Tələbələr

Tələbə təqaüdləri ilə bağlı dəyişikliklər edildi

277
Bu barədə baş nazir Novruz Məmmədov tərəfindən qərar verilib

BAKI, 17 aprel — Sputnik. Nazirlər Kabineti (NK) "Doktorantlara, ali təhsil, orta ixtisas və peşə təhsili müəssisələrinin, həmçinin Azərbaycan Milli Elmlər Akademiyasının (AMEA) magistratura səviyyəsinin tələbələrinə təqaüdlərin təyin olunması və ödənilməsi Qaydasının təsdiq edilməsi haqqında" Nazirlər Kabinetinin 2016-cı il 5 fevral tarixli 38 nömrəli qərarında dəyişikliklər edilməsinə dair "Ali təhsil müəssisələrində təqaüd sisteminin təkmilləşdirilməsi ilə bağlı əlavə tədbirlər barədə" Azərbaycan Respublikası Prezidentinin 2019-cu il 14 fevral tarixli 960 nömrəli Sərəncamının 2.3-cü bəndinin icrasını təmin etmək məqsədi ilə qərar verib.

Sputnik Azərbaycan xəbər verir ki, bu barədə qərar baş nazir Novruz Məmmədov tərəfindən imzalanıb. Qərara görə, NK-nın 2016-cı il 5 fevral tarixli 38 nömrəli qərarı ilə təsdiq edilmiş "Doktorantlara, ali təhsil, orta ixtisas və peşə təhsili müəssisələrinin, həmçinin Azərbaycan Milli Elmlər Akademiyasının magistratura səviyyəsinin tələbələrinə təqaüdlərin təyin olunması və ödənilməsi Qaydası"nda dəyişiklik edilib.

Qeyd edilib ki, hər tədris ili üçün təqaüd yerlərinin ümumi sayı dövlət sifarişi və dövlət hesabına əyani və qiyabi təhsilalma formasında təhsilalanların sayının və əlavə təqaüd yerlərinin sayının cəmindən ibarətdir. Əlavə təqaüd yerlərinin ali təhsil müəssisələri arasında bölgüsü hər bir ali təhsil müəssisəsinə qəbul olunmuş təhsilalanların sayı bütün ali təhsil müəssisələrinə qəbul olunmuş təhsilalanların ümumi sayında xüsusi çəkisinə uyğun olaraq Təhsil Nazirliyi tərəfindən müəyyən edilir. Ali təhsil müəssisəsində əlavə təqaüd yerlərinin ixtisaslar üzrə bölgüsü hər bir ixtisas üzrə qəbul olunmuş təhsilalanların sayının həmin ali təhsil müəssisəsinə qəbul olunmuş təhsilalanların ümumi sayında xüsusi çəkisinə uyğun aparılır.

277
Teqlər:
təhsil, təqaüd, tələbə
Əlaqədar
"Tələbələrə güzəştli kredit verilsin" və "Təhsil haqları 50 faiz azalsın" - İki təklif var
Moskvalı tələbələr Bakıda, yaxud da rusiyalıların qeyri-adi sərgüzəştləri
Azərbaycanlı tələbə Türkiyədə 5-ci mərtəbədən yıxılıb – VİDEO