İmtahan, ariv şəkli

Gələcəyimizin "saman çöpləri": bizi o dünyaya diplomlu savadsızlar göndərəcəklər

686
(Yenilənib 12:54 30.09.2019)
Özəl universitetlərin çoxu hələ də intellekt səviyyəsi yüksək olan abituriyentlərin seçim etdiyi ali təhsil müəssisələri sırasına düşə bilməyib

Zülfiyyə Quluyeva, Sputnik Azərbaycan

BAKI, 30 sentyabr — Sputnik. Bəzi özəl universitetlər imtahanlarda aşağı bal toplayan abituriyentlərin son ümid yeri olaraq qalmaqdadır. Topladıqları 150-200 balla əli dövlət ali təhsil müəssisələrində oxumaqdan üzülən abituriyentlər ixtisas seçimi ərizələrində hətta reytinqi çox aşağı olan universitetləri belə seçməkdən çəkinmirlər.

"Abituriyent" jurnalının 12-ci sayında bu məsələyə toxunan Dövlət İmtahan Mərkəzi (DİM) ali məktəblərə qəbul imtahanlarında aşağı bal toplayan abituriyentlərin seçim etdiyi özəl universitetləri sərt tənqid edib. Məlumatda bildirilir ki, özəl ali təhsil müəssisələrinə qəbul olunanlar əsasən dövlət ali təhsil müəssisələrinə qəbul ola bilməyənlərdir ki, onların da böyük əksəriyyətinin biliyi kafidən yuxarı deyil.

DİM-in məlumatında qeyd edilir ki, 2018-ci ildə sənəd verənlər arasında özəl ali təhsil müəssisələrinin ixtisas kodlarını ərizələrində birinci yerdə göstərənlər cəmi 9.65% olub (2017-ci ildə bu göstərici 9.07% olub). 2000-ci illərin birinci yarısında bu göstərici 0.67% olub. On beş ildən artıq vaxt keçməsinə baxmayaraq, bu sahədə irəliləyiş çox cüzidir: "Abituriyentlər özəl ali təhsil müəssisələrinin ixtisaslarını ərizələrində axırıncı mövqelərdə göstərdiklərindən bu təhsil müəssisələrinin çoxunda müsabiqə vəziyyəti aşağı olur. Onlar ərizələrinin ilk mövqelərində əsasən dövlət ali təhsil müəssisələrinin ixtisaslarını kodlaşdırırlar".

Səriştəsiz rektorlarımızın "şikəst biznesi": hər il qırx min inanır, dünya - yox>>

Azərbaycanda özəl ali təhsil təcrübəsi ənənəsi müstəqilliyimizlə yaşıd olsa da, göründüyü kimi, özəl universitetlərin bir neçəsini çıxmaq şərtilə yerdə qalanlarının reytinqi 29 il bundan əvvəlki səviyyədə qalıb. Özəl universitetlərin çoxu hələ də intellekt səviyyəsi yüksək olan abituriyentlərin seçim etdiyi ali təhsil müəssisələri sırasına düşə bilməyib.

Sputnik Azərbaycan-ın əməkdaşı problemin səbəbini və çıxış yollarını araşdırıb.

Təhsil üzrə ekspert Şahlar Əsgərov bunun üçün özəl ali təhsil müəssisələrinin bir sıra yeniliklərə imza atmalı olduğunu, təhsilin səviyyəsini yüksəltməli olduğunu söyləyir. Ş.Əsgərov bildirib ki, bu problem öz elmi həllini tapmalıdır:

"Özəl universitetlər sovet düşüncəsindən çıxıb, liberal düşüncə tərzinə keçməlidirlər. Daha keyfiyyətli təhsil verməlidirlər ki, abituriyentlər öz ixtisasları üzrə savadlı kadr olaraq yetişmək üçün həmin ali təhsil müəssisələrini seçsinlər. Bundan əlavə, özəl universitetlərə öz diplomlarını vermək imkanı yaradılmalıdır. Xarici ölkələrdə özəl universitetlər məzunlarına öz diplomlarını verirlər. Universitetlərin nüfuzu onların verdiyi diploma görə dəyişir".

