Şamaxı rayonu 10 saylı məktəbdə Rəqəmsal bacarıqlar layihəsi çərçivəsində regional Kod saatı aksiyasının ikinci mərhələsi keçirilib.

Uşaqlarımız dahi imiş, xəbərimiz yox - FOTO

609
(Yenilənib 20:16 30.09.2019)
"Kodlaşdırma, proqramlaşdırma bizim təsəvvürümüzdə çox çətin elm sahəsi kimi görünür. Amma şagirdlər var ki, 1 saat ərzində nəzərdə tutulmuş proqramlaşdırmanı 15-20 dəqiqə ərzində yerinə yetirə bilirlər"

İradə Cəlilova, Sputnik Azərbaycan

BAKI, 1 oktyabr — Sputnik. Şamaxı rayonu 10 saylı məktəbdə "Rəqəmsal bacarıqlar" layihəsi çərçivəsində regional "Kod saatı" aksiyasının ikinci mərhələsi keçirilib.

Sputnik Azərbaycan-ın əməkdaşı Şamaxıda olub və gördüklərini qələmə alıb.

Təhsil Nazirliyi və Alqoritmika Beynəlxalq Proqramlaşdırma məktəbi ilə birlikdə "Kod saatı" aksiyaları ötən tədris ilindən bir sıra şəhərlərdə keçirilməyə başlayıb.

 Şamaxı rayonu 10 saylı məktəbdə Rəqəmsal bacarıqlar layihəsi çərçivəsində regional Kod saatı aksiyasının ikinci mərhələsi keçirilib.
© Sputnik / Irade JELIL
Şamaxı rayonu 10 saylı məktəbdə "Rəqəmsal bacarıqlar" layihəsi çərçivəsində regional "Kod saatı" aksiyasının ikinci mərhələsi keçirilib.

Bakı və Gəncə şəhərləri üçün keçirilmiş aksiyalarda 2500-dən artıq şagird iştirak edib.

Şamaxı 10 saylı məktəbdə keçirilən "Kod saatı" aksiyasına qoşulan məktəblilər aksiyanın maraqlı olduğunu və çox böyük həvəslə bu aksiyada iştirak etdiklərini bildirdilər.

1 saylı məktəbin 7-ci sinif şagirdi Fatimə Rəhimovanın sözlərinə görə, o evdə də kompüter proqramlarını öyrənir. Elə buna görə də "Kod saatı"nda tələb edilən əməliyyatları tez bir zamanda həyata keçirə bilib.

"Mən kompüter proqramlarını həvəslə öyrənirəm. Bu aksiya da mənim çox marağımı çəkdi. Verilən tapşırığı 15 dəqiqə ərzində yerinə yetirə bildim".

1 saylı məktəbin 7-ci sinif şagirdi Fatimə Rəhimova
© Sputnik / Irade JELIL
1 saylı məktəbin 7-ci sinif şagirdi Fatimə Rəhimova

Tahir və Turxan qardaşları da onlara verilən tapşırığı 15 dəqiqə müddətində yerinə yetirdiklərini deyirlər. Şagirdlər hesab edirlər ki, verilən tapşırıqlar çox rahatdır və heç bir çətinlik çəkmədən onları yerinə yetirə biliblər.

Kod saatı nədir?

2013-cü ildən bəri dünyada təşkil edilən "Kod saatı" insana 1 saat ərzində kodlaşdırmanın təməlini öyrətməyin mümkün olduğunu təsdiq etmək məqsədi ilə düşünülmüş bir aksiyadır. Dünyada qısa müddətdə məşhurlaşandan sonra Azərbaycanda da sınaqdan çıxarılıb. İlk dəfə 2017-ci ildə "Microsoft Azərbaycan" və Təhsil Nazirliyi tərəfindən birgə həyata keçirilib. Bu ildən isə aksiyanın əhatə dairəsi və miqyası genişləndirilib.

"Rəqəmsal bacarıqlar" layihəsinin rəhbəri Fəxri Qurbanov Sputnik Azərbaycan-a açıqlamasında bildirib ki, "Kod saatı" layihəsinin birinci mərhələsi sentyabrın 21-də Sumqayıt şəhəri 31 saylı məktəbdə keçirilib. Həmin askiyada 500-ə yaxın şagird iştirak etmişdi. Oktyabrın 5-də isə aksiyanın 3-cü mərhələsi Mingəçevir şəhərində keçiriləcək.

