Kitab mağazası

Yeni-köhnə qayğılar başlayıb: "Sədərək"də "28 May" ətrafında ajiotaj yaşanır

7298
(Yenilənib 17:26 20.09.2018)
Valideynlər kitab çatışmazlığından narahatdır, Təhsil Nazirliyindənsə bildirirlər ki, dərslik problemi kifayət qədər həllini tapıb və hay-küy üçün əsas yoxdur

Zarina Orucəliyeva, Sputnik Azərbaycan

BAKI, 7 sentyabr — Sputnik. Yeni dərs ilinin başlanğıcında bir sıra məktəblərdə dərs kitablarının çatışmazlığı müşahidə edilir. Sputnik Azərbaycan-ın məlumatına görə, bu vəziyyət Abşeron rayonu, Saray qəsəbəsində yerləşən Hüseyn Axundov adına 3 saylı ümumtəhsil məktəbində də qeydə alınıb.

Misal üçün, 6-cı sinif şagirdləri bir-biriləri ilə çatışmayan dərsliklərin mübadiləsini aparırlar ki, nəticədə hər kəs eyni sayda kitablara malik olsun. Onların hər birində 16 kitab olmalı olduğu halda, kitabların yarısı yoxdur. Valideynlər artıq vəziyyətdən çıxış yolu tapıblar. Onlar çatışmayan kitabları öz vəsaitləri hesabına almağa razılaşıblar.

Yeri gəlmişkən, hazırda dərs ilinin tezliklə başlanacağı ərəfədə Bakıdakı iri ticarət mərkəzlərindən olan "Sədərək"də və "28 May" metrostansiyasının yaxınlığındakı kitab satış mərkəzlərində əsl ajiotaj müşahidə olunur.

Təhsil Nazirliyindən bildiriblər ki, dərslik problemi kifayət qədər həllini tapıb və hay-küy üçün əsas yoxdur. 2018/2019-cu tədris ilinin başlanması ilə əlaqədar olaraq Təhsil Nazirliyinin sifarişi əsasında 332 adda 6 milyon nüsxədən çox (6,726029 nüsxə) kitab çap olunub.

Bunlar I-XI sinif şagirdləri üçün dərs vəsaitləridir. Bununla yanaşı, kitabların paylanması prosesinə sentyabrın 3-də start verilib və dərslər başlayana qədər davam edəcək.

Əgər məktəblilərin hamısı kitabla təmin olunmasa, o zaman valideynlər təhsil müəssisəsinin rəhbərliyinə məlumat verməlidir. Məktəb rəhbərliyi bu müvəqqəti narahatçılığı aradan qaldıracaq.

Dərs ili başladı, ciblərimiz boşaldı
©Karikatura
Dərs ili başladı, ciblərimiz boşaldı

Qeyd etmək lazımdır ki, dərsliklər şagirdlərə bir illik istifadə üçün verilir. Dərsliklərin istifadə müddəti isə 4 ildir.

Eyni zamanda, elektron dərsliklərdən də istifadə etmək mümkündür. Bunun üçün həmin dərslikləri www.e-derslik.edu.az və www.trims.edu.az saytlarından yükləmək mümkündür.

Bununla yanaşı, Təhsil Nazirliyinin sektor müdiri Cəsarət Valehov "Trend" agentliyinə bildirib ki, yeni tədris ili üzrə 11-ci siniflər üçün dərsliklər yeni məzmunda hazırlanıb. Onun sözlərinə görə, 2, 3 və 7-ci siniflər üçün isə dərsliklərin məzmununa əsaslı dəyişikliklər edilib.

"Orta məktəblərin şagirdləri dərslikləri təhsil aldıqları ümumi təhsil müəssisəsindən əldə edə bilərlər. Proses sentybarın 3-dən başlayıb və hazırda davam edir" — deyə Valehov vurğulayıb.

Onu da diqqətə çatdıraq ki, yeni tədris ilində dövlət ümumtəhsil müəssisələrinin I-XI sinifləri üçün 332 adda 6 726 029 nüsxə dərslik və müəllimlər üçün metodik vəsait çap edilib.

