Ofis, arxiv şəkli

Alternativ qeydiyyat mərkəzlərinin prinsipi dəyişdirilib

14
(Yenilənib 23:01 16.03.2020)
Bu yenilik valideynlərin əlavə vaxt itkisinin qarşısının alınması, növbəliliyin aradan qaldırılması və mövcud vəziyyətlə əlaqədar tibbi-gigiyenik normaların qorunması məqsədlərinə xidmət edir

BAKI, 16 mart — Sputnik. Ümumi təhsil müəssisələrinin I siniflərinə elektron qeydiyyat prosesində valideynlərə kömək məqsədilə fəaliyyət göstərən Alternativ qeydiyyat mərkəzlərinin iş prinsipi tibbi-profilaktik vəziyyət nəzərə alınaraq dəyişdirilib.

Sputnik Azərbaycan-ın məlumatına görə, özü elektron qeydiyyatdan keçə bilməyən və ya internet resurslarına çıxış imkanı olmayan valideynlərin (qanuni nümayəndələrin) Alternativ qeydiyyat mərkəzlərinə gəlmələrinə ehtiyac yoxdur.

Belə ki:

1.Elektron qeydiyyatdan keçə bilməyən valideynlər “Whatsapp”  nömrələr ((+994)55 892-27-51, (+994)55 892-95-89, (+994) 55 892-63-90)) vasitəsilə müvafiq məlumatları iş günləri ərzində saat 10:00-dan 16:00-dək işçi qrupa təqdim edə bilərlər. İşçi qrup tərəfindən müvafiq məlumatlar əsasında özü elektron qeydiyyatdan keçə bilməyən valideynlərə zəruri köməklik göstəriləcək.

2.Valideynlər digər bütün hallarla bağlı mektebeqebul.edu.az elektron portalında şəxsi kabinetlərindəki “Əks əlaqə” bölməsi vasitəsilə müraciət ünvanlaya bilərlər.

3.Valideynlər onları maraqlandıran suallarla bağlı iş günləri ərzində Təhsil Nazirliyinin Telefon məlumat mərkəzinə (nömrə 146) və BŞTİ-nin Məlumat sorğu mərkəzinə ((012) 599-12-22) zəng etməklə cavab ala bilərlər.

Bu yenilik valideynlərin əlavə vaxt itkisinin qarşısının alınması, növbəliliyin aradan qaldırılması və mövcud vəziyyətlə əlaqədar tibbi-gigiyenik normaların qorunması məqsədlərinə xidmət edir.

14
Əlaqədar
Bakıda təhsildən şikayəti olanlara interneti məsləhət bildilər
Teledərslərin sabaha olan cədvəli açıqlanıb
Məktəb tətili ilə bağlı açıqlama
Rus dilində də video dərslər keçiriləcək