Gəzişən adamlar

Vətəndaşların ürəyindən xəbər verən təklif: Cəmiyyətdən böyük dəstək gəldi

1115
(Yenilənib 18:08 10.05.2018)
Sorğuda iştirak edənlərin əksəriyyəti Ombudsmanın təklifini dəstəkləyib

Təranə Xudabaxşiyeva, Sputnik Azərbaycan

BAKI, 10 may — Sputnik. Bir müddət öncə Azərbaycan Respublikası İnsan Hüquqları üzrə Müvəkkili (Ombudsman) Elmira Süleymanova Milli Məclisin plenar iclasında çıxışı zamanı məktəbəqədər təhsil müəssisələri ilə bağlı təklif irəli sürüb. Belə ki, Ombudsman uşaq bağçalarının icra hakimiyyətlərinin balansından çıxarılıb, yenidən Təhsil Nazirliyinin tabeliyinə qaytarılmasını zəruri hesab etdiyini bildirib.

Sputnik Azərbaycan sosial şəbəkələrdə Ombudsmanın bu təklifi ilə bağlı sorğu keçirib. Sosial şəbəkə istifadəçilərinə "Necə hesab edirsiniz, uşaq bağçaları icra hakimiyyətlərinin balansında qalmalıdır, yoxsa yenidən Təhsil Nazirliyinin tabeçiliyinə qaytarılmalıdır?" sualı verilib.

İstifadəçilərin, demək olar ki, əksəriyyəti Ombudsmanın bu təklifini dəstəkləyib. Ancaq uşaq bağçalarının özəlləşdirilməsini təklif edənlər də olub. Sorğumuzda iştirak edənlərin cavablarını olduğu kimi təqdim edirik.

Qərənfil Ağalarova: "İcra hakimiyyətləri verdi ki, Təhsil Nazirliyi də aldı? Əlbəttə, Təhsil Nazirliyi yaxşıdır. İcra hakimiyyəti nə verir bağçalara? Hətta, mən düşünürəm ki, təhsil şöbələrinin işinə icra hakimiyyətlərinin müdaxiləsi dayandırılmalıdır. Müəllimlər iməciliyə aparılır. Bu, biabırçılıqdır".

İlkin Həsənli: "Nəzərə alsaq ki, bağça və məktəb uşağın şüurunu formalaşdıran bir qurumdur, o zaman bağçaların Təhsil Nazirliyinin balansına verilməsi doğru olar. Bağça uşağı məktəbə qədər hazırlayır, daha sonra uşaq məktəbə gedir və biliyinin ardını məktəbdə formalaşdırır. Ona görə də birmənalı olaraq bağçalar Təhsil Nazirliyinin balansında olsa və birbaşa məktəbəqədər planlı tədris edilsə, yaxşı olar".

Uşaq bağçası
© Sputnik / ©Karikatura
Uşaq bağçası

Günel Məmmədova: "Təhsil Nazirliyinə geri qaytarılsın. Çünki bağça da təhsil sahəsinə aid olan bir qurumdur. Bağçaya müəllimlər də Təhsil Nazirliyinin imtahanı ilə seçilsə, yaxşı olar".

Adil Vəliyev: "İcra başçıları bağçaları konkret bazara çevirib. Yeni təhsil naziri yavaş-yavaş problemləri aradan qaldırmışkən bağçalarda da islahatlar aparsa, yaxşı olar".

Elyar İslam: "Bağçalar yenidən Təhsil Nazirliyinin tabeçiliyinə qaytarılmalıdır və qeydiyyat şəffaflaşdırılmalıdır. Hal-hazırda dövlət bağçalarında qeydiyyata düşmək üçün bağça müdirləri 300-500 manat pul istəyirlər. Pul verməyəndə də "yerimiz yoxdur" cavabı verilir. Özəl bağçaların ödənişi isə çox yüksəkdir".

Fərqanə Mehmanqızı: "Məncə, bağçalar Təhsil Nazirliyinə qaytarılmalıdır. Çünki təhsil ilə bağlı qurumdur. Həm yaxşı nazir olsa, yeni proqram qurar. Uşaqlar üçün 2 yaşından 18 yaşına kimi tərbiyə və təhsil proqramı olmalıdır".

