6 nömrəli məktəb-liseydə hazırlıq işləri

Uşaqları tənəffüsə buraxmayacaqlar: Bakı məktəblərində yeni qaydalar - FOTO

1120
(Yenilənib 16:46 09.09.2020)
Məktəblərdə yeni tədris ilində bir sıra yeniliklər olacaq. Hər partanın arxasında bir şagird əyləşəcək. Tənəffüslər isə sinifdə təşkil ediləcək

BAKI, 9 sentyabr — Sputnik. Sentyabrın 15-dən 2020-2021-ci tədris ilinə start verilir. Ölkədəki bütün məktəblərdə karantin qaydalarına uyğun şəkildə hazırlıq işləri aparılır. Paytaxtda yerləşən 6 nömrəli məktəb-liseydə də son hazırlıq işləri görülür. Sputnik Azərbaycan-ın məlumatına görə, binanın girişində hərarəti məsafədən ölçmək üçün cihaz və dezinfeksiya maddəsi qoyulub. Məktəb-liseyin direktoru Gülşən Orucova bildirib ki, şagirdlərin hərarətinin əsasən siniflərdə ölçülməsi nəzərdə tutulub. Burada əsas məsuliyyət sinif rəhbərlərinin üzərinə düşəcək.

© Sputnik / Ibrahim Hashimov.
6 nömrəli məktəb-liseyin direktoru Gülşən Orucova

“Məktəbə daxil olarkən onun hərarəti ölçülməli və tibb personalı tərəfindən müəyyən nəzarətdə saxlanmalıdır. Etiraf edək ki, sosial məsafəni qorumaq üçün bütün uşaqları tək-tək girişdə yoxlamaq mümkün olmayacaq. Siniflərdə nəzarətdə saxlanmalıdırlar, gündə 2 dəfə hərarəti ölçülməlidir”.

© Sputnik / Ibrahim Hashimov.
6 nömrəli məktəb-liseydə hazırlıq işləri

Sinif otaqlarındakı partalar da sosial məsafə nəzərə alınmaqla qoyulub. Yeni tədris ilində siniflər yarımqruplara bölünəcək. Əvvəlki illərdən fərqli olaraq 1 partada iki yox, bir şagirdin əyləşdirilməsi nəzərdə tutulub. Bu səbəbdən də hər partanın arxasına 1 ədəd stul qoyulub. Gülşən Orucovanın sözlərinə görə, tənəffüslər də ənənəvi qaydada təşkil edilməyəcək.

© Sputnik / Ibrahim Hashimov.
6 nömrəli məktəb-liseydə hazırlıq işləri

“Düşünürəm ki, hazırki vəziyyətdə uşaqların tənəffüsə buraxılmağı düzgün deyil. Çünki burada artıq o nəzarəti saxlamaq mümkün olmaz. Otağın havasını dəyişməklə, müəyyən sosial məsafəni qorumaqla, uşaqlara hər hansı sərbəstlik verməklə, hətta bir az da əyləncəli, bir az da onlara maraqlı şəkildə tənəffüs vaxtlarını keçirmək mümkündür”.

Karantin qaydaları ilə bağlı məlumatlandırıcı vərəqələr də hazırlanıb və onlar lazımi ərazilərə yerləşdiriləcək. Dərslər həftədə 2 dəfə əyani, qalan günlərdə isə onlayn şəkildə təşkil ediləcək.

1120
Teqlər:
tənəffüs, Bakı, tədbirlər, sinif şagirdi, şagirdlər, şagird, məktəbli, məktəb
Əlaqədar
Sentyabrın 15-də məktəbə gedəcək şagirdlərin sayı açıqlandı
Ali məktəblərə qəbul şərtləri dəyişməyəcək - DİM-dən rəsmi açıqlama
Virtual məktəbdə qeydiyyat dayandırılır
Azərbaycanda 2020-2021-ci tədris ili üçün tətil günləri açıqlandı
Bakı, Sumqayıt, Abşeronda dərslər belə keçiriləcək - Nazir əmr imzaladı
Məktəblilər, arxiv şəkli

Şagirdlər koronavirusa harada yoluxublar? Nazirlikdən cavab

18
(Yenilənib 19:44 25.09.2020)
Təhsil nazirinin müşaviri Rüstəm Ağayev bildirib ki, məktəblərin içində şagirdlər arasında yoluxma yoxdur.

BAKI, 25 sentyabr — Sputnik. "Bu günə qədər heç bir şagirddə məktəbin içində yoluxma faktı qeydə alınmayıb". Sputnik Azərbaycan-ın məlumatına görə, bu sözləri Təhsil nazirinin müşaviri Rüstəm Ağayev bildirib.

Onun sözlərinə görə, məktəblərin içində şagirdlər arasında yoluxma yoxdur:

"İyun və ya avqust ayındakı respublika üzrə gündəlik statistikanı təhlil etsək, görərik ki, bu insan hansısa formada məktəbə və ya universitetə bağlıdır. Bu dəqiqə yoluxmaların sayı stabildir. Məktəblərin bağlanılması ilə bağlı narahatlığa heç bir əsas yoxdur. Bu, ümumi epidemioloji vəziyyətdən asılı olacaq. Əgər sərt karantin rejiminə keçilərsə, bu barədə qərarı Nazirlik Kabineti yanında Operativ Qərargah verəcək".

Qeyd edək ki, bu günə kimi respublika üzrə məktəblərdə işçi heyəti arasında 35, şagirdlər arasında 125 yoluxma faktı qeydə alınmaqla, ümumilikdə 156 nəfər COVID-19-a yoluxub.

