Birinsi sinifdə tədris prosesi, arxiv şəkli

Təhsil Nazirliyi sistemində ciddi problem: Vətəndaşlara çağırış edilir

26576
(Yenilənib 13:39 25.07.2018)
Valideynlərə məsləhət görülürr ki, uşaqlarını Azərbaycan bölmələrinə qoysunlar

Zarina Orucəliyeva, Sputnik Azərbaycan

BAKI, 25 iyul — Sputnik. 2018-2019-cu tədris ilində Azərbaycan məktəblərinin rus bölməsinə gedəcək birinci sinif şagirdləri müxtəlif problemlərlə üzləşməli olacaq. Sputnik Azərbaycan Təhsil Nazirliyinə istinadla xəbər verir ki, 2018-ci ildə nazirliyə 2018-2019-cu tədris ilində respublikanın ümumtəhsil məktəblərinin I siniflərinə 165 780 uşağın qəbulu ilə bağlı ərizə ilə müraciət edilib. Onlardan 15 032 şagird rus bölmələrində təhsil almaq üçün müraciət edib.

Yəqin rus dilinin Azərbaycanda dövlət dilindən sonra öz əhəmiyyətinə görə ikinci yeri tutduğunu xatırlatmağa ehtiyac yoxdur. İşəgötürənlər adətən işə götürəcəkləri şəxsin minimum üç dil (Azərbaycan, rus, ingilis) bilməsi tələbini irəli sürürlər.

Kamran Əsədov
© Sputnik / Murad Orujov
Kamran Əsədov

Son illərdə respublikamızda öz uşaqlarını məktəblərin rus bölmələrinə yerləşdirən valideynlərin sayının əhəmiyyətli dərəcədə artdığı müşahidə olunur. Bunu təhsil eksperti Kamran Əsədov da Sputnik Azərbaycan-a açıqlamasında təsdiqləyib.

O, qeyd edib ki, son üç ildə rus bölmələrində oxuyan şagirdlərin sayı nəzərəçarpacaq dərəcədə artıb. Ekspertin sözlərinə görə, hazırda məktəblilərin 17%-i 1-ci sinifdən 11-ci sinfə qədər rus dilində təhsil alır.

Təhsil Nazirliyinin məlumatına görə, hazırda ölkədə 4,5 min ümumtəhsil məktəbi fəaliyyət göstərir. Bu məktəblərdə 1,6 milyon şagird təhsil alır. Bununla yanaşı, Azərbaycanda 500 minədək adam xarici dil kimi rus dilini seçir. Son iki il ərzində, şagirdlərin birinci sinfə elektron qəbulu ilə əlaqədar olaraq öz uşaqlarını rus bölmələrinə verməyi arzu edən valideynlərin sayı kəskin şəkildə artıb.

"Təbii olaraq, bu, valideynlərin konstitutsion hüququdur. Lakin sonra bunun ciddi nəticələri olacaq. Əgər rus bölməsinə şagirdlərin qəbulu ilə bağlı vəziyyəti beş-on il əvvəlki vəziyyətlə müqayisə etsək, görərik ki, sonradan tələbələr təhsil dilini dəyişmək məcburiyyətində qalıblar" — deyə Əsədov bildirib.

O bildirib ki, rus bölməsində təhsil alan şagirdlərin heç də hamısı 11-ci sinfi bitirə bilmir: "Təəssüf ki, bu, universitetə qəbul planında da aydın şəkildə görünür. Baxmayaraq ki, dövlət universitetlərə qəbul zamanı rus bölmələri üçün də planlaşdırılan yeri ayırır, amma vakant yerlər 100 faiz tutulmur".

UNEC-in Zaqatala filialının müəllim-tələbə heyəti Cəbrayıl rayonunun Cocuq Mərcanlı kəndinə səfər edib
© Photo : UNEC-in mətbuat xidməti

Ekspertin dediyinə görə, bu səbəbdən də universitetlərin rus bölmələrinə qəbul balı aşağı düşür: "Misal üçün, əgər abituriyentlər Azərbaycan bölmələrinə seçdikləri ixtisaslar üzrə 660-670 balla qəbul olunursa, rus bölmələrində həmin istisaslara yiyələnmək üçün 400-450 bal kifayət edir".

