Distant təhsil, arxiv şəkli

Onlar da keyfiyyətə güvənmirlər: "Əsas məsələ odur ki, biz bir nəsli itirməyək"

1126
(Yenilənib 13:49 07.09.2020)
Təhsil İnstitutunun Təhsil İşçilərinin Peşəkar İnkişafı Mərkəzində bu məqsədlə müəllimlər üçün təlimlər keçirilib. Təlimlərə həm paytaxtdan, həmçinin də bölgələrədən müəllimlər cəlb edilib

Zülfiyyə Quluyeva, Sputnik Azərbaycan

BAKI, 7 sentyabr — Sputnik. Yeni tədris ilindən orta və ali məktəblərdə dərslərin onlayn keçirilməsi məsafədən təhsillə bağlı kadr hazırlığı məsələsini gündəmə gətirib. Ötən tədris ilində onlayn təhsilə keçid istər orta, istər də ali təhsil müəssisələrində müəllimlərin bu prosesə hazır olmadıqlarını göstərdi. Müəllimlərin primitiv İKT bacarıqlarının olmaması onların dərs proqramını şagirdlərə mənimsətməsinə ciddi maneə yaratdı. Bəs görəsən, bu il analoji problemlərin yaşanmaması üçün hansı addımlar atılıb? Onlayn dərslərin sinif otaqlarında keçirilən dərslərdən keyfiyyətcə fərqlənməməsi üçün müəllimlərin hazırlığı istiqamətində hansı işlər görülməlidir?

Məsafədən təhsil ödənişi aşağı salacaqmı? Onlar bu sualı çox aqressiv qarşılayırlar>>

Sputnik Azərbaycan-a açıqlama verən təhsil üzrə ekspert Kamran Əsədov bildirib ki, pandemiya dövründə hələ ilk vaxtlardan onlayn təhsil müəllimlərin məsafədən dərs keçmək üçün platformalardan istifadə bacarığının olmadığını üzə çıxartdı:

"Mart ayından teledərslər və virtual məktəb layihələrinə start verilsə də, bu da effekt vermədi. Geridə qoyduğumuz dövrdə isə müəllimlərin onlayn təhsilvermə bacarığının artırılması üçün faktiki olaraq heç bir iş görülməyib. Türkiyədə müəllimlər yeni tədris ili öncəsi seminarlara dəvət ediliblər, onlayn təhsilvermə bacarıqları inkişaf etdirilib. Bizim virtul məktəbdə isə cəmi 50 min müəllim qeydiyyatdan keçib. Hazırkı vəziyyət onu göstrərir ki, onlayn təhsillə bağlı bu tədris ili biz müsbət dəyişikliyin şahidi olmayacağıq.

Çünki Azərbaycanda təhsilalma formalarından biri kimi distant təhsil qəbul edilsə də, uzun illər bundan istifadə edilməyib. Pandemiya dövründə onlayn təhsil günün tələbinə çevrildiyindən buna icazə verilsə belə, kadr hazırlığı olmadığından, onlayn təhsildə təhsilvermə keyfiyyəti çox aşağı oldu. Bu tədris ili də eyni formatda tədris həyata keçiriləcəksə, biz təhsilin keyfiyyətindən danışa bilmərik".