  •  Şamaxı rayonu 10 saylı məktəbdə Rəqəmsal bacarıqlar layihəsi çərçivəsində regional Kod saatı aksiyasının ikinci mərhələsi keçirilib.
    Şamaxı rayonu 10 saylı məktəbdə "Rəqəmsal bacarıqlar" layihəsi çərçivəsində regional "Kod saatı" aksiyasının ikinci mərhələsi keçirilib.
    © Sputnik / Irade JELIL
  •  Şamaxı rayonu 10 saylı məktəbdə Rəqəmsal bacarıqlar layihəsi çərçivəsində regional Kod saatı aksiyasının ikinci mərhələsi keçirilib.
    Şamaxı rayonu 10 saylı məktəbdə "Rəqəmsal bacarıqlar" layihəsi çərçivəsində regional "Kod saatı" aksiyasının ikinci mərhələsi keçirilib.
    © Sputnik / Irade JELIL
  •  Şamaxı rayonu 10 saylı məktəbdə Rəqəmsal bacarıqlar layihəsi çərçivəsində regional Kod saatı aksiyasının ikinci mərhələsi keçirilib.
    Şamaxı rayonu 10 saylı məktəbdə "Rəqəmsal bacarıqlar" layihəsi çərçivəsində regional "Kod saatı" aksiyasının ikinci mərhələsi keçirilib.
    © Sputnik / Irade JELIL
  •  Şamaxı rayonu 10 saylı məktəbdə Rəqəmsal bacarıqlar layihəsi çərçivəsində regional Kod saatı aksiyasının ikinci mərhələsi keçirilib.
    Şamaxı rayonu 10 saylı məktəbdə "Rəqəmsal bacarıqlar" layihəsi çərçivəsində regional "Kod saatı" aksiyasının ikinci mərhələsi keçirilib.
    © Sputnik / Irade JELIL
  •  Şamaxı rayonu 10 saylı məktəbdə Rəqəmsal bacarıqlar layihəsi çərçivəsində regional Kod saatı aksiyasının ikinci mərhələsi keçirilib.
    Şamaxı rayonu 10 saylı məktəbdə "Rəqəmsal bacarıqlar" layihəsi çərçivəsində regional "Kod saatı" aksiyasının ikinci mərhələsi keçirilib.
    © Sputnik / Irade JELIL
  •  Şamaxı rayonu 10 saylı məktəbdə Rəqəmsal bacarıqlar layihəsi çərçivəsində regional Kod saatı aksiyasının ikinci mərhələsi keçirilib.
    Şamaxı rayonu 10 saylı məktəbdə "Rəqəmsal bacarıqlar" layihəsi çərçivəsində regional "Kod saatı" aksiyasının ikinci mərhələsi keçirilib.
    © Sputnik / Irade JELIL
  •  Şamaxı rayonu 10 saylı məktəbdə Rəqəmsal bacarıqlar layihəsi çərçivəsində regional Kod saatı aksiyasının ikinci mərhələsi keçirilib.
    Şamaxı rayonu 10 saylı məktəbdə "Rəqəmsal bacarıqlar" layihəsi çərçivəsində regional "Kod saatı" aksiyasının ikinci mərhələsi keçirilib.
    © Sputnik / Irade JELIL
1 / 7
© Sputnik / Irade JELIL
Şamaxı rayonu 10 saylı məktəbdə "Rəqəmsal bacarıqlar" layihəsi çərçivəsində regional "Kod saatı" aksiyasının ikinci mərhələsi keçirilib.

O əlavə edib ki, "Kod saatı" aksiyasında hər bir şagird 1 saat ərzində kodlaşdırmanın sirlərinə bələd ola bilir:

"Biz burada başlanğıc bacarıqlardan danışırıq. Kodlaşdırma, proqramlaşdırma bizim təsəvvürümüzdə çox çətin elm sahəsi kimi görünür. Lakin biz bu aksiya çərçivəsində həmin düşüncəin yanlış olduğunu sübut etmək istəyirik. Bildiyiniz kimi, burada elə şagirdlər var ki, 1 saat ərzində nəzərdə tutulmuş proqramlaşdırmanı 15-20 dəqiqə ərzində yerinə yetirə bilirlər".

Qeyd edək ki, "Rəqəmsal bacarıqlar layihəsi" 2017-2018-ci tədris ilində başlanılıb və bu günə qədər Bakıda 65 məktəbdə, Gəncədə 6 və Biləsuvarda milli qəhrəmanımız Mübariz İbrahimov adına liseydə həyata keçirilib.

Bu il isə layihəyə Şamaxı, Sumqayıt və Mingəçevir məktəbləri qoşulub.

