Elektron qeydiyyat

Vətəndaşlar yeni qərarı alqışlayırlar: Rüşvətə süründürməçiliyə son!

9250
(Yenilənib 17:37 07.05.2019)
"Bu imkandan hər bir vətəndaşın istifadəsi üçün imkanları genişləndirmək lazımdır"

Təranə Xudabaxşiyeva - Sputnik Azərbaycan

BAKI, 13 may — Sputnik. Son zamanlar valideynlər arasında bağçalara uşaq qoymaqla bağlı problemlər, şikayətlər artmaqdaydı. Valideynlər bildirirdilər ki, müraciət etdikləri uşaq bağçalarında əvvəlcə yer olmadığı bəhanə edilir. Daha sonra isə bağça müdirləri onlardan uşaqlarını bağçaya qəbul etməyin müqabilində müəyyən məbləğdə pul tələb edirlər. 

Uşaq bağçası, arxiv şəkli
© Official website of President of Azerbaijan Republic

Çoxsaylı şikayətləri nəzərə alaraq Bakı Şəhər İcra Hakimiyyəti tərəfindən bu barədə yeni qərar qəbul edilib. Belə ki, bu ilin sonuna kimi bağçalara qəbulun elektronlaşdırılması işləri həyata keçiriləcək. Yəni gələn ildən uşaqlar bağçalara məktəblərdə olduğu kimi elektron qaydada qəbul olunacaqlar.

Maraqlıdır, əhali bu qaydadan nə qədər razı qalıb, bu addımı necə qiymətləndirir? Ümumiyyətlə, bu üsulun qəbuldakı korrupsiya faktlarının qarşısını alacağını hesab edirlərmi? Sputnik Azərbaycan-ın əməkdaşı bu suallara cavab tapmaq məqsədilə sosial şəbəkələrdə sorğu keçirib. Sorğumuzda iştirak edən sosial şəbəkə istifadəçilərinin cavablarını olduğu kimi təqdim edirik:

Məhəmməd Türkmən: "Rüşvət almaq çətinləşəcək. "Yer yoxdur" deyib, 200 manat alandan sonra yer açılmayacaq".

Elşən Ağalar: "Müasir dövrümüzdə bu cür tətbiqlər, təbii ki, önəmlidir. Nisbətən korrupsiyaya qarşı da öz təsirini göstərəcək. Sadəcə olaraq bundan hər bir vətəndaşın istifadəsi üçün imkanları genişləndirmək lazımdır".

Kamran Əsədov: "Bağça müdirləri bəzi azyaşlıları qəbul edir, digərlərinə isə boş yer olmadığını deyirlər. Çünki buradakı uşaqların qeydiyyatını onlardan başqa heç kim aparmır. Elektron sistem olmadığından, İcra Hakimiyyəti belə, bağçadakı uşaqların dəqiq sayından xəbərsizdir. Yalnız fiziki olaraq gedib görmək, müfəttiş göndərməklə kifayətlənir. Direktorlar da bundan yararlanıb, o yerləri başqa üsullarla valideynlərə təklif edirdilər. Fikrimcə, elektron sistem prosesin şəffaflaşmasına kömək edəcək". 

Uşaq bağçasında mütaliə saatı
© Photo : Bakı Şəhər Mədəniyyət və Turizm Baş İdarəsinin mətbuat xidməti

Samir Abdulov: "Düşünürəm ki, yaxşı hal deyil. İndi kimsə daxil olub uşağını istədiyi bağçaya qoyacaq, bəziləri yer olmadığı üçün kənarda qalacaq. Kaş ki, köhnə üsul qalardı".

Cəlalə Ağayeva: "Yeni qərarı dəstəkləyirəm. Yeni qanunun tətbiqindən sonra bağça müdirləri valideynlərdən pul ala bilməyəcəklər".

Adil Vəliyəv: "Məktəbəqədər və birinci sinfə qəbulun onlayn olması qeydiyyatı şəffaflaşdırdı. Əvvəllər valideynlər direktorlara pul verib, uşaqlarını istədikləri müəllimin sinfinə yazdırırdılar. İndi isə onlayn şəkildə istədiyi müəllimi seçib, qeydiyyatı ona görə aparır".

Lamiyə Namiqqızı: "Məncə, heç nə dəyişməyəcək. Onsuz da yenə uşaq bağçaya qəbul olunandan sonra valideynlər direktorlara şirinlik verməli olacaqlar. Bu, gözdən pərdə asmaq üçündür".

Şahidə Tapdıq: "Təbii ki, onlayn qəbul öz müsbət təsirini göstərəcək. Zənnimcə, bu, təkcə məktəbəqədər təhsil sistemində deyil, bir çox qurumlarda olsa, daha yaxşı olar. Bununla az da olsa, bəzi məmurların, o cümlədən, məktəb direktorlarının rüşvət alma ehtimalını müəyyən dərəcədə aşağı salmaq mümkün olacaq".

