Birinsi sinifdə tədris prosesi, arxiv şəkli

Birinci sinfə qəbulla bağlı gözlənilməz problem meydana çıxıb

19182
(Yenilənib 17:57 29.04.2019)
Təhsil Nazirliyi məsələnin bir hissəsinə aydınlıq gətirsə də, əsas sual açıq olaraq qalır

Təranə Xudabaxşiyeva, Sputnik Azərbaycan

BAKI, 29 aprel — Sputnik. Yeni tədris ili ilə əlaqədar olaraq ümumtəhsil məktəblərin birinci siniflərinə qəbul başlayıb. Artıq valideynlər uşaqlarını onlayn qaydada qeydiyyatdan keçirirlər. Bunun üçün valideynlər əvvəlcə məktəbi, daha sonra isə müəllimi seçərək sorğu göndərirlər.

Qeydiyyatın onlayn qaydada aparılması şəffaflığın təmin edilməsi məqsədi daşıyır. Ancaq Sumqayıt şəhərində yaşayan bir qrup valideyn onlayn qeydiyyat prosesindən narazıdır.

Sputnik Azərbaycan-a Sumqayıt şəhər 25 saylı tam orta məktəbinin məktəbəqədər hazırlıq qrupunda təhsil alan 27 uşağın valideynləri şikayət ediblər. Şikayətdə deyilir ki, onların övladları 1 ildir 25 saylı orta məktəbdə Aysel Baxışovanın məktəbəqədər sinfində təhsil alırlar.

Valideynlər indi uşaqlarını həmin məktəbdə Aysel Baxışovanın sinfinə qeydiyyatdan keçirmək istəyirlər. Ancaq saytda qeydiyyata düşmək istəyən zaman məktəbdə 4 başqa ibtidai sinif müəlliminin adı çıxır, Aysel Baxışovanın adı isə yoxdur.

Şikayətçilərin sözlərinə görə, məktəbdən onlara bildirilib ki, 4 müəllimin sinfinə qəbul planı tam dolmalıdır. Ancaq bundan sonra daha gənc olan Aysel Baxışova üçün sinif açıla bilər.

Bundan narazı qalan valideynlər Sumqayıt Şəhər Təhsil İdarəsinə də müraciət ediblər. Qurumdan isə valideynlərə deyilib ki, narahat olmasınlar, sistemdə Aysel Baxışovanın adı çıxacaq. Ancaq günlər keçsə də, hələ də problem həll olunmayıb.

Valideynlərin narahatlığına aydınlıq gətirmək məqsədilə Sputnik Azərbaycan-ın əməkdaşı Təhsil Nazirliyinə sorğu göndərib. Nazirliyin sorğuya bir neçə gündən sonra göndərdiyi cavabını olduğu kimi təqdim edirik:

"Sumqayıt Şəhər Təhsil Şöbəsindən bildirilir ki, müəllim Baxışova Aysel İbrahim qızı 2017-2018-ci tədris ili üçün MİQ müsabiqəsində iştirak edərək 50 bal toplayıb və Sumqayıt şəhəri 25 nömrəli tam orta məktəbə ibtidai sinif müəllimi göndərilib. Həmin tədris ilində A.Baxışova səhhəti ilə əlaqədar olaraq sinif rəhbərliyindən imtina edib və öz ərizəsinə əsasən, ibtidai siniflərdə yığma dərs saatı aparıb.

2018-2019-cu tədris ilində müəllim A.Baxışova adı çəkilən məktəbdə məktəbəqədər qrupunda məşğələ aparıb, lakin cari ilin mart ayında I siniflərə elektron qəbul sistemi fəaliyyətə başlayarkən IV sinifdə dərs aparmadığına görə A.Baxışovanın adı sistemə daxil edilməyib və bu hal valideynlərin ciddi narazılığına səbəb olub.

