Bakı şəhəri 20 nömrəli məktəb-liseydə Bilik günü

Gözü yaşlı körpələr, fərəhli valideynlər gələcəyə aparan ilk pillə - REPORTAJ

619
(Yenilənib 14:37 16.09.2019)
Onlar arasında əllərində çiçək dəstələri ilə parta arxasında əyləşməyə tələsən də var, qəmgin dayanıb anasının ətəyindən bərk-bərk yapışan da

Zülfiyyə Quluyeva, Sputnik Azərbaycan

BAKI, 16 sentyabr — Sputnik. Sentyabrın 16-da ölkənin bütün orta və ali məktəblərində dərslərə start verilib. Bu gün Azərbaycanda 2019/2020-ci tədris ilinin ilk günüdür. Sputnik Azərbaycan-ın əməkdaşı da ilk dərs gününün necə keçdiyini müşahidə etmək üçün paytaxtın bir neçə məktəbinə baş çəkib.

Yolumuzu ilk olaraq paytaxtın 49 saylı məktəbindən saldıq. Hər yeni tədris ilində olduğu kimi, bu tədris ilində də ön sırada dayananlar məktəbə ilk qədəmlərini qoyan birincilərdir. Valideynlərin gözündə sevinc, körpələrin gözündə isə həyəcan... Onlar arasında əllərində çiçək dəstələri ilə parta arxasında əyləşməyə tələsən də var, qəmgin dayanıb anasının ətəyindən bərk-bərk yapışan da...

Məktəbdə Bilik günü
© Sputnik / Zulfiyya Guluyeva
Məktəbdə Bilik günü

Hər il olduğu kimi, bu il də məktəblərdə açılış mərasimi Azərbaycanın dövlət himninin səsləndirilməsi ilə başladı. Himnimiz səsləndikdən sonra məktəbin direktoru Təhminə Əsədova şagirdləri salamlayaraq onlara yeni dərs ilində uğurlar arzuladı. Məktəbin bu ilki məzunlarının göstəriciləri barədə məlumat verən T. Əsədova şagirdlərə yeni dərs ilində məsuliyyətli olmağı, dərslərinə qarşı diqqətli davranmağı tövsiyə etdi. Daha sonra bu il məktəbə ilk qədəmlərini basan 1-ciləri, onların valideynlərini təbrik edən direktor, hər kəsi nizam-intizamlı olmağa səslədi.

Məktəbdə dərslər bir növbə olduğundan, bu təhsil müəssisəsinin yuxarı siniflərində təhsil alan şagirdlər də birincilərin sevinclərinə şahidlik etmək imkanından yararlandılar. Məktəbdə diqqətimizi çəkən daha bir məqam isə şagirdlərin vahid məktəbli forması ilə Təhsil Nazirliyinin göstərişinə əməl etməsi oldu.

Taleh Bağırov adına 59 saylı tam orta məktəbdə də mənzərə ürəkaçan idi. Burada da birincilər arasında məktəb həyəcanı hiss olunurdu. Bu il 1-ci sinfi qəbul edən məktəbin ibtidai sinif müəlliməsi Sara Mahmudova da onlar qədər həyəcanlı olduğunu gizlətmədi. Müəllimə deyir ki, 1-ci sinfə dərs demək şərəfli və məsuliyyətli işdir: "Məktəbdə uşaqlara ilk qələm tutmağı öyrətmək, onlara ilk hərfi keçmək çox xoş bir hissdir. Biz ibtidai sinif müəllimləri çalışmalıyıq ki, bu şagirdlərə həm elm öyrədək, həm də ana əvəzi olmağı bacaraq. Bu ikisini bacaran müəllim düşünürəm ki, savadlı gələcək yetişdirə biləcək. Mənim də amalım dərs deyəcəyim şagirdləri savadlı, Vətənə layiq vətəndaş kimi böyütməkdir".

Məktəbdə Bilik günü
© Sputnik / Zulfiyya Guluyeva
Bakı şəhəri 20 nömrəli məktəb-liseydə Bilik günü
Paytaxtın 20 nömrəli məktəb-liseyində də qələbəlik idi. Ən çox həyəcan isə yenə də birincilərin simasında hiss olunurdu. 20 nömrəli məktəb-liseyin direktoru Səadət Veysova şagirdləri salamlayaraq yeni dərs ilində onlara uğurlar arzuladı. Direktor məktəb məzunlarının uğurlarından danışaraq, 2019-2020-ci tədris ilinin məzunlarından da böyük gözləntisi olduğunu dilə gətirdi.

