Bakı məktəblərin birində, arxiv şəkli

Təhsil üçün iki həlledici həftə - "Müəllimlər hazır olmalıdırlar"

878
(Yenilənib 16:22 20.08.2020)
"Avqustun sonuna qədər virusa yoluxmada müsbət tendensiya olarsa, ənənəvi təhsilə, mənfi dinamika qeydə alınarsa, distant təhsilin genişənməsinə ehtiyac yaranacaq.  Bu iki həftənn dinamikası qərar qəbul etmək üçün əsas verməlidir"

Zülfiyyə Quluyeva, Sputnik Azərbaycan

BAKI, 20 avqust — Sputnik. Bilik gününə sayılı günlər qalsa da, hələ də ümumtəhsil müəssisələrində dərslərin necə keçiriləcəyi barədə dəqiq qərar verilməyib. Təhsil naziri Emin Əmrullayevin avqustun 17-də Milli Məclisin Elm və Təhsil komitəsi ilə videoformatda keçirilən konfransında təhsilin ənənəvi formada davam etdirilməsinin mümkün olmadığını vurğulayıb.

Nazir təhsil adi qaydada davam edərsə, insanların hərəkətlilik səviyyəsinin nəzərə alınmasının vacibliyini vurğulayıb, bunun müəyyən risklər yarada biləcəyini qeyd edib. Bildirilib ki, Təhsil İnstitutunun verdiyi tövsiyələrdə tədrisin məsafədən təşkili, qarışıq (onlayn və sinif otağında) modellərinin tətbiqi yolları nəzərdə tutulur. Yoluxma risklərinin minimuma endirilməsi üçün ümumi məktəb günlərinin sayının, dərs saatının miqdarının, sinif otaqlarının azaldılması kimi tədbirlər nəzərdə tutulur. Tənəffüs fasilələrinin uzadılaraq şagirdlərin açıq havada çox vaxt keçirməsi məqsəduyğun hesab edilir.

Bakı Şəhəri üzrə Təhsil İdarəsinin (BŞTİ) müdiri Rəşad Tağıyev də açıqlamasında bildirib ki, BŞTİ, Təhsil Nazirliyi, eyni zamanda məktəblərin rəhbərliyi, müəllim heyəti, bir sözlə, cəmiyyət hərəkətlərini tələb olunan qaydalara, protokollara uyğun olaraq tənzimləsə, Bakı şəhərində də hibrid formada tədrisin təşkili mümkündür.

Bəs görəsən, hibrid tədris forması nə dərəcədə effektlidir?

Təhsil Nazirliyi yanında İctimai Şuranın sədri, professor Şahlar Əsgərov Sputnik Azərbaycan-a açıqlamasında bildirib ki, koronavirus pandemiyası idarə olunmadığından təkliflərin birini seçib tətbiq etməliyik:

"Təhsil İnstitutu araşdırma apardıqdan sonra təhsilin pandemiya dövründə davam etdirilməsi üçün təkliflər hazırlayıb. Mən hesab edirəm ki, o təkliflərin ən yaxşısı hibrid tədris formasıdır. Hibrid təhsilin yüzlərlə variantı var. Təhsil İnstitutundakı mütəxəssislərin köməyi ilə ən yaxşı variant seçiləcək. Bəzən deyirlər ki, şagirdlərin iki gün məktəbə getməsi ilə beş gün getməsində fərq yoxdur. Virusa yoluxan iki gün getsə də yoluxacaq. Bu düzgün fikir deyil. Hibrid təhsilin effekti ondadır ki, şagirdlər arasında təmas azaldılsın".

Milli Məclisin Elm və Təhsil Komitəsinin üzvü Etibar Əliyev Sputnik Azərbaycan-a açıqlamasında bildirib ki, dərslərin hansı formada aparılacağı gələn iki həftənin virusa yoluxma dinamikasından asılı olacaq:

 "Biz hazırda koronavirusa yoluxma dinamikasının azaldığını müşahidə edirik. Amma bu dinamika dəyişir. Məktəblərin açılmasına isə az qalıb. Ona görə də təhsilin necə davam etdirilməsi barədə qərar açıqlanmalıdır. Amma nəzərə alaq ki, pandemiya idarə olunmur. Dünya ilk dəfədir ki, belə hadisə ilə qarşılaşıb. Azərbaycanda Təhsil İnstitutu bununla bağlı çox maraqlı təkliflər paketi hazırlayıb. Bu təkliflər ictimaiyyətə açıqlanıb.

