Kitabxana

Prezidentin gözlənilməz qərarı təqdir olunur: Müasir dünya ilə ayaqlaşmaq lazımdır

8095
(Yenilənib 17:42 24.01.2019)
"Əvvəlki dövrlərlə müqayisədə kitabxanalara gedənlərin sayı indi qat-qat azdır, əvvəlki qələbəlik artıq yoxdur"

Təranə Xudabaxşiyeva, Sputnik Azərbaycan

BAKI, 30 yanvar — Sputnik. Xəbər verdiyimiz kimi, Prezident İlham Əliyev Azərbaycan Respublikası Mədəniyyət Nazirliyinin strukturunun və idarə edilməsinin təkmilləşdirilməsi ilə bağlı tədbirlər haqqında fərman imzalayıb. Fərmanla Azərbaycan Respublikası Mədəniyyət Nazirliyinin tabeliyindəki kitabxanalar ləğv edilib. 

Kitab rəfi, arxiv şəkli
© Sputnik / Murad Orujov

Dövlət başçısının bu fərmanından sonra əksər insanlarda müxtəlif suallar meydana gəlib. Oxucular maraqlanırlar ki, kitabxanalar hansı səbəbdən ləğv olunub və ləğv edilən kitabxanaların sonrakı aqibəti necə olacaq? Sputnik Azərbaycan bu suallara aydınlıq gətirməyə çalışıb.

Kitabxanaçı, kitabxanaşünas-ekspert Fikrət Mahmudov Mədəniyyət Nazirliyinin tabeliyindəki kitabxanaların ləğv edilməsini dəstəkləyir: "Həmin kitabxanalar günün tələblərinə cavab vermirdi. Cənab Prezidentin bu qərarı tam yerində və doğru qərardır. Çünki kitabxanaların başqa ölkələrin kitabxanaları ilə əlaqəsi olmalıdır. Kitabxanalarda istənilən insan üçün məlumatlar olmalıdır. Hazırda kitabxanalarda isə istənilən məlumatlar yoxdur. İndi kitabxanalarda kitabların əksəriyyəti köhnəlib".

"Əslində, kitabxanalar müasir standartlara cavab verməlidir, yeni məlumatlarla zəngin kitablar olmalıdır, 24 saat fasiləsiz işləməlidir. Bu cür yeniliklər bizim köhnə kitabxanalarda olmadığı üçün onların yeniləri ilə əvəzlənməsi zərurəti yaranırdı. Köhnələrin əvəzinə açılacaq yeni kitabxanalarda daha çox kitabxanaçıya iş yeri açılacaq. Bu da alqışlanası haldır" – deyə kitabxanaçı bildirib.

Təhsil eksperti Kamran Əsədov da bildirib ki, bir çox, xüsusilə bölgələrdəki, ucqar rayon və kəndlərdəki, eyni zamanda məktəblərdəki kitabxanaların vəziyyəti heç də qənaətbəxş deyil: "Əvvəlki dövrlərlə müqayisədə, kitabxanalara gedənlərin sayı indi qat-qat azdır, əvvəlki qələbəlik artıq yoxdur. Həmçinin, kitabxanaların texniki imkanları müasir standartlara cavab vermir, müasir kitablar kitabxanalara gəlmir".

"Digər tərəfdən isə, artıq elektron resurslar dövrüdür və insanlar internet vasitəsi ilə daha çox informasiya əldə edə bilirlər, bu da kitabxanalara tələbatı azaldır. Bəzi kitabxanalar formal sənəd üzərində var, ora illərlə insanlar getmir. Hətta həmin kitabxanalarda işləyənələrin əksəriyyəti ixtisasca kitabxanaçı deyil" – deyə ekspert qeyd edib.

K.Əsədov onu da vurğulayıb ki, bütün dünyada məktəb kitabxanaları müxtəlif formada olsa da, bir məqsədə qulluq edir - təhsil və təlim hamı üçündür: "Buna görə də məktəb kitabxanalarının mütəxəssisləri hər kəsə və hamıya eyni prinsiplə yanaşırlar. Hər bir məktəb kitabxanası məktəbin daxilində fəal dərs proqramını həyata keçirən dərs və təhsil mərkəzi kimi fəaliyyət göstərməlidir".

Ekspert hesab edir ki, həm də kitabxanalarımızın vəziyyətinin yaxşılaşdırılmasına, elektronlaşmasına ehtiyac var: "Prezidentin bu istiqamətdəki son fərmanını dəstəkləyirəm. Bu, mütləq öz müsbət nəticəsini, səmərəsini verəcək, insanlar yenidən kitabxanalara qayıdacaq".