Bu gün ən ciddi rəqabət dördüncü ixtisas qrupunda müşahidə edilir. K.Əsədovun fikrincə, problemin kökündə o dayanır ki, valideynlər uşaqlarının xarici dil bilməsini arzulayaraq onları rus bölmələrinə yerləşdirirlər: "Nə qədər ki, uşaq ibtidai siniflərdə təhsil alır, problem yaranmır. Artıq yuxarı siniflərə keçəndə, şagirdlər bu yükün öhdəsindən gələ bilmirlər. Odur ki, Azərbaycan bölməsinə keçirlər və əksər hallarda 9-cu sinifdən məktəbdən ayrılırlar".

"Təsəvvür edin ki, sinifdə 30 uşaq var. Onların 15-nin valideyni rus dilində təhsil alıb, qalanlarının isə rus dili ilə heç bir əlaqəsi yoxdur. Dili bilməmək təhsil prosesinin ortasında ciddi fəsadlar doğurur. Uşaqlar pedaqoqu başa düşmürlər və bu da ciddi problem yaradır" — deyə həmöhbətimiz vurğulayıb.

Əsədov valideynlərə məsləhət görür ki, uşaqlarını Azərbaycan bölmələrinə qoysunlar: "Əgər valideynlər arzu edirlərsə ki, uşaqları xarici dilləri də bilsin, o zaman onları əlavə repetitorların yanına qoysunlar. Bu problem üzündən rus bölmələrində təhsil alanların 40%-i rus dilində təhsildən imtina edir. Bu səbəbdən də universitetlərdə rusdilli abituriyentlərin sayının həddindən artıq az olduğu müşahidə edilir".

Mütəxəssis rus bölməsində təhsillə bağlı başqa bir problemə də toxunub. Bu, rus bölmələrində peşəkar kadrların — pedaqoqların çatışmaması ilə bağlıdır: "Əgər valideynlərin arzusunu nəzərə alaraq əlavə rus bölmələri açmalı olsalar, müəllimlərlə bağlı problem yaranacaq. Müəllimlərin işə qəbulu ilə bağlı imtahanlarda rus dili müəllimləri aşağı nəticələr göstərirlər. Lakin Nazirlik onları işə götürməyə məcburdur. Nəticədə isə yenə də valideynlər o müəllimlərdən narazı qalırlar".

26576
Teqlər:
ekspert, Kamran Əsədov, Sputnik Azərbaycan, dil, Azərbaycan bölməsi, sinif, şagird, rus bölməsi, məktəb, Azərbaycan
Əlaqədar
Cocuq Mərcanlıdan olan uşaqlar üçün Göygöldə yay məktəbi təşkil olunub
Məktəb psixoloqları üçün təlim keçirilib
Ali məktəblərə sənəd verənlər mütləq oxusunlar
Nazir Ceyhun Bayramov qəzalı məktəb probleminə aydınlıq gətirdi
Məktəblərdə kağız kitablar dövrü sona çatır, lap az qaldı
Məhəbbət Vəliyeva: ““Son zəng” tədbiri yalnız məktəb daxilində keçirilir”
Azərbaycanda koronavirus infeksiyasına qarşı vaksinasiya

Emin Əmrullayev peyvənd olunan müəllimlərin sayını açıqladı

20
(Yenilənib 13:09 05.03.2021)
Martın 3-dən Azərbaycanda təhsil işçilərinin koronavirus əleyhinə peyvəndlənməsi prosesi başlayıb. Vaksinasiyada Çinin Sinovac şirkətinin CoronaVac peyvəndindən istifadə olunur

BAKI, 5 mart — Sputnik. "Artıq təhsil işçilərinin vaksinasiyası prosesinin üçüncü günüdür. Bu müddətdə 1000-dən çox müəllimimizin vaksinasiyası həyata keçirilib".

Sputnik Azərbaycan-ın məlumatına görə, bu barədə təhsil naziri Emin Əmrullayev sosial şəbəkədəki hesabında yazıb.

Nazir qeyd edib ki, şagirdlərin davamlı öyrənməsi və təhsil müəssisələrinin mütəmadi fəaliyyətini təmin etmək üçün 50 yaşdan yuxarı pedaqoji və texniki heyətin peyvənd olunması zəruridir: "Birlikdə qısa zaman ərzində bu prosesi uğurla başa çatdıracağımıza inanıram".

Martın 3-dən Azərbaycanda təhsil işçilərinin koronavirus əleyhinə peyvəndlənməsi prosesi başlayıb. Vaksinasiyada Çinin Sinovac şirkətinin CoronaVac peyvəndindən istifadə olunur.

