Bərdə rayon Elşən Məmmədov adına Samux kənd tam orta məktəbində tədris prosesi

Ucqar kəndimizdə böyük uğur: Məzunlar 100 faizlik nəticə qazanıblar

11699
(Yenilənib 22:30 03.09.2018)
Kənd məktəbinin məzunlarının hamısı yüksək balla tələbə adını qazanıb

Musa Muradlı, Sputnik Azərbaycan

BAKI, 4 sentyabr — Sputnik. Bərdə rayon mərkəzindən xeyli aralıda yerləşən, Elşən Məmmədov adına Samux kənd tam orta məktəbi böyük uğura imza atıb. Sputnik Azərbaycan-ın bölgə müxbiri xəbər verir ki, paytaxtdan xeyli uzaq olan bu təhsil ocağının builki məzunları qəbul imtahanlarında ürəkaçan nailiyyət qazanıblar.

Bərdə rayon Elşən Məmmədov adına Samux kənd tam orta məktəbi
© Sputnik / Musa Muradli
Bərdə rayon Elşən Məmmədov adına Samux kənd tam orta məktəbi

Kənd məktəbi ali təhsil müəssisələrinə qəbul üzrə 100 faizlik nəticə əldə edib. Məktəbi bu il bitirən 11 məzundan 10-u ali məktəblərə keçirilən qəbul imtahanlarında iştirak edərək tələbə adına yiyələniblər. Bir nəfər şagird isə, ümumiyyətlə, keçirilən imtahanlarda iştirak etməyib.

Kənd orta məktəbinin 11-ci sinfini bitirənlər arasında fərqlənmə attestatına layiq görülənlər də var. Dövlət İmtahan Mərkəzinin (DİM) təşkil etdiyi imtahanlarda məzun məktəblilərin 5-i 600-dən, 2-i isə 500-dən yuxarı bal toplayıb.

Bərdə rayon Təhsil şöbəsinin müdiri Rzaqulu Şərifov
© Sputnik / Musa Muradli
Bərdə rayon Təhsil şöbəsinin müdiri Rzaqulu Şərifov

Rayonda məzunların fərəh doğuran bu nailiyyətinə həsr edilmiş tədbir təşkil olunub. Tədbirə qatılan Bərdə Rayon Təhsil Şöbəsinin müdiri Rzaqulu Şərifov kənd məktəbinin qazandığı bu uğuru yüksək qiymətləndirib. O, rayon məktəblərindəki təhsilinin uğurundan danışaraq bildirib ki, bu il rayon üzrə 533 nəfər tələbə adını qazanıb. Onların da əksəriyyəti yüksək bal toplayaraq ali məktəblərə qəbul olublar.

Bərdə rayon Elşən Məmmədov adına Samux kənd tam orta məktəbi
© Sputnik / Musa Muradli
Bərdə rayon Elşən Məmmədov adına Samux kənd tam orta məktəbi

Elşən Məmmədov adına Samux kənd tam orta məktəbinin direktoru Rəna Fərzəliyeva isə ən yüksək bal toplayan məzun haqqında danışıb. Qeyd edib ki, sinfin ən yüksək bal toplayan şagirdi Əmikişi Əhmədovdur. 670 bal toplayan tələbə Tibb Universitetinin müalicə işi fakültəsinə qəbul olunub.

E. Məmmədov adına Samux Kənd Tam Orta məktəbin direktoru Rəna Fərzəliyeva
© Sputnik / Musa Muradli
E. Məmmədov adına Samux Kənd Tam Orta məktəbin direktoru Rəna Fərzəliyeva

Kənd məktəbinin məzunları müxtəlif ali məktəbləri seçim ediblər. Tələbə adını qazanan şagirdlər Tibb Universitetində, Bakı Dövlət Universitetində, Azərbaycan Sənaye Universitetində, Heydər Əliyev adına Hərbi Akademiyada və Xarici Dillər Universitetində ali təhsil alacaqlar.

Qeyd edək ki, Elşən Məmmədov adına Samux Kənd Tam Orta Məktəbi 1956-cı ildən fəaliyyət göstərir. Təhsil müəssisəsində 252 şagird təhsil alır. Təlim və tədrislə məşğul olan müəllimlərin sayı isə 35 nəfərdir.

11699
Teqlər:
fərqlənmə, Elşən Məmmədov adına Samux kənd tam orta məktəbi, attestat, Bərdə rayonu, məzun, nəticə, bal, şagird
Əlaqədar
Məktəblərin rus bölmələrinə hücum: Boş yer yoxdur, müəllim də çatışmır
Lahıcda yeni məktəb binası istifadəyə verildi
Yüksək bal toplasalar da, ali məktəbə qəbul olunmayıblar - STATİSTİKA
Məktəbli formalarının qiymətləri açıqlandı
Məktəbli geyimləri ilə bağlı hansı dəyişiklik edilib – Qiymətlər qalxıb, yoxsa...?
Məktəbli, arxiv şəkli

Təhsildən yayınan uşaqlara nəzarət gücləndiriləcək

15
(Yenilənib 16:12 28.11.2020)
İşin icrası Təhsil Nazirliyi, Daxili İşlər Nazirliyi və yerli icra hakimiyyəti orqanlarına tapşırılıb.

