Digah kənd F.Həmzəyev adına orta məktəbin vəziyyəti

Digah sakinləri sentyabrda uşaqları məktəbə göndərməkdən imtina edəcək

3445
(Yenilənib 22:45 14.07.2019)
Kənd sakinləri aidiyyatı qurumlardan səslərinə səs verməyi xahiş edir

Leyla Abdullayeva, Sputnik Azərbaycan

BAKI, 14 iyul — Sputnik. Dünya təhsilinin inkişafın üst səviyyəsində olduğu bir dövrdə ölkəmizin bəzi regionlarında hələ də istifadəyə yararsız vəziyyətdə olan məktəblər var. Quba rayonunun Digah kənd məktəbi də belələrindəndir. Bir müddət əvvəl Sputnik Azərbaycan həmin məktəbdəki dözülməz şərait barədə məlumat vermişdi. Üstündən xeyli vaxt keçsə də, sözügedən məktəbin vəziyyətində heç bir dəyişiklik olmayıb. 

Bu günlərdə Quba rayonunun Digah kənd sakinləri F.Həmzəyev adına kənd məktəbinin tamamilə yararsız vəziyyətdə olması ilə əlaqədar yenidən  Sputnik Azərbaycan-a müraciət ediblər. Kənd sakini Adil Qurbanov yeni tədris ilində övladlarını məktəbə göndərməyəcəklərini bildirib. O qeyd edib ki, övladlarının təhsili onun üçün vacibdir. Amma onların sağlamlığı təhsildən də vacibdir.

"Məktəb o qədər yararsız haldadır ki, orada təhsil almaq şagirdlərin sağlamlığı üçün təhlükəlidir. Ona görə də, düşünürük ki, növbəti dərs ilində uşaqları məktəbə göndərməyək" - deyə Qurbanov bildirib. 

Kəndin digər sakini Aqil Ağasıyev isə deyib ki, Digah Qubanın ən böyük kəndlərindən sayılır. 500-ə yaxın şagirdin təhsil aldığı məktəbin tövlədən fərqi yoxdur: "Kənd camaatının çoxu qərara alıblar ki, dərs başlayanda uşaqları məktəbə yollamasınlar. Sabah hansısa güclü  təbiət hadisəsi baş versə, məktəb çökəcək. Bu hal şagirdlərin məktəbdə olduqları zaman baş verərsə, buna kim cavabdeh olacaq?"

  • Digah kənd F.Həmzəyev adına orta məktəbin vəziyyəti
    Digah kənd F.Həmzəyev adına orta məktəbin vəziyyəti
    © Sputnik / Leyla Abdullayeva
  • Digah kənd F.Həmzəyev adına orta məktəbin vəziyyəti
    Digah kənd F.Həmzəyev adına orta məktəbin vəziyyəti
    © Sputnik / Leyla Abdullayeva
  • Digah kənd F.Həmzəyev adına orta məktəbin vəziyyəti
    Digah kənd F.Həmzəyev adına orta məktəbin vəziyyəti
    © Sputnik / Leyla Abdullayeva
  • Digah kənd F.Həmzəyev adına orta məktəbin vəziyyəti
    Digah kənd F.Həmzəyev adına orta məktəbin vəziyyəti
    © Sputnik / Leyla Abdullayeva
  • Digah kənd F.Həmzəyev adına orta məktəbin vəziyyəti
    Digah kənd F.Həmzəyev adına orta məktəbin vəziyyəti
    © Sputnik / Leyla Abdullayeva
  • Digah kənd F.Həmzəyev adına orta məktəbin vəziyyəti
    Digah kənd F.Həmzəyev adına orta məktəbin vəziyyəti
    © Sputnik / Leyla Abdullayeva
1 / 6
© Sputnik / Leyla Abdullayeva
Digah kənd F.Həmzəyev adına orta məktəbin vəziyyəti

Kənd sakini aidiyyatı qurumlardan səslərinə səs verməyi xahiş edir: "Dəfələrlə uşaqların ayağı məktəbin döşəməsindəki qırıq yerlərə düşüb qırılıb. Nəticədə uşaqlar aylarla məktəbə gedə bilməyiblər. Yeni modul tipli məktəbdən dərslər başlayana qədər bizim kənddə də quraşdırsınlar".

Kənd sakini Nofəl Əliyev də aidiyyatı qurumlardan bu məsələyə əncam çəkmələrini tələb edir: "Əgər yeni tədris ilinə qədər məktəb təmir olunmazsa, oranın şagirdi də olmayacaq. Çünki bizə başqa seçim qoymurlar. Təhsil nə qədər vacib olsa da, övladlarımızın sağlığı hər şeydən vacibdir. Səlahiyyətli şəxslər bu məsələyə əncam çəkməlidirlər, əks təqdirdə kənddə təhsil olmayacaq!"

Digah kəndinin bütün sakinləri sözü bir yerə qoyaraq, məktəb əsaslı təmir olunmasa, sentyabrda uşaqları məktəbə göndərməyəcəklərini bildiriblər. 

Sputnik Azərbaycan məsələ ilə bağlı Təhsil Nazirliyinə müraciət edib. Təhsil Nazirliyinin İctimaiyyətlə əlaqələr sektorunun müdiri Cəsarət Valehov deyib ki, sözügedən məktəbin vəziyyətindən xəbərdar deyil. Bununla belə, əgər kənd sakinləri onlara problemlə bağlı yazılı müraciət etsələr, Təhsil Nazirliyi problemi həll etməyə çalışacaq. 

