Bakı məktəblərinin birində, arxiv şəkli

Azərbaycanda dörd min "qızıl" uşaq var - amma buna hamı sevinmir

945
(Yenilənib 12:06 18.12.2019)
Onları məktəblərdə xüsusi fərqləndirir, yaşıdlarından fərqli üsullarla öyrədirlər. "Sadə" şagirdlərin valideynlərinin dərdi isə heç də paxıllıq deyil

Zülfiyyə Quluyeva, Sputnik Azərbaycan

BAKI, 18 dekabr — Sputnik. 2018-2019-cu tədris ilindən etibarən respublika üzrə ümumtəhsil müəssisələrində şagirdlərə fərqli yanaşma tətbiq edilir. Belə ki, ölkənin ümümtəhsil müəssisələrində xüsusi siniflər yaradılır, yaxşı oxuyan şagirdlər həmin siniflərə cəlb edilirlər. 

Məktəblərdə xüsusi siniflərin təşkil olunması birmənalı qarşılanmır. Sputnik Azərbaycan-a bu barədə məlumat verən valideynlər iddia edirlər ki, məktəblərdə xüsusi siniflərin yaradılması təhsil müəssisələrində ayrı-seçkiliyə səbəb olmaqla yanaşı, təhsilin keyfiyyətinə də təsir edir. Belə ki, yaxşı oxuyan şagirdlərin bir sinfə seçilib yığılması nəticəsində sinifdə şagirdlər arasında rəqabət yaranmır. Ən savadlı müəllimlər də xüsusi siniflərə yönəldilir.

Sputnik Azərbaycan xüsusi siniflərin yaradılmasının orta təhsilə müsbət və mənfi təsirlərini araşdırıb.

Təhsil üzrə tanınmış ekspert, Azərbaycan Təhsil Şurasının sədri, professor Şahlar Əsgərov Sputnik Azərbaycan-a açıqlamasında bildirib ki, xüsusi siniflərin bütün məktəblərdə yaradılması doğru deyil: "Təhsildə belə yanaşmanı müdafiə etmirəm. Yaxşı idarəetmə, yaxşı təhsil sistemi odur ki, zəif oxuyan şagirdləri təhsilə həvəsləndirəsən, yaxşı oxudasan.

Xüsusi sinifləri isə ancaq təmayüllü məktəblərdə yaratmaq olar. Amma bütün siniflərdən ən yaxşı oxuyan şagirdləri bir sinfə yığıb həmin siniflərdəki şagirdlərə yüksək təhsil verərək, yerdə qalan siniflərdə təhsilin keyfiyyətinə əhəmiyyət verməmək yanlış yanaşmadır. Hər sinifdə yaxşı oxuyan şagird olmalıdır ki, digər zəif oxuyan şagirdlər də onlara baxıb oxusunlar.

Orta təhsildə bütün uşaqlar üçün eyni keyfiyyətdə təhsil imkanı yaratmaq lazımdır. Ən savadlı müəllimləri əlaçılardan ibarət yaradılan xüsusi siniflərə yönəltmək düzgün təhsil siyasəti deyil".

Təhsil Nazirliyindən isə Sputnik Azərbaycan-a bildirdilər ki, 2018-2019-cu tədris ilindən ümumtəhsil məktəblərində VII sinif üzrə riyaziyyat-informatika, VIII sinif üzrə isə təbiət elmləri təmayüllü xüsusi siniflər yaradılıb. Hazırda respublika üzrə Bakı, Sumqayıt, Gəncə, Mingəçevir və Şirvan şəhərləri və 47 rayon üzrə 117 məktəbdə 162 xüsusi sinif fəaliyyət göstərir. 

Ümumilikdə 4000-ə yaxın şagird sözügedən siniflərdə təhsilini davam etdirir. Bölgələrdə xüsusi siniflərin təşkil olunmasında məqsəd istedadı ilə seçilən şagirdlərin elmi potensialını inkişaf etdirmək, onların müvafiq istiqamətlər üzrə daha keyfiyyətli hazırlığını təmin etməkdir. Həmin siniflər üzrə il ərzində bir neçə dəfə səviyyə müəyyənləşdirmə imtahanı, müəllimlərin peşəkarlıq səviyyələrinin yüksəldilməsi istiqamətində seminar və mühazirələr təşkil edilir. Xüsusi siniflərə dərs deyən müəllimlər şəhər və rayon üzrə müvafiq fəndən diaqnostik balı yüksək olanlar arasından seçiliblər.

Xüsusi siniflərin tədris planı və tədris proqramı digər siniflərdən fərqlidir. Bu siniflərin komplektləşdirilməsində əsas meyar kimi ötən tədris ilinin fənn müsabiqələrinin nəticələri götürülüb. Fənn müsabiqəsində yüksək nəticə göstərən şagirdlər xüsusi siniflərə cəlb ediliblər. Bununla yanaşı, sinif komplektləşdirilməsində bu şagirdlərin sayı kifayət etmədikdə, yerlərdə əlavə imtahan edilib və həmin imtahan nəticəsi əsasında əlavə şagirdlər də bu siniflərə cəlb ediliblər.

