Bakıda məktəbdə dərs prosesi, arxiv şəkli

"Əti sənin, sümüyü mənim" dedirtməyənlər - tək dərd pulda deyil ki...

1070
(Yenilənib 01:04 17.08.2020)
"Qardaş Türkiyədə təkcə İstanbulda 7 min orta məktəbdən 3500-ü özəldir. Bu həm büdcə asılılığını azaldır, həm də təhsil müəssisələri arasında rəqabət mühiti formalaşdırır"

Nigar İsgəndərova, Sputnik Azərbaycan

BAKI, 17 avqust — Sputnik. Öncəki illərlə müqayisədə Azərbaycanda özəl təhsil sektoruna maraq çoxalıb. Bu fonda özəl orta təhsil müəssisələrində qiymətlərin də artmasının şahidi oluruq. Hazırda Azərbaycanda belə müəssisələrdə illik təhsil haqqı 6-12 min manat civarındadır.

Maraqlıdır, bu təhsil müəssisələri aldıqları pula adekvat təhsil verirmi? Ümumiyyətlə, özəl məktəblərin nə kimi üstünlükləri və çatışmazlıqları var, xaricdəki "əjdaha"lara çatmaq üçün nəyə ehtiyac duyurlar - bu məsələləri Sputnik Azərbaycan təhsil eksperti Kamran Əsədovla və valideynlərlə müzakirə edib.

"İlk növbədə qeyd edim ki, "Təhsil haqqında" qanun Azərbaycanda mülkiyyət növünə görə dövlət, bələdiyyə və özəl təhsil müəssisələrinin fəaliyyətinə icazə verir. Ancaq ölkəmizdə indiyədək yalnız özəl orta məktəblər yaradılıb. Bələdiyyə məktəblərinin yaradılması məsələsi dəfələrlə gündəmə gətirilsə də, bugünədək reallaşmayıb.

Dövlət Statistika Komitəsinin məlumatları əsasında onu da deyim ki, hazırda ölkəmizdə 2020-2021-cü dərs ilində fəaliyyət göstərəcək dövlət və özəl əyani ümumi təhsil müəssisələrinin sayı 4500-ə qədər olub. Onlardan 346-sı ibtidai, 830-u ümumi orta, 3312-si isə tam orta ümumi təhsil müəssisəsidir. Liseylerin sayı 85, gimnaziyaların sayı isə 15-dir. Eyni zamanda sağlamlıq imkanları məhdud uşaqlar üçün 17 xüsusi və internat məktəbi fəaliyyət göstərir. Amma dövlət məktəbləri büdcədən asılı olduğu üçün o qədər də sürətlə inkişaf də bilmir.

Xatırladım ki, özəl təhsil müəssisələrinin əhatəliliyi bu gün 1 faizdən aşağıdır. Burada təhsil alanların sayı da dövlət orta məktəbləri ilə müqayisədə dəfələrlə aşağıdır. Hazırda özəl məktəblərdə təhsil alan şagirdlərin ümumi sayı isə 1289-dur. Bu, digər ölkələrlə müqayisədə çox aşağıdır. Qardaş Türkiyədə təkcə İstanbulda 7 min orta məktəbdən 3500-ü özəldir. Bu həm büdcə asılılığını azaldır, həm də təhsil müəssisələri arasında rəqabət mühiti formalaşdırır", - deyə K.Əsədov vəziyyəti dəyərləndirib.

Distant təhsil - Gələcəyimizi təmin edən fürsət, yoxsa savadsızlığa aparan "Troya atı">>

Dünyanın inkişaf etmiş bütün ölkələrində vəziyyətin oxşar olduğunu söyləyən ekspert Azərbaycanda özəl orta məktəblərin təhsil haqqının hədsiz dərəcədə yüksək olduğunu vurğulayır. Onun fikrincə, bu, əlçatımlılığın qarşısını alır:

"Ölkəmizdə özəl orta məktəblərin problemi təkcə təhsil haqqının yüksək olması deyil, burada digər problemlər də var. Belə ki, müxtəlif özəl məktəblər var ki, heç fəaliyyəti cəmiyyətə bəlli deyil, ingilis və ya başqa xarici dilli məktəb olaraq əcnəbi adla fəaliyyət göstərirlər.