Bu il birinci sinfini qarşılayan Bakı şəhəri 20 nömrəli məktəb-liseyin ibtidai sinif müəllimi Yeganə Əsədova isə parta arxasına ilk dəfə əyləşəcək şagirdlərini qəbul etməyə tam hazır olduğunu deyir. Onun sözlərinə görə, bu təhsil müəssisəsində "Əməkdar müəllim", "Elmlər namizədi", "İlin müəllimi" müsabiqəsinin qalibi olan müəllimlərin çalışması müəllim və şagird heyətini təhsilə daha da ruhlandırır: "Əminəm ki, sinfimiz birincilər arasında birinci olacaq. Bunun üçün üzərimizə düşən vəzifəni hər zaman olduğu kimi şərəflə icra edəcəyik. Çalışacağıq ki, məktəbimizin adı hər zaman olduğu kimi öndə çəkilsin".

Məktəblərin bir neçəsində apardığımız müşahidələr göstərdi ki, paytaxtda həm pedaqoji heyət, həmçinin də şagirdlər yeni dərs ilinə həvəslə başlayıblar.

Məktəbdə Bilik günü
© Sputnik / Zulfiyya Guluyeva
Bakı şəhəri 20 nömrəli məktəb-liseydə Bilik günü

Bakı Şəhəri üzrə Təhsil İdarəsinin İctimaiyyətlə əlaqələr sektorunun müdiri Bəşarət Məmmədov isə Sputnik Azərbaycan-a açıqlamasında bildirib ki, paytaxtın ümumi təhsil məktəblərində Bilik günü qeyd olunub, məktəbliləri, valideynləri və müəllimləri təbrik edib, onlara uğurlar arzulayıblar: "Məktəblərdə ilk dərs məşğələsinin ibtidai siniflərdə "İdman və sağlamlıq", V-IX siniflərdə "Mütailə-mənəvi zənginliyə aparan yol", X-XI siniflərdə isə "Azərbaycan inkişaf yollarında" mövzularına həsr olunması şagirdlərin tədris ilinə daha həvəslə başlamasına şərait yaradır. Təhsil nazirinin müvafiq əmrinə əsasən, keçirilən dərslərdə ictimaiyyət nümayəndələri, müharibə iştirakçıları, əmək veteranları və sabiq məzunlar iştirak ediblər. 

"Ümumi təhsil sahəsində 2018-2019-cu dərs ilinin prioritet fəaliyyət istiqamətləri barədə" əmrə əsasən, dərslər pedaqoji və şagird heyəti tərəfindən dövlət himninin ifası ilə başlanıb. Dərs zamanı ibtidai siniflərdə müəllimlər şagirdlərə sağlam həyat yaşamaq üçün idmanla məşğul olmağın faydaları barədə ətraflı məlumat veriblər. V-IX siniflərdə şagirdlərin mənəvi aləminin zənginləşməsində, dünyagörüşünün və bilik dairəsinin genişlənməsində mütaliənin mühüm rol oynadığından söhbət açılıb. Yuxarı siniflərdə isə Azərbaycanın keçdiyi inkişaf yollarından bəhs edilib. Qeyd edək ki, ilk dərslərin bütün ümumi təhsil məktəblərində vahid mövzulara həsr olunması şagirdlərin tədris ilinə daha fəal başlamasına və səmərəli müzakirə mühitinin təşkilinə imkan verir. Məktəblilərin iştirakı ilə mahnılar və rəqslərdən ibarət konsert proqramı nümayiş etdirilib. Yeni tədris ilində BŞTİ-nin tabeliyində fəaliyyət göstərən ümumi təhsil müəssisələrində ümumilikdə 414 844 şagird təhsil alacaq. Məlumat üçün bildirim ki, BŞTİ-nin tabeliyindəki ümumi təhsil məktəblərinin IX sinfində 32 315, X sinfində 22 795, XI sinfində 18 896, XII sinfində 198 şagird təhsil alacaq. Paytaxt məktəblərinin I sinfinə qəbul üçün 48 000-dən çox şagird elektron qeydiyyatdan keçib”.

