Bakı məktəblərin birində tədris prosesi, arxiv şəkli

müəllim bilir, valideyn: Şagirdlərin biliyi necə qiymətləndiriləcək?

1521
(Yenilənib 14:18 09.04.2020)
"Ardıcıllıq belə qurulub ki, teledərslər yayımlanır, sonra tapşırıqlarla şagirdlərin ümumi səviyyəsi öyrəniləcək, aprelin 20-dən sonra KSQ, BSQ ilə bağlı qərarlar qəbul edilib məktəblərə göndəriləcək"

Zülfiyyə Quluyeva, Sputnik Azərbaycan

BAKI, 9 aprel — Sputnik. Orta məktəbdə dərslərin təxirə salınması məktəbdaxili qiymətləndirmənin keçirilməsində də problemlər yaradıb. Müəllimləri narahat edən məsələ isə kiçik və böyük summativ qiymətləndirmənin necə keçiriləcəyi, yaxud bunların əvəz ediləcəyi ilə bağlıdır.

Təhsil İnstitutunun direktoru Emin Əmrullayev yaranmış vəziyyətin tənzimlənməsi ilə əlaqədar, yəqin ki, Nazirliyin məktəblərə təlimat göndərəcəyini qeyd edib. O bildirib ki, tədris yoxdursa, KSQ-dən danışmağın da mənası yoxdur: "Nəzərə alaq ki, bu qaydalar tədrislə əlaqəlidir və hazırda bütün ümumtəhsil məktəblərində tədris dayandırılıb. Bununla belə, təbii ki, qiymətləndirilmə aparılmalıdır. Artıq Təhsil Nazirliyi "Microsoft Teams" proqramı vasitəsilə məktəblilərə tapşırıqlar verməyə başlayıb. Bütün şagirdlər proqrama daxil olub, hər bir sinif, dərs üzrə ev tapşırıqlarını edəcəklər. Bu qiymətləndirmə məktəbdə keçirilən summativləri əvəzləmir, sadəcə şagirdlərin ümumi vəziyyəti ilə bağlı bizdə məlumat formalaşdırır. Ümumiyyətlə, ardıcıllıq belə qurulub ki, teledərslər yayımlanır, sonra tapşırıqlarla şagirdlərin ümumi səviyyəsi öyrəniləcək, aprelin 20-dən sonra dərsə qayıtdıqda tədris ilinin hansı formada istiqamətlənməsindən asılı olaraq KSQ, BSQ ilə bağlı qərarlar qəbul edilib məktəblərə göndəriləcək".

Sputnik Azərbaycan tədris olmadığı halda şagirdlərin qiymətləndirilməsinin necə aparılacağını araşdırıb.

Valideyn İradə Kazımzadə Sputnik Azərbaycan-a bildirib ki, onun iki övladı şagirddir. Müəllimlər valideynlərə xəbərdarlıq ediblər ki, qiymətləndirmə evə verilən tapşırıqları şagirdlərin mənimsəməsinə görə aparılacaq: "Bizim müəllimlər "Zoom" və "Whatsapp" üzərindən dərslər keçirlər. Uşaqlardan da tələb olunur ki, dərsə cavab versinlər. Müəllimlərin dediyinə görə, qiymətləndirmə buna görə aparılacaq".

Təhsil üzrə ekspert Kamran Əsədov Sputnik Azərbaycan-a bildirib ki, martın 3-dən etibarən tədris prosesinin dayanması ən çox aşağı sinif şagirdlərinə mənfi təsir göstərib: "Nəzərə alsaq ki, onlarda oxuma, yazma və anlama vərdişləri yeni formalaşırdı, uzun müddət plnlaşdırılmamış tədrisdən kənarda qalma onlarda bu qabiliyyətlərin itməsinə və ya azalmasına səbəb ola bilər. Ona görə də Təhsil Nazirliyi 11 martdan etibarən Mədəniyyət TV-də teledərs layihəsinə başladı ki, bu da şagirdlər üçün dərs axınının təmin olunmasına imkan verdi. Virtual məktəb layihəsi isə evdən çıxmadan da ibtidai sinif şagirdlərinin təhsil almalarına davam etmələrinə imkan yaradır. Bunu olduqca müsbət qiymətləndirirəm. Təhsil Nazirliyinin virtual məktəb platforması ibtidai sinif şagirdləri üçün təhsilin əlçatımlılığının təmin olunmasıdır. Nəzərə alsaq ki, resurs çatışmazlığı var, Təhsil Nazirliyinin virtual məktəb layihəsi şagirdlər üçün göydəndüşmə olacaq.