 

BAKI, 28 noyabr — Sputnik. Təhsildən yayınma hallarının qarşısının alınması məqsədilə nəzarət tədbirləri gücləndiriləcək.

Sputnik Azərbaycan xəbər verir ki, bu, Azərbaycan Respublikası Prezidentinin 2020-ci il 27 noyabr tarixli Sərəncamı ilə təsdiq edilmiş "Uşaqlara dair Strategiyanın həyata keçirilməsi üzrə 2020–2025-ci illər üçün Fəaliyyət Planı"nda əks olunub.

İşin icrası Təhsil Nazirliyi, Daxili İşlər Nazirliyi və yerli icra hakimiyyəti orqanlarına tapşırılıb. Fəaliyyət Planının məqsədi uşaq hüquqlarının müdafiəsi sahəsində çevik institusional mexanizm formalaşdırılmasından və aidiyyəti dövlət orqanlarının (qurumların) qarşılıqlı fəaliyyətinin təmin edilməsindən ibarətdir.

15
Teqlər:
Azərbaycanda Təhsilin İnkişafı üzrə Dövlət Strategiyası, strategiya, Milli Fəaliyyət Planı, təhsil, təhsil naziri, Daxili İşlər Nazirliyi, daxili işlər naziri, Təhsil Nazirliyi
Məktəbdə dərs, arxiv şəkli

İnklüziv təhsillə bağlı qanun təkmilləşdiriləcək

7
Bu məsələ Azərbaycan Respublikası Prezidentinin 2020-ci il 27 noyabr tarixli Sərəncamı ilə təsdiq edilmiş "Uşaqlara dair Strategiyanın həyata keçirilməsi üzrə 2020–2025-ci illər üçün Fəaliyyət Planı"nda əks olunub.

 

BAKI, 28 noyabr — Sputnik. 2021–2022-ci illərdə uşaqların təhsilə çıxışında bərabərliyin təmin olunması məqsədilə inklüziv təhsilə dair mövcud normativ hüquqi bazanın təkmilləşdirilməsi ilə bağlı təkliflər hazırlanacaq.

Sputnik Azərbaycan-ın məlumatına görə, bu, Azərbaycan Respublikası Prezidentinin 2020-ci il 27 noyabr tarixli Sərəncamı ilə təsdiq edilmiş "Uşaqlara dair Strategiyanın həyata keçirilməsi üzrə 2020–2025-ci illər üçün Fəaliyyət Planı"nda əks olunub.

7
Türkiyə Böyük Millət Məclisinin sədri Mustafa Şentop

Atatürkün Naxçıvanla bağlı arzusu həyata keçirilir - TBMM-in spikeri

0
Mustafa Şentop: "Dövlətimizin banisi Qazi Mustafa Kamal Atatürkün Naxçıvan sərhəd qapısına verdiyi əhəmiyyət və sərhəd qapısını açıq tutmaq üçün göstərdiyi cəhd illər sonra səmərəsini verdi".

BAKI, 28 noyabr - Sputnik. Qardaş Azərbaycanın Qarabağ və digər işğal altında olan bölgələri birmənalı  hərbi qələbə ilə geri almasından sonra ölkəmiz və Orta Asiyada yaşayan qardaşlarımız arasında birbaşa quru yolu və dəmiryolu əlaqələrinin təmin olunması imkanı yaranıb. 

Sputnik Azərbaycan Anadolu Agentliyinə istinadla xəbər verir ki, bu sözləri Türkiyə Böyük Millət Məclisinin (TBMM) sədri Mustafa Şentop deyib.

O, bu məsələdə Mustafa Kamal Atatürkün Naxçıvanla bağlı mövqeyini də yada salıb:

"Dövlətimizin banisi Qazi Mustafa Kamal Atatürkün Naxçıvan sərhəd qapısına verdiyi əhəmiyyət və sərhəd qapısını açıq tutmaq üçün göstərdiyi cəhd illər sonra səmərəsini verdi. Ölkə olaraq bunun sevincini yaşayırıq".

TBMM-in spikeri onu da qeyd edib ki, məqsəd Orta Asiyadakı türk cümhuriyyətləri ilə əlaqələri daha da genişləndirməkdir:

"Tarixi İpək Yolunu daima birlikdə canlandıracaq, Orta Asiyada yaşayan qardaşlarımızla iqtisadi, mədəni, siyasi və hərbi əlaqələrimizi təkmilləşdirəcəyik. Ölkəmizdə həyata keçirdiyimiz kommunikasiya investisiyalarını və bu mövzudakı podratçı təcrübəmizi Orta Asiyaya daşıyacağıq". 

0
Teqlər:
Naxçıvan, Mustafa Kamal Atatürk, Atatürk, Mustafa Şentop, Türkiyə Böyük Millət Məclisi, Orta Asiya