İmtahan, arxiv şəkli

Təhsil haqqını ödəyə bilməyən tələbələrə şad xəbər

63
(Yenilənib 15:45 17.10.2019)
"Əlavə dəstək mexanizmləri üzərində iş gedir, hesablamalar aparılır, konkret olaraq hansı formada dəstək mexanizmləri olacaqsa, bu barədə növbəti aylarda daha geniş məlumat veriləcək"

BAKI, 17 oktyabr — Sputnik. "Hazırda ödənişli təhsil alan tələbələrə müxtəlif dəstək mexanizmləri müzakirə edilir". 

Sputnik Azərbaycan-ın məlumatına görə, bu sözləri Təhsil naziri Ceyhun Bayramov bu gün Yeni Azərbaycan Partiyasının qərargahında keçirdiyi mətbuat konfransında deyib.

Nazir bildirib ki, təhsil kreditləri bu mexanizmlərdən yalnız biridir, amma yeganə dəstək forması deyil: "Əlavə dəstək mexanizmləri üzərində iş gedir, hesablamalar aparılır, konkret olaraq hansı formada dəstək mexanizmləri olacaqsa, bu barədə növbəti aylarda daha geniş məlumat veriləcək".

C.Bayramov əlavə edib ki, mövcud qanunvericiliyə əsasən, ali təhsil müəssisələrinin fəaliyyəti təhsil haqqının hesabına təşkil edilir: "Dövlət hesabına təhsil alanların təhsil haqqını dövlət ödəyir.

Son 1 il ərzində dövlət hesabına təhsil alan tələbələrin sayında ciddi artım baş verib. 2019-cu ildə bu cür təhsil alanların sayı 66 faiz artıb. Lakin ödənişli təhsil alan tələbələrin ödədiyi təhsil haqları ali məktəblərin gəlirlərinin böyük hissəsini təşkil edir. Buna görə də ali məktəblər təhsil haqlarından asılı vəziyyətdədirlər. 

Təhsil Nazirliyi olaraq ali məktəblərə tövsiyə etmişik ki, təhsil haqqı ödənişlərini dərs ili başlayan zaman birdəfəyə deyil, hissə-hissə ödənilməsinə baxsınlar. Əminəm ki, əksər ali məktəblər məhz bu formada iş qurublar".

63
Əlaqədar
Azərbaycanda kitabsız tələbə ordusu var
Bakıya oğlunun son səfər etdiyi yerləri görməyə gələn atanın kədərli hekayəsi
Gələcəyimizin "saman çöpləri": bizi o dünyaya diplomlu savadsızlar göndərəcəklər
Ödənişsiz təhsil almaq hüququ əldə edənlərlə bağlı məlumat açıqlandı
Tələbələrin pulsuz oxuduğu universitetlər açıqlandı