Tələbələr imtahanda, arxiv şəkli

Tələbələrə təhsil kreditinin verilməsi niyə yubanır?

628
(Yenilənib 20:45 09.10.2019)
Güzəştli kreditlərdən ailə başçısını itirmiş, valideynlərini itirmiş və valideyn himayəsindən məhrum olmuş şəxslər, sağlamlıq imkanları məhdud şəxslər yararlana bilərlər

Zülfiyyə Quluyeva, Sputnik Azərbaycan

BAKI, 10 oktyabr — Sputnik. Dünyada tələbələrə təhsil kreditinin verilməsi ənənəsi geniş yayılsa da, Azərbaycanda tələbələrin təhsil krediti alması ciddi problemə çevrilib. Ölkəmizdə "Maarifçi" Tələbə Kredit Fondu tələbələrə belə bir imkan təklif edir, amma bu o qədər də geniş tələbə kütləsini əhatə etmir. Odur ki, bu gün ali məktəblərdə ödənişli əsaslarla təhsil alan tələbələrin bir hissəsi təhsil haqqını ödəməkdə çətinlik çəkir. Onların arasında məhz bu səbəbdən universiteti yarımçıq buraxanlar da var.

Bu günlərdə Azərbaycan Dillər Universitetinin ispan filologiyası ixtisası fakültəsinin II kurs tələbəsi Əsədulla Cəfərovun evdən qaçmasının səbəbi də məhz təhsil haqqını ödəməkdə çətinlik çəkməsi ilə bağlı idi. Tələbənin ailəsinin maddi durumu ağır olduğundan iş adamlarından biri Əsədullanın üç illik təhsil haqqını öz üzərinə götürüb.

Qeyd edək ki, hazırda Əsədulla Cəfərovun yaşadığı problemlə üzləşən tələbələrin sayı az deyil. Onlar universitetlərin müəyyən etdiyi müddətə qədər təhsil haqlarının ən azı yarısını ödəməsələr, imtahanlara buraxılmırlar.

Sputnik Azərbaycan tələbələrin qarşılaşdığı bu problemi araşdırmaq məqsədilə onların özləri və ailə üzvləri ilə həmsöhbət olub. Əsədulla Cəfərovun atası Əfqan Cəfərov bildirib ki, kiçik oğlu Dövlət İqtisad Universitetində ali təhsil alır. Ə.Cəfərovun sözlərinə görə, Saatlı rayonundan Bakıya məhz övladlarına ali təhsil almaqda dəstək olmaq üçün gəlib. Paytaxtda kirayədə yaşayan ailə övladlarının təhsili üçün əllərindən gələni etməyə çalışsa da, oğlunun təhsil haqqını ödəməkdə çətinlik çəkdiyini gizlətmir.

İllərin müşkülə çevrilən problemi: Tələbə, yoxsa məcburi köçkün arasında seçim etməliyik>>

Bakı Dövlət Universitetində təhsil alan tələbələr arasında da təhsil haqqını ödəməkdə çətinlik çəkdiklərini söyləyənlər oldu. Adlarının çəkilməsini istəməyən tələbələr kirayədə yaşayaraq təhsil haqqını ödəməyin valideynləri üçün çətin olduğunu gizlətmədilər. Tələbələrlə söhbət zamanı öyrəndik ki, "Maarifçi" Tələbə Kredit Fondundan onlara bu ayın sonundan tələbə kreditlərinin veriləcəyi bildirilib.

Sputnik Azərbaycan "Maarifçi" Tələbə Kredit Fondu tərəfindən təhsil kreditlərinin verilməsində yaranmış ləngimənin səbəbini araşdırıb. Fonddan Sputnik Azərbaycan-a bildiriblər ki, tələbələrə təhsil kreditlərinin verilməsində gecikmə universitetlərdən cavabın gecikməsi ilə əlaqədardır:

"Bizim Fond Azərbaycanda 14 ali təhsil müəssisəsi ilə əməkdaşlıq edir. Tələbələrə təhsil kreditlərinin ayrılması üçün əməkdaşlıq etdiyimiz universitetlərdən razılıqla bağlı bizə təsdiq gəlməlidir. Tələbə kreditlərinin verilməsinə nə vaxtdan başlanılacağını dəqiq demək olmaz. Bu, çox həssas məsələdir. Biz desək ki, gələn aydan başlayacağıq, universitetlərdən o vaxta kimi təsdiq gəlməsə, tələbələr Fonda üz tutacaqlar. Ona görə də biz bu tədris ilində tələbə kreditlərini verməyə nə vaxt başlayacağımızı ancaq təsdiq gəldikdən sonra açıqlaya bilərik".