Hər bir ölkə pandemiyanın dinamikasından asılı olaraq dərs ilinin başanması ilə bağlı çıxış yolu axtarır. Belə qənaətə gəlinib ki, ibtidai təhsil ənənəvi qaydada həyata keçirilsin. Orta təhsil, demək olar ki, tam şəkildə, tam orta təhsil hissəsi isə hibrid formada həyata keçirilsin. Bu həftənin virusla bağlı dinamikası çox həlledicidir. Avqustun sonuna qədər virusda yoluxmada müsbət tendensiya olarsa, ənənəvi təhsilə, mənfi dinamika qeydə alınarsa, distant təhsilin genişənməsinə ehtiyac yaranacaq.  Bu iki həftənn dinamikası qərar qəbul etmək üçün əsas verməlidir. Amma bütün ali məktəb müəllimləri distant təhsilə hazır olmalıdırlar, universitetlər distant təhsil imkanını genişləndirməlidir".

E.Əliyev  deyir ki, həftədə iki-üç dəfə dərsə getmək təklifi effektlidir. Çünki şagirdi məktəbdən soyutmaq da olmaz:

"Biz nə vaxtsa ənənəvi təhsilə keçəcəyik. Artıq ÜST də karantinin yenidən tətbiq edilməsini tövsiyə etmir. Amma bu gün qarşıya qoyulan əsas məqsəd şagirdlə məktəbin əlaqəsini kəsməməkdir. Hər şey gələn həftənin virusa yoluxma dinamikasından asılı olacaq".
878
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar (373)
Əlaqədar
Diplom almaq heç bu qədər asan olmamışdı - Yenilik
"Əti sənin, sümüyü mənim" dedirtməyənlər - tək dərd pulda deyil ki...
Ekspert: “Ənənəvi formada dərslərin keçilməsi bərpa edilməlidir”
Əvvəllər qışa mürəbbə, turşu ehtiyatı görülürdü - İndi müəllimləri konservləşdirəcəklər
Tədris ili necə və nə vaxt başlayacaq? - Nazir deputatlara müzakirə etdi
Məktəbli, arxiv şəkli

"Bir il hana, bir il "dana"- İşləyən valideynlər iki yoldan birini seçməlidir

58
(Yenilənib 13:52 23.09.2020)
Valideynlərdən şikayət: "İbtidai siniflər üçün dərslərin həftədə iki-üç dəfə virtual keçirilməsi onları proqramdan geri qoyur. Uşaqların texniki bilikləri olmadığından, onlar sərbəst şəkildə virtual dərslərə qoşula bilmirlər"

Zülfiyyə Quluyeva, Sputnik Azərbaycan

BAKI, 23 sentyabr — Sputnik. Dərslərin bu tədris ilindən koronavirus pandemiyasına görə hibrid keçirilməsi bu il məktəbə qədəm qoyan birincilər üçün çox ciddi problem yaradıb. Belə ki, virtual məktəbin funksiyalarından heç cürə istifadə etməyi bacarmayan 1-ci sinif şagirdləri dərslərin virtual keçirildiyi günlərdə valideyn köməyindən asılı vəziyyətə düşüblər. Bu isə işləyən valideynləri böyük çətinliklə üz-üzə qoyub.

Övladı bu il birinci sinfə gedən Fərizə Salmanova adlı valideyn Sputnik Azərbaycan-a açıqlamasında bildirib ki, özü və həyat yoldaşı işləyir. Uşaq həftənin yalnız iki gün dərsə gedir.

Onlayn dərs keçirilən günlərdə də təkbaşına dərslərə qoşula bilmir:

"Uşaq telefonla dərsə necə qoşulmağı bacarmır. Hansı uşağın valideyni evdədirsə, kömək edə bilirsə onlayn dərslərə qoşulur. Valideyni işləyən uşaqlar isə demək olar ki, həftədə iki gün dərs keçə bilir. Birinci sinif şagirdlərinin dərsi onlayn keçməsi demək olar ki, mümkün deyil. Müəllim sadəcə hansı hərfdən, hansı rəqəmdən neçə sətir yazmağı tapşırır".