Aynur Cavid: "Təhsil Nazirliyinin tabeliyinə keçməlidir. Uşaq bağçadan məktəbə gəlir və eyni proqram inkişaf xətti üzrə irəliləyir. Belə hər qurumun təklif, tələb və istəkləri fərqlidir".

Tural Müseyibov: "Hər iki qurumda bağçalar olub. Heç bir köklü dəyişikliyin şahidi olmamışıq. Ona görə də fərqi yoxdur. Nəticə eyni olacaq".

Firdovsi Xəlilov: "Ümumiyyətlə icra hakimiyyəti institutu kökündən dəyişməli, nir xeyli səlahiyyəti bələdiyyələrə verilməlidir. Bağçalar isə özəl olmalıdır. Pulsuz oxuyanların ödənişini isə dövlət özəl sektora ödəməlidir".

Həbibə Abdulla: "Bağçalar özəlləşdirilməlidir. İqtisadi qanunauyğunluğun tələbi budur — ya özəlləşməlidir, ya da yerli idarəetməyə verilməlidir. İnkişaf etmiş ölkələrin təcrübəsində uşaq bağçaları dövlətin balansında fəaliyyət göstərmir".

Mahir Aşurov: "Ad dəyişməklə mahiyyət dəyişmədi".

Vüqar Quliyev: "Zehniyyət dəyişməlidir".

1115
Teqlər:
uşaq bağçaları, məktəbəqədər təhsil, icra hakimiyyəti, Təhsil Nazirliyi
Əlaqədar
Uşaq bağçalarına qəbul qaydaları dəyişdirilir
Oğuzda uşaq bağçası uçdu - FOTOLAR
Bakıda bağçada insident: Uşaq döyülüb, yoxsa yıxılıb?
Elmira Süleymanovadan uşaq bağçaları ilə bağlı radikal təklif
Azərbaycanda uşaq bağçasında yanğın oldu
Cəbhəyanı bölgədə məktəb, arxiv şəkli

Cəbhəyanı bölgələrin təhsilsiz qalan uşaqları - Onların bir əlində kitab, digərində ...

47
(Yenilənib 16:48 20.10.2020)
"Müəllimimiz deyib ki, məktəb bağlansa da, biz dərsimizi oxumalıyıq. Məktəbə qayıdanda bütün tapşırıqlarımızı oxuyub qiymət yazacaq bizə"

Zülfiyyə Quluyeva, Sputnik Azərbaycan

BAKI, 20 oktyabr — Sputnik. Bir əlində dərs kitabı, digərində oyuncaq tapançalar... Müharibə dövrünün uşaqları olduqları o məsum çöhrələrindəki kədərdən hiss olunur. Gözlərini atəş səsi ilə açdıqlarından onların oynadıqları oyunlar da elə müharibəni xatırladır. Biz həyətə çatanda balaca qəhrəmanlarımız dava-dava oynayırdılar. Halbuki, bu saatda onlar da digər həmyaşıdları kimi əllərində çanta məktəbdən qayıtmalı idilər.

Təhsil Nazirliyinin məlumatına görə, cəbhə bölgəsində yerləşən 468 məktəbdə hərbi əməliyyatlar səbəbindən dərslər dayandırılıb. Həmin məktəblər arasında Ağdam rayonu Üçoğlan kənd orta məktəbi də var. Sputnik Azərbaycan cəbhəyanı ərazidə yerləşən Üçoğlan kənd orta məktəbinin hərbi vəziyyətlə əlaqədar dərsləri dayandırılmış şagirdləri ilə görüşüb, onların dərslərini hansı formada davam etdirməsi ilə maraqlanıb.

Üçoğlan kənd orta məktəbinin ikinci sinif şagirdləri ElşadRəhim Sadıqzadə qardaşdırlar. Onlar yeni tədris ilinin başlanmasını səbirsizliklə gözləsələr də, Ermənistanın dinc əhalini, təhsil müəssisələrini hədəf alması səbəbindən dərsə gedə bilmirlər. Elşad Sadıqzadə deyir ki, həm müəllimləri, həmçinin də sinif yoldaşları üçün çox darıxıb: "Ermənilər kəndimizə raket atırlar. Ona görə də bizim məktəbimizi bağlayıblar. Amma mən çox istəyərdim ki, məktəb açılsın. Çünki sinif yoldaşlarım üçün darıxmışam".