"Maarifçi" Tələbə Kredit Fondundan onu da bildirdilər ki, hazırda Fonddan kredit ancaq Azərbaycan Dillər Universiteti, Azərbaycan Dövlət Aqrar Universiteti, Azərbaycan Dövlət İqtisad Universiteti, Azərbaycan Dövlət Pedaqoji Universiteti, Azərbaycan Dövlət Mədəniyyət və İncəsənət Universiteti, Azərbaycan Dövlət Neft və Sənaye Universiteti, Azərbaycan Texniki Universiteti, Azərbaycan Memarlıq və İnşaat Universiteti, Bakı Dövlət Universiteti, Bakı Slavyan Universiteti, Gəncə Dövlət Universiteti, Lənkəran Dövlət Universiteti, Sumqayıt Dövlət Universiteti, Xəzər Universitetində təhsil alan tələbələrə verilir.

Amma bu o demək deyil ki, sadalanan universitetlərdə təhsil alan tələbələr təhsil kreditindən faydalana bilərlər. 

Fondun təqdim etdiyi kreditlər üzrə müraciət edən tələbələr müəyyən tələblərə cavab verməlidirlər: "Tələblər ondan ibarətdir ki, tələbə Azərbaycan vətəndaşı olmalı, hazırda Fondun təsisçisi və ya tərəfdaşı olan ali təhsil müəssisələrinin birində təhsil almalı, təhsilini davam etdirməsi üçün maliyyə yardımına həqiqi ehtiyacı olmalı, valideynlərinin və özünün daha əvvəl aldığı kreditlər üzrə defolt hadisəsi baş verməməlidir.

Bu tələblərdən savayı, hər bir elan sessiyası üzrə ayrıca xüsusi tələblər müəyyən olunur. Buraya valideynlərinin illik gəlir həddi, tələbənin yaşı, təhsil dərəcəsi, təhsil növü, kursu, ixtisası, Ümumi Orta Müvəffəqiyyət Göstəricisi (ÜOMG), Akademik borcun mövcudluğu da daxildir. Bu tələblər seçim meyarı rolunu oynayır və Fond tərəfindən təqdim olunan kredit növləri və elan sessiyaları üzrə fərqlənə bilər. Bütün hallarda tələbənin müraciət zamanı yuxarıda qeyd olunan meyarlara cavab verdiyini təsdiq edən müvafiq sənədi təqdim etməsi şərtdir.

Güzəştli kreditlərdən ailə başçısını itirmiş, valideynlərini itirmiş və valideyn himayəsindən məhrum olmuş şəxslər, sağlamlıq imkanları məhdud şəxslər yararlana bilərlər. Həmçinin tələbə müraciət zamanı yuxarıda qeyd olunan meyarlara cavab verdiyini təsdiq edən müvafiq sənədi təqdim etməlidir".

Yüksək bal toplayıb tələbə ola bilməyən abituriyentlərin şok sayı>>

Fonddan onu da bildirdilər ki, tələbənin ümumi orta müvəffəqiyyət göstəricisinin 71 və ya daha yuxarı olması da şərtdir. Akademik borcu olanlar isə təhsil krediti üçün Fonda müraciət edə bilməzlər. Bununla yanaşı, tələbənin yaşı maksimum 25 olmalıdır.

O ki qaldı bu kateqoriyalara uyğun gələn tələbələrə kreditlərin verilməsinə, Sputnik Azərbaycan Fondun əməkdaşlıq etdiyi universitetlərlə əlaqə saxlayıb. Azərbaycan Dillər Universitetinin mətbuat katibi Ağa Cəfərli Sputnik Azərbaycan-a açıqlamasında bildirib ki, Fonddan onlara məktub gəlib, ancaq hələ ki daxil olan məktuba baxılmayıb. Digər universitetlərdən də buna bənzər cavab verildi. Memarlıq və İnşaat Universitetinin mətbuat katibi Nəcibə Mirzəyeva Sputnik Azərbaycan-a açıqlamasında dedi ki, məktub universitetə həftəsonu daxil olub: "Məktuba rektor hələ baxmayıb. Yəqin ki, müsbət dəyərləndiriləcək".