Özəl universitetlər isə DİM-in dedikləri ilə razılaşmırlar. Azərbaycan Universitetinin mətbuat katibi Lalə Dilanova Sputnik Azərbaycan-a açıqlamasında bildirib ki, DİM ötən ilin nəticələrini açıqlayıb. 2019-cu il üzrə isə özəl universitetlərə qəbul göstəriciləri fərqli olub: "Bu ildən hətta bizim universitetdə dövlət sifarişi ilə təhsil alanlar da var. Onların sayı 36 nəfərdir. 549 balla bizim universiteti seçən abituriyentlər olub. Bəzən abituriyentlər özəl universitetlərdə pulsuz, dövlət sifarişi əsasında təhsil almağın mümkünlüyündən xəbərsiz olurlar. Ona görə də bizim abituriyent məsləhət mərkəzimiz fəaliyyət göstərir".

L.Dilanova bildirib ki, özəl universitetləri seçən intellektli abituriyentlərin sayı ildən-ilə artır. Onun sözlərinə görə, bilik səviyyəsi yüksək olan abituriyentlərin özəl ali təhsil müəssisələrində təhsil alması onların ixtisas seçimindən asılıdır: "Ərizəni təsdiq edərkən abituriyent seçdiyi ixtisaslar üzrə ali təhsil müəssisələrinin adlarını təsdiqləyir. Bu, həmçinin həmin ixtisas üzrə yaranan müsabiqə vəziyyətindən də asılıdır. Əlbəttə ki, biz istəyirik ki, Azərbaycan Universitetini seçən abituriyentlərin arasında yüksək nəticə göstərənlərin sayı çox olsun. Bu istiqamətdə iş aparırıq".

Qeyd edək ki, özəl ali təhsil müəssisələri 2010-cu ilə qədər yalnız ödənişli əsaslarla təhsil verdiyi üçün bu cür abituriyentlərin qəbul olması həmin ali təhsil müəssisələrinin dövlət ali təhsil müəssisələri ilə rəqabət aparmaq imkanlarını məhdudlaşdırırdı. Bu gün özəl ali təhsil müəssisələri dövlət ali təhsil müəssisələri ilə dövlət sifarişi əsasında qəbul aparılan yerləri tutmaq üçün rəqabət aparmaq, ümumiyyətlə, daha bilikli gəncləri özlərinə cəlb etmək imkanına malikdirlər.

DİM-in məlumatında bildirilir ki, bunun üçün onlar həm təhsilin səviyyəsini qaldırmalı, həm də yüksək intellektli tələbələrə təhsilhaqqının məbləğində əhəmiyyətli güzəştlər etməlidirlər.

Ayrı-seçkilik, yaxud yerində edilən təklif: Onlar təhsil haqqından azad edilməlidirlərmi?>>

L.Dilanova isə deyir ki, dövlət sifarişi əsasında özəl universitetlərdə təhsil alanlar təhsil haqqı ödəmədiklərindən onların hər hansı güzəştə ehtiyacı qalmır.

Aşağı balla özəl universitetlərə qəbulun daha bir problemi isə mütəxəssis hazırlığı məsələsidir. Biliyi kafi qiymətləndirilən özəl universitet məzunlarının yaxşı mütəxəssis olması sual doğurur. Vətəndaşların Əmək Hüquqlarının Müdafiəsi Liqasının sədri Sahib Məmmədov Sputnik Azərbaycan-a açıqlamasında bildirib ki, DİM-in özəl universitetlərdə təhsil alanlara yanaşması ali məktəblərə qəbul göstəricilərinə görədir:

"Düzdür, 150-200 balla ali məktəblərə qəbul olanlardan savadlı kadr olmağı gözləmək olmaz. Amma orta balla özəl universitetlərə qəbul olanlar arasından keyfiyyətli mütəxəssis çıxır. Bəzən dövlət universitetlərinin məzunları arasında elələrinə rast gəlirik ki, ağzını açıb danışa bilmir. Nəzərə almaq lazımdır ki, ali məktəbə yüksək balla qəbul olanlar arasında əzbərçiliklə bu nəticəni əldə edənlər az deyil.

