Azərbaycan İlahiyyat İnstitutunun (Aİİ) fəaliyyətinin ilkin nəticələri ilə bağlı bu gün həmin təhsil ocağında tədbir keçirilir

"Tələbələr pulsuz geyim, yemək yataqxana ilə təmin olunacaqlar"

298
(Yenilənib 14:07 24.10.2018)
Rektor: "Gələcəkdə rus, ingilis və ərəb dili bölmələrinin açılması və dünyanın müxtəlif dövlətlərindən tələbələrin təhsilə cəlb olunmalar nəzərdə tutulub"

BAKI, 24 oktyabr — Sputnik. Azərbaycan İlahiyyat İnstitutuna (Aİİ) 2018-2019-cu tədris ili üzrə ilk tələbə qəbulu Dövlət İmtahan Mərkəzinin (DİM) xətti ilə, ödənişsiz əsaslarla, III ixtisas qrupu üzrə iki istiqamətdə — İslamşünaslıq və Dinşünaslıq ixtisasları üzrə həyata keçirilib.

Sputnik Azərbaycan xəbər verir ki, bunu Aİİ-nin rektoru Ceyhun Məmmədov İnstitutun fəaliyyətinin ilkin nəticələri ilə bağlı bu gün keçirilən tədbirdə deyib. "Dövlət sifarişi əsasında qəbul üzrə ayrılmış plan yerləri 100% dolub, İslamşünaslıq ixtisası üzrə 35, Dinşünaslıq ixtisası üzrə isə 25 nəfər olmaqla, ümumilikdə, 60 abituriyent tələbə sıralarına qəbul edilib. Hazırda İnstitutda ümumilikdə 103 tələbə təhsil alır" — deyə o bildirib.

C.Məmmədov qeyd edib ki, şəffaf, modern, qabaqcıl meyarlar ilə formalaşdırılan Azərbaycan İlahiyyat İnstitutu dövlətin qayğısı ilə təmin olunub: "İnstitutda təhsil ödənişsizdir, tələbələr bütün fənlər üzrə pulsuz dərsliklərlə təmin ediliblər. Gələcəkdə tələbələrin pulsuz geyim, yemək və yataqxana ilə təmin olunacaqları planlaşdırılır".

Aİİ rəhbərinin sözlərinə görə, İnstitutda İslam dininin tədrisinə dair "Quran", Hədis, Təfsir, Fiqh, Kəlam, Təsəvvüf kimi ənənəvi fənlərlə yanaşı, dinləri sosioloji, psixoloji, fəlsəfi və tarixi aspektlərdən tədqiq edən fənlərin də tədrisi təşkil olunub: "Eyni zamanda, digər aparıcı dünya dinlərinin – xristianlıq, yəhudilik, hinduizm, buddizmin inanc, ibadət, əxlaq sistemi və ictimai strukturları, eləcə də fəlsəfə, sosiologiya, psixologiya, multikulturalizm kimi sosial və humanitar elmlər də tədris olunur".

Rektor deyib ki, institutda tədris Azərbaycan dilindədir: "Gələcəkdə rus, ingilis və ərəb dili bölmələrinin açılması və dünyanın müxtəlif dövlətlərindən tələbələrin təhsilə cəlb olunmaları, həmçinin yəhudilik, xristianlıq, hinduizm və buddizm kimi böyük dünya dinlərinin müqəddəs mətnlərinin tədqiqi baxımından mühüm əhəmiyyət kəsb edən ibri, qədim yunan, latın və sanskrit dillərinin tələbələrə öyrədilməsi məqsədilə xüsusi kursların təşkili planlaşdırılır".

"İnstitutda hazırda bir fakültə — İlahiyyat, 3 kafedra — İslamşünaslıq, Dinşünaslıq, Dillər və ictimai fənlər mövcuddur. Təhsil iki istiqamətdə, İslamşünaslıq və Dinşünaslıq ixtisasları üzrə həyata keçirilir. Azərbaycan İlahiyyat İnstitutu 2019/2020-ci tədris ili üçün magistraturaya tələbə qəbulunu nəzərdə tutub. İnstitutun magistraturasında Dinşünaslıq ixtisası üzrə — Dinin psixologiyası, Dinin sosiologiyası, Dinlər tarixi, İslamşünaslıq ixtisaslaşmalarının hər birindən 2 nəfər olmaqla, 8 yer nəzərdə tutulub" — deyə C.Məmmədo vurğulayıb.

