Distant təhsil, arxiv şəkli

Nazirin açıqlaması ilə məhv olan ümidlər: onda bəs Virtual Məktəb nəyə gərək idi?

370
(Yenilənib 19:45 15.05.2020)
“Düzdür, qiymətləndirmə 1-ci yarımilə əsasən aparılacaq. Amma şagirdlərin biliyinin qiymətləndirilməsində onların onlayn dərslərdə iştirakı da nəzərə alınmalıdır"

Zülfiyyə Quluyeva, Sputnik Azərbaycan

BAKI, 15 may — Sputnik. Koronavirus pandemiyası ilə əlaqədar ümumtəhsil müəssisələrində dərslər dayandırılsa da,  dərs proqramı şagirdlərə onlayn formada tədris edilir. Buna baxmayaraq, bu il şagirdlərin qiymətləndirilməsi 1-ci rübə əsasən aparılacaq. Təhsil naziri Ceyhun Bayramov Nazirlər Kabineti yanında Operativ Qərargahın təşkil etdiyi son brifinqdə bildirib ki, şagirdlərin illik qiymətləri birinci yarımilin qiymətləri əsasında çıxarılacaq. İllik qiymətlərindən narazı qalan şagirdlər üçün növbəti tədris ilinin başlanması ərəfəsində təhsil müəssisəsi tərəfindən təkrar qiymətləndirmə təşkil ediləcək: “Milli qiymətləndirmə tədqiqatları ilə yanaşı, təhsil alanların ilin sonuna olan bilik və bacarıqlarını ölçmək üçün müxtəlif qiymətləndirmə vasitələrinin hazırlanması nəzərdə tutulur. Qiymətləndirmənin keçirilməsində əsas məqsəd həm şagirdlərin özlərini qiymətləndirməsi, həm də ümumi vəziyyətin ölçülməsi ilə bağlı monitorinqlərin aparılmasıdır. Bu qiymətləndirmələrin “Virtual məktəb” platforması vasitəsilə aparılması planlaşdırılır. Bu qiymətləndirmələr də şagirdlərin yekun qiymətlərinə təsir etməyəcək”.

Nazirin də çıxışından belə məlum olur ki, dərslərin keçirilməsi onlayn formada davam etdirilsə də, şagirdlərin biliyi onlayn dərslərə görə qiymətləndirilməyəcək. Ən təzad doğuran məqam isə birinci yarımillikdə aşağı qiymət alan şagirdlərə ikinci yarımildə də eyni qiymətin verilməsidir. Halbuki, ekspertlər şagirdlərin birinci yarımildə əldə etdiyi biliklərlə ikinci yarımildəki mənimsəmə səviyyəsinin eyni olması fikri ilə razılaşmırlar.

Təhsil eksperti Kamran Əsədov Sputnik Azərbaycan-a açıqlamasında bildirib ki, bu yanaşma bu teledərslərin, onlayn təhsilin əhəmiyyətini heçə endirir: “Belə çıxır ki, teledərslər sadəcə şagirdlərin diqqətinin təhsildən yayınmamasına xidmət edir. Halbuki, bu gün teledərslərlə yanaşı, “Virtual məktəb” layihəsi də həyata keçirilir. Eyni zamanda müəllimlər “Zoom” proqramı, “Whatsapp” vasitəsilə dərsləri davam etdirirlər. Dərs proqramı 100 faiz olmasa da, şagirdlərə mənimsədilir. Ona görə də illik qiymətlərinin birinci yarımilin qiymətləri əsasında çıxarılması, eləcə də illik qiymətlərindən narazı qalan şagirdlər üçün növbəti tədris ilinin başlanması ərəfəsində təhsil müəssisəsi tərəfindən təkrar qiymətləndirmənin təşkil edilməsi qeyri-obyektivdir. Təhsil Nazirliyi tərəfindən təklif edilir ki, şagirdlər təhsil aldıqları sinifdən yuxarı sinfə tədris olunan bütün fənlərdən illik qiymətləri müsbət olduğu halda keçirilsin.

2019-2020-ci dərs ilinin I yarım ilində biliyi qiymətləndirilməyən və ya bəzi fənlərdən "2" qiymət alan şagirdlər üçün növbəti tədris ilinin başlanması ərəfəsində təhsil müəssisəsi tərəfindən təkrar qiymətləndirmə təşkil ediləcək. İkinci yarım ildə dərslər şagirdlərin iradəsindən asılı olmayaraq dayanıb. O zaman keçirilən teledərslərin, “Virtual məktəb”in əhəmiyyəti nədir?