619
Azərbaycan hərbçisi, arxiv şəkli

Cəbiş müəllimin davamçıları şagirdlərinə gerçək döyüş zəfəri anladacaqlar

25
(Yenilənib 18:26 21.10.2020)
"Cəbhədən xoş xəbərlər eşitmək diləyi ilə müzəffər Ordumuza və igid əsgərlərimizə uğurlar arzulayırıq!"

BAKI, 21 oktyabr — Sputnik. Bakı Şəhəri üzrə Təhsil İdarəsinin (BŞTİ) tabeliyindəki ümumi təhsil məktəblərindən ordu sıralarına qoşulan işçilərin sayı açıqlanıb.

Sputnik Azərbaycan xəbər verir ki, bu barədə APA-nın sorğusuna cavab olaraq bildirilib ki, BŞTİ-nin tabeliyində təhsil müəssisələrində çalışan 127 təhsil işçisi Azərbaycan Ordusunun sıralarına qoşulub: "Onlardan 122-si müəllim, 5-i direktor müavinidir. İşğalçı Ermənistan tərəfindən zəbt edilmiş torpaqlarımızın və strateji əhəmiyyətli yüksəkliklərin azad olunması işinin davam etdirilməsi, düşmənin xeyli canlı qüvvəsi və döyüş texnikasının məhv olunması Azərbaycanın güclü ordusunun olduğunu bir daha göstərir.

Ermənistanın son təxribatlarına və hücum cəhdlərinə layiqli cavab verən qüdrətli Azərbaycan Ordusu Ali Baş Komandan İlham Əliyevin rəhbərliyi ilə öz sözünü deyir, qəsbkar düşmənə öz yerini göstərir. Bu günlərdə on minlərlə Azərbaycan vətəndaşı əsl vətənpərvərlik və qətiyyətli mövqe nümayiş etdirərək hər an döyüşə getməyə hazır olduğunu bildirir və mübariz ruhda ordu sıralarına qoşulur. Cəbhədən xoş xəbərlər eşitmək diləyi ilə müzəffər ordumuza və igid əsgərlərimizə uğurlar arzulayırıq!"

25
Mövzu:
Azərbaycan və Ermənistan arasında müharibə
Əlaqədar
Xocalıda kişilərlə birlikdə vuruşan qadın: 5 gün meşədə nəvələrimə qar yedirib saxladıq
"Hərbi forma geyinməyin!" - Əflatun Amaşov
Milli Məclis Qarabağ münaqişəsi ilə bağlı videomüraciət yayıb
"Oğullarımla birgə döyüşə getməyə hazıram" – cəbhəyanı kəndlərdə mərmidən qorxmurlar
Cəbrayıllı alim: "Kəndimizi atəşə tutan Hadrut azad olunanda sevincim yerə-göyə sığmadı"
Cəbhəyanı bölgədə məktəb, arxiv şəkli

Cəbhəyanı bölgələrin təhsilsiz qalan uşaqları - Onların bir əlində kitab, digərində ...

65
(Yenilənib 16:48 20.10.2020)
"Müəllimimiz deyib ki, məktəb bağlansa da, biz dərsimizi oxumalıyıq. Məktəbə qayıdanda bütün tapşırıqlarımızı oxuyub qiymət yazacaq bizə"

Zülfiyyə Quluyeva, Sputnik Azərbaycan

BAKI, 20 oktyabr — Sputnik. Bir əlində dərs kitabı, digərində oyuncaq tapançalar... Müharibə dövrünün uşaqları olduqları o məsum çöhrələrindəki kədərdən hiss olunur. Gözlərini atəş səsi ilə açdıqlarından onların oynadıqları oyunlar da elə müharibəni xatırladır. Biz həyətə çatanda balaca qəhrəmanlarımız dava-dava oynayırdılar. Halbuki, bu saatda onlar da digər həmyaşıdları kimi əllərində çanta məktəbdən qayıtmalı idilər.