Hesab edirəm ki, bu proqramlar əsasında şagirdlərin tədrisində yaranmış boşluqlar aradan qalxacaq. Çünki Təhsil Nazirliyinin virtual məktəb layihəsi tam şəkildə proqramı əhatə edir. Amma ilk vaxtlar istifadəçilərin qeydiyyatdan keçməklə bağlı probleminin olması hal-hazırda yaranmış çətinlikdir. Bundan başqa, 4447 orta məktəbdə təhsil alan 1.5 milyon şagirdin heç də hamısının bu platformadan istifadə imkanı yoxdur. Belə ki, hal-hazırda mövcud internet qiymətləri bahadır və şagirdlərin hamısı şəxsi kompüter, planşet və telefona sahib deyil. Sayt qeydiyyat üçün 2 apreldən aktiv edilib. Lakin görünən budur ki, qeydiyyat zamanı texniki qüsurlar əmələ gəlir. Lakin buna baxmayaraq qısa müddətdə "Virtual məktəb" portalında 150 min şagird qeydiyyatdan keçib ki, bu sevindirici haldır.

Bir məqamı da qeyd edim ki, elektron məktəb seçimindən fərqli olaraq, "Virtual məktəbə" qeydiyyatda birincilik şagirdə hər hansı bir üstünlük vermir. Dərsin onlayn formada keçirildiyi müddət üçün məktəbdaxili qiymətləndirmə müxtəlif formalarda həyata keçirilə bilər.

Bu, Bakı və bölgələr üzrə fərqli tətbiq ediləcək. Bakı şəhərində regionlarla müqayisədə onlayn xidmətlərdən yararlanma faizi yüksəkdir. Amma bölgələrdə bu, problemdir. Ona görə də təkliflərdən biri odur ki, şagirdlərə birinci rübün qiyməti ikinci rübdə saxlanılmaqla onlar sinifdən-sinfə keçirilsinlər. Digər variant odur ki, monitorinq və diaqnostik imtahan keçirməklə onlara rüblük və illik qiymətlər yazılsın. Amma bütün hallarda onlayn KSQ və BSQ-nin keçirilməsi mümkün deyil.

Çünki bütün şagirdlər bu prosesdə eyni vaxtda iştirak edə bilməzlər. Bütün hallarda fərqli yanaşma bu prosesdə əsas rol oynayacaq. Düşünürəm ki, aşağı sinif şagirdlərinin biliklərinin sadə KSQ, BSQ ilə onlayn qaydada yoxlanılması mümkün ola bilər. Amma yuxarı siniflərdə bu alınmayacaq. Çünki ibtidai siniflərdə KSQ, BSQ-lərin sayı azdır".

Təhsil Nazirliyi yanında Təhsil Şurasının üzvü Nadir İsrafilov isə Sputnik Azərbaycan-a bildirib ki, xeyli texniki imkanların olmasına, internet üzərindən elektron dərs metodlarının tətbiqinə baxmayaraq, təhsilalanların bilavasitə tədris prosesindən kifayət qədər ayrı düşməsinin, heç şübhəsiz ki, onların bilik, bacarıq və vərdişlərinə təsirsiz ötüşməyəcəyini hamı dərk edir: "Belə bir vəziyyətlə ilk dəfə rastlaşdığımızdan konkret proqnoz vermək də xeyli çətinləşir, öncəgörənlik etmək isə, əslində cəmiyyəti yanlış istiqamətə yönəltmək anlamına gəlir. Hər şey bizim iradəmizdən deyil, hadisələrin sonrakı gedişindən, proseslərin necə davam edəcəyindən asılıdır. Buna görə də hələ ki, nəzərdə tutulduğu kimi aprelin 20-sini gözləməli, sonraki gedişata müvafiq addımlar atmalıyıq..."