Valideyn deyir ki, bir evdən iki-üç uşaq dərsə gedirsə, bu zaman problem daha da böyüyür: "Oktyabrın 1-dən mənim kiçik qızım da məktəbəhazırlığa gedəcək. Bir telefonla iki uşağın dərsə onlayn qoşulması isə mümkün deyil".

Salmanovanın sözlərinə görə, ibtidai siniflər üçün dərslərin həftədə iki-üç dəfə virtual keçirilməsi onları proqramdan geri qoyur. Uşaqların texniki bilikləri olmadığından, onlar sərbəst şəkildə virtual dərslərə qoşula bilmirlər.

Sputnik Azərbaycan onlayn təhsilin aşağı sinif şagirdlərinə yaratdığı problemdən çıxış yollarını araşdırıb.

Təhsil üzrə ekspert Məlahət Mürşüdlü Sputnik Azərbaycan-a açıqlamasında bildirib ki, valideynlər narazılıqlarında haqlıdırlar. Aşağı siniflərdə onlayn dərslərin keçirilməsi çətindir. Bunun üçün mütləq şəkildə valideynin köməyi olmalıdır. Hər iki valideyn işləyirsə, uşağa virtual məktəbə qoşulmağa dəstək göstərən olmur. Birinci sinfə gedən şagirdin isə elə texniki bacarıqları yoxdur ki, o, sərbəst onlayn dərslərə qoşulsun. Artıq bəzi ölkələrdə bunun çıxış yolunu tapıblar:

"Qonşu Gürcüstanda hər iki valideyni işləyən ailələrə uşaqların onlayn dərs keçməsi üçün sosial işçilər ayrılıb. Ana-ata işə getdikdə sosial işçilər uşağa bu məsələdə kömək göstərirlər. Çox təəssüf ki, bizdə hibrid dərslərə start verilsə də, bu problemin çıxış yolu yoxdur. Bu zaman valideyn məcburdur ki, uşağa onlayn dərslərə qoşulmaqda yardım üçün dayə tutsun. Çünki, bəzən nənə və baba yaşlı olduğu üçün evdə olsalar belə, uşağa bu məsələdə yardım edə bilmirlər. Dayə tutmaq üçün isə hər ailənin imkanı çatmır".

M. Mürşüdlü bildirir ki, problemdən çıxış yollarından biri ibtidai sinif şagirdlərinə əyani şəkildə hər gün 5 dəfə dərslərin keçirilməsini təmin etməkdir: " Qardaş Türkiyədə müəllimlər aşağı sinif şagirdlərinin evinə gedərək onlara yazıb oxumağı öyrədirlər. Bizdə müəlimlərə belə bir tapşırıq verilməyib. Ona görə də valideyn işdən gəldikdən sonra məcburdur ki, uşağın əlindən tutub ona yazmağı öyrətsin. Amma düşünürəm ki, işləyən ailələrin bu problemi nəzərə alınmaqla, aşağı sinif şagirdlərinin beş-beş bölünərək dərsə gündəlik getməsi təmin oluna bilər. Çünki, xüsusilə birinci və ikinci siniflərdə şagirdin müəllimlə birbaşa ünsiyyətdə olması çox vacibdir. Nəzərə alsaq ki, bu gün şagirdlərin çoxunun evində virtual məktəbə qoşulmaq üçün kompyuter, telefon və internetə əlçatanlıq tam təmin olunmayıb, bu zaman uşaqlar yazıb-oxumaq bacarığına yiyələnməkdən məhrum ola bilərlər. Azərbaycanda isə orta təshil icbaridir".

Təhsil İnstitutunun Təlimin Nəzəriyyəsi və Metosikası şöbəsinin müdiri Bibixanım İbadova isə Sputnik Azərbaycan-a açıqlamasında bildirib ki, dərslərin onlayn keçirilməsi zamanın tələbidir:

"Burada bizim heç birimizin istəyi nəzərə alınmır. Doğrudur ki, virtual məktəb ənənəvi təhsilin yerini verə bilməz. Amma məqsəd pandemiya dövründə şagirdlərin dərsdən kənar qalmamasıdır. Bəzi valideynlər işdə olduğu üçün uşağın dərslərinə vaxt ayıra bilmədiyini söyləyir. Amma valideyn hər zaman işdə olmur axı. Məktəb üçbucaqdır. Bu üçbucağın bir qolu müəllimdirsə, digər qolu valideyndir. Əvvəl valideynlər arxayın idi ki, müəllim onun övladına lazımi bilik verir. Amma indi valideyn öz övladını nəzarətə götürməlidir".