Təhsil Nazirliyinin məlumatına görə, cəbhə bölgəsində yerləşən 468 məktəbdə hərbi əməliyyatlar səbəbindən dərslər dayandırılıb. Həmin məktəblər arasında Ağdam rayonu Üçoğlan kənd orta məktəbi də var. Sputnik Azərbaycan cəbhəyanı ərazidə yerləşən Üçoğlan kənd orta məktəbinin hərbi vəziyyətlə əlaqədar dərsləri dayandırılmış şagirdləri ilə görüşüb, onların dərslərini hansı formada davam etdirməsi ilə maraqlanıb.

Üçoğlan kənd orta məktəbinin ikinci sinif şagirdləri ElşadRəhim Sadıqzadə qardaşdırlar. Onlar yeni tədris ilinin başlanmasını səbirsizliklə gözləsələr də, Ermənistanın dinc əhalini, təhsil müəssisələrini hədəf alması səbəbindən dərsə gedə bilmirlər. Elşad Sadıqzadə deyir ki, həm müəllimləri, həmçinin də sinif yoldaşları üçün çox darıxıb: "Ermənilər kəndimizə raket atırlar. Ona görə də bizim məktəbimizi bağlayıblar. Amma mən çox istəyərdim ki, məktəb açılsın. Çünki sinif yoldaşlarım üçün darıxmışam".

Cəbhədə vəziyyət gərginləşəndən Sadıqovlar ailəsi uşaqları təhlükəsiz yerə apardıqlarından onların müəllimləri və sinif yoldaşları ilə əlaqəsi kəsilib. Elşad və Rəhimin anası Aysel Sadıqova deyir ki, Ermənistan silahlı qüvvələri dinc sakinləri, təhsil müəssisələrini hədəfə aldığından uşaqlar tədrisdən tamamilə kənar qalıblar:

"Nə müəllimlərlə əlaqəmiz var, nə də ki valideynlərlə. Məktəblər bağlanandan öz uşaqlarımıza özümüz müəllimlik edirik. Bizim sığındığımız yerdə nə internet var, nə də ki televizor. Ona görə də uşaqlar teledərsləri də izləyə bilmirlər. Naəlac qalıb dərsi uşaqlara özüm başa salıram. Uşaqlara məktəbin bağlanması çox pis təsir edib. Hər gün məndən dərsə nə vaxt gedəcəklərini soruşurlar. Başa salıram ki, Ermənistan uşaq-böyük bilmir. Sizin həyatınız üçün təhlükə olduğundan məktəb bağlanıb".

Balaca Rəhim isə Ermənistanın atdığı nə mərmilərdən qorxur, nə də ki raketlərdən. Deyir ki, atamın yanına, öz kəndimizə getmək istəyirəm. Oyuncaq tapançasını isə bir saniyə də kənara qoymur. Hətta dərs oxuyanda da oyuncaq tapançası yanında olur Rəhimin: "Bu tapançaları atam alıb bizə. Əgər ermənilər bizə atsalar, biz də onları qorxudacağıq..."

Balacalarla söhbət zamanı öyrənirik ki, məktəblər bağlansa da, dərslərinə bir gün də ara verməyiblər. Rəhim sinfin əlaçısı olduğundan dərslərinə daha məsuliyyətli yanaşır. Onun sözlərinə görə, müəlliminə yaxşı oxuyacağına dair söz verib: "Müəllimimiz deyib ki, məktəb bağlansa da biz dərsimizi oxumalıyıq. Məktəbə qayıdanda bütün tapşırıqlarımızı oxuyub qiymət yazacaq bizə".

Elşad da müəllimin tapşırıqlarına əməl etdiyini söyləyir: "Müəllim deyib ki, hər gün ən azı iki səhifə oxumalıyıq ki, üzündən oxumağı unutmayaq. Mən həm çalışmalarımı həll edirəm, həm də dərslərimi oxuyuram".