Artıq dünyada universitetlərə giriş asanlaşır. Əsas məsələ tələbələrin ali təhsil aldığı dövrdə göstərdikləri nəticədir. Əlbəttə ki, bu, 150 balla özəl universitetlərə qəbul olanlara aid deyil. Fikrimcə, bizdə də ali təhsil müəssisələrinə daxil olmaq asanlaşmalıdır. Xarici təcrübədə belədir ki, universitetə qəbul olan hər kəs təhsilini başa vura bilmir. Bizdə isə ali məktəbə qəbul olanların mütləq əksəriyyəti müxtəlif yolla əlinə diplom ala bilir. Belə olduqda isə diplomlu, savadsız kadr ordusu yaranır. Yaxşı mütəxəssis hazırlamaq üçün bu problemi aradan qaldırmaq lazımdır".

686
Teqlər:
özəl, ali məktəb, ali təhsil, abituriyent, abituriyent, tələbə
Əlaqədar
Təhsilə ayrılan vəsait "dodaq uçuqladır"
Nəticələri ilə öyünənləri dövlət qurumu yerinə oturtdu - yalan imiş
Abituriyentlər arasında ən populyar ixtisaslar bəlli olub
"Azərbaycanda ingilis dili müəllimlərinin 25 faizinin ali təhsili yoxdur"
Planşet, "şparqalka", hicab - şagirdlərini geridə qoyan müəllimlərin imtahanından REPORTAJ
Tələbələr imtahan verirlər, arxiv şəkli

Rusiyada oxumaq istəyənlər pandemiyaya rəğmən sərhədi keçə bilərlər

482
(Yenilənib 21:19 12.07.2020)
Təhsil və elm komitəsi gənc tələbələrin səhiyyə sisteminə riskinin minimal olduğunu vurğulayaraq təşəbbüsü dəstəkləyib

BAKI, 12 iyul — Sputnik. Rusiya Dövlət Dumasında MDB-dən olan abituriyentlərə koronavirus pandemiyası səbəbindən məhdudiyyətlərə rəğmən, Rusiyaya gələrək qəbul imtahanlarında iştirak etmək üçün icazə verilməsi təklif olunub.

Sputnik Azərbaycan Rusiya mətbuatına istinadən bildirir ki, təşəbbüs ölkənin Xarici İşlər Nazirliyi və “Rossotrudniçestvo”ya göndərilib.

Həmçinin bildirilir ki, təkliflər sırasında məzunlara Moskva Dövlət Universitetinin xaricdəki filiallarına gələrək əyani imtahan vermək imkanının yaradılması da səslənib.

Məlumata görə, Təhsil və elm komitəsi gənc tələbələrin səhiyyə sisteminə riskinin minimal olduğunu vurğulayaraq təşəbbüsü dəstəkləyib.

İyun ayında Rusiya Təhsil Nazirliyi “Ali məktəbə onlayn qəbul” servisini istifadəyə verib. Rusiyalı abituriyentlər dövlət xidmətləri portalından istifadə edərək Rusiyanın 54 universitetinə sənəd verə bilərlər.

482
Əlaqədar
Get evinə: ABŞ onlayn təhsilə keçən tələbələri ölkədən çıxaracaq
Bir ətək pul alırlar, verdiklərinə bax: Pandemiya dövründə isə xüsusi həngamə olacaq
Dövlət İmtahan Mərkəzi və Təhsil Nazirliyi attestatlarla bağlı məlumat yaydılar
Çayxana qədər olmayan təhsilin çətin günü! Bunun fəsadı ağır olacaq
Ekspert: “Müasir ixtisasların tədrisi üçün peşəkar kadrlara ehtiyac var”
İmza, arxiv şəkli

Baş nazir təhsil sahəsi ilə bağlı qərar verdi

14
(Yenilənib 15:21 11.07.2020)
Şəki Dövlət Texniki Kollecinin Şəki Dövlət Regional Kollecinə qoşulması formasında yenidən təşkili yolu ilə publik hüquqi şəxs statusuna malik olan Şəki Dövlət Regional Kolleci yaradılacaq.