Təhsil Nazirliyindən də bildirilir ki, Qaydalara uyğun olaraq,1-ci siniflər hazırda 4-cü sinifi aparan müəllimə verilib və hazırlıqda olan uşaqlar avtomatik olaraq 1-ci sinifə otuzdurulublar. Sumqayıt şəhəri 25 nömrəli tam orta məktəbdə 3 hazırlıq qrupu olub. Həmin məktəbdə 3 buraxılış sinfi var və buna uyğun olaraq 3 (üç) 1-ci sinif açılıb. Yəni, buraxılış siniflərinin sayına uyğun olaraq yeni siniflər açılıb".

Nazirliyin açıqlamasından sonra isə növbəti sual meydana çıxır: Əgər məktəb direktoru müəllimə sinif verə bilməyəcəyini bilirdisə, o zaman niyə həmin müəllimə məktəbəqədər hazırlıq sinfi açırdı? Bu sualı cavab almaq məqsədilə də Təhsil Nazirliyinə yenidən sorğu göndərdik. Təəssüf ki, bu sualımıza aydınlıq gətirilmədi.

19182
Teqlər:
müəllim, məktəb, təhsil, valideyn, qəbul, sinif
Əlaqədar
"Müəllimlərin sinifdə ləhcə ilə danışmaları yolverilməzdir"
Məktəbli ov tüfəngi ilə sinif yoldaşını güllələdi
Beşinci sinif şagirdini döyən valideynlər haqqında cinayət işi açılıb
Saatlıda 9-cu sinif şagirdi yıxılaraq öldü
 Pandemiya zamanı imtahan, arxiv şəkli

İmtahanlarla bağlı məlumatlar artıq şəxsi səhifələrə göndərilir

10
Digər fənlər üzrə imtahan məlumatları növbəti günlərdə hissə-hissə mütəmadi olaraq şəxsi səhifələrə göndəriləcək

BAKI, 10 avqust — Sputnik. Avqust ayının 14-dən etibarən müəllimlərin işə qəbulu üzrə müsabiqənin test imtahanı mərhələsinə start veriləcək.

Sputnik Azərbaycan Təhsil Nazirliyinin məlumatına istinadla xəbər verir ki, 14-17 avqust tarixlərində keçirilməsi nəzərdə tutulan imtahanlarda iştirak edəcək namizədlərin şəxsi səhifələrinə müvafiq məlumat göndərilib.

Həmin tarixlərdə fizika, fransız dili, rus dili və biologiya fənləri üzrə test imtahanı keçiriləcək. Digər fənlər üzrə imtahan məlumatları növbəti günlərdə hissə-hissə mütəmadi olaraq şəxsi səhifələrə göndəriləcək.

10
Əlaqədar
Distant təhsil - Gələcəyimizi təmin edən fürsət, yoxsa savadsızlığa aparan "Troya atı"
Qəbul imtahanları başlayır: 13 və 14 avqusta təyin olunub
Dövlət qulluğu imtahanı ilə bağlı statistik məlumatlar açıqlanıb
Hər kəs oxuyacaq - Nazirlik yeni tədris ili məsələsinə aydınlıq gətirdi
Distant təhsil, arxiv şəkli

Distant təhsil - Gələcəyimizi təmin edən fürsət, yoxsa savadsızlığa aparan "Troya atı"

2363
(Yenilənib 07:16 10.08.2020)
Təhsilin bu formasının qanunda öz əksini tapmasına baxmayaraq, ali məktəblərin maddi-texniki bazası bunun tətbiqinə imkan vermir.

İradə Cəlilova, Sputnik Azərbaycan

BAKI, 10 avqust — Sputnik. "Şagirdlər biliklə doldurulacaq gəmi deyil. Onlar biliklərin effektiv şəkildə mənimsənilməsinə, müəllimlə, sinif yoldaşları ilə ünsiyyətə ehtiyac duyan canlı varlıqlardır. Kompüter ekranında bilik nə ötürülə bilər, nə də real olaraq qəbul edilə bilməz".