Elnurə Abuşova: "Bu, formal xarakter daşıyacaq. Onsuz da pulsuz heç kimin uşağı bağçaya qəbul olunmur".

9250
Teqlər:
rüşvət, valideyn, elektron, direktor, müdir, bağça, uşaq
Əlaqədar
Qazaxıstanda bağça müdiri tərbiyəçini döyüb
Uşaq bağçasının balaca sakinləri ağac əkiblər
Bağça rəhbərlərinə xəbərdarlıq edildi: Qəbul elektron qaydada olacaq
Mehriban Əliyeva bağça, gimnaziya və məktəbə baş çəkib
Bağçalar və orta məktəblərlə bağlı şad xəbər
Tədqiqat, arxiv şəkli

Yapon alimlər indiyədək heç kəsin görə bilmədiyini gördülər

28
(Yenilənib 01:52 04.12.2020)
Eksitonların yalnız bir tipinin - parlaq eksitonların işıqla qarşılıqlı əlaqədə olması qabiliyyəti alimlərə çoxdan məlumdur. Ancaq qara eksitonlar da mövcuddur ki, onları indiyədək müşahidə etmək mümkün olmurdu.

BAKI, 4 noyabr - Sputnik. Yapon alimlər əvvəllər müşahidə edilə bilməyən zərrəciklərin vizualizasiya metodunu aşkarlayıblar. Müəlliflərin fikrincə, bu, günəş batareyaları və işıq diodlardan tutmuş smartfon və lazerlərədək gələcək yüksək texnologiyalı qurğuların hazırlanmasında gərəkli olan ikiölçülü yarımkeçiricilərin öyrənilməsində inqilaba bərabər kəşfdir.

Sputnik Azərbaycan bildirir ki, araşdırmanın nəticələri Science jurnalında dərc olunub.

Eksitonlar - bir çox müasir texnologiyanın əsas tərkibi olan yarımkeçiricilərdə maddənin həyəcan vəziyyətini əks etdirən kvazi hissəciklərdir. İşıq elektronlara təsir edib onları daha yüksək enerji halına qaldıran zaman eksitonlar yaranır, bu zaman elektronların əvvəl olduğu enerji səviyyəsində isə dəlik əmələ gəlir.

"Dəlik - elektronun olmaması deməkdir, ona görə də onlar elektronun əksi olan yükü daşıyırlar. Əks yüklər bir-birini cəzb edir, həm elektronlar, həm də dəliklər birləşərək eksitonları əmələ gətirir, bunlar isə öz növbəsində material daxilində hərəkət edir", - Okinava Elm və Texnologiya İnstitutunun professoru, femtosaniyə spektroskopiya bölməsinin rəhbəri Keşav Dani yazır.

İri yarımkeçiricilərdə eksitonlar əmələ gəldikdən sonra saniyənin milyardda bir kəsikləri ərzində sönür. Üstəlik, onlar "kövrək" də ola bilir, bu isə həm öyrənilməsini, həm də idarəolunmasını çətinləşdirir. Ancaq təxminən on il əvvəl alimlər ikiölçülü yarımkeçiriciləri kəşf etdilər ki, bunlarda eksitonlar daha dayanıqlıdır.

"Stabil eksitonlar bu materiallara, doğrudan da unikal xüsusiyyət bəxş edir, buna görə də eksiton əsaslı yeni optik-elektron qurğuların yaradılması üçün xeyli araşdırma aparılıb, - digər müəllif, femtosaniyə spektroskopiya bölməsinin əməkdaşı doktor Jülyen Madeo qeyd edir. - Ancaq hazırda eksitonların ölçülməsi üçün standart eksperimental texnika məhduddur".

Eksitonların yalnız bir tipinin - parlaq eksitonların işıqla qarşılıqlı əlaqədə olması qabiliyyəti alimlərə çoxdan məlumdur. Ancaq qara eksitonlar da mövcuddur ki, onları indiyədək müşahidə etmək mümkün olmurdu.

Qara eksitonlarda elektronların impulsu parlaq eksitonlardakı elektronların impulsundan və əlaqədə olduqları dəliklərin hərəkət anından fərqlənir, bu isə onlara işığı udmağa imkan vermir.

"Bilirdik ki, onlar var, amma birbaşa görə, tədqiq edə bilmədiyimizdən materialın optik-elektron xüsusiyyətlərinə nə dərəcədə təsir etdiyini bilmirdik", - Madeo bildirib. 

Qara eksitonları vizuallaşdırmaq üçün alimlər əvvəllər əlaqəsiz elektronları öyrənmək üçün istifadə etdikləri güclü texnikanı modifikasiya ediblər.