298
Teqlər:
Azərbaycan İlahiyyat İnstitutu, Aİİ, din, İslam, xristianlıq, iudaizm, buddizm, rektor, Ceyhun Məmmədov
Əlaqədar
Din xadimləri İlham Əliyevə müraciət ediblər
AŞPA-dan şok qərar: İslamın siyasi genişlənməsi qadağan edildi
Bakı İslam Universiteti ilə bağlı müəmma dolaşır

Naftalanda təkcə müalicəvi neft deyil, həm zəngin tarix yatırmış

2660
(Yenilənib 00:25 31.07.2021)
Qaşaltı-Qaraqoyunlu kəndi ərazisində yerləşən Qalaboynu çoxtəbəqəli yaşayış yerində arxeoloji qazıntılar zamanı abidənin üst təbəqəsinin orta əsrlər dövrünə, alt təbəqənin isə tunc dövrünə aid olduğu məlum olub.

BAKI, 31 iyul — Sputnik. Naftalan dünyada müalicəvi nefti, turizm şəhəri kimi tanınır. Amma burada aparılan arxeloji qazıntılar zamanı bu şəhərin qədim tarixə malik olduğu da üzə çıxıb.

Sputnik Azərbaycan xəbər verir ki, AMEA-nın Arxeologiya və Etnoqrafiya İnstitutunun şöbə müdiri, tarix üzrə fəlsəfə doktoru Müzəffər Hüseynovun rəhbərlik etdiyi Naftalan-Goranboy arxeoloji ekspedisiyası tərəfindən ötən il aparılan arxeoloji qazıntılar zamanı Naftalan şəhəri Qaşaltı Qaraqoyunu kəndi ərazisində çoxtəbəqəli Qalaboynu yaşayış yeri aşkarlanıb.

Yaşayış yerinin yerləşdiyi təpənin ümumi sahəsi 5 hektara yaxın, hündürlüyü isə 10 metrdən artıqdır. Abidənin yerləşdiyi təpə ətraf kəndlərin əhalisi tərəfindən Qalaboynu adlandırılır. Ərazinin yerli əhali tərəfindən Qalaboynu adlandırılması, abidənin quruluşu və aşkar olunan maddi mədəniyyət nümunələrinə əsasən buranın Qala tipli yaşayış yeri olması ehtimalını ortaya çıxarır.

  • Naftalan-Goranboy arxeoloji ekspedisiyası tərəfindən ötən aparılan arxeoloji qazıntılar zamanı
    © Sputnik / Rahim Mammadov
  • Naftalan-Goranboy arxeoloji ekspedisiyası tərəfindən ötən aparılan arxeoloji qazıntılar zamanı
    © Sputnik / Rahim Mammadov
  • Naftalan-Goranboy arxeoloji ekspedisiyası tərəfindən ötən aparılan arxeoloji qazıntılar zamanı
    © Sputnik / Rahim Mammadov
  • Qədim dövrə aid əşya
    © Sputnik / Rahim Mammadov
  • Naftalan-Goranboy arxeoloji ekspedisiyası tərəfindən ötən aparılan arxeoloji qazıntılar zamanı
    © Sputnik / Rahim Mammadov
1 / 5
© Sputnik / Rahim Mammadov
Naftalan-Goranboy arxeoloji ekspedisiyası tərəfindən ötən aparılan arxeoloji qazıntılar zamanı

Naftalan-Goranboy arxeoloji ekspedisiyasının rəhbəri Müzəffər Hüseynov Sputnik Azərbaycan-a açıqlamasında bu il ərazidə aparılan tədiqatlar zamanı orta əsrlər dövrünə aid mədəni təbəqədən qaya daşından və qırmızı bişmiş kərpicdən tikili qalıqlarına, dulus kürəsinə, ocaq yerlərinə, təndirlərə, təsərrüfat quyularına, üzəri şirli və sadə üsulla hazırlanmış zəngin saxsı məmulatına rast gəldiyini deyib:

