Balaxanıda XV-ci əsrə aid hamam aşkar edilib

Balaxanıda tapılmış hamam tariximizin bir sıra məqamlarını "təmizə çıxaracaq"

1366
(Yenilənib 18:08 18.09.2019)
O dövrlərdə dəvə karvanları ilə bu ərazilərdən keçən tüccarlar burada istirahət edib dincəldikdən sonra yollarına davam edirmişlər

İradə Cəlilova, Sputnik Azərbaycan

BAKI, 18 sentyabr — Sputnik. Balaxanıda orta əsrlərdə inşa edildiyi bildirilən hamam tapılıb.

Sputnik Azərbaycan-ın əməkdaşı Balaxanıda olub və yeni tapılan hamam haqqında sakinlərlə söhbətləşib.

Sakinlərin iddialarına görə, hamam Şirvanşahlar dövründən qalıb.

Hamamın üzərini torpaq örtdüyü üçün əvvəllər hamamın yerləşdiyi ərazi təpə kimi olub. Sonradan ərazi dəmir məhəccərlərlə hasarlanıb. Uzun müddət baxımsız qaldığı üçün ərazini kol-kos da basıbmış.

Balaxanıda XV-ci əsrə aid hamam aşkar edilib
© Sputnik / Irade JELIL
Artıq bir aya yaxındır ki, hamamın üzərindəki torpağın təmizlənməsi işləri aparılır

Artıq hamamın bərpasına qərar verilib. Artıq bir aya yaxındır ki, hamamın üzərindəki torpağın təmizlənməsi işləri aparılır. Sakinlərin sözlərinə görə, ərazidən 55 maşın torpaq daşınıb. Amma hələ iki-üç aylıq da iş var.

"Arxeoloqlar gəlib baxış keçirdilər. Hələ hamamın hansı dövrdən qaldığı tam bəlli deyil. Amma tapşırıldı ki, ancaq əl əməyindən istifadə edilsin. Əraziyə traktor salmaq olmaz. Ağır texnika dağıntılara səbəb ola bilər", - deyə sakinlərdən biri qeyd edib.

Balaxanıda XV-ci əsrə aid hamam aşkar edilib
© Sputnik / Irade JELIL
Hamamın uzunluğu 25, eni 9 metr olub

Deyilənə görə, hamamın uzunluğu 25, eni 9 metr olub. 16 otaqdan ibarət olan hamam daha çox səyyahların, ticarətçilərin istirahət etdiyi yer olub.

Belə ki, o dövrlərdə dəvə karvanları ilə bu ərazilərdən keçən tüccarlar burada istirahət edib dincəldikdən sonra yollarına davam edirmişlər.

Nazirlik yanında Mədəni İrsin Qorunması, İnkişafı və Bərpası üzrə Dövlət Xidmətinin mətbuat katibi Fariz Hüseynov Sputnik Azərbaycan-a açıqlamasında bildirib ki, Balaxanı kəndində yerləşən, inventar nömrəsi 128 olan hamam XV əsrdə inşa olunub.

Balaxanıda XV-ci əsrə aid hamam aşkar edilib
© Sputnik / Irade JELIL
Hamamın təmir-bərpa olunması planlaşdırılır

Hamam Nazirlər Kabinetinin 2 avqust 2001-ci il tarixli qərarı ilə ölkə əhəmiyyətli memarlıq abidəsi kimi dövlət tərəfindən mühafizə olunan daşınmaz tarix mədəniyyət abidələri siyahısına salınıb.

Hazırda abidənin ətrafı təmizlənir. Hamamın təmir-bərpa olunması planlaşdırılır.

"Dövlət Xidmətinin nəzarəti ilə sovet dövründə doldurulmuş hamamda memarlar, arxeoloqların iştirakı ilə təmizləmə işləri həyata keçirilir", - deyə Hüseynov qeyd edib.

1366
Məktəbli, arxiv şəkli

Təhsildən yayınan uşaqlara nəzarət gücləndiriləcək

19
(Yenilənib 16:12 28.11.2020)
İşin icrası Təhsil Nazirliyi, Daxili İşlər Nazirliyi və yerli icra hakimiyyəti orqanlarına tapşırılıb.

 

BAKI, 28 noyabr — Sputnik. Təhsildən yayınma hallarının qarşısının alınması məqsədilə nəzarət tədbirləri gücləndiriləcək.