Sputnik Azərbaycan xəbər verir ki, italiyalı professor Nuçço Ordine belə hesab edir.

Professorun fikrincə, distant təhsil ənənəvi təhsilə ucuz alternativdir və biliyə olan susuzluğu söndürə bilməz.

© AR Ministry of Education.

"Mənə elə gəlir ki, distant təhsil pandemiyadan yararlanaraq təhsilimizin əsaslarını sındırmağa çalışan Troya atıdır" - deyə professor öz narahatlığını dilə gətirib.

Azərbaycanda da koronavirus pandemiyası ilə əlaqədar olaraq mart ayının 3-dən ənənəvi təhsil dayandırılıb. Bunun əvəzində virtual məktəb, teledərs layihələri təqdim edilib.

Ölkə ərazisində internet sürətinin problemli olması, ən əsası isə uşaqların uzaqdan qavrama qabiliyyətinin zəif olması teledərs və vitrual məktəb layihələrinə kölgə salır. Çünki orta məktəb şagirdlərinin belə təcrübəsi olmayıb. Eyni zamanda italiyalı professorun dediyi kimi onların müəllimlərlə və digər şagirdlərlə ünsiyyətə ehtiyacı var.

Distant təhsilin nə kimi zərərləri və faydaları var?

Sputnik Azərbaycan bu məsələni araşdırıb.

Təhsil eksperti Kamran Əsədov Sputnik Azərbaycan-a açıqlamasında bildirib ki, məsafəli təhsil (distant) proqramı, təhsil müəssisələrinin, şagirdlərin tək başına təhsili reallaşdırmasına kömək etmək üçün müəyyən bir nizamda hazırladıqları dərs proqramı ilə həyata keçirilən işə verilən addır: "Bu sistemdən istifadə etmək istəyən tələbələr faks, poçt və ya e-poçt kimi üsullarla şagirdlərə, ixtisaslı bir müəllim tərəfindən hazırlanan dərslə əlaqədar tapşırıq mövzuları verilir. Daha sonra tapşırıqlar və sınaqlarla bağlı qiymətləndirmələr edilir. Distant təhsil proqramı tələbə ilə öyrədici qaynaqlar arasında əlaqə quraraq təhsili reallaşdıran bir sistemdir. Məsafəli təhsil proqramlarının hər hansı bir təhsil təşkilatına qeydli olmayan kəslərə də təhsil imkanı təmin edir. Məsafəli təhsil proqramının bir başqa istiqaməti də mövcud qaynaqlardan kifayət qədər faydalanması və inkişaf edən texnologiyanı yaxından təqib etmək məcburiyyətində olmasıdır".

K.Əsədov qeyd edir ki, məsafəli təhsil uzaqda olan bir tələbə ilə birbaşa əlaqə qurularaq reallaşdırılan təhsildir. Bu təhsil proqramı təhsil sahəsində ən ön planda yerini alan bir üsul ola biləcəyi kimi digər üsulları möhkəmlədən bir proqram olaraq da şərh olunur.

Ekspertin fikrincə, distant təhsilin çatışmazlıqları öyrənənlər və öyrədənlər arasında birbaşa canlı ünsiyyətin olmaması, praktik məşğələlərdə çatışmazlığın hiss olunmasıdır.

Belə ki, distant tədrisi reallaşdıran tədris müəssisələrinin çoxunda axşam və ya istirahət günlərində əyani məşğələlər də keçirilir.

"Bu məşğələlər məcburi deyil, amma təhsilalanların praktik bacarıqlarının formalaşması üçün çox faydalıdır. Tədris müəssisələri sırasında istirahət günlərində öyrənənlərin qrup işini təşkil etmək üçün qısa (iki-üç günlük) "gəzən" məktəblərdən də istifadə olunur. İstənilən yeniliyin tətbiqi çox mürəkkəb bir prosesdir", - deyə o vurğulayıb.

