəzərdə tutulan mərhələli tədbirlər bundan sonra da uğurla reallaşdırılacaq".

567
Teqlər:
onlayn, təhsil, məktəb, şagirdlər, erməni təxribatı, Ermənistan-Azərbaycan Dağlıq Qarabağ münaqişəsi
Əlaqədar
Nazir: Səfərbərliyə cəlb olunan müəllimlər əvəz ediləcək
Təhsil naziri dərslərin aqibəti haqda: Bakıda ibtidai siniflər həftədə 3 dəfə dərs keçəcək
Heç kim övladını o məktəbə göndərmək istəmir: onların həyatı üçün ciddi təhlükə var - FOTO
Hərbi vəziyyətdə təhsilə necə davam edəcəyik - Nazirlik aydınlıq gətirir
Distant təhsil bir müddət dayandırılsın - ekspert səbəbi açıqladı

Azərbaycanda məktəblər açılacaq

75
(Yenilənib 12:09 16.01.2021)
Nazirlər Kabibeti yanında Operativ Qərargah ölkə ərazisində xüsusi karantin rejimini aprelin 1-dək uzatsa da, yanvarın 18-dən mərhələli şəkildə müəyyən yumşalmalar olacaq

BAKI, 16 yanvar — Sputnik. Məktəblərdə ənənəvi təhsilin bərpası nəzərdə tutulur. Sputnik Azərbaycan-ın məlumatına görə, bunu Nazirlər Kabibeti yanında Operativ Qərargahın brifinqində Prezidentin köməkçisi, Prezident Adminstrasiyasının İqtisadi Məsələlər və innovativ inkişaf siyasəti şöbəsinin müdiri Şahmar Mövsümov bildirib. Ş.Mövsümov deyib ki, detallar barədə növbəti həftə ərzində Təhsil Nazirliyi tərədindən brifinq keçiriləcək: "Bu barədə detalları Təhsil Nazirliyi özü açıqlayacaq. Məktəblərin açılması ilə bağlı müəyyən addımlar atılacaq".

75
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
Şıxzərli palçıq vulkanı

Alovsuz, amma güclü ecazkar: Şıxzərli vulkanının püskürmə anı - VİDEO - FOTO

148
(Yenilənib 01:39 15.01.2021)
Vulkan püskürməzdən əvvəl güclü uğultuyla "xəbərdarlıq" edib. Sonra yerin dərinliklərindən qalxan palçıq kütlələri 2.5 hektar sahəyə yayılıb.

İradə Cəlilova, Sputnik Azərbaycan

BAKI, 14 yanvar — Sputnik. 2021-ci il 09 yanvar tarixində saat 17:48-də Bakı şəhərindən 89 km qərb istiqamətində, Qobustan rayonunun Şıxzərli kəndinin 1-1,5 km şimal-qərbində yerləşən Şıxzərli palçıq vulkanının püskürməsi ilə əlaqədar Ekologiya Nazirliyinin Bakı və Abşeron yarımadasının palçıq vulkanları qrupu Dövlət Təbiət Qoruğunun əməkdaşları ərazidə monitorinqlər aparıblar.

Bu barədə Sputnik Azərbayan-a qoruğun direktoru Ceyhun Paşayev məlumat verib.

O bildirib ki, püskürmədən öncə 40-50 saniyə çox güclü uğultu səsi eşidilib, daha sonra iki fazadan ibarət olmaqla, 40-45 dəqiqə ərzində yerin dərinliyindən palçıq kütləsi yer səthinə püskürüb.

Püskürmə zamanı palçıq vulkanları üçün xarakterik hesab edilən alov sütunu adıçəkilən palçıq vulkanının budəfəki püskürməsində qeydə alınmayıb.

Ekologiya və Təbii Sərvətlər Nazirliyinin "Bakı və Abşeron yarımadasının palçıq vulkanları qrupu Dövlət Təbiət Qoruğu"nun əməkdaşları müvafiq ölçmə işləri həyata keçiriblər.

1 / 7
Şıxzərli palçıq vulkanı

"Müəyyən olunub ki, vulkan aktivliyi nəticəsində 2,5 hektar sahə sülb tullantıları ilə tamamilə örtülüb. Ümumi olaraq, 1700 m3 həcmində tullantı yer səthinə xaric olunub. Tektonik çatlar şimal və şimal-qərb istiqamətində daha sıx və dərindir. Çatların orta enliliyi 0,7 metr, bəzi yerlərdə uzunluğu 150 metrə çatır. Xaric olan püskürmə məhsullarının maksimal hündürlüyü 0,8 metr, ən minimal hündürlüyü isə 0,5 metrdir", - C.Paşayev bildiirb.

Direktorun sözlərinə görə, Şıxzərli palçıq vulkanı Dövlət Təbiət Qoruğuna daxil deyil.

Qeyd edək ki, vulkanın aktivliyinin təhlili onu göstərir ki, o, çox aktiv palçıq vulkanıdır. Son püskürmə də daxil olmaqla 1810-cu ildən başlayaraq bu, vulkanın 25-ci paroksizmidir. Ən güclü püskürməsi 1980-ci ildə qeydə alınan Şıxzərli vulkanı dünyanın ən aktiv palçıq vulkanlarından hesab olunur.

148
Teqlər:
video, püskürmə, palçıq vulkanı, Qobustan

“BakuBus” rəhbəri işdən çıxarıldı

0
MMC rəhbəri vəzifəsinin icrası müvəqqəti olaraq Bakı Nəqliyyat Agentliyinin Təchizat şöbəsinin rəisinə tapşırılıb

BAKI, 16 yanvar - Sputnik. Bakı Nəqliyyat Agentliyinin (BNA) tabeliyində olan “BakuBus” MMC-nin rəhbəri vəzifəsindən azad edilib.

Sputnik Azərbaycan Trend-ə istinadən bildirir ki, MMC-nin rəhbəri Azər Qasımov tutduğu vəzifədən azad edilib.

MMC rəhbəri vəzifəsinin icrası müvəqqəti olaraq Bakı Nəqliyyat Agentliyinin Təchizat şöbəsinin rəisi Tural Mahmudova tapşırılıb.

Qeyd edək ki, “BakuBus” Nazirlər Kabinetinin 3 aprel 2014-cü il tarixli qərarı ilə Bakı Şəhər İcra Hakimiyyətinin tabeliyində yaradılıb, ölkə prezidentinin 6 iyul 2018-ci il tarixli fərmanı ilə BNA-nın tabeliyinə verilib. Onun nizamnamə kapitalı 30 milyon manatdır. Şirkət paytaxtda avtobuslarla beynəlxalq standartlara uyğun sərnişindaşıma xidməti göstərir.

0
Teqlər:
vəzifədən azad edilmə, rəhbər, "BakuBus" MMC