628
Teqlər:
fond, kredit, təhsil, tələbə
Əlaqədar
Ayrı-seçkilik, yaxud yerində edilən təklif: Onlar təhsil haqqından azad edilməlidirlərmi?
Daha bir xoş xəbər: Təhsil krediti qanuna salınır
Abituriyentlər arasında ən populyar ixtisaslar bəlli olub
"Azərbaycanda ingilis dili müəllimlərinin 25 faizinin ali təhsili yoxdur"
Özəl universitetlərə qəbul olunanların biliyi kafidən yuxarı deyil
İmtahan, arxiv şəkli

DİM: Bəzi ixtisaslara qabiliyyət imtahanları keçirilməyəcək

4
(Yenilənib 11:28 28.05.2020)
Xüsusi qabiliyyət tələb edən Musiqi müəllimliyi, Təsviri incəsənət müəllimliyi, Fiziki tərbiyə və çağırışaqədərki hazırlıq müəllimliyi və Məşqçilik ixtisaslarına qəbul olmaq üçün qabiliyyət imtahanları keçirilməyəcək

BAKI, 28 may — Sputnik. Bu il ali və orta ixtisas təhsili müəssisələrinin bəzi xüsusi qabiliyyət tələb edən ixtisaslarına qəbul olmaq üçün qabiliyyət imtahanları keçirilməyəcək.

Dövlət İmtahan Mərkəzindən Sputnik Azərbaycan-a verilən məlumata görə, Nazirlər Kabineti tərəfindən Koronavirus infeksiyasının ölkə ərazisində yarada biləcəyi təhlükənin qarşısının alınması məqsədilə həyata keçirilən tədbirlərə uyğun olaraq təhsil müəssisələrində tədris prosesi dayandırılıb, infeksiyanın geniş yayılmasına yol verməmək üçün sosial təcridin gücləndirilməsi ilə bağlı müxtəlif qərarlar qəbul olunub.

Bu səbəbdən V ixtisas qrupuna aid olan xüsusi qabiliyyət tələb edən bəzi ixtisaslara qəbul olmaq üçün qabiliyyət imtahanları keçirilməyəcək, müsabiqə yalnız qəbul imtahanının birinci mərhələsində (cari ilin məzunları üçün buraxılış imtahanında) abituriyentin topladığı yekun balı əsasında aparılacaqdır. Bununla yanaşı, COVID-19 infeksiyası ilə əlaqədar 2020/2021-ci tədris ili üçün keçirilən qabiliyyət imtahanlarında müvəqqəti şərtlər tətbiq ediləcək.

2020/2021-ci tədris ili üçün ali təhsil müəssisələrinin bakalavriat səviyyəsinə aid xüsusi qabiliyyət tələb edən Musiqi müəllimliyi, Təsviri incəsənət müəllimliyi, Fiziki tərbiyə və çağırışaqədərki hazırlıq müəllimliyi və Məşqçilik ixtisaslarına qəbul olmaq üçün qabiliyyət imtahanları keçirilməyəcək, müsabiqə yalnız qəbul imtahanının birinci mərhələsində (cari ilin məzunları üçün buraxılış imtahanında) toplanılan yekun bal əsasında aparılacaqdır.

Azərbaycan Dövlət Rəssamlıq Akademiyası, Azərbaycan Dövlət Mədəniyyət və İncəsənət Universiteti və Azərbaycan Memarlıq və İnşaat Universitetinin Dizayn ixtisasına qəbul olmaq istəyən abituriyentlər yalnız Rəsm fənnindən qabiliyyət imtahanı verəcəklər. Digər ali təhsil müəssisələrinin Dizayn ixtisasına qəbul olmaq istəyən abituriyentlər xüsusi qabiliyyət imtahanları verməyəcək. Həmin abituriyentlər Dizayn ixtisası üzrə müsabiqəyə yalnız qəbul imtahanının birinci mərhələsində (cari ilin məzunları üçün buraxılış imtahanında) topladıqları yekun bal əsasında qatılacaqlar.