Onun sözlərinə görə, distant təhsilin təşkili ikiqat mürəkkəbdir.

"Müəllim və tələbələrin çoxu distant təhsil forması ilə işləməyə hazır deyil. Distant təhsil sisteminin qurulmasının baha başa gəlməsi, tədris kurslarının hazırlanması, texniki təminatın alınması xərclərinin yüksək olması çətinlik yaradır. Distant təhsil kurslarının hazırlanması böyük əmək, bilik, bacarıq tələb edir. 1 saatlıq interaktiv multimediyalı fəaliyyətin hazırlanması professionalların 1000 saatlıq işinə bərabərdir. Bu problemin həlli yollarından biri kimi axtarış sistemlərinin köməyi ilə mövcud olan audio və video fayllardan, distant kursların yavaş-yavaş mürəkkəbləşdirilməsi metodundan istifadə etmək olar", - deyə o vurğulayıb.

K.Əsədov hesab edir ki, öyrədici proqramların və kursların hazırlanması üçün müvafiq tədris vəsaitlərini hazırlaya bilən ixtisaslaşmış mütəxəssislərin azlığı problem yaradır. Təlim və imtahan telekonfranslarının təşkili üçün müxtəlif ölkələrin telefon xətlərinin keçiricilik qabiliyyətinin kifayət etməməsi problemi bir çox ölkələrdə, eləcə də respublikamızda artıq aradan qaldırılıb: "Azerspace-1" peykinin fəaliyyəti ilə ölkəmizdə bu sahədə olan problemlərin (İnternetin qiyməti, sürəti və s.) istifadəçilərin xeyrinə dəyişməsi distant təhsil həyata keçirilməsində qarşıya çıxacaq bəzi maneələrin aradan qaldırılmasına çox böyük təkan verdi.

Tələbələrin təhsil səviyyəsində və peşəkar təcrübəsində fərdi fərqləri nəzərə almağa imkan vermir".

Mütəxəssis deyir ki, təlim və imtahan telekonfranslarının təşkili üçün müxtəlif ölkələrin telefon xətlərinin keçiricilik qabiliyyəti kifayət etməyə bilər.

Tələbələr tərəfindən mənfi qarşılana biləcək daha bir cəhət distant təhsil sistemində müəllim və tələbə arasında canlı ünsiyyətin itməsidir.

Onun sözlərinə görə, təlim kursları kifayət qədər interaktiv olmur: "Distant təhsilin yekunlarına görə verilən diplom və ya sertifikat hələlik keyfiyyətli təhsilin göstəricisi kimi qəbul olunmur".

Digər təhsil eksperti Qoşqar Məhərrəmovun fikrincə, distant təhsil insanların alışmadığı, öyrəşmədiyi bir təhsil formasıdır. Bunun mənimsənilməsi üçün uzun illər və texnoloji infrasturuktur lazımdır. Bu səbəbədn də distant təhsil həm təhsil alanlar, həm də təhsil verənlər üçün adaptasiyası uzun çəkən bir prosesdir.

Ekspert hesab edir ki, distant təhsilin mənfi tərəflərindən biri də hamıya əlçatan olmamasıdır. Şagirdlər və müəllimlər olduqları əraziyə görə üstün və geridə ola bilərlər. Müəllim və şagirdlər şəhərdə, İKT-nin inkişaf etdiyi ərazilərdə yaşayırsa, distant təhsil daha əlyetən olur. Regionlarda yaşayanlar üçün isə distant təhsil daha çətindir.

"Distant təhsil cəmiyyətin sinifləri arasında fərqləri daha da dərinləşdirir. Yəni distant təhsil ictimai sinifləri arasında təhsil uçurumunu dərinləşdirir. Çünki maddi rifah səviyyəsi yuxarı olan sinfin uşaqları distant təhsilə daha açıq və daha rahatdırlar. İqtisadi səviyyəsi daha aşağı olan ailələrin uşaqları isə distant təhsilə hazır deyil. Sosial-iqtisadi səviyyəsinə görə mövcud siniflər arasında olan təhsil fərqi distant təhsildə özünü büruzə verməkdədir", - deyə eskpert bildirir.

