Əmək haqqı hesablanması

Müəllimlərin maaşlarının artırılmasına ehtiyac var idi - Yeni qərar alqışlanır

11864
(Yenilənib 17:48 18.01.2019)
"Ali məktəblər müxtəlif təlim kursları təşkil edə bilər, müxtəlif layihələrdə iştirak etməklə vəsait qazana bilər"

İradə Cəlil, Sputnik Azərbaycan

BAKI, 22 yanvar — Sputnik. Dövlət tərəfindən yaradılan ali təhsil müəssisəsinin büdcədənkənar mənbələrdən əldə etdiyi vəsaitin, ən azı 40 faizi təhsilverənlərin sosial müdafiəsinə (əməkhaqqına əlavələrə və digər stimullaşdırıcı ödənişlərə) yönəldiləcək. Bu məsələ "Dövlət və bələdiyyə tərəfindən yaradılan ali təhsil müəssisəsinin Nümunəvi Nizamnaməsi"ndə öz əksini tapıb.

Kamran Əsədov
© Sputnik / Murad Orujov
Kamran Əsədov

Nizamnamədə o da qeyd edilir ki, ali təhsil müəssisəsi Nazirlər Kabinetinin müəyyən etdiyi müvafiq sahibkarlıq fəaliyyəti növləri ilə məşğul ola bilər.

Maraqlıdır, bu dəyişikliklər nələrə səbəb olacaq? Sputnik Azərbaycan bu suala cavab tapmağa çalışıb.

Təhsil Xidmətləri Araşdırma Mərkəzinin rəhbəri, təhsil eksperti Kamran Əsədov deyib ki, son illər dövlət büdcəsindən ali təhsilə 180 mln. manata yaxın vəsait ayrılır: "Bu məbləğin 35-40 mln. manatı Nazirlər Kabinetinin müvafiq qərarlarına uyğun, tələbə hesabı maliyyələşmə mexanizminə keçməyən 5 universitetə ayrılır. Yerdə qalan 140 milyon. manata yaxın vəsait isə digər universitetlər arasında tələbə hesabı maliyyələşmə mexanizminə əsasən bölüşdürülür".

"Təhsilin maliyyələşdirilməsi dövrümüzdə əksər dünya dövlətlərinin sosial siyasətinin prioritetlərindən hesab edilir. Amma ölkəmizdə təhsil büdcədən asılı halda fəaliyyət göstərir. Ümumilikdə, ali təhsilin infrastrukturunun formalaşdırılması və saxlanması, çalışanların əməkhaqqının ödənilməsi, innovasiyanın tətbiqinin maliyyələşdirilməsi kimi məsələlərin hamısı dövlət büdcəsinin vəsaiti hesabına həyata keçirilir. Bu da dünyada qəbul edilməyən haldır. Amma ali təhsil müəssisələri ilə orta ümumtəhsil müəssisələrinin dövlət büdcəsindən maliyyələşdirilməsi müəyyən qədər anlaşılandır" – deyə ekspert qeyd edib.

K.Əsədovun sözlərinə görə, son 2 il ərzində təhsil sahəsində çalışanların həyat şəraitinin yaxşılaşdırılması istiqamətində müxtəlif addımlar atılsa da, bu sahədə daha ciddi islahatlara ehtiyac var: "Faktiki olaraq təhsil sektorunda çalışanların böyük bir qisminin digər iqtisadi fəaliyyət sahələrində aktiv fəaliyyət imkanlarının olmaması onların əlavə gəlirlər əldə etmək imkanlarını azaldır və nəticədə bu sahədə çalışan insanların maliyyə təminatı zəif hesab edilir. Çünki müəllimlərin, təxminən, 300 manat məvaciblə ailə büdcələrini formalaşdırdığı halda onların fəaliyyətindən keyfiyyət tələb etmək mümkün deyil".

Müsahibimiz hesab edir ki, təhsil sektorunda investisiya qoyuluşlarının şəffaflığının artırılmasına ciddi ehtiyac var: "Universitetlərə ayrılan vəsaitlərdən dəfələrlə az məbləğdə təmir-bərpa işlərinin görülməsinin şahidi oluruq. Düzdür, dövlət büdcəsindən təhsilin pillələri üzrə ən az xərc ali təhsilə ayrılır. Buna baxmayaraq, universitetlərin özlərinin də tələbələrin təhsil haqqından kifayət qədər gəlirləri mövcuddur".

"Bundan sonra universitetlər təkcə büdcədən asılı olmayacaq. Eyni zamanda, ixtisaslara uyğun xidmətlər göstərib, gəlir əldə edəcəklər və bu da universitet əməkdaşlarının əmək haqqının artırılmasına yönəldiləcək. Yəni artıq universitetlər əmək, istehsal bazarında birbaşa özləri iştirak edəcək. Universitetlərdə layihələr hazırlanacaq, kəşflər ediləcək, tərcümə, təhsil xidmətləri göstəriləcək" – deyə o vurğulayıb.