Səfirliklər öz əməkdaşları üçün məktəb aça, kadrları da, məktəb də həmin dövlətin dilində fəaliyyət göstərə bilərlər. Həmin məktəblərdə ölkəmizin tarixi, coğrafiyası, dili də öyrədilməlidir. Digər tərəfdən, Azərbaycanın təşkil etdiyi məktəblərdə heyət əsasən milli kadrlardan ibarət olmalı, öyrədilən biliklər öz dövlətimizin standartına, tərbiyə aspekti isə milli-mənəvi dəyərlərimizə əsaslanmalıdır. Təəssüf ki, bir sıra orta məktəblər var ki, xaricdən mütəxəssislər dəvət olunur, dərs proqramı xaricdən gətirilir, tərbiyə aspekti milli dəyərlərimizdən kənar olur".

"Dünya təcrübəsi ilə bağlı başqa bir məqamı da qeyd edim ki, əslində qərb ölkələrində bir çox özəl orta məktəblərdə uğurla təhsil alan tələbələr üçün qrantlar və adlı təqaüdlər sistemi nəzərdə tutulur: bu, valideynlərin çəkdiyi ilkin xərcləri əhəmiyyətli dərəcədə kompensasiya edə bilir. Ayrı-ayrı hallarda özəl məktəbin müdiriyyəti istedadlı uşaqları qismən ödəniş müqabilində və ya təmənnasız olaraq məktəbə qəbul edir.

Təəssüf ki, bizim ölkəmizdə bu cür təcrübə vüsət almayıb. Ona görə də təhsilin bu sektorunu inkişaf etdirmək, ona olan marağı daha da artırmaq, mövcud problemləri nizamlamaq, əhalinin sosial tərkibindən asılı olmayaraq hər bir təbəqəyə maddi cəhətdən əlçatan etmək üçün təşkilati və stimullaşdırıcı tədbirlərin həyata keçirilməsinə böyük ehtiyac var", - deyə Sputnik Azərbaycan-ın müsahibi bildirib.

O qeyd edib ki, digər tərəfdən, özəl orta təhsil müəssisələrinə öz işlərini daha səmərəli qurmaqda və inamlı təsir bağışlamaqda dövlət dəstəyinin də böyük təsiri ola bilər ki, bu da çox vacib şərtlərdən biridir.

Özəl və dövlət tədris müəssisələrini qarşılaşdırdıqda maraqlı mənzərə alınır: seçim edərkən valideynlərin bəziləri günlük rahatlıqları və xərclərini,  bəziləri isə övladlarının mümkün uğurların əsas götürürlər.

Ödənişinin Azərbaycan, rus, ingilis dili bölməsinə görə 8, 10, 12 min arasında dəyişdiyi özəl məktəblərin biri ilə əlaqə saxladıq. Bizə bildirildi ki, pandemiya dövründə valideynlərə təhsil haqqı 90-100 faiz qədərində geri qaytarılıb. Qeyd olunub ki, pandemiya ilə əlaqədar olaraq təhsil müəssisələrinin fəaliyyəti bərpa olunmadığı halda tədris proqramı qısaldılmış formada, onlayn rejimdə (gündəlik 2 məşğələ olmaqla) icra olunacaq. Bu dövr üzrə (onlayn dərslərin keçirildiyi dövr) təhsil haqqı hesablanmayacaq və heç bir ödəniş tələb olunmayacaq. Növbəti ödəniş uşaqların fiziki olaraq dərsə başladığı tarixdən (fəaliyyət göstərilməyən aylar üzrə ödəniş çıxılmaqla) həyata keçirilə biləcək.

Bütün dərs ili üzrə təhsil müəssisələrinin fəaliyyəti bərpa olunmadığı təqdirdə onlayn məşğələlər keçirilsə belə, bağça üzrə ödənilmiş illik təhsil haqqı 100%, məktəbəqədər hazırlıq qrupları üzrə isə 90% həcmində geri qaytarılacaq. Bu özəl məktəbin əsas üstünlüyü isə istər bağça, məktəbəqədər, istərsə də məktəbli uşaqların 08:45-dən 18:00-dək orada saxlanılması, gündə üç dəfə qidalanması, onlara əlavə məşğələlərin keçirilməsi, yatması, əyləncələri daxildir. Fin təhsil modelini təbliğ edən məktəb sonda hazır kadr verir.

Bu gün özəl məktəblərlə dövlət məktəbləri arasında bu fərq olduğundan xüsusən mövcud pandemiya dövründə işləyən valideynlər əlavə stress, gərginlik yaşamadan övladını təhsil müəssisəsinə rahatlıqla etibar edərək həm pul qazana bilir, həm də övladını bütün gün ərzində mobil applikasiya vasitəsilə nəzarətdə saxlaya bilirlər.