945
Əlaqədar
Məktəblərdə davamiyyət problemini necə həll etmək olar – ekspert şərhi
Məktəblərdə açılan “bazar”: Onu hansı yolla bağlamaq olar
Məktəblərdə yeni problem ayaq alıb, uşaqlarınıza diqqət edin
Türkiyədə sənədsiz yaşayan azərbaycanlılara şad xəbər
Dörd illik ali təhsil, sadəcə, vaxt itkisidir?
İmtahan, arxiv şəkli

DİM buraxılış imtahanlarına start verir

13
(Yenilənib 18:46 27.05.2020)
İmtahanların müxtəlif rayon və şəhərlər üzrə həftəsonu günlərində keçirilməsi nəzərdə tutulur. Hər imtahan günü və ona uyğun rayon və şəhərlərin adları yaxın 2, 3 gün ərzində elan olunacaqdır.

BAKI, 27 may — Sputnik. Dövlət İmtahan Mərkəzi (DİM) tərəfindən 2020-ci ilin iyun ayından etibarən hər həftəsonu ümumi (9 illik) və tam (11illik) orta təhsil səviyyəsi üzrə buraxılış (ali və orta ixtisas təhsili müəssisələrinə qəbul) imtahanlarının keçirilməsinə başlanılır.

Bu barədə Sputnik Azərbaycan-a DİM-dən məlumat verilib.

Bildirilib ki, DİM Nazirlər Kabineti yanında Operativ Qərargahın tələb və tövsiyələrini nəzərə almaqla, Koronavirus (COVID-19) infeksiyasının ölkə ərazisində yarada biləcəyi təhlükənin qarşısının alınması üçün görülən tədbirlərə uyğun olaraq imtahanları xüsusi sosial izolyasiya qaydalarına riayət etməklə təşkil edəcək.

İmtahan binalarında tibbi-profilaktik, dezinfeksiyaedici və digər qabaqlayıcı tədbirlər həyata keçiriləcək. Kütləviliyin və təmas hallarının qarşısının alınması məqsədilə imtahan iştirakçıları üçün imtahan binasına müxtəlif daxilolma vaxtları müəyyən ediləcək, girişdə bütün imtahan iştirakçılarının hərarətinin yoxlanılması təmin ediləcək. Bir imtahan zalında isə maksimum 15 nəfərin əyləşdirilməsi nəzərdə tutulur. Bütün imtahan iştirakçıları tibbi maska taxmalıdırlar.

İmtahanların müxtəlif rayon və şəhərlər üzrə həftəsonu günlərində keçirilməsi nəzərdə tutulur. Hər imtahan günü və ona uyğun rayon və şəhərlərin adları yaxın 2, 3 gün ərzində elan olunacaqdır.

İmtahana buraxılış vərəqələri hər imtahan günündən 5 gün əvvəl DİM-in saytında yerləşdiriləcək.

13
Onlayn dərs, arxiv şəkli

“Dərs vaxtı”nın sabaha olan cədvəli açıqlandı

17
(Yenilənib 15:44 27.05.2020)
“Dərs vaxtı”na ekran qarşısında baxa bilməyənlər keçirilmiş dərsləri Təhsil Nazirliyinin rəsmi "Youtube" kanalı ilə yanaşı, "Facebook" səhifəsindən, "Təhsil" televiziyasının "Facebook" səhifəsindən, Təhsil Nazirliyinin videodərslər portalından izləyə bilərlər

BAKI, 27 may — Sputnik. “Mədəniyyət” və "ARB Günəş" telekanallarında yayımlanan “Dərs vaxtı” verilişinin mayın 28-i üçün nəzərdə tutulan cədvəli açıqlanıb. Təhsil Nazirliyi dərs cədvəlinə diqqət etməyi, dərsi “Dərs vaxtı”nda öyrənməyi tövsiyə edir.

Sputnik Azərbaycan-ın məlumatına görə, martın 11-dən başlayaraq Təhsil Nazirliyinin təşkilatçılığı ilə “Mədəniyyət” və "ARB Günəş" telekanallarında "Dərs vaxtı" proqramının yayımına start verilib. Proqram çərçivəsində həftənin 5 günü teledərslər keçirilir. Teledərslər bütün sinifləri əhatə edir, dərs mövzularına dair qısa izah və təlimatlar təqdim olunur.  “Dərs vaxtı”na ekran qarşısında baxa bilməyənlər keçirilmiş dərsləri Təhsil Nazirliyinin rəsmi "Youtube" (https://www.youtube.com/playlist…) kanalı ilə yanaşı "Facebook" səhifəsindən, eyni zamanda " Təhsil" televiziyasının "Facebook" səhifəsindən, həmçinin Təhsil Nazirliyinin videodərslər portalından (https://video.edu.az/) izləmək imkanı əldə edə bilərlər.