Bahadur Bilalov
© Sputnik / Irade JELIL
Azərbaycan Turizm və Menecment Universitetinin kafedra müdiri Bahadur Bilalov

Dəyişikliyə Azərbaycan Turizm və Menecment Universitetinin kafedra müdiri Bahadur Bilalov da münasibət bildirib. Onun sözlərinə görə, artıq bir neçə ildir bütün ali məktəblər özünümaliyyələşdirmə formasında fəaliyyət göstərir.

"Faktiki olaraq dövlət büdcəsindən ali məktəblərə vəsait ayrılmırdı. Ali məktəbin büdcəsi tələbələrin ödədiyi təhsil haqlarına əsasən formalaşır. Əgər tələbə dövlət hesablı proqrama düşürsə, onun təhsil haqqını Maliyyə Nazirliyi ali məktəbin hesabına köçürür. Əgər tələbə ödənişli əsaslarla ali məktəbə qəbul olunursa, təhsil haqqını özü ödəyir. Bir daha təkrar edirəm, ali məktəblər dövlətdən heç bir əlavə vəsait almır" - deyə həmsöhbətimiz bildirib.

B.Bilalov təhsil müəssisələrinə əhaliyə əlavə xidmətlər göstərməklə vəsait əldə etmək barədə verilmiş hüquqdan da danışıb: "Yəni ali məktəblər müxtəlif təlim kursları təşkil edə bilər, müxtəlif layihələrdə iştirak etməklə vəsait qazana bilər. Əldə olunan vəsaitin 40 faizi müəllimlərin sosial məsələlərinin yaxşılaşdırılmasına yönəldiləcək".

Azərbaycan Dövlət İqtisad Universiteti (UNEC) Qida məhsullarının texnologiyası kafedrasının müəllimi, texnika elmləri namizədi, dosent Elsevər Fərzəliyev isə hesab edir ki, yeni qərarın qəbulundan sonra büdcədənkənar maddi mənbələrin axtarılıb tapılması üçün daha çox cəhdlər olacaq.

"Bu qərar eyni zamanda əməkdaşların iqtisadi durumunun yaxşılaşmasına səbəb olacaq. Onların rifah halını yüksəldəcək. Həmçinin ali təhsil müəssisələrində təsərrüfat hesablı müqavilələrin bağlanması işinin də sürətləndirilməsinə səbəb olacaq" – deyə Ü.Fərzəliyev vurğulayıb.

11864
Teqlər:
ödəniş, tələbə, əməkhaqqı, maaş, müəllim, universitet, büdcə, dövlət
Əlaqədar
"Müəllimlərin sinifdə ləhcə ilə danışmaları yolverilməzdir"
“Müəllimlər imtahana məcburi göndərilməyiblər, pul mükafatına görə özlərini sınayıblar"
Təhsil nazirinin yeni qərarı müəllimləri də məmnun edib, ekspertləri də
Kamal Abdulla: "Bəzi müəllimlər tələbələri etirazlara səsləyiblər"
Ali təhsil müəllimlərinə sevindirici xəbər
Azərbaycan hərbçisi, arxiv şəkli

Cəbiş müəllimin davamçıları şagirdlərinə gerçək döyüş zəfəri anladacaqlar

25
(Yenilənib 18:26 21.10.2020)
"Cəbhədən xoş xəbərlər eşitmək diləyi ilə müzəffər Ordumuza və igid əsgərlərimizə uğurlar arzulayırıq!"

BAKI, 21 oktyabr — Sputnik. Bakı Şəhəri üzrə Təhsil İdarəsinin (BŞTİ) tabeliyindəki ümumi təhsil məktəblərindən ordu sıralarına qoşulan işçilərin sayı açıqlanıb.

Sputnik Azərbaycan xəbər verir ki, bu barədə APA-nın sorğusuna cavab olaraq bildirilib ki, BŞTİ-nin tabeliyində təhsil müəssisələrində çalışan 127 təhsil işçisi Azərbaycan Ordusunun sıralarına qoşulub: "Onlardan 122-si müəllim, 5-i direktor müavinidir. İşğalçı Ermənistan tərəfindən zəbt edilmiş torpaqlarımızın və strateji əhəmiyyətli yüksəkliklərin azad olunması işinin davam etdirilməsi, düşmənin xeyli canlı qüvvəsi və döyüş texnikasının məhv olunması Azərbaycanın güclü ordusunun olduğunu bir daha göstərir.