Təhsil Nazirliyi yanında İctimai Şuranın məsul katibi, fəlsəfə doktoru İlqar Orucov Sputnik Azərbaycan-a bildirib ki, yeni tədris ili ərəfəsi cəmiyyəti də düşündürən əsas sual onlayn təhsil formasında keyfiyyət məsələsidir: "Biz yenə o fikirdəyik ki, onlayn təhsil ənənəvi təhsili əvəz edə bilməz. Amma bu gün bizi düşündürən əsas məsələ odur ki, biz bir nəsli itirməyək. Hansı formada olur-olsun təhsilverməni təmin edək. Müəllimlərin hazırlığı ilə bağlı məsələyə gəlincə, ali təhsil müəssisələri kadr hazırlığı məsələsində xeyli iş görüb. Amma unutmayaq ki, distant təhsilə başlamaq üçün 5-6 il vaxt lazımdır. Bu müddəti gözləmək üçün vaxtımız olmasa da, müəllimlərə müəyyən seminarlar təşkil edilərək bilgi verilib. Əsas odur ki, bizim təhsilalanlarımız proqramdan kənar qalmasınlar. Amma orta məktəblərdə vəziyyət bir qədər çətindir. Məktəbyaşlı uşaqların, xüsusilə 5-9-cu sinif şagirdlərinin təhsilalmasında müəyyən çətinliklər yaşana bilər. Bu təkcə müəllim hazırlığı ilə bağlı deyil. Həmin şagirdlər arasında internetə və texniki avadanlıqlara əlçatanlıqla bağlı bir məsələdir. Ona görə də Təhsil Nazirliyi, düşünürəm ki, çox düzgün qərar verib. Virtual məktəb platformasının davam etdirilməsi və teledərslərə start verilməsi ilə dərs proqramının mənimsədilməsi mümkün olacaq. Biz ümid edirik ki, cəmiyyət də təhsil ictimaiyyətinin yanında olacaq".

Təhsil Nazirliyinin mətbuat katibi Cəsarət Valehov Sputnik Azərbaycan-a açıqlamasında bildirib ki, onlayn təhsillə bağlı müəllimlərin hazırlığının daha da təkminləşdirilməsi üçün xeyli iş görülüb. Onun sözlərinə görə, Təhsil İnstitutunun Təhsil İşçilərinin Peşəkar İnkişafı Mərkəzində bu məqsədlə müəlllimlər üçün təlimlər keçirilib. Təlimlərə həm paytaxtdan, həmçinin də bölgələrdən müəllimlər cəlb edilib. Müəllimlərin İKT və onlayn təhsilvermə bacarıqlarının inkişaf etdirilməsi istiqamətində iş aparılıb.

1126
Teqlər:
keyfiyyət, bacarıq, İKT, müəllim, təhsil, onlayn
Əlaqədar
Ucuz və asan xaricdə təhsil - Gələcəyimizə vurulan balta
Ekspert: "Şagirdlərin ictimai nəqliyyatdan istifadəsi yoluxma sayını artıra bilər"
Mal hazırdır, qərar yox: uşaqlarımıza məktəbə rəngarəng geyinməyə izn verəcəklərmi? - FOTO
Valideynlərin köhnə dərdi ikiqat təzələndi, ən pisi - bu dəfə heç kim heç nə bilmir
UNİCEF xəstəliyə yoluxmaqdan deyil, məktəblərin bağlı qalmasından qorxmağı məsləhət görür
Məktəblərin birində, arxiv şəkli

Professor məktəblərdə dərslərlə bağlı təklif irəli sürüb: "Özüm hazırlayıb keçərəm"

19
(Yenilənib 13:08 05.12.2020)
"Düşünürəm ki, ali məktəb rəhbərləri və Təhsil Nazirliyinə müraciət etdikdən sonra məsələni kütləviləşdirmək və reallaşdırmaq olar" - Nəsiman Yaqublu

BAKI, 5 dekabr — Sputnik. Məktəblərdə "Zəfər-Vətən" dərslərinin keçirilməsi ilə bağlı təklif irəli sürülüb. Bakı Dövlət Universitetindən Sputnik Azərbaycan-a verilən məlumata görə, bu təkliflə universitetin professoru Nəsiman Yaqublu çıxış edib. O bildirib ki, "Zəfər-Vətən" dərsləri zamanı bütün müəllimlər tarixi qələbəmizdən, o cümlədən bu zəfərin əhəmiyyətindən, azad edilmiş ərazilərimizdən, şəhid və qazilərimizin fədakarlığındann birlik və həmrəyliyimizdən danışsınlar:

"Sərəncama uyğun olaraq hər il noyabrın 8-də ali və orta məktəblərdə xüsusi mövzunun - "Zəfər-Vətən" dərslərinin keçirilməsi müsbət addım olar. Biz bu günləri unuda bilmərik. Düşünürəm ki, müxtəlif görüntülər, slaydlar vasitəsilə zəfər tariximizlə bağlı dərslərin keçirilməsi məqsədəuyğun olar. Şəxsən mən həmin materialları hazırlamağa və dərsi tədris etməyə hazıram".