"Abidənin xarakter və xüsusiyyətini öyrənmək üçün, burada qazıntı işlərinin aparılması vacib idi. Buna görə də biz 20 günə yaxındır ki, burada arxeoloji işlərə başlamışıq. Qazıntılar zamanı bizə məlum oldu ki, abidənin üzərindəki ilk 50-60 sm-lik qat orta əsrlər dövrünə aiddir. Ondan aşağı təbəqədə isə son tunc, xüsusən son tunc-erkən dəmir dövrünə rast gəldik. Orta əsrlər dövründə təsərrüfat quyuları və kürə yerləri, eyni zamanda təndirlər, alt qatın təbəqəsini yarıb keçib. Ona görə biz alt qatlarda 50 sm-dən aşağı bəzi yerlərdə o saxsı məmulatlara qarışıq şəkildə rast gəldik."

Abidənin yerləşdiyi ərazi təbii-coğrafi baxımdan çox əlverişli yerdədir. Yaşayış yerinin ətəyindən vaxtilə bol sulu çay keçib. Qədim çay yatağının ətrafı eneolit dövründən başlayaraq, orta əsrlərə qədər olan 6 min illik tarixi özündə əks etdirən yaşayış yerləri və qəbir abidələri ilə zəngindir. Müzəffər Hüseynov Sputnik Azərbaycan-a açıqlamasında ölkəmizdə qədim dövrə aid abidələrin bir ərazidə bu qədər sıx yerləşdiyi ikinci bir məkanı təsəvvür etmək çətin olduğunu deyib:

© Sputnik / Rahim Mammadov
Müzeffer Hüseynov

"Ümumiyyətlə tapıntılar hər biri bizim üçün yenidir. Arxeoloq üçün bunlar əvəsizdir. Diqqətimizi çəkən əsas materiallar, orta əsrlər dövrünə aid xüsusi təsvirlərin olmasıdır. Bəzi yerlərdə həm at, həm əjdaha təsvirləri, digər heyvan rəsmlərinin kompozisiyası diqqət çəkir. Bundan başqa, yüz kvadratmetrlik bir ərazidə həm təndirin, həm də kürələrin və təsərrüfat quyularının içindən çox zəngin arxeoloji materiallar aşkar olunur. Bundan başqa, abidənin çoxtəbəqəli olması daha çox diqqətimizi çəkir."

Həmçinin abidənin ətrafında tunc dövrünə aid Osmantəpə kurqanları, Hacallı kurqanları, Tatarlı kurqanları, Səfikürd kurqanları, Muncuqlutəpə ilk dəmir dövrü nekropolu, Göl yeri, eneolit və ilk tunc dövrünə aid yaşayış yeri, digər qədim dövrlərə aid yaşayış yerləri və qəbir abidələri yerləşir. Bu isə Naftalan şəhərinin dünyada analoqu olmayan müalicəvi nefti ilə yanaşı, həm də böyük arxeoloji turizm potensialına malik olduğunu göstərir.

Qalaboynu çoxtəbəqəli qədim yaşayış məskənində qazıntı işləri davam etdirilir.

2660
 Pandemiya zamanı imtahan

DİM-dən abituriyentləriə xəbərdarlıq

1109
(Yenilənib 16:00 30.07.2021)
"İmtahana buraxılış vərəqəsi"ndə imtahanın keçiriləcəyi tarix, şəhər (rayon), bina, zal, başlanma vaxtı və abituriyentin (şagirdin) imtahan binasına gəlmə vaxtı və s. məlumatlar qeyd olunub.

BAKI, 30 iyul — Sputnik. 11 avqust 2021-ci il tarixində keçiriləcək imtahanlarda iştirak edən abituriyentlər (şagirdlər)  "İmtahana buraxılış vərəqəsi"ni çap edə bilərlər. Bu barədə Dövlət İmtahan Mərkəzindən Sputnik Azərbaycan-a verilən məlumatda bildirilib.