B. İbadova deyir ki, işləyən valideynlər də hibrid təhsil sistemində Təhsil Nazirliyi tərəfindən nəzərə alınıb: "Nəzərə almaq lazımdır ki, Virtual məktəbdən əlavə Teledərslər də var. Teledərslər "Youtube"a yüklənir. Bu gün uşaqların təhsil alması üçün əhatəli şərait yaradılıb. Teledərslərin "Youtube"a yerləşdirməyin məqsədi odur ki, şagirdlərin keçirilən dərsləri təkrar-təkrar izləmək imkanı olsun. Valideyn işdən gəldikdən sonra "Youtube"u açıb uşağı ilə dərsi izləyə bilər. İnternetdə dərs resurslarından da istifadə etməklə övladının dərs proqramını mənimsəməsinə yardım edər. Pandemiya dövründə hamımız səfərbər olmalıyıq ki, uşaqar təhsildən kənar qalmasınlar".

58
Teqlər:
təhsil, məktəb, virtual, Təhsil Nazirliyi
Əlaqədar
Nazirin açıqlaması ilə məhv olan ümidlər: onda bəs Virtual Məktəb nəyə gərək idi?
Uşaqlar virtual və real məktəb arasında seçim edirlər – SORĞU
Virtual məktəbdə qeydiyyat dayandırılır
Təki oxumağa istək olsun: "Virtual məktəb"ə direktorlar da nəzarət edəcək

Azərbaycanda bir məktəb koronavirusa görə distant təhsilə keçib

26
(Yenilənib 00:01 23.09.2020)
Bu gün daha 2 sinif distant təhsilə keçirilib. Bununla da distant təhsilə keçirilmiş siniflərin sayı 6-ya çatıb.

BAKI, 22 sentyabr - Sputnik. Təhsil Nazirliyi ümumi təhsil müəssisələrində bu günə COVID-19-la olan məlumatı açıqlayıb.

Sputnik Azərbaycan xəbər verir ki, sentyabrın 22-də 36 şagirddə hərarət 37 dərəcədən yüksək olub.

Məlumata görə, bu gün 10 şagirddə koronavirus aşkarlanıb. Virusun aşkarlandığı işçi heyətin sayı isə 7 nəfərdir. Onlarda 37 dərəcədən yüksək hərarət müşahidə edilib.

Bu gün daha 2 sinif distant təhsilə keçirilib. Bununla da distant təhsilə keçirilmiş siniflərin sayı 6-ya çatıb. Həmçinin 1 məktəb distant təhsilə keçib.

26

Maska ara məsafəsiz olmaz: Karantindən sonra Şəki bazarında vəziyyət yerdədir

0
(Yenilənib 19:23 23.09.2020)
Şəki şəhərindəki mərkəzi bazar dördgünlük karantindən sonra yenidən açılıb. Satışın necə getdiyini və təyin edilən qaydalara riayət edilib-edilmədiyini videomuzda izləyin.

Dünəndən Şəkinin mərkəzi bazarı alıcılar üçün açılıb. Ötən həftə onun ərazisində on üç nəfər COVID-19 infeksiyasına tutulmuşdu. Nazirlər Kabineti yanında Operativ Qərargah 18 sentyabrdan etibarən bazarın tamamilə bağlanması ilə bağlı qərar qəbul edib. Bazarın lokdaunu dörd gün davam edib və tam dezinfeksiya işlərindən sonra bazar yenidən alıcı və satıcılara öz qapısını açıb.

İndi burada ən əsas aksesuar maskadır – həm alıcı, həm satıcılar üçün. Piştaxta üzərində spirt, girişdə isə əhalinin hərarətini ölçən polis və sanitar xidməti durub. Alıcılar da bu cür tədbirləri alqışlayır və özlərini təhlükəsizlik hiss etdiklərini deyir. Əsası odur ki, vəziyyəti nəzarət altında saxlamağa davam etsinlər.

0