Cəbhədə vəziyyət gərginləşəndən Sadıqovlar ailəsi uşaqları təhlükəsiz yerə apardıqlarından onların müəllimləri və sinif yoldaşları ilə əlaqəsi kəsilib. Elşad və Rəhimin anası Aysel Sadıqova deyir ki, Ermənistan silahlı qüvvələri dinc sakinləri, təhsil müəssisələrini hədəfə aldığından uşaqlar tədrisdən tamamilə kənar qalıblar:

"Nə müəllimlərlə əlaqəmiz var, nə də ki valideynlərlə. Məktəblər bağlanandan öz uşaqlarımıza özümüz müəllimlik edirik. Bizim sığındığımız yerdə nə internet var, nə də ki televizor. Ona görə də uşaqlar teledərsləri də izləyə bilmirlər. Naəlac qalıb dərsi uşaqlara özüm başa salıram. Uşaqlara məktəbin bağlanması çox pis təsir edib. Hər gün məndən dərsə nə vaxt gedəcəklərini soruşurlar. Başa salıram ki, Ermənistan uşaq-böyük bilmir. Sizin həyatınız üçün təhlükə olduğundan məktəb bağlanıb".

Balaca Rəhim isə Ermənistanın atdığı nə mərmilərdən qorxur, nə də ki raketlərdən. Deyir ki, atamın yanına, öz kəndimizə getmək istəyirəm. Oyuncaq tapançasını isə bir saniyə də kənara qoymur. Hətta dərs oxuyanda da oyuncaq tapançası yanında olur Rəhimin: "Bu tapançaları atam alıb bizə. Əgər ermənilər bizə atsalar, biz də onları qorxudacağıq..."

Balacalarla söhbət zamanı öyrənirik ki, məktəblər bağlansa da, dərslərinə bir gün də ara verməyiblər. Rəhim sinfin əlaçısı olduğundan dərslərinə daha məsuliyyətli yanaşır. Onun sözlərinə görə, müəlliminə yaxşı oxuyacağına dair söz verib: "Müəllimimiz deyib ki, məktəb bağlansa da biz dərsimizi oxumalıyıq. Məktəbə qayıdanda bütün tapşırıqlarımızı oxuyub qiymət yazacaq bizə".

Elşad da müəllimin tapşırıqlarına əməl etdiyini söyləyir: "Müəllim deyib ki, hər gün ən azı iki səhifə oxumalıyıq ki, üzündən oxumağı unutmayaq. Mən həm çalışmalarımı həll edirəm, həm də dərslərimi oxuyuram".

Amma Elşadla Rəhim məktəbdə daha həvəslə oxuduqlarını da gizlətmirlər. Deyirlər ki, məktəbdə müəllim onlara ulduz verdiyindən oxumağa daha da həvəsli olurlar. Onların ən böyük arzusu da dərslərinə məktəbdə davam etməkdir. Çox təəssüf ki, işğalçı Ermənistan silahlı qüvvələrinin Azərbaycana qarşı təxribatlarının davam etməsi Elşadla Rəhim kimi yüzlərlə cəbhəyanı bölgədə təhsil alan şagirdləri məktəbdən uzaq salıb. Ordumuzun qarşısında aciz qalan Ermənistan mülki əhalini, o cümlədən uşaqları, qadınları və qocaları hədəf alır. Mülki əhali arasında itkilərimiz var, çoxsaylı evlərə və mülki obyektlərə, o cümlədən cəbhə bölgəsində yerləşən təhsil müəssisələrinə ciddi ziyan dəyib. Bu, həmin ərazilərdə yerləşən təhsil müəssisələrində tədris prosesinə də öz təsirini göstərib. Nəticədə cəbhə bölgəsində yerləşən təhsil müəssisələrində dərs cədvəli dəyişdirilib.

47
Əlaqədar
İlham Əliyev: "Mənim əsas vəzifəm torpaqları qaytarmaqdır. Və biz bunu edirik"
Atılan mərmilər Ağcabədi sakinini evsiz qoydu - video
Azərbaycanda təhsil okeanda təkbaşına üzən gəmi ilə müqayisə edildi
Bir gözümüz gülür, bir gözümüz ağlayır - Füzulili deputat
Bir igid ömrü torpağını gözləyənlər: "Ermənilər özləri orada yaşamağa ürək eləmirlər"
Mars haqda NASA-nın illüstrasiyası