17
Əlaqədar
Real olmasa da, məktəb: Şagirdlər hər gün dərsə necə "gedirlər"
Bu təşəbbüsün heç adını da tutmayın - uşağınızın nə tərbiyəsi olacaq, nə də sağlamlığı
Təhsil nazirinin müavini dərs ili ilə bağlı vacib açıqlamalar verdi
Məktəb davam edir, amma yeni formatda – Teledərs layihəsi necə ərsəyə gəlir
Azərbaycan bayrağı

Azərbaycan Xalq Cümhuriyyətinin yaranmasından 102 il ötür

4
(Yenilənib 22:20 27.05.2020)
Azərbaycan Demokratik Respublikası gərgin və mürəkkəb ictimai-siyasi şəraitdə cəmi 23 ay fəaliyyət göstərə bildi.

BAKI, 28 may - Sputnik. Bu gün Azərbaycanda Respublika Günü qeyd olunur.

Sputnik Azərbaycan xəbər verir ki, 28 May 1918-ci il tarixində müsəlman Şərqində ilk dünyəvi demokratik dövlət olan Azərbaycan Xalq Cümhuriyyətinin yaranmasından 102 il ötür.

1990-cı ildən Respublika Günü dövlət bayramı kimi qeyd edilir.

Bakıda Azərbaycan Xalq Cümhuriyyətinin şərəfinə İstiqlal bəyannaməsi abidəsi ucaldılıb.

1917-ci ildə Rusiyada baş vermiş Fevral inqilabı nəticəsində Çar İmperiyası devrildi. Ölkədə çarizmin məzlum vəziyyətə saldığı xalqların milli hərəkatı başlandı. 1918-ci il mayın 28-də Azərbaycan Xalq Cümhuriyyəti (1918-1920) – müsəlman Şərqində ilk dünyəvi demokratik dövlət yaradıldı. Bu respublika azərbaycanlıları tarixi yaddaşında Azərbaycan dövlətçiliyinin ilk təcrübəsi kimi iz qoyub.

Məhəmməd Əmin Rəsulzadə tərəfindən əsası qoyulan Azərbaycan Xalq Cümhuriyyəti türk və İslam dünyasında ilk parlamentli respublika və ilk demokratik, hüquqi və dünyəvi dövlət nümunəsi idi.

Azərbaycan müvəqqəti hökumətinin ilk başçısı isə Fətəli Xan Xoyski idi. 10 gün Milli Şura Tiflisdə işlədikdən sonra Gəncəyə köçürülüb. Yalnız 1918-ci ilin sentyabrında Türkiyə ordusunun rəhbərliyi ilə – Bakı daşnak-rus qüvvələrdən təmizləndikdən sonra milli hökumət Gəncədən Bakıya köçdü.

Müstəqil Azərbaycan Cümhuriyyəti qısa ömründə böyük nailiyyətlər və qalibiyyətlər əldə edib. İlk dəfə qadınlara seçim hüququ tanıyan və qadın–kişi bərabərliyini təmin edən cümhuriyyət o cümlədən milli ordu, milli pul, demokratlaşma, milli bank, azad seçkilər, beynəlxalq əlaqələr və beynəlxalq ictimayyət tərəfindən Azərbaycan istiqlalının rəsmiyyətə tanınması, Azərbaycanın bütövlüyünü təmin etmək, iqtisadi islahat və s. müstəqil Azərbaycan Cümhuriyyəti təmin edib.

Azərbaycan Demokratik Respublikasını rəsmi surətdə tanıyan ilk dövlət Osmanlı dövləti olub (4 iyun 1918-ci ildə).

1918-ci il 9 noyabr tarixində M.Ə.Rəsulzadənin təklifi əsasında Azərbaycan Demokratik Respublikasının üç rəngli bayrağı qəbul edilib. O zamana qədər Azərbaycan Demokratik Respublikasının bayrağı qırmızı rəngdəydi.

Azərbaycan Demokratik Respublikası gərgin və mürəkkəb ictimai-siyasi şəraitdə cəmi 23 ay fəaliyyət göstərə bildi. Təəssüflər olsun ki, müstəqil Azərbaycan Cümhuriyyəti iki yaşına çatmadan bolşeviklərin hücumuna məruz qalıb müvəqqəti olaraq devrildi. Sovetlər Birliyi, Azərbaycanı məcburi surətdə öz tərkibinə daxil etdi. Bolşeviklər tərifindən devirlməsinə baxmayaraq, istiqlal ideyası yenilmədi və 1991-ci ildə Sovet İmperiyasının dağılması ilə Azərbaycan yenidən öz müstəqilliyini elan etdi.

4