Azərbaycan Respublikasının Təhsil Nazirliyi

Təhsil Nazirliyinə qarşı sərt ittiham: "İzahat versinlər"

156
(Yenilənib 12:03 13.03.2019)
"Əgər həqiqətən də tələbə köçürülməsində şəffaflıq varsa, köçürülən şəxslər açıqlansın ki, kim hansı balla, hardan hara köçürülüb"

BAKI, 13 mart — Sputnik. "Deməli, mənim Təhsil Xidmətləri mərkəzim var, bu təşkilat ödənişli fəaliyyətlə məşğul olur. Təhsilin bütün səviyyələrində ödənişli elektron xidmətlər, məsləhət və bu kimi işlərlə məşğul oluruq".

Sputnik Azərbaycan xəbər verir ki, bu barədə təhsil eksperti Kamran Əsədov öz "Facebook" səhifəsində yazıb. "Bir müddət əvvəl tələbə köçürülmələri ilə bağlı xidmətləri başa vurduq. Bu zaman köçürülmə ilə bağlı bir valideyn də gəlmişdi. Övladı Bakı Dövlət Universitetinin kitabxanaçılıq ixtisası üzrə təhsil alırdı, amma Azərbaycan bölməsində, tədris ingilis dili olana keçmək istəyirdi" - o bildirib.

Ekspert qeyd edib ki, elektron kabinet yaradılıb: "Təhsil Nazirliyinin elektron sistemi ona icazə verirdi ki, bəli, keçə bilərsiniz. Bu da əsaslandırılmış səbəbini yazdı. Nəticələr açıqlananda bunun da köçürülməsinə müsbət cavab gəldi. Valideyn BDU-ya müraciət edəndə ona dedilər ki, bəs köçürülmələr ilə bağlı gələn siyahıda sənin adın yoxdur".

"Valideyn Təhsil Nazirliyinə müraciət edib. Ona o qədər çox, müxtəlif, fərqli cavablar veriblər ki, heç BMT o qədər qətnamə qəbul etməyib. Biri deyib ki, bəs, sən özün köçürülmədən imtina etmisən, biri deyib, sənin adının üstündən Təhsil Nazirliyində filankəs xətt çəkib, adın xoşuna gəlməyib" - Əsədov vurğulayıb.

"Axırda bir ağıllı da deyib ki, bəs, sizin köçürülmədən imtina olunub, əlinizdə olan kağız fotoşopdur. Həyasızlığın dərəcəsinə bax. Yaxşı, imtina olunubsa, hal-hazırda həmin tələbənin şəxsi kabinetindəki müraciətdə yazılır ki, ərizə yoxlanılır. Cavablar açıqlanıbsa, bundan imtina olunubsa, nə yoxlanılır?" - deyə ekspert sual edib.

Əsədov sonra diqqətə çatdırıb ki, artıq Təhsil Nazirliyinin fəaliyyətində şəffaflığına inanmır: "Əgər həqiqətən də tələbə köçürülməsində şəffaflıq varsa, köçürülən şəxslər açıqlansın ki, kim hansı balla, hardan hara köçürülüb".

156
Teqlər:
ittiham, Təhsil Nazirliyi, Kamran Əsədov
Əlaqədar
Gürcüstanda azərbaycanlıların təhsil aldığı universitet bağlanıb
"Tələbələrə güzəştli kredit verilsin" və "Təhsil haqları 50 faiz azalsın" - İki təklif var
Əlilliyi olan şəxslərin təhsil haqqı dövlət büdcəsi hesabına ödəniləcək

Dövlət İmtahan Mərkəzi Təhsil Nazirliyi attestatlarla bağlı məlumat yaydılar

11
(Yenilənib 13:12 06.07.2020)
Ali və ya orta ixtisas təhsili müəssisələrinə sənəd vermək istəyənlər isə imtahanlarda iştirak etməlidirlər.

BAKI, 6 iyul — Sputnik. "Məlum olduğu kimi, ölkədə koronavirus (COVID-19) infeksiyasının yayılmasının qarşısının alınması ilə bağlı həyata keçirilən tədbirlər, o cümlədən bəzi şəhər və rayonlarda sərtləşdirilmiş karantin rejimi müddətinin 2020-ci il 20 iyul tarixinədək uzadılması ilə əlaqədar olaraq ölkənin bir sıra regionlarında ümumi təhsil pilləsində şagirdlərin yekun attestasiyası (buraxılış imtahanları) təxirə salınıb".