Ermənistanın son təxribatlarına və hücum cəhdlərinə layiqli cavab verən qüdrətli Azərbaycan Ordusu Ali Baş Komandan İlham Əliyevin rəhbərliyi ilə öz sözünü deyir, qəsbkar düşmənə öz yerini göstərir. Bu günlərdə on minlərlə Azərbaycan vətəndaşı əsl vətənpərvərlik və qətiyyətli mövqe nümayiş etdirərək hər an döyüşə getməyə hazır olduğunu bildirir və mübariz ruhda ordu sıralarına qoşulur. Cəbhədən xoş xəbərlər eşitmək diləyi ilə müzəffər ordumuza və igid əsgərlərimizə uğurlar arzulayırıq!"

25
Mövzu:
Azərbaycan və Ermənistan arasında müharibə
Əlaqədar
Xocalıda kişilərlə birlikdə vuruşan qadın: 5 gün meşədə nəvələrimə qar yedirib saxladıq
"Hərbi forma geyinməyin!" - Əflatun Amaşov
Milli Məclis Qarabağ münaqişəsi ilə bağlı videomüraciət yayıb
"Oğullarımla birgə döyüşə getməyə hazıram" – cəbhəyanı kəndlərdə mərmidən qorxmurlar
Cəbrayıllı alim: "Kəndimizi atəşə tutan Hadrut azad olunanda sevincim yerə-göyə sığmadı"
Cəbhəyanı bölgədə məktəb, arxiv şəkli

Cəbhəyanı bölgələrin təhsilsiz qalan uşaqları - Onların bir əlində kitab, digərində ...

64
(Yenilənib 16:48 20.10.2020)
"Müəllimimiz deyib ki, məktəb bağlansa da, biz dərsimizi oxumalıyıq. Məktəbə qayıdanda bütün tapşırıqlarımızı oxuyub qiymət yazacaq bizə"

Zülfiyyə Quluyeva, Sputnik Azərbaycan

BAKI, 20 oktyabr — Sputnik. Bir əlində dərs kitabı, digərində oyuncaq tapançalar... Müharibə dövrünün uşaqları olduqları o məsum çöhrələrindəki kədərdən hiss olunur. Gözlərini atəş səsi ilə açdıqlarından onların oynadıqları oyunlar da elə müharibəni xatırladır. Biz həyətə çatanda balaca qəhrəmanlarımız dava-dava oynayırdılar. Halbuki, bu saatda onlar da digər həmyaşıdları kimi əllərində çanta məktəbdən qayıtmalı idilər.

Təhsil Nazirliyinin məlumatına görə, cəbhə bölgəsində yerləşən 468 məktəbdə hərbi əməliyyatlar səbəbindən dərslər dayandırılıb. Həmin məktəblər arasında Ağdam rayonu Üçoğlan kənd orta məktəbi də var. Sputnik Azərbaycan cəbhəyanı ərazidə yerləşən Üçoğlan kənd orta məktəbinin hərbi vəziyyətlə əlaqədar dərsləri dayandırılmış şagirdləri ilə görüşüb, onların dərslərini hansı formada davam etdirməsi ilə maraqlanıb.

Üçoğlan kənd orta məktəbinin ikinci sinif şagirdləri ElşadRəhim Sadıqzadə qardaşdırlar. Onlar yeni tədris ilinin başlanmasını səbirsizliklə gözləsələr də, Ermənistanın dinc əhalini, təhsil müəssisələrini hədəf alması səbəbindən dərsə gedə bilmirlər. Elşad Sadıqzadə deyir ki, həm müəllimləri, həmçinin də sinif yoldaşları üçün çox darıxıb: "Ermənilər kəndimizə raket atırlar. Ona görə də bizim məktəbimizi bağlayıblar. Amma mən çox istəyərdim ki, məktəb açılsın. Çünki sinif yoldaşlarım üçün darıxmışam".

Cəbhədə vəziyyət gərginləşəndən Sadıqovlar ailəsi uşaqları təhlükəsiz yerə apardıqlarından onların müəllimləri və sinif yoldaşları ilə əlaqəsi kəsilib. Elşad və Rəhimin anası Aysel Sadıqova deyir ki, Ermənistan silahlı qüvvələri dinc sakinləri, təhsil müəssisələrini hədəfə aldığından uşaqlar tədrisdən tamamilə kənar qalıblar:

"Nə müəllimlərlə əlaqəmiz var, nə də ki valideynlərlə. Məktəblər bağlanandan öz uşaqlarımıza özümüz müəllimlik edirik. Bizim sığındığımız yerdə nə internet var, nə də ki televizor. Ona görə də uşaqlar teledərsləri də izləyə bilmirlər. Naəlac qalıb dərsi uşaqlara özüm başa salıram. Uşaqlara məktəbin bağlanması çox pis təsir edib. Hər gün məndən dərsə nə vaxt gedəcəklərini soruşurlar. Başa salıram ki, Ermənistan uşaq-böyük bilmir. Sizin həyatınız üçün təhlükə olduğundan məktəb bağlanıb".