Valideynlər daha çox hansına üstünlük verirlər və nə qədər xərcləri çıxır?

Övladı özəl təhsil müəssisəsində oxuyan valideyn deyir ki, illik təhsil haqqından əlavə, onların yalnız dəftər-qələmə xərci çıxır: "Digər bütün xərclər, dərsdən sonra məşğələlər də təhsil müəssisəsi tərəfindən qarşılanır. Mən də, həyat yoldaşım da işdə rahat otururuq, işimizi görürük. Yəni, bütün günü fikrimiz uşaqda qalmır ki, görəsən, indi nə edir, evdə tək necədir".

Valideyn deyir ki, övladını tanımadığı dayəyə, sürücüyə tapşırmaqdansa, bu, ən etibarlı bir variantdır. Bununla belə, mövcud şəraitin də özəl məktəblər tərəfindən nəzərə alınması onlarda təhsil müəssisəsinə olan inamı daha da artırıb.

Lakin dövlət məktəblərinin də keyfiyyət baxımdan üstün olduğunu deyənlər var.

"Bu ilin ən yüksək bal toplayan şagirdləri adi dövlət məktəblərinin şagirdləridir. O qədər kolleclərdə oxuyub universitetə daxil olmayanlar var ki.  Bu səbəbdən mən dövlət məktəblərinə üstünlük verirəm", - övladı üçün dövlət məktəbini seçən valideyn Sputnik Azərbaycan-a deyir.

Bir əmma var ki, dövlət məktəbləri işləyən valideyn üçün bəzən o qədər də alçatan olmur. Belə ki, nənə-babadan çox uzaqda yaşayan ailə üçün uşağın məktəbdən sonrakı həyatı böyük problemlərə, çətinliklərə səbəb olur.

Dövlət məktəblərində övladı təhsil alan valideynlər bildirirlər ki, onların övladları üçün nəzərdə tutduqları bazarlıqdan əlavə xərcləri 300 manat civarında olur ki, bura da fond pulu, bayramda yığılan pul və s. daxildir. Təbii ki, fərdi hazırlığa gedən şagird üçün müəllim və fəndən, həmçinin getdiyi ərazidən asılı olaraq qiymətlər dəyişir. Bu da aylıq olaraq 500 manat civarında ola bilər. Təxminən 10 aylıq 300-500 manat + illik olaraq 300 manat, bu isə təxminən illik 3000-5000 manat xərc deməkdir. Məsafədən asılı olaraq daşınma varsa, əlavə sürücüyə ehtiyac yaranarsa, bu zaman qiymətlər dəyişə bilər.

1070
Əlaqədar
Bir bunu da keçsəm... Azərbaycanda qəbul imtahanları – FOTO
Stereotipləri qıraraq - böyük sözünə baxmamaq azərbaycanlı gəncin həyatını dəyişdi
Abituriyentlərə ikinci şans verildi, amma topladıqları bal aşağı olacaq
Gözdən qaçırdığımız təhlükə - Uşaqlara aid ədəbiyyatda onlara "məşuqə olmaq" aşılanır?!
Hər dərdin çarəsi var: Məktəblərdə sıxlıq problemini həll etmək olar, yetər ki başlayaq

Azərbaycanda bir məktəb koronavirusa görə distant təhsilə keçib

20
(Yenilənib 00:01 23.09.2020)
Bu gün daha 2 sinif distant təhsilə keçirilib. Bununla da distant təhsilə keçirilmiş siniflərin sayı 6-ya çatıb.

BAKI, 22 sentyabr - Sputnik. Təhsil Nazirliyi ümumi təhsil müəssisələrində bu günə COVID-19-la olan məlumatı açıqlayıb.

Sputnik Azərbaycan xəbər verir ki, sentyabrın 22-də 36 şagirddə hərarət 37 dərəcədən yüksək olub.

Məlumata görə, bu gün 10 şagirddə koronavirus aşkarlanıb. Virusun aşkarlandığı işçi heyətin sayı isə 7 nəfərdir. Onlarda 37 dərəcədən yüksək hərarət müşahidə edilib.

Bu gün daha 2 sinif distant təhsilə keçirilib. Bununla da distant təhsilə keçirilmiş siniflərin sayı 6-ya çatıb. Həmçinin 1 məktəb distant təhsilə keçib.