1521
Əlaqədar
Təhsil onlayn dərslərə keçib, tələbələr qoşulmağa internet tapmır
Məleykə Abbaszadə imtahanların vaxtını dəqiq deyə bilmir - bu da riyazi izahı
İmtahanlar pulsuz oldu - Abituriyentərə yeni xəbər
Distant təhsil məktəbinə maraq bu günlərdə daha böyükdür
Tələbələrin məsafədən təhsili üçün yeni imkan yaradılıb
 Distant təhsil, arxiv şəkli

"Virtual məktəb" platformasından yenilik: Azərbaycan dilində fəaliyyət göstərəcək

30
(Yenilənib 18:05 28.10.2020)
"Noyabr ayının 2-dən etibarən "Virtual məktəb" platforması tam Azərbaycan dilində bir portal olacaq. Şagird və müəllimlər ana dilində bu platformadan daha rahat istifadə edə biləcəklər"

Zülfiyyə Quluyeva, Sputnik Azərbaycan

BAKI, 28 oktyabr — Sputnik. Noyabrın 2-dən etibarən "Virtual məktəb" platforması Azərbaycan dilində fəaliyyət göstərəcək. Bu məlumatı Sputnik Azərbaycan-a açıqlamasında Təhsil Nazirliyi yanında Təhsilin İnformasiyalaşdırılması İdarəsinin şöbə müdiri Fidan Nəcəfova verib. O bildirib ki, bu həftə həmin məsələ ictimaiyyətə elan ediləcək:

"Biz bununla bağlı hələ yayda açıqlama vermişdik ki, oktyabr ayında "Virtual məktəb" platformasının ana dilində istifadəsi mümkün olacaq. Qeyd edim ki, "Virtual məktəb" platformasından türk dilində istifadə mümkün idi. Amma rus dilində təhsil alan şagirdlər türk dili ilə bağlı müəyyən problem yaşayırdılar. Artıq noyabr ayının 2-dən etibarən "Virtual məktəb" platforması tam Azərbaycan dilində bir portal olacaq. Şagird və müəllimlər ana dilində bu platformadan daha rahat istifadə edə biləcəklər".

Xatırladaq ki, Təhsil Nazirliyinin Təhsil Sisteminin İnformasiyalaşdırılması İdarəsinin rəisi Vüsal Xanlarov brifinqlərin birində "Microsoft Teams" platformasının Azərbaycan dilinə tərcümə olunmasını diqqətə çatdırmışdı. O bildirmişdi ki, bununla bağlı "Microsoft Teams" şirkətinə müraciət edilib və artıq tərcümə prosesi gedir. Yay aylarında isə şirkət tərəfindən 30 min istifadəçiyə proqramdan istifadə qaydaları ilə bağlı təlim keçilib.

30
Əlaqədar
Nazirin açıqlaması ilə məhv olan ümidlər: onda bəs Virtual Məktəb nəyə gərək idi?
Birinci sinif üzrə də "Virtual Məktəb"də qeydiyyata başlanılıb
Uşaqlar virtual və real məktəb arasında seçim edirlər – SORĞU
Təki oxumağa istək olsun: "Virtual məktəb"ə direktorlar da nəzarət edəcək
Məktəbdə

İşğaldan azad edilən yurdlarımızla bağlı məktəblilərə ətraflı məlumat veriləcək

12
(Yenilənib 14:44 28.10.2020)
Azərbaycanın işğaldan azad olunan əraziləri haqqında "məktəb bülletenləri"nin hazırlanması nəzərdə tutulur.

BAKI, 28 oktyabr — Sputnik. Bakı Şəhəri üzrə Təhsil İdarəsinin (BŞTİ) tabeliyindəki ümumi təhsil müəssisələrində Azərbaycanın işğaldan azad olunan əraziləri haqqında "məktəb bülletenləri"nin hazırlanması nəzərdə tutulur.

Sputnik Azərbaycan-a İdarədən verilən məlumatda bildirilir ki, bununla bağlı BŞTİ-nin tabeliyindəki Təlimə Dəstək Mərkəzi tərəfindən ümumi təhsil müəssisələrinə müvafiq tövsiyələr verilib. "Məktəb bülletenləri"nin hazırlanmasında əsas məqsəd uşaq və gənclərdə milli vətənpərvərlik tərbiyəsi işinin səmərəliliyini artırmaq, qüdrətli Azərbaycan Ordusunun qəhrəmanlıq salnaməsinə diqqəti cəlb etmək, işğaldan azad olunan ərazilərimiz haqqında şagirdləri məlumatlandırmaq və Qarabağın tarixi ilə bağlı məktəbliləri maarifləndirməkdən ibarətdir.