Digər xüsusi qabiliyyət tələb edən ixtisaslar üzrə keçirilən qabiliyyət imtahanları fənnlərinin də sayı azaldılacaqdır. Ali təhsil müəssisələrinə qəbul imtahanının qabiliyyət imtahanları mərhələsi üçün qəbul imtahanı proqramlarının tam mətni ilə Abituriyent jurnalının xüsusi buraxılışı olan "Xüsusi qabiliyyət imtahanları" jurnalının 1-ci nömrəsində tanış ola biləcəksiniz. Ali təhsil müəssislərinin magistratura səviyyəsinin 70-ci proqrama aid xüsusi qabiliyyət tələb edən ixtisaslaşmaları üçün qabiliyyət imtahanı Azərbaycan Dövlət Rəssamlıq Akademiyasında (ADRA) yalnız ADRA-nın ixtisaslaşmaları üçün təşkil ediləcəkdir. 70-ci proqrama aid digər ali təhsil müəssisələrinin xüsusi qabiliyyət tələb edən ixtisaslaşmaları üzrə, həmçinin 68 və 69-cu proqrama aid olan xüsusi qabiliyyət tələb edən ixtisaslaşmalar üzrə Qabiliyyət İmtahanı Komissiyaları fəaliyyət göstərməyəcək, qabiliyyət imtahanları keçirilməyəcək, müsabiqə bakalavrın magistraturaya qəbul imtahanında topladığı bal və orta müvəffəqiyyət göstəricisi əsasında aparılacaqdır.

Orta ixtisas təhsili müəssisələrinin xüsusi qabiliyyət tələb edən ixtisasları üçün qabiliyyət imtahanları Xanəndəlik, Vokal sənəti, Aşıq sənəti və Xoreoqrafiya sənəti ixtisasları üzrə, eləcə də, Azərbaycan Dövlət Rəssamlıq Akademiyasının nəzdində İncəsənət Kolleci, Azərbaycan Milli Konservatoriyası nəzdində Musiqi Kolleci və Naxçıvan Musiqi Kollecinin (sonuncu ikisində Musiqi nəzəriyyəsi və Xor dirijorluğu ixtisasları istisna olmaqla) bütün ixtisasları üzrə keçiriləcək.

Orta ixtisas təhsili müəssisələrinə qəbul imtahanının qabiliyyət imtahanları mərhələsi üçün qəbul imtahanı proqramlarının tam mətni ilə Abituriyent jurnalının xüsusi buraxılışı olan "Xüsusi qabiliyyət imtahanları" jurnalının 2-ci nömrəsində tanış ola bilcəksiniz.

4
İmtahan, arxiv şəkli

DİM buraxılış imtahanlarına start verir

15
(Yenilənib 18:46 27.05.2020)
İmtahanların müxtəlif rayon və şəhərlər üzrə həftəsonu günlərində keçirilməsi nəzərdə tutulur. Hər imtahan günü və ona uyğun rayon və şəhərlərin adları yaxın 2, 3 gün ərzində elan olunacaqdır.

BAKI, 27 may — Sputnik. Dövlət İmtahan Mərkəzi (DİM) tərəfindən 2020-ci ilin iyun ayından etibarən hər həftəsonu ümumi (9 illik) və tam (11illik) orta təhsil səviyyəsi üzrə buraxılış (ali və orta ixtisas təhsili müəssisələrinə qəbul) imtahanlarının keçirilməsinə başlanılır.

Bu barədə Sputnik Azərbaycan-a DİM-dən məlumat verilib.

Bildirilib ki, DİM Nazirlər Kabineti yanında Operativ Qərargahın tələb və tövsiyələrini nəzərə almaqla, Koronavirus (COVID-19) infeksiyasının ölkə ərazisində yarada biləcəyi təhlükənin qarşısının alınması üçün görülən tədbirlərə uyğun olaraq imtahanları xüsusi sosial izolyasiya qaydalarına riayət etməklə təşkil edəcək.

İmtahan binalarında tibbi-profilaktik, dezinfeksiyaedici və digər qabaqlayıcı tədbirlər həyata keçiriləcək. Kütləviliyin və təmas hallarının qarşısının alınması məqsədilə imtahan iştirakçıları üçün imtahan binasına müxtəlif daxilolma vaxtları müəyyən ediləcək, girişdə bütün imtahan iştirakçılarının hərarətinin yoxlanılması təmin ediləcək. Bir imtahan zalında isə maksimum 15 nəfərin əyləşdirilməsi nəzərdə tutulur. Bütün imtahan iştirakçıları tibbi maska taxmalıdırlar.