"Biz gənclərimizi şəhidlərimizin, qazilərimizin ruhunda tərbiyə etməliyik. Düşünürəm ki, ali məktəb rəhbərləri və Təhsil Nazirliyinə müraciət etdikdən sonra məsələni kütləviləşdirmək və reallaşdırmaq olar".

19
Teqlər:
Zəfər Günü, Vətən, BDU, professor, dərs, məktəb
Tədqiqat, arxiv şəkli

Yapon alimlər indiyədək heç kəsin görə bilmədiyini gördülər

30
(Yenilənib 01:52 04.12.2020)
Eksitonların yalnız bir tipinin - parlaq eksitonların işıqla qarşılıqlı əlaqədə olması qabiliyyəti alimlərə çoxdan məlumdur. Ancaq qara eksitonlar da mövcuddur ki, onları indiyədək müşahidə etmək mümkün olmurdu.

BAKI, 4 noyabr - Sputnik. Yapon alimlər əvvəllər müşahidə edilə bilməyən zərrəciklərin vizualizasiya metodunu aşkarlayıblar. Müəlliflərin fikrincə, bu, günəş batareyaları və işıq diodlardan tutmuş smartfon və lazerlərədək gələcək yüksək texnologiyalı qurğuların hazırlanmasında gərəkli olan ikiölçülü yarımkeçiricilərin öyrənilməsində inqilaba bərabər kəşfdir.

Sputnik Azərbaycan bildirir ki, araşdırmanın nəticələri Science jurnalında dərc olunub.

Eksitonlar - bir çox müasir texnologiyanın əsas tərkibi olan yarımkeçiricilərdə maddənin həyəcan vəziyyətini əks etdirən kvazi hissəciklərdir. İşıq elektronlara təsir edib onları daha yüksək enerji halına qaldıran zaman eksitonlar yaranır, bu zaman elektronların əvvəl olduğu enerji səviyyəsində isə dəlik əmələ gəlir.

"Dəlik - elektronun olmaması deməkdir, ona görə də onlar elektronun əksi olan yükü daşıyırlar. Əks yüklər bir-birini cəzb edir, həm elektronlar, həm də dəliklər birləşərək eksitonları əmələ gətirir, bunlar isə öz növbəsində material daxilində hərəkət edir", - Okinava Elm və Texnologiya İnstitutunun professoru, femtosaniyə spektroskopiya bölməsinin rəhbəri Keşav Dani yazır.

İri yarımkeçiricilərdə eksitonlar əmələ gəldikdən sonra saniyənin milyardda bir kəsikləri ərzində sönür. Üstəlik, onlar "kövrək" də ola bilir, bu isə həm öyrənilməsini, həm də idarəolunmasını çətinləşdirir. Ancaq təxminən on il əvvəl alimlər ikiölçülü yarımkeçiriciləri kəşf etdilər ki, bunlarda eksitonlar daha dayanıqlıdır.

"Stabil eksitonlar bu materiallara, doğrudan da unikal xüsusiyyət bəxş edir, buna görə də eksiton əsaslı yeni optik-elektron qurğuların yaradılması üçün xeyli araşdırma aparılıb, - digər müəllif, femtosaniyə spektroskopiya bölməsinin əməkdaşı doktor Jülyen Madeo qeyd edir. - Ancaq hazırda eksitonların ölçülməsi üçün standart eksperimental texnika məhduddur".

Eksitonların yalnız bir tipinin - parlaq eksitonların işıqla qarşılıqlı əlaqədə olması qabiliyyəti alimlərə çoxdan məlumdur. Ancaq qara eksitonlar da mövcuddur ki, onları indiyədək müşahidə etmək mümkün olmurdu.