Məktəblərdə tədris prosesi bərpa olunduqdan sonra hazırlanacaq bülletenlərdə şanlı ordumuzun şücaəti sayəsində erməni işğalçılarından azad olunan rayon və şəhərlər, həmçinin strateji əhəmiyyətli yüksəkliklər barədə məlumatlar və şəkillərin dərc olunması nəzərdə tutulur. Dərgidə 30 ilə yaxın bir müddətdə işğal altında olan rayon və şəhərlərin tarixi, ərazisi, əhalisi, milli-mənəvi sərvətləri, maddi-mədəniyyət abidələri barədə müəyyən məlumatlar əksini tapacaq.

Qeyd edək ki, Azərbaycan əsgəri misilsiz qəhrəmanlıq və igidlik göstərərək Vətən uğrunda döyüşür, dövlətimizin zəfər tarixini yazır. İşğalçı Ermənistanın təxribatına layiqli cavab verən rəşadətli Azərbaycan Ordusu düşmənə öz yerini göstərir. Ali Baş Komandan İlham Əliyevin rəhbərliyi altında üçrəngli bayrağımızın doğma Qarabağın hər bir guşəsində dalğalanacağına əminik.

12
Əlaqədar
Yüzdən çox məktəb Azərbaycanın işğaldan azad olunmuş ərazilərinə qaytarılacaq
Azərbaycanda 30 məktəb koronavirusa görə distant təhsilə keçirilib
Gəncədə orta məktəb ciddi dağıntılara məruz qalıb - Nazirlik
Birinci sinif üzrə də "Virtual Məktəb"də qeydiyyata başlanılıb

Bərdə Goranboy yenə atəş altında

0
(Yenilənib 12:38 29.10.2020)
Beynəlxalq humanitar hüquq normalarını kobudcasına pozan Ermənistan silahlı qüvvələri dinc sakinlərı və mülki infrastrukturı hədəfə alır

BAKI, 29 oktyabr — Sputnik. Bərdə və Goranboy rayonlarının ərazisi Ermənistan silahlı qüvvələri tərəfindən atəşə tutulub. Bu barədə Sputnik Azərbaycan-a Müdafiə Nazirliyindən daxil olan məlumatda bildirilir.

Qeyd edək ki, daha əvvəl Müdafiə Nazirliyi Azərbaycan Ordusunun endirdiyi zərbələr nəticəsində Ermənistan silahlı qüvvələrinin bölmələri geri çəkilməyə məcbur edildiyini açıqlayıb: "Qeyd olunur ki, düşmən xeyli itki verir, onun döyüş texnikası sıradan çıxarılır. Ermənistanın hərbi rəhbərliyi də artıq buraxdıqları səhvləri etiraf etmək məcburiyyətində qalıb. Onlar düşdükləri ağır vəziyyətlə barışmağa məcburdurlar.

Biz torpaqlarımızı azad etdikcə düşmənin xeyli sayda silah-sursatını qənimət kimi götürürük.

Beynəlxalq humanitar hüquq normalarını kobudcasına pozan Ermənistan silahlı qüvvələri dinc sakinlərı və mülki infrastrukturı hədəfə alır.

Azərbaycan Ordusunun qarşısında yalnız bir tapşırıq var – mülki insanlara ziyan vurmadan ancaq hərbi obyektlərə zərbə endirməklə torpaqları işğaldan azad etmək".

0
Teqlər:
Ermənistan-Azərbaycan, Dağlıq Qarabağ münaqişəsi, Ermənistan ordusu, atəş, dinc sakinlər, Bərdə, Goranboy
Mövzu:
Azərbaycan və Ermənistan arasında müharibə
Əlaqədar
Goranboy və Tərtər rayonlarının ərazisi atəşə tutulub
Azərbaycan MN: Ermənistan buraxdığı səhvləri etiraf etmək məcburiyyətində qalıb
Ermənistanın Qarabağda zərərsizləşdirilən hərbçilərinin sayı 1100-ü keçdi
Rəqibimizin "taktikası": döyüş meydanında silah-sursatı, texnikanı atıb qaçdı - VİDEO
MN: Ermənistan ordusunun yüksək rütbəli zabitləri məhv edilib