20
Məktəbdə qız, arxiv şəkli

Gələn aydan məktəblərlə bağlı təhlükə daha da böyüyəcək

682
(Yenilənib 20:12 22.09.2020)
"Biz bütün əhalini testdən keçirdə bilmərik. Sağlam daşıyıcılarda koronovirusun əlamətləri yoxdur. Bu halda belə xəstələri müəyyən etmək çətindir" - Nəsib Quliyev

Zülfiyyə Quluyeva, Sputnik Azərbaycan

BAKI, 22 sentyabr — Sputnik. Yeni tədris ilinin başlanmasından bir həftə keçməmiş məktəblərdə şagirdlər, eləcə də pedaqoji heyət arasında koronavirusa yoluxma faktları aşkarlandı. 

Təhsil Nazirliyinin yaydığı məlumata görə, dərs ili başlayandan bu günədək 95 şagird və 26 işçi heyəti olmaqla 121 nəfərdə koronavirus aşkarlanıb. Koronavirusa yoluxma ilə əlaqədar respublika ərazisində cəmi bir məktəbdə, Quba rayonu Qamqam kənd orta məktəbində 8 müəllimin virusa yoluxması səbəbindən əyani formada tədris dayandırılıb, distant formaya keçid edilib. Müəllimlər arasında kütləvi yoluxmanın səbəbi olaraq sosial məsafənin qorunmaması və şəxsi gigiyena vasitələrindən istifadə edilməməsi ehtimal olunur. Təhsil Nazirliyi bütün şagirdləri, valideynləri, müəllimləri və işçi heyətini sosial məsafəni qorumağa, şəxsi gigiyenik vasitələrdən mütəmadi olaraq istifadə etməyə və sanitar-gigiyenik qaydalara əməl etməyə çağırır.

Qeyd edək ki, oktyabrın 1-dən etibarən məktəblərdə əyani təhsil alacaq şagirdlərin sayı artacaq. Oktyabrın 15-dən isə bütün siniflər üzrə əyani təhsil həftədə iki və üç dəfə olmaqla təmin olunacaq. Sputnik Azərbaycan bu halda əyani tədrisin davam etdirilməsinin təhlükəsini araşdırıb.

Səhiyyə Nazirliyinin baş infeksionisti Cəlal İsayev Sputnik Azərbaycan-a açıqlamasında bildirib ki, həmin vaxta qədər mütləq müəyyən tədbirlər sistemi işləyib hazılamaq lazımdır: "Hələ on gün vaxtımız var. Bu müddətə qədər müəyyən tədbirlər hazırlanmalıdır ki, təhsilverənlər və təhsilalanlar arasında yoluxma sayı çox olmasın".

C.Əliyev bildirir ki, çoxlu toplaşım yerləri harada varsa, yoluxma riski böyükdür:

"Qapalı müəssisələrdə, xüsusən məktəblərdə isə əyani təhsilə başlamaq üçün çox ehtiyatlı olmalıyıq. Yuxarı sinif şagirdləri maska taxa bilərlər. Amma məktəblərdə şagird sayının artması maskanın effektivliyini azalda bilər. Biz bu gün böyük ticarət mərkəzlərini də buna görə açmırıq ki, belə yerlərdə adam sayı çox olur. Düşünürəm ki, oktayabrın 1-dək məktəblərdə yoluxma riskinin artmasının qarşısını almaq üçün mütləq əlavə tədbirlər görülməlidir".

Səhiyyə Nazirliyinin baş pediatrı Nəsib Quliyev isə Sputnik Azərbaycan-a açıqlamasında bildirib ki, insanların harada cəmləşməsi artırsa, orada yoluxma artır. Bu baxımdan baş pediatr məktəblərdə şagird sayının artmasının koronavirusa yoluxma riskini artıracağını istisna etmir: "Gündəlik tələb olunan tədbirlər məktəblərdə yerinə yetirilməlidir. Biz bütün əhalini testdən keçirdə bilmərik. Sağlam daşıyıcılarda koronovirusun əlamətləri yoxdur. Bu halda belə xəstələri müəyyən etmək çətindir. Bunun yeganə yolu kütləvi tetsdən keçirtməkdir ki, bu da mümkün deyil".

