Astrologiya, arxiv şəkli

Hindistanlı astroloq: "Azərbaycanlıları daha çox evlilik məsələsi maraqlandırır"

7544
(Yenilənib 09:48 19.03.2019)
Bharat Buşhan Bhardvaja: "Elə astroloqlar var ki, ələ baxmaqla gələcəyi oxuyur, eləsi də var ki, doğum tarixi və saatını uzlaşdırmaqla gələcək haqda müəyyən məlumatlar verir"

 

Nigar Məhərrəm, Sputnik Azərbaycan.

BAKI, 22 mart — Sputnik. Bu gün bəzi Şərq ölkələrində astrologiya ən çox öyrənilən elmlərdən biridir. Bu elm vasitəsilə insanların talelərini belə, oxumaq mümkündür. Həmsöhbətimiz, hindistanlı astroloq Bharat Buşhan Bhardvaja belə deyir. 35 ildir ki, bu yolla pul qazanan Bahrdvaja Sputnik Azərbaycan-a müsahibəsində bir sıra məsələlərdən danışıb:

- İlk olaraq istərdim ki, bu elmdən, elmin yaranmasından danışasınız.

- Bu elmin tarixi çox qədimdir. Astrologiya, yaxud da Hindistanda adlandırıldığı kimi, cotic elminin tarixi, təxminən, eramızdan əvvələ gedib çıxır. Hələ qədim dövrlərdə padşahlar başlarına gələcək hadisələri öyrənmək üçün bu cür şəxsləri himayə edirdilər. Astroloqlar isə yaxın hücumlar, bu hücumların nəticələri, bəladan, istiladan xilas olunmanın yolları ilə bağlı öncədən məsləhət verərdilər. Hətta müəyyən səfər və yürüşlərə çıxarkən də padşahlar astroloqlarla məsləhətləşərdilər.

Zamanla bu elmə tələbat daha da artdı. Dildən-dilə keçə-keçə artıq astrologiya haqda müəyyən biliklər formalaşdı. Bu elm haqqında artıq Avropada da bir sıra kitablar yazılıb.

Hindistanlı astroloq Bharat Buşhan Bhardvaja
© Astroloqun şəxsi arxivindən
Hindistanlı astroloq Bharat Buşhan Bhardvaja

- Bu elm nədən xəbər verə bilir?

- Bu elm çoxşaxəlidir. Yəni ki, burada texnologiya, hava, planetlər, sağlamlıq və digər sahələrlə bağlı proqnozlar vermək mümkündür. Hətta 600 il əvvəl yazılan kitablarda da bu gün və gələcəkdə baş verəcək hadisələrlə bağlı müəyyən proqnozlar vardı. Hələ əsrlər öncə belə, kitablarda təyyarə, maşının kəşfi haqda da yazılırdı. İlk dəfə olaraq 9 planetin olması ilə bağlı Hindistan astroloqu fikir söyləmişdi.

- Bəs, gələcəyi görmək, oxumaq üçün astroloq nəyi bilməlidir?

- Elə astroloqlar var ki, ələ baxmaqla gələcəyi oxuyur. Eləsi də var ki, doğum tarixi və saatını uzlaşdırmaqla gələcək haqda müəyyən məlumatlar verir. Lakin səhiyyə, təhsil sahəsində olduğu kimi bu elmdə də çoxşaxəlilik var. Mən yalnız bizneslə bağlı bir şəxsin doğum tarixi və ilini uzlaşdırmaqla onunla bağlı yaxşı, yaxud da pis nəsə proqnozlaşdıra bilərəm. Yaxud da baş verə biləcək pis hadisədən xilas olunmaq üçün nə etməli olduğunu deyə bilərəm. Bu, fal deyil, ondan, tamamilə fərqlidir. Lakin elə astroloqlar da var ki, yalnız planetlərin hərəkətini izləyir, yaxud da hava ilə bağlı illik proqnozlar verirlər.

- Bu elmi öyrənmək üçün Hindistanda məktəb, institut varmı?

- Artıq astrologiyanı öyrənmək üçün Hindistanda məktəb və institutlar var. Təcrübələr artdıqca astrologiya ilə bağlı biliklər də artır.

- Daha çox hansı ölkələrdə bu elmə maraq var?

- Yaxın Şərq ölkələrində, Hindistanda, Pakistanda bu elmə maraq böyükdür. Hətta son illərdə Rusiya və bəzi Avropa ölkələrində də bu elmə diqqət artıb.

Hindistanlı astroloq Bharat Buşhan Bhardvaja
© Astroloqun şəxsi arxivindən
Hindistanlı astroloq Bharat Buşhan Bhardvaja

- Ötən il Azərbaycanda "Hindistan Günləri" sərgisində iştirak etdiniz. Azərbaycanda sizə ən çox ünvanlanan suallar nə ilə bağlı idi?

- Azərbaycanlıları daha çox maraqlandıran, qayğılandıran məsələ evlilik və işlə bağlı idi. Ailə qurmuş qadınlar daha çox ailədaxili problemlərə, onun həllinə görə müraciət edirdilər. Subay qızlar isə daha çox nə zaman ailə həyatı qurmaları ilə maraqlanırdılar. Bundan başqa, evli cütlüklər də müraciət edirdilər. Onları daha çox qayğılandıran məsələlərdən biri sonsuzluq idi. Biz analizlərə, nəticələrə baxırdıq və deyirdik ki, bu cütlüyün övladı ola bilər, yaxud da yox. Bu elm elədir ki, nəyinsə baş verəcəyini deyiriksə, deməli olacaq. Bundan başqa evində ağır xəstəsi olanlar da bizə müraciət edib məsləhət alırdılar.