BAKI, 11 iyul — Sputnik. Nazirlər kabineti Bakı İdarəetmə və Texnologiya Kollecinin, Bakı Qida Sənayesi Kollecinin, Bakı Dövlət Sosial-İqtisadi Kollecinin, Bakı Humanitar Kollecinin, Bakı Dövlət İqtisadiyyat və Humanitar Kollecinin, Sumqayıt Musiqi Kollecinin, Gəncə Dövlət Regional Kollecinin, Lənkəran Dövlət Humanitar Kollecinin, Şəki Dövlət Regional Kollecinin yenidən təşkili və Azərbaycan Respublikası Nazirlər Kabinetinin 2011-ci il 15 iyul tarixli 118 nömrəli Qərarı ilə təsdiq edilmiş "Azərbaycan Respublikası Təhsil Nazirliyinin strukturuna daxil olmayan tabeliyindəki qurumların Siyahısı"nda dəyişiklik edib. Sputnik Azərbaycan-ın məlumatına görə, bununla bağlı Baş nazir Əli Əsədov qərar imzalayıb.

Qərara əsasən, Bakı İdarəetmə və Texnologiya Kolleci Azərbaycan Dövlət Neft və Sənaye Universitetinin nəzdində publik hüquqi şəxs statusuna malik olan Sənaye və Texnologiya Kollecinə çevrilmə yolu ilə yenidən təşkil ediləcək.

Bakı Qida Sənayesi Kolleci Azərbaycan Dövlət İqtisad Universitetinin nəzdində publik hüquqi şəxs statusuna malik olan Qida Sənayesi Kollecinə çevrilmə yolu ilə yenidən təşkil ediləcək.

Bakı Dövlət Sosial-İqtisadi Kolleci Azərbaycan Dövlət İqtisad Universitetinin nəzdində publik hüquqi şəxs statusuna malik olan Sosial-İqtisadi Kollecə çevrilmə yolu ilə yenidən təşkil ediləcək.

Bakı Humanitar Kolleci Azərbaycan Dövlət Mədəniyyət və İncəsənət Universitetinin nəzdində publik hüquqi şəxs statusuna malik olan Humanitar Kollecə çevrilmə yolu ilə yenidən təşkil ediləcək.

Bakı Dövlət İqtisadiyyat və Humanitar Kolleci Bakı Dövlət Universitetinin nəzdində publik hüquqi şəxs statusuna malik olan İqtisadiyyat və Humanitar Kollecə çevrilmə yolu ilə yenidən təşkil ediləcək.

Sumqayıt Musiqi Kolleci Azərbaycan Milli Konservatoriyasının nəzdində publik hüquqi şəxs statusuna malik olan Sumqayıt Musiqi Kollecinə çevrilmə yolu ilə yenidən təşkil ediləcək.

Gəncə Musiqi Kollecinin Gəncə Dövlət Regional Kollecinə qoşulması formasında yenidən təşkili yolu ilə Gəncə Dövlət Universitetinin nəzdində publik hüquqi şəxs statusuna malik olan Regional Kollec yaradılacaq.

Lənkəran Dövlət Humanitar Kolleci Lənkəran Dövlət Universitetinin nəzdində publik hüquqi şəxs statusuna malik olan Sosial və Aqrar-Texnoloji Kollecə çevrilmə yolu ilə yenidən təşkil ediləcək.

Şəki Dövlət Texniki Kollecinin Şəki Dövlət Regional Kollecinə qoşulması formasında yenidən təşkili yolu ilə publik hüquqi şəxs statusuna malik olan Şəki Dövlət Regional Kolleci yaradılacaq.

Yaradılan publik hüquqi şəxslər "Hüquqi şəxslərin dövlət qeydiyyatı və dövlət reyestri haqqında" Azərbaycan Respublikasının Qanunu ilə müəyyən edilmiş qaydada dövlət qeydiyyatına alındığı günədək, Bakı İdarəetmə və Texnologiya Kolleci, Bakı Qida Sənayesi Kolleci, Bakı Dövlət Sosialİqtisadi Kolleci, Bakı Humanitar Kolleci, Bakı Dövlət İqtisadiyyat və 3 Humanitar Kolleci, Sumqayıt Musiqi Kolleci, Gəncə Musiqi Kolleci, Gəncə Dövlət Regional Kolleci, Lənkəran Dövlət Humanitar Kolleci, Şəki Dövlət Texniki Kolleci, Şəki Dövlət Regional Kolleci öz fəaliyyətlərini davam etdirəcələr.