Sputnik Azərbaycan-ın məlumatına görə, bu barədə Təhsil Nazirliyi və Dövlət İmtahan Mərkəzinin birgə məlumatında deyilir.

Qaydalara əsasən, məzunlara ümumi təhsil haqqında dövlət sənədi yekun attestasiyanın keçirilməsi prosesi başa çatdıqdan sonra təqdim edilir. Lakin mövcud vəziyyət tam orta təhsil səviyyəsini bitirmiş və növbəti pillədə təhsillərini xarici ölkələrdə davam etdirmək niyyətində olan məzunlar üçün bəzi çətinliklər yarada bilər. Belə ki, bu məzunların xarici ölkələrin ali təhsil müəssisələrinə qəbul prosesində iştirakı üçün bir qayda olaraq ümumi təhsil pilləsini bitirmələrini təsdiq edən dövlət nümunəli sənədin (attestatın) təqdim edilməsi tələb olunur. Bəzi xarici ölkələrin təhsil müəssisələrinə tələbə qəbulu prosesinin yaxın dövrdə yekunlaşacağını nəzərə alaraq, məzunlar tərəfindən həmin təhsil müəssisələrinə öz attestatlarının vaxtında təqdim edilməsi vacib şərtlərdən biridir.

Vətəndaşların təhsil almaq hüquqlarını təmin etmək məqsədilə təhsillərini xarici ali təhsil müəssisələrində davam etdirmək niyyətində olan ümumi təhsil pilləsinin məzunlarına müstəsna hal kimi buraxılış imtahanlarında iştirak etmədən attestatların verilməsi qərara alınıb. Bu gündən başlayaraq xarici ali təhsil müəssisələrinə qəbul olunmaq üçün müraciət etmiş məzunlar təhsil aldıqları təhsil müəssisələrinə müraciət edərək attestatlarını ala bilərlər. Həmin şəxslər attestatlarına buraxılış imtahanı qiymətlərinin də yazılmasını istədikləri təqdirdə məzun olduqları məktəbə müraciət edə və sentyabr ayında keçirilməsi nəzərdə tutulan imtahanlarda iştirak edə bilərlər.

Məlumat üçün bildiririk ki, iyunun 10-dan başlayaraq bütün şəhər və rayonlarda (9 illik) və tam (11illik) orta təhsil səviyyəsi üzrə hər həftə 2 dəfə olmaqla buraxılış (qəbul) imtahanları keçirilib, həmin imtahanlarda ümumilikdə dörd həftə ərzində 133338 məzun iştirak edib. Bununla yanaşı, xüsusi karantin rejimi tətbiq edilən bir sıra şəhər və rayonlarda buraxılış (qəbul) imtahanları ölkədə mövcud olan sanitar-epidemioloji vəziyyətdən asılı olaraq təşkil ediləcək və imtahanların tarixləri barədə ictimaiyyətə əlavə olaraq məlumat veriləcək.

Xatırladaq ki, Dövlət İmtahan Mərkəzi və Təhsil Nazirliyinin birgə razılığına əsasən, ictimai sağlamlığın qorunması ilə bağlı həyata keçirilən tədbirlərə uyğun olaraq 9 illik və 11 illik orta təhsil bazasında kolleclərə, eləcə də ali təhsil müəssisələrinə sənəd verməyən şagirdlər buraxılış imtahanlarında iştirak etməyə bilərlər. Qeyd edək ki, sərtləşdirilmiş karantin rejimi tətbiq olunan rayon və şəhərlərdə 11-ci sinif təhsil bazasında imtahan verməli olan, lakin ali və ya orta ixtisas təhsili müəssisələrinə sənəd verməyən şagirdlərin sayı 2785 nəfərdir.

Bu imtahanlarda iştirak etməyən 9 və 11-ci sinif məzunları üçün əlavə qeydiyyat tələb olunmadan sentyabr ayında yenidən buraxılış imtahanlarının təşkil olunması və həmin şəxslərin yekun qiymətləndirilməsinin aparılaraq onlara attestat verilməsi nəzərdə tutulur.

Ali və ya orta ixtisas təhsili müəssisələrinə sənəd vermək istəyənlər isə imtahanlarda iştirak etməlidirlər.