Balaca Rəhim isə Ermənistanın atdığı nə mərmilərdən qorxur, nə də ki raketlərdən. Deyir ki, atamın yanına, öz kəndimizə getmək istəyirəm. Oyuncaq tapançasını isə bir saniyə də kənara qoymur. Hətta dərs oxuyanda da oyuncaq tapançası yanında olur Rəhimin: "Bu tapançaları atam alıb bizə. Əgər ermənilər bizə atsalar, biz də onları qorxudacağıq..."

Balacalarla söhbət zamanı öyrənirik ki, məktəblər bağlansa da, dərslərinə bir gün də ara verməyiblər. Rəhim sinfin əlaçısı olduğundan dərslərinə daha məsuliyyətli yanaşır. Onun sözlərinə görə, müəlliminə yaxşı oxuyacağına dair söz verib: "Müəllimimiz deyib ki, məktəb bağlansa da biz dərsimizi oxumalıyıq. Məktəbə qayıdanda bütün tapşırıqlarımızı oxuyub qiymət yazacaq bizə".

Elşad da müəllimin tapşırıqlarına əməl etdiyini söyləyir: "Müəllim deyib ki, hər gün ən azı iki səhifə oxumalıyıq ki, üzündən oxumağı unutmayaq. Mən həm çalışmalarımı həll edirəm, həm də dərslərimi oxuyuram".

Amma Elşadla Rəhim məktəbdə daha həvəslə oxuduqlarını da gizlətmirlər. Deyirlər ki, məktəbdə müəllim onlara ulduz verdiyindən oxumağa daha da həvəsli olurlar. Onların ən böyük arzusu da dərslərinə məktəbdə davam etməkdir. Çox təəssüf ki, işğalçı Ermənistan silahlı qüvvələrinin Azərbaycana qarşı təxribatlarının davam etməsi Elşadla Rəhim kimi yüzlərlə cəbhəyanı bölgədə təhsil alan şagirdləri məktəbdən uzaq salıb. Ordumuzun qarşısında aciz qalan Ermənistan mülki əhalini, o cümlədən uşaqları, qadınları və qocaları hədəf alır. Mülki əhali arasında itkilərimiz var, çoxsaylı evlərə və mülki obyektlərə, o cümlədən cəbhə bölgəsində yerləşən təhsil müəssisələrinə ciddi ziyan dəyib. Bu, həmin ərazilərdə yerləşən təhsil müəssisələrində tədris prosesinə də öz təsirini göstərib. Nəticədə cəbhə bölgəsində yerləşən təhsil müəssisələrində dərs cədvəli dəyişdirilib.

64
Əlaqədar
İlham Əliyev: "Mənim əsas vəzifəm torpaqları qaytarmaqdır. Və biz bunu edirik"
Atılan mərmilər Ağcabədi sakinini evsiz qoydu - video
Azərbaycanda təhsil okeanda təkbaşına üzən gəmi ilə müqayisə edildi
Bir gözümüz gülür, bir gözümüz ağlayır - Füzulili deputat
Bir igid ömrü torpağını gözləyənlər: "Ermənilər özləri orada yaşamağa ürək eləmirlər"
Здание Конгресса США, фото из архива

Amerika Senatı Rusiyaya qarşı növbəti sanksiyaların tətbiqini tələb edib

0
(Yenilənib 08:27 23.10.2020)
Senatorlar dövlət katibi Mayk Pompeo və Maliyyə katibi Stefan Mnuçini rusiyalı bloger Aleksey Navalnının zəhərlənməsi ilə əlaqədar yaranmış vəziyyətə görə Rusiyaya qarşı sanksiya tətbiq etməyə çağırıb.

BAKI, 23 oktyabr - Sputnik. ABŞ-ın bir neçə senatoru dövlət katibi Mayk Pompeo və Maliyyə katibi Stefan Mnuçinə məktub ünvanlayıblar. Məktub rusiyalı bloger Aleksey Navalnının zəhərlənməsi ilə əlaqədar yaranmış vəziyyətə görə Rusiyaya qarşı sanksiya çağırışlarını özündə əks etdirir. 

Sputnik Azərbaycan RİA Novosti-yə istinadla xəbər verir ki, bu barədə “Bloomberg” nəşri məlumat yayıb. 

Məktubu Demokratlardan Ben Kardin, Dik Durbin, Kris Kuns, Respublikaçılardan isə Mitt Romni, Marko Rubio və Rojer Uiker imzalayıb. 

0