Digər tərəfdən “2” qiymət alan şagirdə minimum ikinci yarım ildə “3” qiymət verilməlidir. Mövcud qaydalara görə də illik qiymət yarımillik qiymətlərin ədədi ortasına bərabər tutulur. Şagirdin yarımillik qiymətləri müxtəlif olduqda alınan rəqəmin vergüldən sonrakı hissəsi 5-dən kiçikdirsə, həmin hissə atılır, 5 və 5-dən böyükdürsə, tam hissəyə bir rəqəm artırılır. Mövcud qaydalara görə, 4 və daha artıq fəndən illik “qeyri-kafi” qiymət alan, habelə dərs məşğələlərinə gəlmədiyi üçün biliyi qiymətləndirilməyən V-VIII və X (XI) sinif şagirdləri təkrar sinifdə saxlanılırlar. Amma indi şagird bir və ya iki fəndən “2” qiymət alıbsa, onu sinifdə saxlamaq həm haqsızlıq, həm də qanunsuzluqdur. 

Avropa cəsarətləndi: bizim müəllimlərə mane olan nədir?>>

Digər tərəfdən isə ibtidai təhsil səviyyəsində tədris proqramlarının yerinə yetirilməməsinə görə şagirdlərin təkrar sinifdə saxlanmasına yol verilmir. Hesab edirəm ki, heç bir qiymət məhdiyyəti tətbiq edilmədən bütün şagirdlər növbəti sinifə keçirilməlidir”.

Təhsil eksperti Məlahət Mürşüdlü isə deyir ki, mütləq mənada şagirdlərin teledərslərdə iştirakı onların biliyi qiymətləndirilərkən nəzərə alınmalıdır: “Düzdür, qiymətləndirmə 1-ci yarımilə əsasən aparılacaq. Amma şagirdlərin biliyinin qiymətləndirilməsində onların onlayn dərslərdə iştirakı da nəzərə alınmalıdır. Ola bilər ki, hansısa şagird birinci yarımillikdə aşağı nəticə göstərib. Amma evdə qaldığı müddətdə teledərslərdə iştirak edib, “Virtual məktəb” layihəsinə qoşulub. Bu özü şagirdin inkişafının göstəricisi sayılır.

Mən hesab edirəm ki, şagirdlərin biliyinin qiymətləndirilməsində birinci yarımilin nəticəsi ilə yanaşı, bu məqamlar da nəzərə alınmalıdır. Onlayn dərslərə qoşulan şagirdlər müəyyən qədər həmin proqramları mənimsəyiblər. Bu gün şagirdlərin hər biri onlayn dərslərdə iştirak edə bilmədiyindən qiymətləndirməni ikinci yarımilin proqramına görə aparmaq mümkün deyil. Amma şagirlərin teledərslərdə, onlayn dərslərdə iştirakı mütləq qiymətləndirmədə nəzərə alınmalıdır”.

Qeyd edək ki, Azərbaycanda yayılan koronavirus səbəbindən martın 3-dən etibarən orta məktəblərdə tədris prosesi dayanıb. 4447 orta məktəbdə təhsil alan 1.6 milyon şagird üçün həm dərs, həm də qiymətləndirmə təxirə salınıb.

370
Əlaqədar
Başqa variant yoxdur: Nazirliyin yeni layihəsi niyə daşa dirənib?
Təşəbbüs gözəldir, dəstəyi baha və bərbad - onu da şagirdlər həll etməlidirlər?
Təhsil naziri: "Prosesin vacib mərhələsindəyik"
Nə müəllim bilir, nə valideyn: Şagirdlərin biliyi necə qiymətləndiriləcək?
Koronavirusun təhsilə vurduğu ziyan necə qarşılanacaq? Təkliflər var, səmərə yox
Tələbələr, arxiv şəkli

Tələbələrin təhsil haqqı xərclərinin ödənilməsi asanlaşdı

4
(Yenilənib 18:14 29.05.2020)
Ali təhsil müəssisələrində tədris prosesində tələbələrin üzləşdikləri çətinliklərin aradan qaldırılması ilə bağlı Azərbaycan Respublikası Prezidentinin tapşırığı ilə hökumət tərəfindən bir sıra dəstəkverici tədbirlər görülür.