Məlum olduğu kimi, Dövlət İmtahan Mərkəzi tərəfindən 11 avqust 2021-ci il tarixində ümumi (9 illik) orta təhsil səviyyəsi üzrə aşağıdakı imtahanların keçirilməsi nəzərdə tutulub:

Əvvəlki illərin məzunları üçün orta ixtisas təhsili müəssisələrinə qəbul imtahanı;

Müsabiqədə buraxılış imtahanında verdiyi xarici dildən fərqli dil üzrə iştirak etmək istəyənlər üçün əlavə xarici dil imtahanı;

Qəbul imtahanını buraxılış imtahanında verdiyi dildən fərqli dil üzrə vermək istəyənlər üçün əlavə imtahan;

Yuxarıdakı 3 kateqoriyaya aid olan abituriyentlər buraxılış vərəqəsini verilən linkdən çap etməlidirlər.

İyun ayında keçirilən buraxılış imtahanlarında üzrlü səbəbdən iştirak edə bilməyən şagirdlər üçün buraxılış imtahanı;

Eksternat qaydasında imtahan verənlər üçün buraxılış imtahanı.

4-cü və 5-ci kateqoriyaya aid olan şagirdlər isə imtahana buraxılış vərəqəsini bu linkdən çap etməlidirlər.

"İmtahana buraxılış vərəqəsi"ndə imtahanın keçiriləcəyi tarix, şəhər (rayon), bina, zal, başlanma vaxtı və abituriyentin (şagirdin) imtahan binasına gəlmə vaxtı və s. məlumatlar qeyd olunub.

Eləcə də oxuyun:

1109

Ölkədə vaksinasiya ilə əlaqədar vəziyyət açıqlanıb

0
(Yenilənib 23:31 31.07.2021)
Birinci mərhələ üzrə vaksinasiya olunanların ümumi sayı 2880131, ikinci mərhələ üzrə vaksinasiya olunanların sayı isə 2092231 təşkil edir.

BAKI, 31 iyul — Sputnik. Azərbaycanda son sutkada koronavirus (COVID-19) əleyhinə 86790 vaksin vurulub.

Nazirlər Kabineti yanında Operativ Qərargahdan verilən məlumata görə, bir gündə birinci mərhələ üzrə vaksinasiya olunanların sayı 52276, ikinci mərhələ üzrə vaksinasiya olunanların sayı 34514 nəfərdir.

Ölkədə vurulan vaksinlərin ümumi sayı 4972362, birinci mərhələ üzrə vaksinasiya olunanların ümumi sayı 2880131, ikinci mərhələ üzrə vaksinasiya olunanların sayı isə 2092231 təşkil edir.

Azərbaycanda peyvəndləmə prosesi

Tibbi Ərazi Bölmələrini İdarəetmə Birliyi (TƏBİB) COVID-19 əleyhinə canlı növbə əsasında vaksinasiyanın davam etdiyini bildirib. TƏBİB-dən Sputnik Azərbaycan-a daxil olan məlumatda bildirilir ki, COVID-19 əleyhinə vaksinlərə əlçatanlığı təmin etmək məqsədilə "Yeni Klinika" Tibb müəssisəsində peyvəndləmə prosesi davam edir.  Tibb müəssisəsində “CoronaVac” və “Biontech/Pfizer” peyvəndləri vurulur. Vaksinlərin tətbiqi canlı növbə əsasında həyata keçirilir. Peyvənd məntəqəsi həftə içi 5 gün, səhər saat 9:00-dan axşam 16:00-a kimi fəaliyyət göstərir.

Ölkəmizdə hazırda koronavirus infeksiyasına qarşı 4 peyvənd tətbiq olunur. Bunlar "CoronaVac", "Vaxzevria", "Sputnik V", "Pfizer" vaksinləridir. Vətəndaşlar peyvənd olunmaq üçün ilk növbədə randevu.its.gov.az saytından qeydiyyatdan keçərək növbə götürməlidirlər.

Koronavirus bəlası

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Ümumdünya Səhiyyə Təşkilatı (ÜST) 2020-ci ilin fevralında 11-də infeksiyanın törətdiyi xəstəliyin adını COVID-19 qoyub, 2020-ci ilin martın 11-də isə koronavirusu pandemiya elan edib.

Həmçinin oxuyun:

Ailə qurmazdan öncə vaksin olunun! - TƏBİB

Nazirlər Kabinetindən sərt qərar - Vaksin olunmayanlar bu yerlərə buraxılmayacaqlar!

QMİ dindarları vaksin olunmağa çağırıb

0