Qara eksitonlarda elektronların impulsu parlaq eksitonlardakı elektronların impulsundan və əlaqədə olduqları dəliklərin hərəkət anından fərqlənir, bu isə onlara işığı udmağa imkan vermir.

"Bilirdik ki, onlar var, amma birbaşa görə, tədqiq edə bilmədiyimizdən materialın optik-elektron xüsusiyyətlərinə nə dərəcədə təsir etdiyini bilmirdik", - Madeo bildirib. 

Qara eksitonları vizuallaşdırmaq üçün alimlər əvvəllər əlaqəsiz elektronları öyrənmək üçün istifadə etdikləri güclü texnikanı modifikasiya ediblər.

"Tərkibi zərrəciklər olan eksitonlarda bu metodların necə işə yarayacağı aydın deyildi. Bu yanaşmanın əsaslı olub-olmadığı barədə elmi cəmiyyət böyük nəzəriyyə müzakirəsi açdı", - professor Dani qeyd edib.

Müəlliflər təxmin ediblər ki, yüksək enerjiyə malik fotonlu işıq seli ilə yarımkeçirici materialdakı eksitonlara təzyiq olunsa, fotonların enerjisi eksitonları dağıdaraq elektronları materialdan çıxara bilər. Bununla da elektronların materialdam çıxdığı istiqaməti ölçərək elektronların eksitonların tərkibi olduğu zaman malik olduğu ilkin impulsu təyin etmək mümkün olardı. Beləliklə, alimlər nəinki eksitonları görə, eləcə də qara və parlaq eksitonları bir-birindən ayıra biləcəklər.

"Bütün texniki problemləri həll edb, qurğunu qoşarkən bizim ekranda eksitonlar peyda olanda - bu, doğrudan da möhtəşəm idi", - tədqiqatda iştirak etmiş doktor Mişel Man deyib.

Alimləri bir xüsusiyyət də təəccübləndirib: onlar şahid olublar ki, materialda qara eksitonlar parlaq eksitonlardan çoxdur, üstəlik, müəyyən şərtlər daxilində, həyəcanlanmış elektronlar materialda səpələnib impulslarını dəyişən zaman eksitonlar dəyişə bilir (parlaqdan qaraya).

30
Teqlər:
elektron zərrəcik, yarımkeçirici, material, optik, elmi tədqiqat, tədqiqat, alimlər, Yaponiya
Bill Geyts

Bill Geyts tarix verdi - Həyat zaman normala dönər?

0
(Yenilənib 21:00 05.12.2020)
Bill Geyts inkişaf etdirilən peyvəndlər və müalicə üsulları sayəsində ABŞ-ın 2021-ci ilin yazına qədər normala dönə biləcəyini söyləyib

BAKI, 5 dekabr — Sputnik. “Microsoft” şirkətinin qurucusu Bill Geyts pandemiyanın gedişatı ilə bağlı bir açıqlama verib.

Sputnik Azərbaycan NTV-yə istinadla xəbər verir ki, Bill Geyts qarşıdakı 4-5 ayın pandemiya ilə mübarizədə çətin olacağı ilə bağlı xəbərdarlıq edib. O, peyvənd istehsalının bahar aylarında artacağını və nəzərəçarpacaq dəyişikliyin yaşanacağını vurğulayıb.

Bill Geyts inkişaf etdirilən peyvəndlər və müalicə üsulları sayəsində ABŞ-ın 2021-ci ilin yazına qədər normala dönə biləcəyini söyləyib. Milyonçu maska taxmağın və sosial məsafə saxlamağın vacibliyini bir daha diqqətə çatdırıb.

Qeyd edək ki, Bill Geyts koronavirus peyvəndi araşdırmaları üçün bir çox şirkətə milyonlarla dollar sərmayə qoyub.

0
Teqlər:
vaksin, pandemiya, Koronavirus, COVID-19, epidemiya, "Microsoft", Bill Qeyts, Bill Gates
Mövzu:
Dünyanı cənginə almış bəla