Dövlət İmtahan Mərkəzinin binası

Dövlət İmtahan Mərkəzi tələbələrin xahişini nəzərə alıb

55
(Yenilənib 11:56 13.03.2019)
Müraciətlər DİM-in Direktorlar Şurasının 12 mart 2019-cu il tarixində keçirilən iclasında Şura üzvləri tərəfindən müzakirə olunub

BAKI, 13 mart — Sputnik. Ali təhsil müəssisələrinin magistraturalarına qəbul imtahanının birinci mərhələsindəki nəticəsi həmin mərhələ üzrə minimal bal tələbini ödəyən, lakin fənlər üzrə minimal bal tələbini ödəməyən bakalavrlara imtahanın ikinci mərhələsində iştirak etmək imkanı veriləcək.

Sputnik Azərbaycan Dövlət İmtahan Mərkəzinə (DİM) istinadla xəbər verir ki, imtahanın II mərhələsində bakalavrlar dövlət sifarişli yerlər üçün həmin mərhələnin nəticəsinə və iki mərhələ üzrə ümumi bala qoyulan minimal tələbləri ödəsələr belə, müsabiqə zamanı yalnız ödənişli əsaslarla olan ixtisaslaşmaları seçə biləcəklər. 

Qeyd edək ki, 40-66 intervalında (toplanıla biləcək maksimal bal 100 baldır) bal toplayan 414 (30-66 intervalında bal toplayan 1058) bakalavr birinci mərhələnin nəticəsinə qoyulan minimal bal tələbini ödəsə də, hansısa imtahan fənni üzrə tələb olunan minimal balı toplaya bilməyib.

Onların bir çoxu Dövlət İmtahan Mərkəzinə ərizə ilə müraciət edərək imtahanın II mərhələsinə buraxılmalarını xahiş ediblər. Müraciətlər DİM-in Direktorlar Şurasının 12 mart 2019-cu il tarixində keçirilən iclasında Şura üzvləri tərəfindən müzakirə olunub.

Gələcəkdə müəyyən ixtisaslaşmalar üzrə müsabiqə vəziyyətinin yaranmasının təmin edilməsi üçün I mərhələdəki nəticələri bu mərhələ üzrə minimal bal tələbini ödəyən, lakin fənlər üzrə minimal bal tələbini ödəməyən bakalavrların imtahanın ikinci mərhələsinə buraxılmaları barədə qərar qəbul olunub.

55
Teqlər:
müraciət, tələbə, bakalavriat, bakalavr, magistratura, magistr, Dövlət İmtahan Mərkəzi
Əlaqədar
Dövlət İmtahan Mərkəzi statistik məlumatları açıqladı
Dövlət İmtahan Mərkəzi xəbərdarlıq edir
Dövlət İmtahan Mərkəzi sənəd qəbulu elan edir
Dövlət İmtahan Mərkəzi tələbə qəbulu elan edir