8095
Teqlər:
dünya, ekspert, qərar, prezident, kitabxana, kitab
Əlaqədar
Azərbaycanda yeni konsepsiyalı ilk kompleks-kitabxana açılıb
İlham Əliyevin Sputnik-ə müsahibəsini əks etdirən albom Prezident Kitabxanasında
Mərkəzi Elmi Kitabxanada təqdimat keçirildi
Nəyisə düz hesablamadılar: Qüllə kitabxananın üstünə aşdı - VİDEO
Kitabxanalar ləğv olundu - RƏSMİ
Məktəbli, arxiv şəkli

Təhsildən yayınan uşaqlara nəzarət gücləndiriləcək

19
(Yenilənib 16:12 28.11.2020)
İşin icrası Təhsil Nazirliyi, Daxili İşlər Nazirliyi və yerli icra hakimiyyəti orqanlarına tapşırılıb.

 

BAKI, 28 noyabr — Sputnik. Təhsildən yayınma hallarının qarşısının alınması məqsədilə nəzarət tədbirləri gücləndiriləcək.

Sputnik Azərbaycan xəbər verir ki, bu, Azərbaycan Respublikası Prezidentinin 2020-ci il 27 noyabr tarixli Sərəncamı ilə təsdiq edilmiş "Uşaqlara dair Strategiyanın həyata keçirilməsi üzrə 2020–2025-ci illər üçün Fəaliyyət Planı"nda əks olunub.

İşin icrası Təhsil Nazirliyi, Daxili İşlər Nazirliyi və yerli icra hakimiyyəti orqanlarına tapşırılıb. Fəaliyyət Planının məqsədi uşaq hüquqlarının müdafiəsi sahəsində çevik institusional mexanizm formalaşdırılmasından və aidiyyəti dövlət orqanlarının (qurumların) qarşılıqlı fəaliyyətinin təmin edilməsindən ibarətdir.

19
Teqlər:
Azərbaycanda Təhsilin İnkişafı üzrə Dövlət Strategiyası, strategiya, Milli Fəaliyyət Planı, təhsil, təhsil naziri, Daxili İşlər Nazirliyi, daxili işlər naziri, Təhsil Nazirliyi
Məktəbdə dərs, arxiv şəkli

İnklüziv təhsillə bağlı qanun təkmilləşdiriləcək

9
Bu məsələ Azərbaycan Respublikası Prezidentinin 2020-ci il 27 noyabr tarixli Sərəncamı ilə təsdiq edilmiş "Uşaqlara dair Strategiyanın həyata keçirilməsi üzrə 2020–2025-ci illər üçün Fəaliyyət Planı"nda əks olunub.

 

BAKI, 28 noyabr — Sputnik. 2021–2022-ci illərdə uşaqların təhsilə çıxışında bərabərliyin təmin olunması məqsədilə inklüziv təhsilə dair mövcud normativ hüquqi bazanın təkmilləşdirilməsi ilə bağlı təkliflər hazırlanacaq.

Sputnik Azərbaycan-ın məlumatına görə, bu, Azərbaycan Respublikası Prezidentinin 2020-ci il 27 noyabr tarixli Sərəncamı ilə təsdiq edilmiş "Uşaqlara dair Strategiyanın həyata keçirilməsi üzrə 2020–2025-ci illər üçün Fəaliyyət Planı"nda əks olunub.

9
Kəlbəcərə mənzərə, arxiv şəkli

Kəlbəcərdə hər il 50 mindən artıq insan müalicə alırdı - Xidmət rəisi

0
(Yenilənib 18:09 29.11.2020)
"Bu yataqların gündəlik debiti 3080 kubmetr təşkil edir. Burada ötən əsrin 80-ci illərində 800 min litr termal su bağlanırdı"

BAKI, 29 noyabr — Sputnik. Kəlbəcər təkcə filiz və ya qeyri-filiz yataqları ilə deyil, həm də termomineral suları ilə zəngindir. Sputnik Azərbaycan-ın məlumatına görə, bunu Ekologiya və Təbii Sərvətlər Nazirliyinin Milli Geoloji Kəşfiyyat Xidmətinin rəisi Əli Əliyev deyib. Xəzər TV-nin "Birinci Studiya" verilişinin qonağı olan Ə.Əliyev deyib ki, Kəlbəcərdə "İstisu" və "Tutqun" termal-mineral iri su hövzələri mövcuddur. Onun sözlərinə görə, bu hövzələrin hər birində 4 yataq var: "Bu yataqların gündəlik debiti 3080 kubmetr təşkil edir. Burada ötən əsrin 80-ci illərində 800 min litr termal su bağlanırdı. Eyni zamanda "İstisu" kurort-sanatoriya kompleksi fəaliyyət göstərirdi".

O deyib ki, Kəlbəcərdə bir ildə 50 mindən artıq insan müalicə alıb, şəfa tapırdılar.

0
Teqlər:
müalicə, termal sular, İstisu, Qarabağ, Kəlbəcər