11
Əlaqədar
İmtahanların nəticəsi açıqlandı: Nəticənizi öyrənə bilərsiniz
Qaxda internetsizlik həyatı iflic edib: Tələbələr imtahan verə, şagirdlər dərs keçə bilmir
Abituriyentlərin işi asanlaşdı: qəbul imtahanlarına görə videomühazirələr artıq əlçatandır
"Müəllimlərin işə qəbul imtahanının ləğv edilməsi müzakirə olunmur"- RƏSMİ
Tələbə, arxiv şəkli

Çayxana qədər olmayan təhsilin çətin günü! Bunun fəsadı ağır olacaq

1388
(Yenilənib 21:04 05.07.2020)
Kamran Əsədov deyir ki, hazırlıq kurslarının fəaliyyətinə icazə verilməməsi 10 minlərlə insanın işsiz qalması, şagirdlərin biliklərinin azalması deməkdir.

Nigar İsgəndərova, Sputnik Azərbaycan

BAKI, 5 iyul — Sputnik. Pandemiyanın ən çox təsir etdiyi sahələrdən biri də özəl təhsil sektorudur. Koronavirusun Azərbaycanda yayılmağa başladığı mart ayından bu yana özəl təhsil sektorunun fəaliyyəti demək olar ki, tamamilə iflic olub.

Amma özəl təhsil sektorunun dirçəlməsi üçün müxtəlif çağırışlar da var. Təhsil eksperti Kamran Əsədov da Sputnik Azərbaycan-a açıqlamasında mövcud vəziyyəti qiymətləndirdiyini və təkliflərinin olduğunu bildirib: "Martın 3-dən pandemiya ilə əlaqədar ölkədə bütün tədris prosesi dayandı. Repetitor fəaliyyəti və hazırlıq kurslarının da fəaliyyətinə məhdudiyyət tətbiq edildi. Təhsil Azərbaycanda öz ətrafında 2 milyondan çox şəxsi birləşdirən ən böyük sahədir. Ona görə də, yoluxma dairəsi təhsilin sayəsində daha da çox ola bilərdi. 27 apreldən etibarən isə karantin rejiminin yumşaldılması ilə əlaqədar olaraq bir sıra yumşaldıcı addımlar atılmağa başladı. Lakin bu yumşaldıcı addımlar təhsil sistemindən, xüsusi ilə iqtisadiyyata dəstək verən hazırlıq kurslarından, tədris mərkəzlərindən yan keçdi. Maydan etibarən ölkədə kafe, restoran və iri "Mall"arın fəaliyyətinə icazə verilsə də, tədris müəssisələrinə bu imkanın verilməməsi anlaşılan deyil. Düzdür, 27 apreldən fərdi qaydada repetitor fəaliyyətinə icazə verilib. Amma necə olur ki, 1 müəllim 1 şagird dərs keçəndə virus yoluxur, amma 10-larla adam çayxanada oturanda virus yoluxmur?"

"Artıq ali məktəblərə qəbul üçün buraxılış imtahanları, növbəti aydan qəbul imtahanları başlayır. Amma şagirdlər 3 martdan etibarən tədris prosesindən kənarda qaldıqları üçün bır sıra bilik və bacarıqları unudublar. Birincisi, ölkədə ən problemsiz yerlər tədris mərkəzləridir ki, onlar uşaqlara bilik verir, onların inkişafına xidmət edirlər. Bu gün çayxanalar, restoranlarda daha çox virus yaya bilər, nəinki hazırlıq kursları. Hazırlıq kurslarının fəaliyyətinə icazə verilməməsi 10 minlərlə insanın işsiz qalması, şagirdlərin biliklərinin azalması deməkdir", - deyə K.Əsədov əlavə edib.

Ekspert deyir ki, özəl sektora, xüsusi ilə ölkədə təhsilin inkişafına xüsusi xidmət edən özəl təhsil sektoruna qarşı belə mövqe nümayiş etdirmək olmaz: "Hüquq mühafizə orqanlarını diqqətli olmağa çağırıram. “Gizli fəaliyyət göstərir” kimi təqdim etdiyiniz təhsil mərkəzi narkotik yetişdirmir, qaçaqmalçılıq ilə məşğul olmur. Onlar ölkənin gələcək şəxsiyyətlərinə bilik, savad verirlər. Nazirlər Kabinetinə müraciət edərək bildirmək istəyirəm ki, çayxanalar, restoranlara aid edilən fəaliyyət icazəsini hazırlıq kursları, tədris mərkəzlərinə də şamil etsinlər. Ölkəni təhsilsiz qoymaq olmaz. Bunun təhsil üçün ağır fəsadları olacaq".