- Bəs, kişiləri ən çox nə maraqlandırırdı?

- Kişilər, əsasən, işlə bağlı müraciət edirdilər. Öyrənmək istəyirdilər ki, gələcəkdə onları nə gözləyir.

- Konkret olaraq təəssüratınız necə oldu: azərbaycanlılar bu elmdən xəbərdardırmı?

- Belə deməzdim. Təəssüflər olsun ki, Azərbaycanda bir çoxları bu elmdən xəbərsizdir. Çünki elmi bilənlər azdır.

7544
Teqlər:
Hindistan, Azərbaycan, elm, astrologiya
Əlaqədar
Astroloq: “Azərbaycanda populyar olan 6 məmur vəzifəsini itirəcək”
Dərs cədvəlinə baxan məktəbli, arxiv şəkli

Şagirdlərin qış tətilinin vaxtı açıqlandı

47
(Yenilənib 19:16 21.01.2021)
Təhsil Nazirliyinin Ümumi təhsildə məzmun, tədris və qiymətləndirmə şöbəsinin müdiri Vəfa Yaqublunun verdiyi açıqlamaya görə, qış tətili şənbə və bazar günləri də daxil olmaqla cəmi 5 gün olacaq.

BAKI, 21 yanvar — Sputnik. Yanvarın 27-də şagirdlərin qış tətili başlayacaq.

Sputnik Azərbaycan-ın məlumatına görə, bunu xüsusi karantin rejimi dövründə məktəbdaxili qiymətləndirmənin müvəqqəti qaydaları barədə danışan Təhsil Nazirliyinin Ümumi təhsildə məzmun, tədris və qiymətləndirmə şöbəsinin müdiri Vəfa Yaqublu deyib.

Onun sözlərinə görə, qış tətili fevralın 1-dək davam edəcək. Həmin gün tədris ilinin ikinci yarımili başlayacaq.

47

Əyani təhsil başlayanda şagirdləri nələr gözləyir?

54
(Yenilənib 16:26 20.01.2021)
Yanvarın 18-dən sonra karantin qaydalarının yumşaldılması təhsilə də sirayət edəcək. KİV-də məlumat yayılıb ki, Təhsil Nazirliyi məktəbləri açmağa hazırlaşır, ancaq konkret vaxt deməyə hələ tələsmir

Məlumdur ki, respublika üzrə təhsil müəssisələrində əyani dərslər 2020-ci il noyabrın 2-də koronavirus pandemiyası ilə bağlı vəziyyətin pisləşməsi səbəbi ilə dayandırılmışdı. Hazırda gündəlik yoluxma statistikası payızdakı göstəricilərədək azalıb. Eyni zamanda Azərbaycanda əhalinin müəyyən qrupunun da peyvəndlənməsinə başlanılıb. 

Sosial şəbəkələrdə isə məktəblərin fevralın 1-dən, yaxud da 15-dən 5-9-cu sinif şagirdləri üçün açılacağı aktiv müzakirə olunur. 

Təhsil müəssisələrinin yenidən açılması ilə şagirdləri nələrin gözlədiyi, təhsil prosesinin necə qurulacağı və onlayn dərslərlə uşaqların məktəbə gəlməsini necə uyğunlaşdıracaqları barədə sualları yanvarın 25-i saat 12:00-da Sputnik Azərbaycan-ın Multimedia mətbuat mərkəzində təhsil eksperti, Təhsil.biz maarifçi-informasiya portalının baş redaktoru Kamran Əsədov cavablandıracaq.

Spikerə sualları öncədən ivelizade@gmail.com elektron ünvanına göndərə bilərsiniz. Tədbir Sputnik Azərbaycan-ın Facebook səhifəsində canlı yayımlanacaq.

Əlaqə: 

Telefonlar: 404-13-84/85

Ünvan: Mətbuat prospekti, 529-cu məhəllə, 23 M, BMM-in binası, 4-cü mərtəbə, Sputnik Azərbaycan Multimedia Mətbuat Mərkəzi

54
Alen Delonun xanımı Natali Delon

Alen Delonun keçmiş həyat yoldaşı vəfat edib

0
(Yenilənib 00:37 22.01.2021)
Aktyorun oğlu Antoni Delon "Instagram" səhifəsində paylaşım edərək "Rahat yat, ana!" yazıb. Aktrisanın ölüm səbəbləri hələlik məlum deyil.

BAKI, 22 yanvar — Sputnik. Dünya şöhrətli fransız aktyoru və rejissoru Alen Delonun xanımı Natali Delon dünyasını dəyişib. Sputnik Azərbaycan xəbər verir ki, bu barədə aktyorun oğlu Antoni Delon "Instagram" səhifəsində paylaşım edərək "Rahat yat, ana!" yazıb. Aktrisanın ölüm səbəbləri hələlik məlum deyil.

Qeyd edək ki, Alen Delon və Natali Delon 1964-ci ildə evləniblər. Natali ilə olan evlilikdən onun Antoni adlı bir oğlu var.

Onu da bildirək ki, Natali Delon 1964-1968-ci illərdə Alen Delonla evli olduğu zamanlarda, ərinin sayəsində kinoya gəlib. Birlikdə çəkdikləri ilk "Samuray" filmi ilə böyük bir uğur qazanıb. Boşandıqdan sonra Natali digər məşhur rejissorlarla işləməyə davam edib. Sonra rejissorluq etməyə və ssenari yazmağa başlayıb.

0