BAKI, 29 may — Sputnik. Yeni növ koronavirus (COVİD-19) pandemiyası ilə əlaqədar ölkəmizdə tətbiq edilmiş karantin rejimi səbəbindən ali təhsil müəssisələrində tədris prosesində tələbələrin üzləşdikləri çətinliklərin aradan qaldırılması ilə bağlı Azərbaycan Respublikası Prezidentinin tapşırığı ilə hökumət tərəfindən bir sıra dəstəkverici tədbirlər görülür.

Bu tədbirlərdən biri də sosial baxımdan həssas əhali qrupuna aid edilən ailələrin üzvü olan tələbələrin təhsil haqqı xərclərinin ödənilməsini ehtiva edir ki, bununla bağlı Nazirlər Kabinetinin müvafiq qərarına uyğun olaraq, Təhsil Nazirliyi tərəfindən http://e-telebe.edu.az portalı yaradılıb.

Sputnik Azərbaycan-ın məlumatına görə, sözügedən qərarda qeyd edilən əhali qruplarına aid ailələrin üzvləri olan tələbələr adıçəkilən platformada qeydiyyatdan keçməklə təhsil haqqı xərclərinin dövlət tərəfindən qarşılanması üçün müraciət edə bilərlər. Eyni zamanda, müxtəlif ali təhsil müəssisələrinin tələbələrindən Azərbaycan Tələbə Gənclər Təşkilatları İttifaqına daxil olan çoxsaylı sorğu və müraciətləri nəzərə alaraq, ATGTİ tərəfindən müvafiq videotəlimat hazırlanıb. Videotəlimatın hazırlanmasında məqsəd dövlət tərəfindən yaradılmış bu imkandan hüququ çatan hər bir tələbənin faydalanmasına töhfə verməkdir.

4
Əlaqədar
DİM: Bəzi ixtisaslara qabiliyyət imtahanları keçirilməyəcək
Təhsil nazirindən təhsil haqqı ilə bağlı açıqlama
Güzəştdən yararlanmağın yolları - ekspert tələbələrə yol göstərir
Ali məktəbə hazırlaşanları və bitirənləri hansı dəyişikliklər gözləyir – ekspert şərhi
İmtahan, arxiv şəkli

Buraxılış imtahanlarında tapşırıqların strukturu balları hesablama qaydası açıqlandı

17
Yeni şkalaya uyğun qiymətindən narazı olan şagirdlər üçün sentyabr ayında imtahan (buraxılış imtahanının ikinci mərhələsinin modelinə uyğun) keçirilməsi nəzərdə tutulur

BAKI, 29 may — Sputnik. Dövlət İmtahan Mərkəzi 11-ci və 9-cu sinif buraxılış imtahanlarının fənləri üzrə tapşırıqların strukturu və balların hesablanması qaydasını açıqlayıb.

Sputnik Azərbaycan DİM-in məlumatını təqdim edir:

11-ci sinif buraxılış imtahanı

Tam orta təhsil səviyyəsi üzrə ümumtəhsil müəssisələrində təhsilalanların yekun qiymətləndirilməsinin (attestasiyasının) aparılması məqsədilə keçirilən buraxılış imtahanları 2020-ci ildə də 2019-cu ildə olduğu kimi Azərbaycan (rus, gürcü) dili, riyaziyyat və xarici dil fənləri üzrə keçirilir. İmtahanda şagirdlərə təqdim olunan tapşırıqların fənlər üzrə və ümumilikdə sayında dəyişiklik yoxdur. İmtahanda şagirdlərə ötən il olduğu kimi Azərbaycan (rus, gürcü) dili fənnindən 30, riyaziyyat fənnindən 25 və xarici dil fənnindən 30 olmaqla, ümumilikdə 85 tapşırıq təqdim olunur. Lakin cari ildə keçiriləcək buraxılış imtahanlarının imtahan fənləri üzrə tapşırıqların strukturunda sadələşdirilmə aparılaraq yazılı şəkildə cavablandırılması tələb olunan açıq tipli tapşırıqların sayı azaldılmışdır. Belə ki, imtahanda təqdim olunan yazılı şəkildə cavablandırılması tələb olunan açıq tipli tapşırıqların sayı Azərbaycan (rus, gürcü) dili fənni üzrə 10-dan 4-ə, riyaziyyat və xarici dil fənləri üzrə isə 7-dən 4-ə azaldılmaqla ümumilikdə 24 dən 12-yə endirilmişdir. İmtahan fənləri üzrə tapşırıqların strukturu aşağıdakı kimidir:

Azərbaycan (rus, gürcü) dili

- Dil qaydalarına dair 10 qapalı tipli tapşırıq;

- Oxuyub-anlamaya dair 2 mətn (bədii, publisistik formalı) və hər mətnə aid 10 tapşırıq (cəmi 20 tapşırıq): qapalı tipli 8 və yazılı şəkildə cavablandırılması tələb olunan açıq tipli 2 tapşırıq.