20
Teqlər:
müəllimlər, Sinovac Biotech, vaksinasiya, Azərbaycan
Mövzu:
Azərbaycanda COVID-19 əleyhinə vaksinasiya
Məmur portfeli, arxiv şəkli

Mehriban Vəliyevanın müavinləri bəlli oldu - FOTO

17
(Yenilənib 12:18 05.03.2021)
Onlar Xarici dillər təmayüllü gimnaziyada direktor müavini və direktor vəzifələrində, Azərbaycan Respublikası Təhsil İnstitutunun Layihə Katibliyinin rəhbəri vəzifəsində çalışıblar

BAKI, 5 mart — Sputnik. Bakı Şəhəri üzrə Təhsil İdarəsində (BŞTİ) müdir müavini vəzifələrinə yeni təyinatlar həyata keçirilib. Sputnik Azərbaycan-a İdarədən verilən məlumata görə, təhsil naziri Emin Əmrullayevin əmrinə əsasən, Xəyalə Əhmədzadə Orxan Kərimov BŞTİ-nin müdir müavini vəzifələrinə təyin ediliblər.

  • Xəyalə Əhmədzadə
    © Photo : From personal archives Hayala Ahmedzade
  • Orxan Kərimov
    © Photo : From personal archives Orhan Kerimov
1 / 2
© Photo : From personal archives Hayala Ahmedzade
Xəyalə Əhmədzadə

Qeyd edək ki, bu təyinata qədər Xəyalə Əhmədzadə Səttar Bəhlulzadə adına Xarici dillər təmayüllü gimnaziyada direktor müavini və direktor vəzifələrində, Orxan Kərimov isə Azərbaycan Respublikası Təhsil İnstitutunun Layihə Katibliyinin rəhbəri vəzifəsində çalışıb.

17
Teqlər:
təyinat, müdir müavini, BŞTİ
Gürcüstanda etirazlar

Gürcüstanda yeparxiya davası dindarların balkondan yıxılması ilə nəticələnib - VİDEO

0
(Yenilənib 00:20 09.03.2021)
Balkonda davam edən dava zamanı taxta dirəklər sınıb və oradakılar yerə yıxılıb. Xəsarət alanların arasında Gürcüstan telekanallarının jurnalistləri və operatorları da olub.

BAKI, 9 mart - Sputnik. Gürcüstanın Martvili şəhərindəki Çkondid yeparxiyasında baş verən dava zamanı on nəfər eyvandan yıxılıb, onlardan altısı xəsarət alıb.

Sputnik Gürcüstan xəbər verir ki, Gürcüstan Daxili İşlər Nazirliyi hadisəni araşdırmağa başlayıb.

Məlumata görə, yeni hakim mitropolit Stefanın sədrliyi ilə keçirilən qapalı iclasda ruhanilər arasında yaranmış mübahisə dava ilə bitib.

Çkondid və Martvilinin yeni mitropoliti Stefan ata keçmiş mitropolitin tərəfdarı olan iki dyakonun ibadət etməsini qadağan edib.

Bundan sonra yeparxiya xadimləri arasında qarşıdurma yaranıb. Kilsə və pastva xadimləri münasibətlərə aydınlıq gətirmək istəyiblər. Qarşıdurma binanın ikinci mərtəbəsinin eyvanında davam edib. Nəticədə taxta dirəklər sınıb və oradakılar yerə yıxılıb. Xəsarət alanların arasında Gürcüstanın Formula-1, POSTV, TV Pirveli, Rustavi 2 telekanallarının jurnalistləri və operatorları da olub.

Xəsarət alanlar təcili yardım briqaları tərəfindən xəstəxanaya aparılıb. Gürcüstan Patriarxlığı hələlik Çkondid yeparxiyasında baş verənləri şərh etməyib.

Gürcüstanın Daxili İşlər Nazirliyi Martvili rayonundakı Çkondid yeparxiyasında baş verən dava faktı ilə bağlı cinayət işi qaldırıb. "Ehtiyatsızlıqdan sağlamlığa zərər vurma" maddəsi üzrə təhqiqat aparılır. Gürcüstan qanunvericiliyinə görə, bu maddə özündə inzibati cərimələri və yaxud iki ilə qədər islah işlərini nəzərdə tutur.

 

0