Sputnik Azərbaycan xəbər verir ki, bu, Azərbaycan Respublikası Prezidentinin 2020-ci il 27 noyabr tarixli Sərəncamı ilə təsdiq edilmiş "Uşaqlara dair Strategiyanın həyata keçirilməsi üzrə 2020–2025-ci illər üçün Fəaliyyət Planı"nda əks olunub.

İşin icrası Təhsil Nazirliyi, Daxili İşlər Nazirliyi və yerli icra hakimiyyəti orqanlarına tapşırılıb. Fəaliyyət Planının məqsədi uşaq hüquqlarının müdafiəsi sahəsində çevik institusional mexanizm formalaşdırılmasından və aidiyyəti dövlət orqanlarının (qurumların) qarşılıqlı fəaliyyətinin təmin edilməsindən ibarətdir.

19
Teqlər:
Azərbaycanda Təhsilin İnkişafı üzrə Dövlət Strategiyası, strategiya, Milli Fəaliyyət Planı, təhsil, təhsil naziri, Daxili İşlər Nazirliyi, daxili işlər naziri, Təhsil Nazirliyi
Məktəbdə dərs, arxiv şəkli

İnklüziv təhsillə bağlı qanun təkmilləşdiriləcək

9
Bu məsələ Azərbaycan Respublikası Prezidentinin 2020-ci il 27 noyabr tarixli Sərəncamı ilə təsdiq edilmiş "Uşaqlara dair Strategiyanın həyata keçirilməsi üzrə 2020–2025-ci illər üçün Fəaliyyət Planı"nda əks olunub.

 

BAKI, 28 noyabr — Sputnik. 2021–2022-ci illərdə uşaqların təhsilə çıxışında bərabərliyin təmin olunması məqsədilə inklüziv təhsilə dair mövcud normativ hüquqi bazanın təkmilləşdirilməsi ilə bağlı təkliflər hazırlanacaq.

Sputnik Azərbaycan-ın məlumatına görə, bu, Azərbaycan Respublikası Prezidentinin 2020-ci il 27 noyabr tarixli Sərəncamı ilə təsdiq edilmiş "Uşaqlara dair Strategiyanın həyata keçirilməsi üzrə 2020–2025-ci illər üçün Fəaliyyət Planı"nda əks olunub.

9
Dieqo Armando Maradona

Maradonanın həkimi ittihamlara cavab verdi

0
(Yenilənib 23:55 29.11.2020)
Bu gün məlumat yayılıb ki, Lukenin evində və klinikasında axtarış aparılıb. Bundan başqa həkimi Maradonaya kömək göstərməməkdə və bilməyərəkdən onun ölümünə səbəb olmaqda ittiham edirlər

BAKI, 29 noyabr - Sputnik. Argentina millisinin sabiq oyunçusu Dieqo Armando Maradonanın həkimi Leopold Luke futbolçunun ölümü barədə ittihamlara reaksiya verib.

Sputnik Azərbaycan xarici mətbuata istinadən bildirir ki, həkim baş verənlərdə heç kimi, o cümlədən də özünü günahkar bilmir. O həmçinin istintaqla əməkdaşlıq etməyə hazır olduğunu da deyib. Luke vurğulayıb ki, Maradonanın evindəki tibbi heyət futbolçunun alkoqol asılılığından müalicəsi ilə məşğul idi və ürəktutmasının qarşısını ala bilmədi.

Bu gün məlumat yayılıb ki, Lukenin evində və klinikasında axtarış aparılıb. Bundan başqa həkimi Maradonaya kömək göstərməməkdə və bilməyərəkdən onun ölümünə səbəb olmaqda ittiham edirlər.

​Maradona noyabrın 25-də 60 yaşında dünyasını dəyişib. Ölümə səbəb üərk çatışmazlığı səbəbindən ağciyərdə kəskin şişkinlik yaranması olub.

Dieqo Maradona "Barselona", "Napoli", "Nyuells Old Boyz"  klublarında oynayıb. Argentina millisi ilə 1986-cı ildə dünya çempionu olub. Futbol tarixində ən parlaq oyunçulardan hesab olunur.

0
Teqlər:
axtarış, ittiham, həkim, ölüm, Dieqo Armando Maradona