Amma Elşadla Rəhim məktəbdə daha həvəslə oxuduqlarını da gizlətmirlər. Deyirlər ki, məktəbdə müəllim onlara ulduz verdiyindən oxumağa daha da həvəsli olurlar. Onların ən böyük arzusu da dərslərinə məktəbdə davam etməkdir. Çox təəssüf ki, işğalçı Ermənistan silahlı qüvvələrinin Azərbaycana qarşı təxribatlarının davam etməsi Elşadla Rəhim kimi yüzlərlə cəbhəyanı bölgədə təhsil alan şagirdləri məktəbdən uzaq salıb. Ordumuzun qarşısında aciz qalan Ermənistan mülki əhalini, o cümlədən uşaqları, qadınları və qocaları hədəf alır. Mülki əhali arasında itkilərimiz var, çoxsaylı evlərə və mülki obyektlərə, o cümlədən cəbhə bölgəsində yerləşən təhsil müəssisələrinə ciddi ziyan dəyib. Bu, həmin ərazilərdə yerləşən təhsil müəssisələrində tədris prosesinə də öz təsirini göstərib. Nəticədə cəbhə bölgəsində yerləşən təhsil müəssisələrində dərs cədvəli dəyişdirilib.

65
Əlaqədar
İlham Əliyev: "Mənim əsas vəzifəm torpaqları qaytarmaqdır. Və biz bunu edirik"
Atılan mərmilər Ağcabədi sakinini evsiz qoydu - video
Azərbaycanda təhsil okeanda təkbaşına üzən gəmi ilə müqayisə edildi
Bir gözümüz gülür, bir gözümüz ağlayır - Füzulili deputat
Bir igid ömrü torpağını gözləyənlər: "Ermənilər özləri orada yaşamağa ürək eləmirlər"

İlham Əliyev Azərbaycanı dəstəkləyən ölkələrin başçılarına məktublar ünvanlayıb

0
Prezident BMT TŞ-da Azərbaycanı dəstəkləyən ölkələrin dövlət və hökumət başçılarına məktublar ünvanlayıb.

BAKI, 25 oktyabr - Sputnik. Məlum olduğu kimi, bu günlərdə BMT Təhlükəsizlik Şurasında Ermənistan-Azərbaycan münaqişəsi ilə bağlı baş tutmuş müzakirələrdə Qoşulmama Hərəkatının və eyni zamanda, hazırda Təhlükəsizlik Şurasının üzvü olan ölkələr - İndoneziya, Tunis, Niger, Dominikan Respublikası, Vyetnam, Cənubi Afrika Respublikası və Sent-Vinsent və Qrenadin təklif edilən sənəd layihəsinə Təhlükəsizlik Şurasının 1993-cü ildə qəbul edilmiş 822, 853, 874, 884 saylı qətnamələrinə istinadın daxil edilməsinə dair israrlı mövqe nümayiş etdiriblər. Nəticədə Təhlükəsizlik Şurasının daimi üzvləri olan ATƏT-in Minsk qrupunun həmsədr ölkələri hazırladıqları bəyanat layihəsini geri götürməyə məcbur olublar.

Sputnik Azərbaycan xəbər verir ki, bununla əlaqədar, Azərbaycan Respublikasının Prezidenti İlham Əliyev tərəfindən İndoneziya, Tunis, Niger, Dominikan Respublikası, Vyetnam, Cənubi Afrika Respublikası və Sent-Vinsent və Qrenadinin dövlət və hökumət başçılarına məktublar ünvanlanıb.

Prezident İlham Əliyev, arxiv şəkli
© Official website of President of Azerbaijan Republic

Məktublarda BMT Təhlükəsizlik Şurasında keçirilmiş müzakirələr zamanı göstərdikləri prinsipial mövqeyə görə sözügedən ölkələrə təşəkkür ifadə olunub.

Məktublarda qeyd edilib ki, bu ölkələrin belə qəti mövqe sərgiləmələri onların Bandunq prinsiplərinə, Qoşulmama Hərəkatının dəyərlərinə sadiqliyini, multilateralizmə və beynəlxalq hüquqa olan hörmətini nümayiş etdirir. Bu mövqe ikitərəfli münasibətlərimizdə tarixi dostluq əlaməti kimi qəbul olunur.

Daha sonra məktublarda bildirilir ki, həmin ölkələrin davamlı dəstəyi münaqişənin beynəlxalq hüquq və Təhlükəsizlik Şurasının məlum qətnamələri əsasında həllinə töhfə verəcək.

Sonda isə ikitərəfli münasibətlərimizin, eləcə də BMT və Qoşulmama Hərəkatı çərçivəsində çoxtərəfli əməkdaşlığımızın uğurla inkişaf edəcəyinə əminlik ifadə olunub.

0
Mövzu:
Azərbaycan və Ermənistan arasında müharibə