Hazırda layihə 123 məktəbi əhatə edir və 70 mindən çox şagird layihədə iştirak edib.

609
Tələbələr imtahan verirlər, arxiv şəkli

Rusiyada oxumaq istəyənlər pandemiyaya rəğmən sərhədi keçə bilərlər

482
(Yenilənib 21:19 12.07.2020)
Təhsil və elm komitəsi gənc tələbələrin səhiyyə sisteminə riskinin minimal olduğunu vurğulayaraq təşəbbüsü dəstəkləyib

BAKI, 12 iyul — Sputnik. Rusiya Dövlət Dumasında MDB-dən olan abituriyentlərə koronavirus pandemiyası səbəbindən məhdudiyyətlərə rəğmən, Rusiyaya gələrək qəbul imtahanlarında iştirak etmək üçün icazə verilməsi təklif olunub.

Sputnik Azərbaycan Rusiya mətbuatına istinadən bildirir ki, təşəbbüs ölkənin Xarici İşlər Nazirliyi və “Rossotrudniçestvo”ya göndərilib.

Həmçinin bildirilir ki, təkliflər sırasında məzunlara Moskva Dövlət Universitetinin xaricdəki filiallarına gələrək əyani imtahan vermək imkanının yaradılması da səslənib.

Məlumata görə, Təhsil və elm komitəsi gənc tələbələrin səhiyyə sisteminə riskinin minimal olduğunu vurğulayaraq təşəbbüsü dəstəkləyib.

İyun ayında Rusiya Təhsil Nazirliyi “Ali məktəbə onlayn qəbul” servisini istifadəyə verib. Rusiyalı abituriyentlər dövlət xidmətləri portalından istifadə edərək Rusiyanın 54 universitetinə sənəd verə bilərlər.

482
Əlaqədar
Get evinə: ABŞ onlayn təhsilə keçən tələbələri ölkədən çıxaracaq
Bir ətək pul alırlar, verdiklərinə bax: Pandemiya dövründə isə xüsusi həngamə olacaq
Dövlət İmtahan Mərkəzi və Təhsil Nazirliyi attestatlarla bağlı məlumat yaydılar
Çayxana qədər olmayan təhsilin çətin günü! Bunun fəsadı ağır olacaq
Ekspert: “Müasir ixtisasların tədrisi üçün peşəkar kadrlara ehtiyac var”
İmza, arxiv şəkli

Baş nazir təhsil sahəsi ilə bağlı qərar verdi

14
(Yenilənib 15:21 11.07.2020)
Şəki Dövlət Texniki Kollecinin Şəki Dövlət Regional Kollecinə qoşulması formasında yenidən təşkili yolu ilə publik hüquqi şəxs statusuna malik olan Şəki Dövlət Regional Kolleci yaradılacaq.

BAKI, 11 iyul — Sputnik. Nazirlər kabineti Bakı İdarəetmə və Texnologiya Kollecinin, Bakı Qida Sənayesi Kollecinin, Bakı Dövlət Sosial-İqtisadi Kollecinin, Bakı Humanitar Kollecinin, Bakı Dövlət İqtisadiyyat və Humanitar Kollecinin, Sumqayıt Musiqi Kollecinin, Gəncə Dövlət Regional Kollecinin, Lənkəran Dövlət Humanitar Kollecinin, Şəki Dövlət Regional Kollecinin yenidən təşkili və Azərbaycan Respublikası Nazirlər Kabinetinin 2011-ci il 15 iyul tarixli 118 nömrəli Qərarı ilə təsdiq edilmiş "Azərbaycan Respublikası Təhsil Nazirliyinin strukturuna daxil olmayan tabeliyindəki qurumların Siyahısı"nda dəyişiklik edib. Sputnik Azərbaycan-ın məlumatına görə, bununla bağlı Baş nazir Əli Əsədov qərar imzalayıb.

Qərara əsasən, Bakı İdarəetmə və Texnologiya Kolleci Azərbaycan Dövlət Neft və Sənaye Universitetinin nəzdində publik hüquqi şəxs statusuna malik olan Sənaye və Texnologiya Kollecinə çevrilmə yolu ilə yenidən təşkil ediləcək.

Bakı Qida Sənayesi Kolleci Azərbaycan Dövlət İqtisad Universitetinin nəzdində publik hüquqi şəxs statusuna malik olan Qida Sənayesi Kollecinə çevrilmə yolu ilə yenidən təşkil ediləcək.