18
Teqlər:
açıqlama, Təhsil Nazirliyi, yoluxma, şagird, məktəb, Koronavirus, epidemiya, COVID-19
Mövzu:
Azərbaycanda koronavirus: son xəbərlər
Əlaqədar
Şagirdlərdən 13-ü virusa yoluxdu, iki sinif distant təhsilə keçdi
Azərbaycanda virusa yoluxanların sayı açıqlandı
Nazirliyin əməkdaşı koronavirusdan öldü
Moskva meri distant iş rejiminə keçməyə çağırıb: Soyuqlar yaxınlaşır, xəstəlik artacaq
: Distant təhsil, arxiv şəkli

Xaricdə distant təhsilin diplomları tanınacaq

11
(Yenilənib 16:42 25.09.2020)
Vətəndaşların Təhsildə Keyfiyyət Təminatı Agentliyinin internet səhifəsinin (www.tkta.edu.az) "Nostrifikasiya" və "Mütəmadi verilən suallar" bölmələri ilə tanış olmaları tövsiyə edilir.

BAKI, 25 sentyabr — Sputnik. Azərbaycan Respublikasında, eləcə də dünyanın bir çox ölkəsində koronavirus (COVID-19) pandemiyasının yayılmasının qarşısının alınması məqsədilə ali təhsil müəssisələrində tədris prosesi müvəqqəti dayandırılıb və tələbələrin dərslərdə fiziki olaraq iştirak etmədən təhsillərini davam etdirmələrinə şərait yaradılıb.

Təhsil Nazirliyindən Sputnik Azərbaycan-a verilən məlumata görə, mövcud vəziyyətlə əlaqədar olaraq, Nazirlər Kabinetinin qərarı ilə təsdiq edilmiş "Xarici dövlətlərin ali təhsil sahəsində ixtisaslarının tanınması və ekvivalentliyinin müəyyən edilməsi (nostrifikasiyası) Qaydaları"nın tətbiqi zamanı "Avropa regionunda ali təhsil sahəsində ixtisasların tanınması haqqında" Konvensiyaya (Lissabon Konvensiyasına) üzv ölkələrin Milli Məlumat mərkəzlərindən, üzv olmayan ölkələrin isə səlahiyyətli orqanlarından və ya aidiyyəti ali təhsil müəssisəsindən əldə olunan rəsmi məlumat əsasında sözügedən məqam nəzərə alınacaq.

Eyni zamanda vətəndaşların Təhsildə Keyfiyyət Təminatı Agentliyinin internet səhifəsinin (www.tkta.edu.az) "Nostrifikasiya" və "Mütəmadi verilən suallar" bölmələri ilə tanış olmaları tövsiyə edilir.

11
Teqlər:
Təhsil Nazirliyi, nostrifikasiya, diplom, xaricdə təhsil
Koronavirusa yoluxanan xəstələrin müalicə aldığı hospital, arxiv şəkli

COVID-19-la bağlı dəhşətli proqnoz: iki milyon insan ölə bilər

0
(Yenilənib 23:42 25.09.2020)
Eyni zamanda Rayan qeyd edib ki, xəstəxanaya yatırılan xəstələr arasında ölüm göstəriciləri azalır. Onun sözlərinə görə, insanların bundan belə də ölməməsi üçün bəşəriyyətin əvvəlki 9 aydan özünə dərs götürməsi gərəkdir.

BAKI, 25 sentyabr — Sputnik. Ümumdünya Səhiyyə Təşkilatı (ÜST) effektiv vaksin əldə edilib bəşəriyyət üçün əlçatan olana qədər COVID-19-dan 2 milyondan çox insanın öləcəyini istisna etməyib.

Sputnik Azərbaycan RİA Novosti-yə istinadən bildirir ki, bu barədə ÜST-ün səhiyyə sahəsində fövqəladə hallar üzrə proqramının direktoru Maykl Rayan mətbuat konfransında deyib.  

“Sözsüz ki, bunu təsəvvür etmək çətindir, ancaq bu, mümkün ola bilər. Çünki biz 9 ay ərzində bir milyon insan itirmişik. Yaxın 9 ay ərzində vaksinin peyda olacağına da ayıq başla yanaşırıq”, - Rayan effektiv vaksin əldə edilib bəşəriyyət üçün əlçatan olana qədər COVID-19-dan 2 milyondan çox insanın öləcəyi ehtimalı ilə bağlı suala cavab verərkən söyləyib.

Onun sözlərinə görə, hazırda problemlər var, xüsusən bunlar peyvəndin maliyyələşdirilməsi, istehsalı və qiymətləndirilməsi ilə bağlıdır.

Eyni zamanda Rayan qeyd edib ki, xəstəxanaya yatırılan xəstələr arasında ölüm göstəriciləri azalır. Onun sözlərinə görə, insanların bundan belə də ölməməsi üçün bəşəriyyətin əvvəlki 9 aydan özünə dərs götürməsi gərəkdir.

0
Teqlər:
vaksin, peyvənd, ölüm, ÜST, dünya, Koronavirus, epidemiya, COVID-19
Mövzu:
Dünyanı cənginə almış bəla
Əlaqədar
Şagirdlər koronavirusa harada yoluxublar? Nazirlikdən cavab
Türkiyədə dəhşət saçan ağcaqanadlar Azərbaycana gələ bilər, amma virus gətirməyəcək
Moskva meri distant iş rejiminə keçməyə çağırıb: Soyuqlar yaxınlaşır, xəstəlik artacaq
Rus virusoloq amerikalı həmkarını təkzib etdi: Denge ilə SARS-CoV-2 qohum deyillər
Təəccüblü kəşf: bu xəstəliyə yoluxmaq koronavirusa qarşı immunitet yaradır