N.Quliyev deyir ki, məktəbdə şagirdlər və müəllimlər arasında yoluxmanın necə baş verdiyi barədə qəti fikir söyləmək olmaz: "Ola bilər ki, o uşaqlar və müəllimlər əvvəldən yoluxublar. Dərslər bir həftədir ki, başlayıb. Bir həftə ərzində həm yoluxma, həm xəstəliyin aşkara çıxması bütün hallarda mümkün olmur. Bu, bəzi hallarda mümkün ola bilər. O da xəstəliyin sürətlə inkişaf etdiyi halda. Təsadüfi deyil ki, koronavirusa yoluxma şübhəsi olanları 14 gün karantində saxlayırlar. Bu xəstəlik dörd-beş günə də özünü büruzə verə bilər, 14 günə də. Ona görə də müəllim və şagirdlərin harada yoluxduğunu söyləmək çətindir. Demək olmaz ki, yoluxub məktəbə gəlib, yoxsa sağlam gəlib, məktəbdə yoluxub. Bir həftə müddətində yoluxma olduğunu söyləyə bilmərik. Ona görə də tibbi maska, sosial məsafənin qorunması və gigiyenik tələblərə əməl edilməklə yanaşı, digər qoruyucu üsullara - əşyaların qarışdırılmamasına, şagirdlər arasında təmasın azalmasına əməl edilməlidir".

N.Quliyev bildirir ki, məktəblərdə şagird sayının artacağı fonunda yoluxma riski böyüsə belə, tədrisi saxlamaq da mümkün deyil: "Operativ Qərargahın mart ayından təhsili dayandırması səbəbsiz deyildi. Amma biz tədrisi də həmişə dayandıra bilmərik. Biz ona görə də "qızıl orta"nı tapmalıyıq. Bu virusla bağlı ən böyük təhlükə odur ki, yalnız əlamətlər özünü büruzə verdikdə xəstələri aşkar etmək mümkündür. Ona görə də xəstəlik əlaməti olduqda müayinəyə göndərirlər. Daşıyıcılarda isə bunu müəyyən etmək mümkün deyil. Ona görə də daha çox diqqətli olmalıyıq. İnsanların harada cəmləşməsi artırsa, orada yoluxma artır".

Təhsil Nazirliyi məktəblərdə koronavirusa yoluxma halları ilə bağlı məlumat yayıb>>

Təhsil üzrə ekspert Kamran Əsədov isə bildirir ki, bu gedişlə iki həftə sonra tədris prosesi dayandırılacaq: "Məktəblərdə şagird və müəllimlər arasında koronavirusa yoluxma halları baş verib. Bu, gözlənilən idi. Çünki qabaqlayıcı tədbirlər yox həddindədir. Bu gedişlə iki həftə sonra tədris prosesi dayandırılacaq".

Onun sözlərinə görə, bu gün Bakı şəhərində 30-dan çox məktəbin qarşısında monitorinq aparıb: "Valideynlər məktəbə buraxılmırlar. Amma bu, həll yolu deyil. Şagirdlər məktəbə eyni girişdən daxil olub, elə həmən girişdən də çıxmamalıdırlar. Dərslər növbəli olduğuna görə bir qrup dərsdən çıxanda o biri daxil olur və qapının ağzında sıxlıq yaranır. Məktəbin bir neçə çıxışı istifadə edilməlidir".

Ekspert qeyd edib ki, məktəbin qarşısında valideyn sıxlığının yaranmaması üçün xüsusi işarələnmə olmalıdır:

"Valideynlər ancaq xüsusi işarələnmiş yerlərdə dayanmalıdırlar. Yaşlı şəxslərin şagirdləri məktəbə gətirməsinə bir müddət məhdudiyyət qoyulmalıdır. Mövcud vəziyyət davam etsə, iki həftə sonra tədris prosesi yenidən dayandırılacaq".

Qeyd edək ki, yeni dərs ili hələ təzə başlasa da artıq valideynlər arasında koronovirusdan ehtiyatlanaraq övladını məktəbə göndərməkdən imtina edənlər var. Təhsil Nazirliyinin yaydığı məlumata görə, ümumilikdə ibtidai təhsil səviyyəsi (I-IV siniflər) üzrə təhsil alan 625 394 şagirddən 7 868 nəfərin (1, 26 faiz) valideyni övladının tədris prosesində əyani şəkildə iştirakından imtina etməsi ilə bağlı iltizam sənədi imzalayıb. Yeni tədris ilindən etibarən məktəblərə gələn işçi sayı (müəllim, texniki heyət və rəhbər heyət) 65 460 nəfər olub. Bildirilib ki, respublika ərazisində fəaliyyət göstərən məktəblərin binasına daxil olan bütün şəxslərin hərarəti yoxlanılır, 37.1-dən yuxarı olan şagirdlər və ya işçi heyəti məktəbə buraxılmırlar. 21 sentyabr 2020-ci il tarixində hərarəti 37.1-dən yuxarı olan şagird və işçi heyətinin sayı Bakı şəhərində 21, bölgələrdə isə 29 nəfər olub. Belə ki, hərarəti yüksək olan şagird və işçi heyəti barədə tibb müəssisələrinə məlumat verilir, bu şəxslərin müvafiq qaydada test olunması nəzərdə tutulur.