Bakı Dövlət Sosial-İqtisadi Kolleci Azərbaycan Dövlət İqtisad Universitetinin nəzdində publik hüquqi şəxs statusuna malik olan Sosial-İqtisadi Kollecə çevrilmə yolu ilə yenidən təşkil ediləcək.

Bakı Humanitar Kolleci Azərbaycan Dövlət Mədəniyyət və İncəsənət Universitetinin nəzdində publik hüquqi şəxs statusuna malik olan Humanitar Kollecə çevrilmə yolu ilə yenidən təşkil ediləcək.

Bakı Dövlət İqtisadiyyat və Humanitar Kolleci Bakı Dövlət Universitetinin nəzdində publik hüquqi şəxs statusuna malik olan İqtisadiyyat və Humanitar Kollecə çevrilmə yolu ilə yenidən təşkil ediləcək.

Sumqayıt Musiqi Kolleci Azərbaycan Milli Konservatoriyasının nəzdində publik hüquqi şəxs statusuna malik olan Sumqayıt Musiqi Kollecinə çevrilmə yolu ilə yenidən təşkil ediləcək.

Gəncə Musiqi Kollecinin Gəncə Dövlət Regional Kollecinə qoşulması formasında yenidən təşkili yolu ilə Gəncə Dövlət Universitetinin nəzdində publik hüquqi şəxs statusuna malik olan Regional Kollec yaradılacaq.

Lənkəran Dövlət Humanitar Kolleci Lənkəran Dövlət Universitetinin nəzdində publik hüquqi şəxs statusuna malik olan Sosial və Aqrar-Texnoloji Kollecə çevrilmə yolu ilə yenidən təşkil ediləcək.

Şəki Dövlət Texniki Kollecinin Şəki Dövlət Regional Kollecinə qoşulması formasında yenidən təşkili yolu ilə publik hüquqi şəxs statusuna malik olan Şəki Dövlət Regional Kolleci yaradılacaq.

Yaradılan publik hüquqi şəxslər "Hüquqi şəxslərin dövlət qeydiyyatı və dövlət reyestri haqqında" Azərbaycan Respublikasının Qanunu ilə müəyyən edilmiş qaydada dövlət qeydiyyatına alındığı günədək, Bakı İdarəetmə və Texnologiya Kolleci, Bakı Qida Sənayesi Kolleci, Bakı Dövlət Sosialİqtisadi Kolleci, Bakı Humanitar Kolleci, Bakı Dövlət İqtisadiyyat və 3 Humanitar Kolleci, Sumqayıt Musiqi Kolleci, Gəncə Musiqi Kolleci, Gəncə Dövlət Regional Kolleci, Lənkəran Dövlət Humanitar Kolleci, Şəki Dövlət Texniki Kolleci, Şəki Dövlət Regional Kolleci öz fəaliyyətlərini davam etdirəcələr.

Təhsil Nazirliyi bu Qərarın icrası ilə əlaqədar qənaət edilən maliyyə vəsaitinin kolleclərin infrastrukturunun gücləndirilməsinə yönəldilməsini, həmçinin azad olmuş maddi-texniki bazanın təhsil sisteminin məqsədləri üçün istifadə olunmasını təmin etməlidir.

14

Şəhid olmuş mayorumuz Masallıda son mənzilə yola salınıb

0
(Yenilənib 11:55 15.07.2020)
Ötən gün axşam saatlarında Azərbaycan Ordusunun şəhid olan mayoru Anar Gülverdi oğlu Novruzov doğulduğu Masallı rayonu Ərkivan qəsəbəsində dəfn olunub.

İyulun 13-dən 14-nə keçən gecə və səhər saatlarında Azərbaycan-Ermənistan dövlət sərhədinin Tovuz rayonu ərazisində şiddətli döyüşlər baş tutub.

Tovuz rayonu istiqamətində gedən döyüşlər zamanı Ermənistan silahlı qüvvələrinin hücumunun qarşısını alarkən Azərbaycan Silahlı Qüvvələrinin mayoru 1976-ci il təvəllüdlü Anar  Gülverdi oğlu  Novruzov qəhrəmancasına şəhid olub. Şəhid Anar Novruzovun  cənazəsi  doğulduğu Masallı rayonu Ərkivan qəsəbəsinə gətirilib. Şəhidin cənazəsini qarşılamaq üçün rayon sakinləri küçələrə axışaraq ehtiramlarını bildiriblər.

Şəhidin tabutuna bükülən Azərbaycanın üç rəngli bayrağı övladına təhvil verilib. Şəhid Anar Novruzov iki övlad atası idi.

0