7298
Teqlər:
dərs ili, valideyn, dərslik, şagird, kitab, təhsil, məktəb, uşaq
Əlaqədar
Bakı məktəblərində bu il təhsil alacaq şagirdlərin sayı açıqlanıb
İlham Əliyev ali məktəb barədə sərəncam imzaladı
Məktəbli formaları ilə bağlı çəkişmələrə son qoyuldu - Seçimdə azadsınız
Məktəblərin rus bölmələrinə hücum: Boş yer yoxdur, müəllim də çatışmır
Lahıcda yeni məktəb binası istifadəyə verildi
Yüksək bal toplasalar da, ali məktəbə qəbul olunmayıblar - STATİSTİKA
Məktəb

Yarıbayarı azalan Qubadlı məktəbləri qayıdış həsrətində

11
(Yenilənib 14:39 26.10.2020)
Qubadlı rayonunda məktəblərin sayı 62, müəllimlərin sayı 1193, şagirdlərin sayı 5 414 olub. 2020-2021-ci ildə isə məktəblərin sayı 32, müəllimlərin sayı 747, şagirdlərin sayı 6 320 olub

BAKI, 26 oktyabr — Sputnik. Təhsil Nazirliyi Qubadlı rayonunun təhsil statistikası ilə bağlı infoqrafika hazırlayıb. Nazirlikdən Sputnik Azərbaycan-a verilən məlumata görə, 1992-1993-cü tədris ilində Qubadlı rayonunda məktəblərin sayı 62, müəllimlərin sayı 1193, şagirdlərin sayı 5414 olub. 2020-2021-ci ildə isə məktəblərin sayı 32, müəllimlərin sayı 747, şagirdlərin sayı 6320 olub.

11
Mövzu:
Azərbaycan və Ermənistan arasında müharibə
Əlaqədar
Qubadlı şəhəri işğaldan azad edildi - Prezident
Qubadlı, Zəngilan və Cəbrayılın daha bir neçə kəndi işğaldan azad edildi - Prezident
Qubadlı quş uçuşundan - FOTO
Sumqayıtda Qələbə gecəsi: Qubadlının azad edilməsi xəbərini xalq belə qarşıladı – video
Bakı limanında gəmilər Qubadlının işğaldan azad olunması şərəfinə qələbə fiti verdilər
Azərbaycanın Milli Qəhrəman Əliyar Əliyev, arxiv şəkli

Milli Qəhrəman şəhid adı daşıyan məktəblərin sayı açıqlandı

21
(Yenilənib 12:48 26.10.2020)
Bakıda fəaliyyət göstərən ümumi təhsil müəssisələrindən 129-u şəhid, 37-si Milli Qəhrəman adını daşıyır

BAKI, 26 oktyabr — Sputnik. Bakı Şəhəri üzrə Təhsil İdarəsinin tabeliyində fəaliyyət göstərən ümumi təhsil müəssisələrindən 129-u şəhid, 37-si Milli Qəhrəman adını daşıyır.

Bu barədə Sputnik Azərbaycan-a açıqlamasında Bakı Şəhəri üzrə Təhsil İdarəsindən məlumat verilib. Xəbərdə bildirilir ki, məktəblərə Milli Qəhrəmanların və şəhidlərin adının verilməsi şagirdlərin vətənpərvərlik tərbiyəsi işinin səmərəli təşkili baxımından rəmzi məna daşıyır və gələcəyimiz olan gənclərə milli ruhun aşılanmasında mühüm əhəmiyyət kəsb edir. Onu da qeyd edək ki, vaxtaşırı olaraq məktəblərdə adını daşıdıqları qəhrəmanların anım mərasimləri keçirilir, onların hamıya örnək həyat yolu gənclərə nümunə kimi göstərilir. Eləcə də təhsil müəssisələrində Azərbaycanın müstəqilliyi və ərazi bütövlüyü uğrunda qəhrəmanlıq göstərmiş Vətən övladlarının döyüş yolunun öyrənilməsi, canlarından keçmiş igidlərin xatirəsinin əbədiləşdirilməsi, onların şücaətinin təbliği, şagirdlərdə hərbi vətənpərvərlik ruhunun yüksəldilməsi və azərbaycançılıq məfkurəsinin möhkəmləndirilməsi məqsədilə məqsədyönlü işlər aparılır. Azərbaycan xalqı Milli Qəhrəmanların və şəhidlərin xatirəsini hər zaman uca tutur, onları hörmətlə anır. Dövlətimiz tərəfindən müharibə iştirakçıları olan qazilər və şəhid alilələri hərtərəfli qayğı ilə əhatə olunur. Azərbaycan əsgəri bu gün də misilsiz qəhrəmanlıq və igidlik göstərərək Vətən uğrunda döyüşür, dövlətimizin zəfər tarixini yazır. Şanlı ordumuz döyüş tapşırıqlarını şərəflə yerinə yetirir, uğurlu əməliyyatlar keçirərək bir-birinin ardınca şəhərləri və digər yaşayış məntəqələrini işğaldan azad edir. Vətənin bütövlüyü uğrunda canını qurban verərək şəhidlik zirvəsinə yüksəlmiş igid övladların müqəddəs xatirəsini ehtiramla anır, ön cəbhədə rəşadətlə mübarizə aparan əsgərlərimizə böyük qələbə sevincini yaşamağı arzulayır və tezliklə işğal altında olan digər torpaqlarımızda da üçrəngli bayrağımızın dalğalanacağına əminliyimizi ifadə edirik.