İmtahanların müxtəlif rayon və şəhərlər üzrə həftəsonu günlərində keçirilməsi nəzərdə tutulur. Hər imtahan günü və ona uyğun rayon və şəhərlərin adları yaxın 2, 3 gün ərzində elan olunacaqdır.

İmtahana buraxılış vərəqələri hər imtahan günündən 5 gün əvvəl DİM-in saytında yerləşdiriləcək.

15
Tural Hüseynovun əl işi

Böyük öndəri ağ-qara dünyadan rəngliyə çıxaran gənc

3
"Rənglədiyim tarixi fotolarla həm özümün, həm də digər insanların keçmişə virtual səyahət etməyinə şərait yaratmağa çalışıram" - Tural Hüseyn

Nigar İsgəndərova, Sputnik Azərbaycan

BAKI, 28 may — Sputnik. Bəzən tarixə yeni nəfəs verməklə onu dəyişmək olur, ona heç bir xələl gətirmədən. Həmsöhbətimiz Tural Hüseyn tarixə fərqli yolla rəng qatanlardandır. O həm ağ-qara Bakıya yeni rəng çaları verir, həm də başda Azərbaycan Xalq Cümhuriyyətinin banisi Məhəmməd Əmin Rəsulzadə olmaqla cümhuriyyətimizin digər qurucularının da ağ-qara fotolarına rəng verməklə onlara yeni nəfəs, yeni can verib. Bu şəkillər arasında ötən əsrə aid çörək zavodundan çəkilən fotoların, yalnız iki rəng çalarından ibarət olmuş köhnə Bakını rəngli çalarda, yeni donda da görmək mümkündür.

Посмотреть эту публикацию в Instagram

Публикация от Tural Huseyn-Rənglənmiş Tarix (@renglenmistarix)

Sputnik Azərbaycan son günlərin ən çox paylaşılan, sosial media hesablarında çox maraqla qarşılanna əl işlərinin müəllifi olan Tural Hüseynlə müsahibə edib: 

- Özünüzdən danışardız, necə oldu ki, sizdə belə böyük, sanballı bir işi ərsəyə gətirmə ideyası yarandı?

- Mən 1997-ci ildə Bakı şəhərində anadan olmuşam. 2014-cü ildə 23 nömrəli orta məktəbi bitirdikdən sonra həmin il Azərbaycan Dövlət Mədəniyyət və İncəsənət Universitetinin Rəssamlıq fakültəsində dizayner-rəssam kimi təhsil almağa başladım. Uşaq yaşlarımdan "Photoshop"da bir sıra işlər görməyə başlamışam. Universitet illərində isə məndə 19-cu, 20-ci əsrə böyük maraq yarandı. Bu dövrün musiqiləri, geyim tərzləri, ümumiyyətlə həmin dövrün həyatını əks etdirən hər şey mənim diqqətimi cəlb edirdi. Təxminən 2017-ci ildə, internetdə tarixi ağ-qara fotoları professional formada rəngləndirən xarici qrafik dizaynerlərin işləriylə tanış oldum. Bu fotolar məndə bu sahəyə böyük maraq yaratdı. Eksperiment olaraq ilk işlərimə başladım. 2017-ci ildə artıq bir neçə işim hazır idi. Lakin daha sonra vaxt məhdudiyyətinə görə bir müddətlik bu işlərə fasilə verdim. 2019-cu ildə yenidən müxtəlif fotoların rənglənməsiylə məşğul olmağa başladım. Bu fotoları şəxsi "acebook" profilimdə paylaşırdım. İnsanların buna olan müsbət reaksiyasını gördükdən sonra, düşündüm ki, sırf bu işlərimi paylaşacağım facebook səhifəsi açmalıyam. Belə də etdim. 2019-cu ilin iyulun 1-də "Rənglənmiş Tarix" səhifəsini açdım və bütün işlərimi bu səhifədə yayımlamağa başladım. Bir müddət sonra isə işlərimin daha çox insana çatması üçün "İnstagram" və "Twitter"də də səhifə açdım.