"Tərkibi zərrəciklər olan eksitonlarda bu metodların necə işə yarayacağı aydın deyildi. Bu yanaşmanın əsaslı olub-olmadığı barədə elmi cəmiyyət böyük nəzəriyyə müzakirəsi açdı", - professor Dani qeyd edib.

Müəlliflər təxmin ediblər ki, yüksək enerjiyə malik fotonlu işıq seli ilə yarımkeçirici materialdakı eksitonlara təzyiq olunsa, fotonların enerjisi eksitonları dağıdaraq elektronları materialdan çıxara bilər. Bununla da elektronların materialdam çıxdığı istiqaməti ölçərək elektronların eksitonların tərkibi olduğu zaman malik olduğu ilkin impulsu təyin etmək mümkün olardı. Beləliklə, alimlər nəinki eksitonları görə, eləcə də qara və parlaq eksitonları bir-birindən ayıra biləcəklər.

"Bütün texniki problemləri həll edb, qurğunu qoşarkən bizim ekranda eksitonlar peyda olanda - bu, doğrudan da möhtəşəm idi", - tədqiqatda iştirak etmiş doktor Mişel Man deyib.

Alimləri bir xüsusiyyət də təəccübləndirib: onlar şahid olublar ki, materialda qara eksitonlar parlaq eksitonlardan çoxdur, üstəlik, müəyyən şərtlər daxilində, həyəcanlanmış elektronlar materialda səpələnib impulslarını dəyişən zaman eksitonlar dəyişə bilir (parlaqdan qaraya).

28
Teqlər:
elektron zərrəcik, yarımkeçirici, material, optik, elmi tədqiqat, tədqiqat, alimlər, Yaponiya

Koronavirusu blok edən üç ərzaq

35
(Yenilənib 02:05 04.12.2020)
Tədqiqatçılar həmçinin qeyd ediblər ki, yaşıl çayda Mpro-nun müxtəlif sahələri ilə qarşılıqlı əlaqədə olaraq onun təsirini neytrallaşdıran beş kimyəvi birləşmə var.

BAKI, 4 dekabr - Sputnik. Alimlər müəyyən ediblər ki, üzüm, şokolad və yaşıl çaydakı kimyəvi birləşmələr SARS-CoV-2 virusunu bloklamağa qadirdir. Sputnik Azərbaycan bildirir ki, bu barədə araşdırma Frontiers in Plant Science jurnalında dərc edilib.

Bildirilir ki, SARS-CoV-2-nin zəif yeri "əsas proteaza" olan Mpro fermentidir. Bu ferment replikasiya mexanizmində iştirak edir. O da məlumdur ki, Mpro güclü iltihabəleyhinə və antioksidant xüsusiyyətlərinə malik bitki mənşəli ərzağın müxtəlif kimyəvi birləşmələrinin təsiri ilə dəf olunur.

Şimali Karolina Universitetinin mütəxəssisləri bu cür birləşmələri üzə çıxarmaq üçün ərzaq məhsulları və bitki dərmanlarını öyrənblər. Kompüter modelləşdirməsi və laboratoriyalardakı in vitro (şüşə qabda, kolbada - red.) eksperimentləri göstərib ki, yaşıl çay və üzümdəki maddələr Mpro-nun funksiyasını uğurla dəf edir, kakao tozu və tünd şokoladdakı birləşmələr isə proteazanın aktivliyini təxminən yarıbayarı azaldır.

Tədqiqatçılar həmçinin qeyd ediblər ki, yaşıl çayda Mpro-nun müxtəlif sahələri ilə qarşılıqlı əlaqədə olaraq onun təsirini neytrallaşdıran beş kimyəvi birləşmə var.

35
Teqlər:
Yaşıl çay, üzüm, şokolad, ərzaq, blok, COVID-19, epidemiya, Koronavirus
Mövzu:
Dünyanı cənginə almış bəla
Biznes  ledi

İllərin sənətçisi yeni biznesə başlayıb

0
(Yenilənib 23:45 04.12.2020)
Sayan istehsalına yenicə başladıqları məhsul haqqında məlumat da verib. Müğənninin bildirdiyinə görə, sözügedən odekolon öd ağacından hazırlanıb

BAKI, 4 dekabr — Sputnik. Türkiyəli müğənni Seda Sayan yeni biznesə başlayıb.

Sputnik Azərbaycan xəbər verir ki, sənətçi öz adı ilə istehsal olunan ətirli kolonyanı satışa çıxarmağa hazırlaşır.

View this post on Instagram

A post shared by Seda Sayan (@sedasayan)

Artıq Seda məhsullarla çəkdirdiyi fotosunu özünün "Instagram" səhifəsində paylaşıb. O, istehsalına yenicə başladıqları məhsul haqqında məlumat da verib. Müğənninin bildirdiyinə görə, sözügedən odekolon öd ağacından hazırlanıb. Qeyd edək ki, kolonya qutusunun üzərində Seda Sayanın şəkli yer alıb.

0