21
Tərtər rayonunda erməni qüvvələrinin açdıqları atəşin nəticəsi

Ermənistan SQ Tərtər şəhərini yenə atəşə tutub

0
(Yenilənib 16:22 26.10.2020)
Ermənistan silahlı qüvvələri yeni humanitar atəşkəs rejimini pozaraq Tərtər şəhərini toplardan atəşə tutub.

BAKI, 26 oktyabr — Sputnik. Oktyabrın 26-sı saat 15:30-da Ermənistan silahlı qüvvələri yeni humanitar atəşkəs rejimini pozaraq Tərtər şəhərini toplardan atəşə tutub.

Sputnik Azərbaycan xəbər verir ki, bu barədə Müdafiə Nazirliyi məlumat yayıb.

Sentyabrın 27-də saat 06 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub. Nəticədə cəbhə bölgəsində genişmiqyaslı hərbi əməliyyatlar başlayıb. Düşmən tərəfindən Tərtər rayonunun Qapanlı, Ağdam rayonunun Çıraqlı və Orta Qərvənd, Füzuli rayonunun Alxanlı və Şükürbəyli, Cəbrayıl rayonunun Cocuq Mərcanlı kəndlərinin intensiv atəşə tutulması nəticəsində mülki şəxslər həlak olublar. Mülki infrastruktur obyektlərinə ciddi ziyan dəyib. Azərbaycan Ordusunun ön xətt bölmələri düşmənin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görür.

Müdafiə Nazirliyinin məlumatına görə, Azərbaycan Ordusunun uğurlu əks-hücum əməliyyatları nəticəsində Füzuli-Cəbrayıl istiqamətində Qaraxanbəyli, Qərvənd, Kənd Horadiz, Yuxarı Abdurrəhmanlı, Böyük Mərcanlı və Nüzgar kəndləri işğaldan azad edilib.

Oktyabrın 3-də isə Azərbaycan Silahlı Qüvvələri strateji cəhətdən əhəmiyyətli daha bir yaşayış məntəqəsini - dövlət başçısının həmin gün Sugovuşan tarixi adını qaytardığı Madagiz kəndini azad edib. Həmin gün Tərtər rayonunun Talış kəndinin, Cəbrayıl rayonunun Mehdili, Çaxırlı, Aşağı Maralyan, Şəybəy və Quycaq kəndlərinin və Füzuli rayonunun Aşağı Əbdürrəhmanlı kəndinin azad edildiyi məlum oldu.

Oktyabrın 4-də Azərbaycan ordusu Cəbrayıl şəhərini və Cəbrayıl rayonunun doqquz kəndini - Karxulu, Şükürbəyli, Yuxarı Maralyan, Çərəkən, Daşkəsən, Horovlu, Dəcəl, Mahmudlu, Cəfərabadı azad edib.

Oktyabrın 5-də Azərbaycan ordusu Cəbrayıl rayonunun Şıxalıağalı, Məzrə və Sarıcalı kəndlərini azad edib.