Onun sözlərinə görə, distant təhsil öyrənilmiş-alışılmış təhsil növü olmadığına görə, bəzi müəllimlərin işə səhlənkar yanaşması, bir qisim müəllimlərin isə İKT-ni öyrənə bilməməsi keçən dövr ərazində özünü büruzə verdi.

"İcbari şərt olmadığı üçün rayonların ən yaxşı məktəblərində belə virtual məktəb platformalarından istifadə edən müəllimlərin sayı az oldu", - deyə qeyd edən Q.Məhərrəmov əlavə edib ki, bəzi valideynlərin laqeydliyi səbəbindən bir çox şagirdlər distant təhsilə ciddi yanaşmadı və ondan faydalana bilmədi.

Ekspert bildirir ki, distant təhsilin dezavantajlarından biri də qiymətləndirmənin obyektivliyinin sual altında olmasıdır: "Dərsin interaktivliyinin sual altında olması, dərslərdə sosiallaşmanın olmaması, müəllim və şagirdlərin bir-birini görməməsi, müəllimlərin kollegial davranışlarının, bir-birindən faydalanmaq davranışlarının olmaması distant təhsilin mənfi tərəfləridir".

Qeyd edək ki, "Təhsil haqqında" qanuna görə, Azərbaycanda təhsil almanın formalarından biri də distant təhsildir. Amma təhsilin bu formasının qanunda öz əksini tapmasına baxmayaraq, ali məktəblərin maddi-texniki bazası bunun tətbiqinə imkan vermir.

Distant təhsilin tətbiqi üçün məktəblərin internetə çıxışı təmin edilməli, distant təhsil almaq üçün hər bir təhsil alanın evində müvafiq şərait olmalıdır. Bu isə, hələ ki, mümkün deyil…

2363
İqtisadçı ekspert Fuad İbrahimov, arxiv şəkli

Ekspert: "Dövlət şirkətlərinə qoyulan investisiyaların səmərəliliyi suallar yaradır"

0
(Yenilənib 10:27 12.08.2020)
İqtisadçı ekspert Fuad İbrahimov deyir ki, şəffaflığın təmin edilməsi gələcəkdə lazımsız və arzuolunmaz xərclərdən azad olmağa şərait yaradacaq
Fuad İbrahimov: “İnvestisya Holdinqi şəffaflığı təmin edəcək”

Dövlət şirkətləri, elə bil ki, sosializm iqtisadi modelində işləyir. Bunu Prezident İlham Əliyev avqustun 6-da ölkəmizdə koronavirus pandemiyası ilə mübarizə sahəsində görülən tədbirlər və sosial-iqtisadi vəziyyətlə bağlı videoformatda keçirilən müşavirədə çıxışı zamanı deyib.

İqtisadçı ekspert Fuad İbrahimov Sputnik Azərbaycan-a deyir ki, bəzi dövlət şirkətlərinin fəaliyyətində şəffaflıq müşahidə olunmur və illərdir qoyulan investisiyaların səmərəliliyi suallar yaradır:

“Ümidvaram ki, Azərbaycan İnvestisiya Holdinqinin yaradılması ilə belə şirkətlərdə şəffaflığın təmin olunması mümkün olacaq. Maliyyə dövriyyəsində şəffaflığın təmin edilməsi gələcəkdə lazımsız və arzuolunmaz xərclərdən azad olmağa şərait yaradacaq. İndiki şəraitdə belə bir holdinqin yaradılması məqsədəuyğundur”.

Fuad İbrahimovun geniş şərhinə audiofaylda qulaq asa bilərsiniz

0