Məlumat üçün bildirək ki, ölkəmizdə pandemiya ilə əlaqədar olaraq, 2020-2021-ci tədris ilində dərslər həm əyani, həm də distant formada tədris edilir. Bakı, Sumqayıt şəhərləri və Abşeron rayonunun ümumi təhsil müəssisələrinin fəaliyyəti əyani olaraq həftədə 2 dəfə, digər şəhər və rayonlarda isə əyani formada həftədə 3 dəfə uyğunlaşdırılmış tədris planları əsasında təşkil edilir.

682
Teqlər:
pediatr, yoluxma, müəllim, məktəb, Koronavirus, epidemiya, COVID-19
Əlaqədar
Bir gündə 50 mindən çox şəxs koronavirusa yoluxdu
Təki oxumağa istək olsun: "Virtual məktəb"ə direktorlar da nəzarət edəcək
Bill Qeyts COVID-19 pandemiyasının başa çatacağı tarixi açıqladı
Nazirlikdən özəl məktəblərə xəbərdarlıq
Ölkədə təhsil böhranı yaşanır, internet problemi isə hələ də həllini tapmayıb
Aleksey Navalnı, arxiv şəkli

Navalnı tam sağalıb xəstəxanadan evə buraxılıb

0
(Yenilənib 12:21 23.09.2020)
"Charite"-dən vurğulanıb ki, onu müalicə edən həkimlər Navalnının tam sağalması imkanını da qəbul edir. Onlara görə, hər hansı bir "ağır zəhərlənmənin ayrı-ayrı nəticələri" barədə fikir bildirmək mümkün deyil.

BAKI, 23 sentyabr — Sputnik. Aleksey Navalnı bu gün Berlinin "Charite" klinikasından ev buraxılıb. Sputnik Azərbaycan xəbər verir ki, bu barədə Tibb Müəssisəsinin yaydığı bəyanatda bildirilir.

"Pasiyentin sağlamlığı o səviyyədə yaxşılaşıb ki, təxirəsalınmaz müalicəni dayandırmaq mümkün idi. Aleksey Navalnı "Charite"-də 32 gün müalicə alıb ki, onlardan 24 günü – reanimasiyada idi", - deyə bəyanatda bildirilir.

"Charite"-dən vurğulanıb ki, onu müalicə edən həkimlər Navalnının tam sağalması imkanını da qəbul edir. Onlara görə, hər hansı bir "ağır zəhərlənmənin ayrı-ayrı nəticələri" barədə fikir bildirmək mümkün deyil.

Navalnı avqustun 20-də təyyarədə uçarkən özünü pis hiss edib və Omskda xəstəxanaya aparılıb. Araşdırmaların nəticələrinə görə, omsklu həkimlər onun qanında şəkərin kəskin dəyişməsinə səbəb olmuş maddələr mübadiləsi pozğunluğunu əsas diaqnoz kimi göstəriblər. Bunun səbəbi hələ də aydın deyil, amma Omsk həkimlərinin dediyinə görə, onun qanında və sidiyində zəhər tapılmayıb. Bundan sonra Navalnı təyyarə ilə Almaniyaya aparılıb. Almaniya hakimiyyəti isə hərbi həkimlərə istinadən bildirib ki, Navalnı "Noviçok" zəhərləyici maddələr qrupuna aid substansiya ilə zəhərlənib.

Moskva Berlin laboratoriyasında aparılan analizlərin nəticələrinə dair daha ətraflı məlumat verilməsini xahiş edib, lakin buna cavab almayıb.

0
Əlaqədar
Aleksey Navalnı xəstəxanaya yerləşdirilib
Rusiya Berlinin Navalnı ilə bağlı vəziyyətə yanaşmasını “qeyri-konstruktiv” sayır
Navalnı nəfəs ala bildiyini deyib: "Çox xoşuma gəldi"