İmtahan prosesi

Yeni buraxılış imtahanlarının formatı bəlli oldu

287
(Yenilənib 15:57 01.10.2018)
Hər iki mərhələdə şagirdlərin bilikləri tədris dili, riyaziyyat və xarici dil fənləri üzrə qiymətləndiriləcək

BAKI, 1 oktyabr — Sputnik. Təhsil eksperti Kamran Əsədov 2019-cu ildə IX (9-cu) siniflər üçün keçiləcək buraxılış imtahanlarının tam formatını açıqlayıb. Sputnik Azərbaycan xəbər verir ki, ekspert bu barədə öz "Facebook" səhifəsində yazıb.

O, qeyd edib ki, IX siniflər üzrə buraxılış imtahanlarının yenə də iki mərhələdə, lakin 3 fənn üzrə keçirilməsi nəzərdə tutulur. Belə ki, hər iki mərhələdə şagirdlərin bilikləri tədris dili, riyaziyyat və xarici dil fənləri üzrə qiymətləndiriləcək.

"Birinci mərhələdə tədris dili üzrə şagirdlərin oxuyub-anlama və yazı bacarıqlarını yoxlamaq məqsədilə açıq və qapalı tipli tapşırıqlardan, yazı işlərindən, riyazi bacarıqları yoxlamaq məqsədilə isə açıq tipli tapşırıqlardan, xarici dil üzrə də şagirdlərin oxuyub-anlama, dinləyib-anlama və yazı bacarıqlarını yoxlamaq məqsədilə açıq və qapalı tipli tapşırıqlardan, yazı işlərindən istifadə ediləcək. İkinci mərhələdə isə hər bir fənn üzrə qapalı tipli test tapşırıqlarından istifadə olunacaq" — deyə K.Əsədov vurğulayıb.

287
Teqlər:
buraxılış imtahanları, fənn, Kamran Əsədov, təhsil, ekspert
Əlaqədar
Xəbəriniz olsun: DİM sınaq imtahanlarına start verdi
Dövlət qulluğuna qəbul imtahanının tarixi məlum oldu
Dövlət İmtahan Mərkəzinə külli miqdarda ziyan vurulub