1388
 Ciyərin rentgeni, arxiv şəkli

Hər kəsi qorxudan "buzlu şüşə" nədir?

0
Hazırda "buzlu şüşə" görüntüsü koronavirus pnevmoniyasının əsas radiodiaqnostik əlaməti hesab edilir. Bu o deməkdir ki, normalda şəffaf havalı görünən ağciyərdə belə hallarda yarımşəffaf zonalar izlənilir, ağciyər sanki dumanlı görünür.

BAKI, 7 iyul — Sputnik. Pandemiya dönəmində insanların sanki kabusuna çevrilmiş bir termin var – "buzlu şüşə" mənzərəsi. Bəzən bunu "buz kristalı", "buz parçası" kimi də adlandırırlar. Bu görüntü ilk əvvəl adı və səslənməsi ilə insanlarda təlaş, narahatlıq yaradır. Sputnik Azərbaycan xəbər verir ki, Azərbaycan Tibb Universitetinin Tədris Cərrahiyyə Klinikasının radioloqu, ATU-nun Şüa diaqnostikası kafedrasının müdiri, dosent Məlahət Sultanova bu "buzlu şüşə"nin mahiyyətini açıqlayıb.

Həkim qeyd edir ki, bəzən normal hallarda da "buzlu şüşə" görüntüsü radioloji görüntülərdə izlənilə bilər. Məsələn, müayinə zamanı xəstə dərindən nəfəs almazsa və ya müayinə nəfəsvermədə aparılarsa, ağciyərin havalılığının fizioloji ekspirator zəifləməsi səbəbindən bütün ağciyər sahələri homogen olmaqla "buzlu şüşə" görüntüsü verə bilər.

Hazırda "buzlu şüşə" görüntüsü koronavirus pnevmoniyasının əsas radiodiaqnostik əlaməti hesab edilir. Bu o deməkdir ki, normalda şəffaf havalı görünən ağciyərdə belə hallarda yarımşəffaf zonalar izlənilir, ağciyər sanki dumanlı görünür.

"Bu zaman bronx strukturlarının və pulmonar damarların saxlanması ilə ağciyərlərin eksudat və ya transudatla tutulması, interstisial qalınlaşmalar və ağciyər alveollarının hissəvi kollapsı ilə müşahidə olunan görüntü meydana çıxır. "Buzlu şüşə" xəstəliyin 3-4 günlərindən inkişaf etməyə başlayır və xəstə sağaldıqdan hətta bir ay sonra belə qala bilir. Xəstəliyin yüngül və orta ağır dərəcəsini keçirmiş xəstələrdə 2-3 aydan sonra dəyişikliklər tamamilə itir".

Radioloq M.Sultanova deyir ki, indi onlara ən çox verilən sual "buzlu şüşə" görüntüsünün indiyədək mövcud olub-olmaması ilə bağlıdır. Həkim qeyd edir ki, bu, yalnız COVID-19 xəstələri üçün səciyyəvi deyil, digər xəstəliklərdə də görülə bilər. Lakin bu görüntü pandemiya dönəmində uyğun kliniki-laborator əlamətlərlə izlənilərsə, onda diaqnoz COVID xəstəliyi kimi dəyərləndirilir.

Qeyd edək ki, "buzlu şüşə" görüntüsü döş qəfəsinin rentgenoqrafiya və KT müayinələrində aşkar edilir. Lakin bu məsələdə rentgenoqrafiya müayinəsinin həssaslığı aşağıdır. Ona görə də yoluxmanın ilk 1-4 günlərində rentgenoqram 25% hallarda tam normal ola bilər. Bu, pnevmoniyanın olmaması demək deyil. "Buzlu şüşə"nin KT müayinəsində görülməsi daha spesifikdir (Şəkildə eyni xəstənin rentgenoqrafiya və KT müayinələrində "buzlu şüşə" görüntüsünün təsviri verilib).

0