BAKI, 15 may — Sputnik. ABŞ Hərbi Hava Qüvvələrinin dünyanın orbitində gizli peyki aşkarlanıb.
Sputnik Azərbaycan "Ahaber"ə istinadla xəbər verir ki, "X-37B" adlı gizli peyk Hollandiyada bir həvəskar tərəfindən aşkar edilib. Cees Bassa adlı həvəskar kosmosa dair araşdırmalar aparır.
Müəyyən edilib ki, peyk orbitə gizli şəkildə çıxarılıb və təxminən 7 aydır fəaliyyət göstərir. Peyk NASA-nın kosmodromundan fəzaya buraxılıb.
Cees Bassa sirr kimi saxlanılan bu peykin koordinatlarını da sosial şəbəkə hesabından paylaşaraq dünyaya çatdırıb.
Rəsmi olaraq açıqlanmasa da, "X-37B"nin kəşfiyyat fəaliyyəti üçün kosmosa göndərildiyi bildirilir.