Oktyabrın 9-da Hadrut qəsəbəsi, Çaylı, Yuxarı Güzlək, Gorazıllı, Qışlaq, Qaracallı, Əfəndilər, Süleymanlı, Sur kəndləri işğaldan azad edilib.

Oktyabrın 14-də Füzuli rayonunun Qaradağlı, Xatunbulaq, Qarakollu, Xocavənd rayonunun Bulutan, Məlikcanlı, Kəmərtük, Təkə, Tağaser kəndləri işğaldan azad edilib.

Oktyabrın 15-də Azərbaycan Ordusu tərəfindən Füzuli rayonunun Arış, Cəbrayıl rayonunun Doşulu, Xocavənd rayonunun Edişə, Düdükçü, Edilli, Çiraquz kəndləri işğaldan azad olunub.

© Sputnik / Ibrahim Hashimov

Oktyabrın 16-da Xocavənd rayonunun Xırmancıq, Ağbulaq, Axullu kəndləri işğaldan azad edilib.

Oktyabrın 17-də Füzuli rayonunun Qoçəhmədli, Çimən, Cuvarlı, Pirəhmədli, Musabəyli, İşıqlı, Dədəli kəndləri və Füzuli şəhəri işğaldan azad olunub.

Oktyabrın 18-də Azərbaycan Silahlı Qüvvələri Xudafərin körpüsünün üzərində Azərbaycan bayrağını qaldırıblar.

Oktyabrın 19-da Cəbrayıl rayonunun Soltanlı, Əmirvarlı, Maşanlı, Hasanlı, Alıkeyxalı, Qumlaq, Hacılı, Göyərçin Veysəlli, Niyazqulular, Keçəl Məmmədli, Şahvəlli, Hacı İsmayıllı, İsaqlı kəndləri azad edilib.

Oktyabrın 20-də Füzuli rayonunun Dörd Çinar, Kürdlər, Yuxarı Əbdülrəhmanlı, Qarğabazar, Aşağı Veysəlli, Yuxarı Ayıbasanlı, Cəbrayıl rayonunun Səfərşa, Hasanqayda, Fuğanlı, İmambağı, Ağtəpə, Yarəhmədli, Daş Veysəlli, Xocavəndin Ağcakənd, Mülküdərə, Daşbaşı, Günəşli (Noraşen), Çinarlı (Vəng), Zəngilan rayonunda Havalı, Zərnəli, Məmmədbəyli, Həkəri, Şərifan, Muğanlı kəndləri və Zəngilan şəhəri azad edilib.

Oktyabrın 21-də Füzuli rayonunun Gecəgözlü, Aşağı Seyidəhmədli, Zərgər kəndləri, Cəbrayıl rayonunun Balyand, Papı, Tulus, Hacılı, Tinli kəndləri, Zəngilan rayonunun Mincivan qəsəbəsi, Xurama, Xumarlı, Sarıl, Babaylı, Üçüncü Ağalı, Hacallı, Qırax Müşlan, Üdgün, Turabad, İçəri Müşlan, Məlikli, Cahangirbəyli, Baharlı kəndləri işğaldan azad edilib.

Oktyabrın 22-də Füzuli rayonunun Mollavəli, Yuxarı Rəfədinli, Aşağı Rəfədinli, Cəbrayıl rayonunun Sirik, Şıxlar, Məstəlibəyli, Dərzili kəndləri, Zəngilanın Kolluqışlaq, Malatkeşin, Kənd Zəngilan, Genlik, Vəliqulubəyli, Qaradərə, Çöpədərə, Tatar, Tiri, Əmirxanlı, Qarqulu, Bartaz, Dəlləkli kəndləri və Ağbənd qəsəbəsi işğaldan azad olunub.

Oktyabrın 23-də Qubadlı rayonunun Zilanlı, Kürd Mahrızlı, Muğanlı və Alaqurşaq, Xocavənd rayonunun Dolanlar, Bünyadlı, Cəbrayıl rayonunun Dağ Tumas, Nüsüs, Xələfli, Minbaşılı, Veysəlli, Zəngilan rayonunun Vənədli və Mirzəhəsənli kəndləri işğaldan azad edilib.

Oktyabrın 25-də Zəngilan, Cəbrayıl, Qubadlı rayonlarının bir neçə kəndi və Qubadlı şəhəri işğalçılardan azad edilib.

0