Посмотреть эту публикацию в Instagram

İçərişəhər, 1910-cu illər. #renglenmistarix #colorized #Baku #İçərişəhər

Публикация от Tural Huseyn-Rənglənmiş Tarix (@renglenmistarix)

- Nə qədər belə fotonuz var?

- Bu günə kimi yayımladığım rənglənmiş fotolar 45-i keçib.

- İstəyərdim bir qədər bu işin texnikasından da danışasınız.

- Fotoların restavrasiyası dedikdə sırf fotonun korlanmış hissələrinin və görüntü keyfiyyətinin bərpası nəzərdə tutulursa bunun üçün fərqli üsullardan istifadə edirəm. Bu üsullar fotodan fotoya dəyişir. Amma rənglənmə zamanı təkcə "Photoshop"dan istifadə bəs edir.

- Bəs, bu işləri görərkən əsas çətinliyiniz nə olur?

- İşin çətinliyi əsasən fotoların əldə edilməsiylə, onların keyfiyyətli versiyalarının tapılmasıyla bağlı olur. Təəssüf ki, internetdə Azərbaycana və azərbaycanlılara aid tarixi fotoları məhdud sayda tapmaq mümkündür. Tapdıqlarımızın da ölçüsü və keyfiyyəti qənaətbəxş olmur. Yəni, hazırda ən böyük problem foto arxivinin olmamasıdır.

Посмотреть эту публикацию в Instagram

Vaqif Mustafazadə və Sevil ansamblı Bakı bulvarında. 1970-ci illər. #renglenmistarix #colorized #Baku #VaqifMustafazadə #Sevil

Публикация от Tural Huseyn-Rənglənmiş Tarix (@renglenmistarix)

- Sifarişlərdən də danışardınız.

- Sifarişə demək olar ki, vaxt ayıra bilmirəm. Buna sərf etdiyim vaxta nəzərən qazancım çox aşağı olur. Amma yenə də çalışıram ki, sifarişlərə az da olsa vaxt ayırım.

- İlk rənglənmə işiniz hansı tarixə təsadüf edir?

- Sırf ilk rənglənmə işimdən söhbət gedirsə, bu 2015-ci ildə olmuşdu. Atamın uşaqlıq fotosunu rəngli hala çevirmişdim. 2017-ci ildə 2-ci işim, rus bəstəkarı Raxmaninovun portreti olmuşdu. Bu işlərim çox zəif alınmışdı əlbəttə. Sadəcə eksperiment xarakteri daşıyırdı hər ikisi. Daha sonra rənglədiyim fotolara ciddi yanaşdım və daha yaxşı nəticələr əldə etməyə başladım. Düşünürəm ki, getdikcə rənglənmə texnikam inkişaf edir və hər rənglədiyim fotoda daha real nəticə əldə edirəm. Deyim ki, ilk vaxtlarda bütün fotoları internetdən tapırdım. Fotoarxivim demək olar ki, yox idi. Daha sonra isə işlərimlə tanış olan kino rəssamı Şahin Həsənli mənə öz dijital foto arxivindən yüzlərlə yüksək görüntü keyfiyyətinə malik foto hədiyyə etdi. Bu fotolar əsasən 19-cu əsrin sonu, 20-ci əsrin əvvəllərinə aid Bakını əks etdirir. Fotolardan bəzilərini artıq rəngləmişəm. Daha sonra ssenarist Füzuli Sabiroğluyla tanış oldum. Ondan aldığım fotolar əsasən incəsənət insanlarının yer aldığı fotolardır. Bu fotolar arasında ən çox diqqət cəlb edənlər Vaqif Mustafazadənin yer aldığı fotolar olmuşdu.

- Gələcəklə bağlı nə planınız var?

- Gələcəkdə bu işlərimin yer aldığı sərgi keçirmək istərdim. Amma hal-hazırda bu haqda çox düşünmürəm. Hələ ki, əsas məqsədim bacardığım qədər maraqlı fotolar tapıb onları rəngləməkdir. Düşünürəm ki, həmin dövrün fotolarına baxdıqda aldığımız ən böyük mesaj yaşadığımız dövrün çox rəngsiz olmasıdır. Məhz buna görə də, rənglədiyim tarixi fotolarla həm özümün, həm də digər insanların keçmişə virtual səyahət etməyinə şərait yaratmağa çalışıram. Buna az da olsa nail olmağım məndə bu işə həvəs yaradan ən böyük amildir.

3