Digah sakinləri ümid edirlər ki, kənd məktəbi yeni dərs ili başlayana qədər əsaslı təmir olunacaq və sakinlər heç nədən qorxmadan övladlarını təhsil dalınca göndərə biləcəklər. 

3445
Günəş, arxiv şəkli

Günəşin cazibə qüvvəsi müəyyən edilib

9
Onun köməyi ilə beynəlxalq astronomlar qrupu, günəş sisteminin barisentrinin yerini 100 metr dəqiqliklə müəyyənləşdirib.

BAKI, 2 iyul — Sputnik. Astronomlar günəş sisteminin dəqiq cazibə mərkəzini (və ya barisentrini) hesablayıblar.

Sputnik Azərbaycan xarici mətbuata istinadla xəbər verir ki, məşhur inancın əksinə, onun mərkəzdə deyil, kənarda yerləşdiyi məlum olub.

Günəş sistemindəki hər bir cisim, ulduza cazibə qüvvəsi verərək hərəkət etməyə məcbur edir. Buradakı əsas "rolu" planetlərin ən böyüyü kimi Yupiter oynayır. Qravitasiya mərkəzini hesablamaq üçün hər cismin dəqiq orbitini və kütləsini bilmək lazımdır.

Əvvəlki hesablamalar Doppler şüalanmasına əsaslanırdı. Astronomlar əsas xüsusiyyətlərini təyin etmək üçün cisimlərin işığının məsafədən asılı olaraq necə dəyişdiyini izləyirdilər. Ancaq bu üsul çox dəqiq deyildi.

Yeni araşdırmanın müəllifləri isə xüsusi hazırlanmış BayesEphem proqramından istifadə ediblər. Bu proqram Günəş sisteminin, o cümlədən Yupiterin orqanlarının orbitlərində qeyri-müəyyənliklərin modelləşdirilməsi və korrektə edilməsi üçün nəzərdə tutulub.

Onun köməyi ilə beynəlxalq astronomlar qrupu, günəş sisteminin barisentrinin yerini 100 metr dəqiqliklə müəyyənləşdirib. Məlum olub ki, o, Günəşin xaricindədir, amma səthinə yaxındır.

Tədqiqat müəllifləri qeyd ediblər ki, bu araşdırma qravitasiya dalğalarının daha dəqiq ölçülməsinə imkan yaradacaq. Məlumatlar həm günəş sisteminin, həm də kosmik obyektlərin öyrənilməsi üçün vacibdir.

9
Tələbələr, arxiv şəkli

Tələbələrə müdir sözü: "Problem olmayacaq"

8
(Yenilənib 16:26 01.07.2020)
"Bu, onlayn prosesdir və hər-hansı problem olmayacaq. Dəqiq tarix bəlli deyil. Bu barədə məlumat veriləcək"

BAKI, 1 iyul — Sputnik. "Tələbələrin köçürülməsi iyul-avqust ayında həyata keçiriləcək".

Sputnik Azərbaycan "Report"a istinadən xəbər verir ki, bunu Təhsil Nazirliyinin İctimaiyyətlə əlaqələr sektorunun müdiri Cəsarət Valehov deyib.

Onun sözlərinə görə, bu, onlayn prosesdir və hər-hansı problem olmayacaq. "Dəqiq tarix bəlli deyil. Bu barədə məlumat veriləcək".

Qeyd edək ki, tələbələrin köçürülməsi ildə iki dəfə - fevral və iyul aylarında həyata keçirilir.

8
Əlaqədar
Qaxda internetsizlik həyatı iflic edib: Tələbələr imtahan verə, şagirdlər dərs keçə bilmir
Magistraturaya qəbulun nəticələri elan edildi
Buraxılış imtahanları verənlərin bir qismi artıq nəticələrini yoxlaya bilər
Abituriyentlərin işi asanlaşdı: qəbul imtahanlarına görə videomühazirələr artıq əlçatandır
İmtahanlar qayıdır: 29 min şəxsin biliyi yoxlanılacaq
Günəş, arxiv şəkli

Yunanıstanda maraqlı təbiət hadisəsi baş verib

0
"Günəş iti" kimi bir fenomenal hadisəni demək olar ki, xüsusilə yaxşı havalarda dünyanın hər yerində görmək mümkündür.

BAKI, 2 iyul — Sputnik. Yunanıstanda "Günəş iti" adlanan nadir bir təbiət hadisəsi baş verib.

Sputnik Azərbaycan xəbər verir ki, hadisənin video görüntüsü "Youtube"-da paylaşılıb. Videoda Günəşin su üzərində dayandığı an təsvir olunur. Göy gövdəsi yarıya qədər buludla örtülüb. Nəticədə günəşin "ikiqat olması" xəyalı yaranır. "Günəş iti" kimi bir fenomenal hadisəni demək olar ki, xüsusilə yaxşı havalarda dünyanın hər yerində görmək mümkündür.

Xatırladaq ki, kameralar 2019-cu ilin dekabrında Amerikanın Missuri ştatındakı Sent-Luis şəhəri üzərində səmada Yer atmosferinə daxil olan meteoru çəkmişdi.

0
Teqlər:
Günəş, Yunanıstan