Riyaziyyat

- Qapalı tipli 13 tapşırıq;

- Cavabların kodlaşdırılması tələb olunan açıq tipli 8 tapşırıq;

- Həllinin ətraflı şəkildə yazılması tələb olunan açıq tipli 4 tapşırıq.

Xarici dil

- Dinləyib-anlamaya dair  mətn (publisistik və ya dialoq formalı)  və mətnə aid 6 tapşırıq: qapalı tipli 5 və yazılı şəkildə cavablandırılması tələb olunan açıq tipli 1 tapşırıq;

- Qapalı tipli 16 tapşırıq;

- Oxuyub-anlamaya dair  mətn və mətnə aid 8 tapşırıq; qapalı tipli 5 və yazılı şəkildə cavablandırılması tələb olunan açıq tipli 3 tapşırıq.

Şagirdlərin imtahan fənləri üzrə balları Cədvəl 1-də  təqdim olunan qaydada hesablanır. Hər fənn üzrə toplanıla bilən maksimal bal 100-dür. Təhsil sənədinə yazılarkən hər bir fənn üzrə toplanan bal tam ədəd olmazsa, tam ədədə yuvarlaqlaşdırılır.

Ali təhsil müəssisələrinin və tam orta təhsil bazasında orta ixtisas təhsili müəssisələrinin ixtisasları üzrə müsabiqədə iştirak edənlər üçün ümumi bal hesablanarkən hər bir fənn üzrə toplanan nisbi ballar cəmlənir (Cədvəl 1). Bu zaman fənlər üzrə nisbi ballar hesablandıqdan sonra 0.1-ə qədər yuvarlaqlaşdırılır. İmtahanda toplanıla bilən maksimal ümumi bal hər fənn üzrə 100 bal olmaqla 300-dür.

Nazirlər Kabinetinin 18 may 2020-ci il tarixli qərarı ilə “Ümumi təhsil pilləsində təhsilalanların yekun qiymətləndirilməsinin (attestasiyasının) aparılması Qaydaları”nda edilmiş müvəqqəti dəyişikliyə əsasən ümumi orta təhsil səviyyəsi (9-cu sinif) üzrə buraxılış imtahanları bir mərhələdə (buraxılış imtahanının ikinci mərhələsinin modeli əsasında) keçirilir. Buraxılış imtahanında şagirdlərə tədris dili fənnindən 30, xarici dil fənnindən 30 və riyaziyyat fənnindən 30 olmaqla, ümumilikdə 90 qapalı tipli tapşırıq təqdim edilir.

Şagirdlərin imtahan fənləri üzrə balları Cədvəl 2-də təqdim olunan qaydada hesablanır. Hər fənn üzrə toplanıla bilən maksimal bal 100-dür. Təhsil sənədinə yazılarkən hər bir fənn üzrə toplanan bal tam ədəd olmazsa, tam ədədə yuvarlaqlaşdırılır.

Buraxılış imtahanları ilə bağlı dəyişikliklər qüvvəyə minməzdən əvvəl ümumi orta təhsil səviyyəsi üzrə buraxılış imtahanları iki mərhələli olduğu zaman 2020-ci il martın 1-də imtahanın birinci mərhələsində iştirak etmiş şagirdlər bir mərhələli buraxılış imtahanını vermirlər. Həmin şagirdlərin hər bir fənn üzrə əldə etdikləri nəticələri 100 ballıq şkalaya keçirilərək onların imtahan nəticələri səhifəsinə yerləşdirilmişdir. Şagirdlərin 100 ballıq şkalaya uyğun balları onların təhsil sənədinə yazılır. Yeni şkalaya uyğun qiymətindən narazı olan şagirdlər üçün sentyabr ayında imtahan (buraxılış imtahanının ikinci mərhələsinin modelinə uyğun) keçirilməsi nəzərdə tutulur. Bu kateqoriyadan olan şagirdlər ümumi orta təhsil bazasında orta ixtisas təhsili müəssisələrinə qəbul üçün ərizə verdikləri təqdirdə müsabiqədə iştirak edə bilmək üçün bir mərhələli imtahanda (buraxılış imtahanının ikinci mərhələsinin modeli əsasında) iştirak etməlidirlər.