Təhsil Nazirliyi bu Qərarın icrası ilə əlaqədar qənaət edilən maliyyə vəsaitinin kolleclərin infrastrukturunun gücləndirilməsinə yönəldilməsini, həmçinin azad olmuş maddi-texniki bazanın təhsil sisteminin məqsədləri üçün istifadə olunmasını təmin etməlidir.

14
Milli Məclisin binası, arxiv şəkli

Milli Məclis Aparatı dünən axşam baş verən hadisələrlə bağlı məlumat yayıb

0
(Yenilənib 13:18 15.07.2020)
Ötən gün axşam Tovuz istiqamətində gedən döyüşlərə dəstək məqsədilə keçirilən yürüşdə Şəhidlər Xiyabanı və Milli Məclis qarşısına toplaşan yürüş iştirakçılarının bir qismi gecə saatlarında qeyri-qanuni olaraq parlamentin inzibati binasına daxil olub

BAKI, 15 iyul — Sputnik. Ötən gün axşam Azərbaycan-Ermənistan dövlət sərhədinin Tovuz istiqamətində gedən döyüşlərə dəstək məqsədilə keçirilən yürüşdə Şəhidlər Xiyabanı və Azərbaycan Respublikasının Milli Məclisi qarşısına toplaşan yürüş iştirakçılarının bir qismi gecə saatlarında qeyri-qanuni olaraq parlamentin inzibati binasına daxil olub.

Sputnik Azərbaycan xəbər verir ki, bu barədə Azərbaycan Respublikası Milli Məclisi Aparatının məlumatında deyilir.

Açıqlamaya görə, Milli Məclisin birinci mərtəbəsinə toplaşan yürüş iştirakçıları bir sıra dağıntılar törədib və parlamentin mülkiyyətinə və inventarına ziyan vurub. Asayişi qoruyan polis əməkdaşları yürüş iştirakçılarını binanı tərk etməyə çağırıb və onlar Milli Məclisin binasından çıxarılıb.

Yürüş iştirakçıları polis tərəfindən Milli Məclisin inzibati binasından çıxarıldıqdan sonra Milli Məclisin Sədri Sahibə Qafarova yaranmış vəziyyətlə yerində tanış olub.

Azərbaycan Respublikasının Milli Məclisi olaraq xalqımıza, dövlətimizə, Ordumuza dəstək yürüşünə ehtiramımızı və həssas yanaşdığımızı ifadə edirik. Orduya dəstək yürüşünü həyata keçirən vətəndaşlarımızın bir amal uğrunda birləşdiyi halda bəzi təxribatçıların dağıdıcılığa və ziyan vurmağa istiqamətlənən addımlarını qəti şəkildə pisləyirik. Bu çətin günlərdə dövlətin ali qanunverici orqanının binasına qanunsuz olaraq daxil olmaq və orada dağıntılar törətmək şəhidlərin müqəddəs ruhuna hörmətsizlikdir və qətiyyən yolverilməzdir.

Bu gün Ermənistan-Azərbaycan sərhədinin Tovuz rayonu istiqamətində döyüşlər getdiyi bir vaxtda, hamının bir nəfər kimi birlik nümayiş etdirdiyi bir zamanda xüsusi həssaslıq göstərilməsinin və ehtiyatlı davranmağın vacibliyini diqqətə çatdırırıq.

Azərbaycan Respublikası Milli Məclisi olaraq bildiririk ki, xalqımız, dövlətimiz, ölkəmizin ərazi bütövlüyü uğrunda müsəlləh olan Ordumuzun, döyüşlərdə şəhid olan hərbçilərimizin və mülki əhalinin ruhu qarşısında məsuliyyət daşıyırıq.

0