Ümumi orta təhsil bazasında orta ixtisas təhsili müəssisələrinin ixtisasları üzrə müsabiqədə iştirak edənlər üçün ümumi bal hesablanarkən hər bir fənn üzrə toplanan nisbi ballar cəmlənir (Cədvəl 2). Bu zaman fənlər üzrə nisbi ballar hesablandıqdan sonra 0.1-ə qədər yuvarlaqlaşdırılır. İmtahanda toplanıla bilən maksimal ümumi bal hər fənn üzrə 100 bal olmaqla 300-dür.

“Azərbaycan dili” (dövlət dili kimi) imtahanı

Qeyri-Azərbaycan bölməsinin 9-cu və 11-ci sinif şagirdləri “Azərbaycan Respublikasında dövlət dili haqqında” Azərbaycan Respublikasının qanununa əsasən, uyğun olaraq ümumi orta və tam orta təhsil səviyyələri üzrə buraxılış imtahanı çərçivəsində “Azərbaycan dili” (dövlət dili kimi) fənnindən imtahan verirlər. İmtahan 2019-cu il “Azərbaycan dili” (dövlət dili kimi) imtahanı modelinə uyğun olaraq keçirilir və imtahanda şagirdlərə fənn kurikulumu əsasında hazırlanmış 30 qapalı tipli tapşırıq təqdim edilir. Tapşırıqların yerinə yetirilməsinə 45 dəqiqə vaxt ayrılır. İmtahan üzrə tapşırıqların strukturu aşağıdakı kimidir:

-Dil qaydalarına dair 10 qapalı tipli tapşırıq;

-Oxuyub-anlamaya dair 2 mətn (bədii və publisistik formalı) və hər mətnə aid 10 qapalı tipli tapşırıq (cəmi 20 tapşırıq).

17
Əlaqədar
9-cu sinif buraxılış imtahanı bir mərhələdə keçiriləcək
Tələbələr nə vaxt imtahan verəcəklər?
Qəbul imtahanlarının keçirilməsi qaydaları açıqlandı
Bəzi mövzular buraxılış imtahanlarından çıxarıldı
İmtahandan kəsilən tələbələrə yenidən şans veriləcək
ABŞ-da polis əməkdaşı, arxiv şəkli

ABŞ ştatında iğtişaşa səbəb olan polis həbs edildi

0
(Yenilənib 23:01 29.05.2020)
Prokuror əlavə edib ki, ittiham rekord qısa zaman kəsiyində irəli sürülüb, çünki adətən belə hallarda proses bir neçə ay çəkir

BAKI, 29 may — Sputnik. Minneapolisdə həbs olunan zaman həlak olan Corc Floydun ölümündə ittiham olunan keçmiş polis işçisi həbs edilib.

Spiutnik Azərbaycan RİA Novosti-yə istinadən bildirir ki, bu barədə yerli Hennepin dairəsinin prokuroru Mayk Frimen deyib.

“Bildirmək istəyirəm ki, keçmiş polis zabiti Derek Çaven həbs olunub. Ona qarşı üçüncü dərəcəli qətl (ehtiyatsızlıqdan adamöldürmə - red.) və qərəzsiz qətl ittihamları irəli sürülüb” ,- prokuror qeyd edib.

O vurğulayıb ki, hadisə yerində olan digər üç polisin barəsində araşdırmalar isə davam edir.

​Prokuror əlavə edib ki, ittiham rekord qısa zaman kəsiyində irəli sürülüb, çünki adətən belə hallarda proses bir neçə ay çəkir.

Minnesota ştatının ən iri şəhəri olan Minneapolisdə iğtişaşlar 46 yaşlı qaradərili Corc Floydun polis tərəfindən öldürülməsindən sonra başlayıb. O, mayın 25-də həbs olunarkən polis onu yerə yıxıb və dizi ilə boynundan basıb. O, nəfəs ala bilmədiyini desə də polis əməkdaşı buna əhəmiyyət verməyib. Floyd aparıldığı xəstəxanada keçinib. Sabahı gün yüzlərlə adam etiraza çıxıb.

​Onların əksəriyyəti "Nəfəs ala bilmirəm" yazılan maska taxıb. Dinc aksiya iğtişaşa çevrilib: sakinlər polis idarəsini yandırıblar, əvəzində polis gözyaşardıcı qaz və rezin güllələrdən istifadə edib.

0
Əlaqədar
Tramp hədələdi: qaradərilinin öldürüldüyü şəhərə qoşun yeridə bilər
ABŞ-da polis üsyana səbəb oldu: yenə "günahkar" qaradərilidir