NASA rəhbəri Marsda həyat tapmaq üçün Aydan istifadəni təklif edir

25
(Yenilənib 02:48 18.10.2020)
2020-ci ilin mayında NASA Artemis Accords adlı razılaşma təqdim edib. Orada Ayın mənimsənilməsinin, ərazisindəki faydalı qazıntıların çıxarılmasının beynəlxalq hüququ təsvir olunub

BAKI, 18 oktyabr - Sputnik. ABŞ-ın Aeronavtika və Kosmik Fəzanın Tədqiqatı Milli İdarəsinin (NASA) başçısı Cim Braydenstayn Mars cəmiyyətinin videokonfransı zamanı Mars planetində həyat izlərinin tapılması şanslarını dəyərləndirib.

Braydenstayn qeyd edib ki, Marsda həyat olmasına dair izlər hələ tapılmayıb, amma bunun ehtimalı artmaqdadır. “Nə qədər çox axtardıqca əmin oluruq ki, həyat üçün vacib olan elementlər qədimlərdə Marsda olub və elə indi də var”, - NASA rəhbəri deyib.

O, həmçinin əmindir ki, “Perseverance” (“Təkid”) aparatında quraşdırılmış cihazlar Mars haqda daha çox məlumat toplamağa imkan verəcək. Məsələn, qrunt nümunələri toplamaq, yaxud pilotlu ekspedisiyaya hazırlaşmaq kimi. Braydenstaynın fikrincə, bunun üçün ən qısa yol – Aydan istifadə etməkdir. O dəqiqləşdirib ki, Yerin təbii peykində sonralar Marsda istifadə edilməsi mümkün olan texnologiyaları sınaqdan çıxarmaq, təkmilləşdirmək olar.

“Ayın üstünlüyü ondadır ki, oradan 3 gün ərzində qayıda bilərsən. Nəsə pis bir şey olsa, evimizə qayıda bilərik”, - o deyib.

2020-ci ilin mayında NASA Artemis Accords adlı razılaşma təqdim edib. Orada Ayın mənimsənilməsinin, ərazisindəki faydalı qazıntıların çıxarılmasının beynəlxalq hüququ təsvir olunub. Razılaşmadakı yeni on prinsipə görə, gələcək Ay bazaları ətrafında “təhlükəsiz zona” anlayışı əlavə olunub. Bundan başqa, NASA əldə edilən elmi məlumatların açıq mübadiləsini, eləcə də kosmik aparatların Ayda qeydiyyatını təklif edir.

25
Əlaqədar
Biz Aya salavat çevirəndə baxırıq, onlar təbii peykdə davranış qaydaları hazırlayırlar
Ay səthindəki radiasiya ölçüldü
Ulduzlara yaxın: Yerin müxtəlif yerlərindən gecə səmasının inanılmaz görüntüləri
Venera planetində həyat var?!
Elektrik yarımstansiyası, arxiv şəkli

Azərbaycanda yeni istilik elektrik stansiyalarının tikilməsinə ehtiyac yaranıb

0
(Yenilənib 00:22 21.10.2020)
"Koronavirus (COVID-19) pandemiyasının qlobal energetika sektorunda enerjiyə tələbatın azalması ilə müşayiət olunan təsirləri bu il ölkəmizin elektrik enerjisi ilə bağlı göstəricilərini qismən azaldıb".

BAKI, 21 oktyabr — Sputnik. "Koronavirus (COVID-19) pandemiyasının qlobal energetika sektorunda enerjiyə tələbatın azalması ilə müşayiət olunan təsirləri bu il ölkəmizin elektrik enerjisi ilə bağlı göstəricilərini qismən azaldıb".

Sputnik Azərbaycan xəbər verir ki, bunu Energetika naziri Pərviz Şahbazov 20 oktyabr - Azərbaycan energetiklərinin peşə bayramı günü münasibətilə rəsmi mətbuatda dərc etdirdiyi məqalədə bildirib.

Onun sözlərinə görə, bu ilin 9 ayı ərzində elektrik enerjisinin istehsalı ötən ilin müvafiq dövrü ilə müqayisədə 0,8% azalaraq, 19,4 milyard kVt·st təşkil edib.

P.Şahbazov bildirib ki, qarşıdakı illərdə isə elektrik enerjisinə tələbat və istehsal həcmləri ilə bağlı dinamikada əhəmiyyətli dərəcədə artım gözlənilir:

"2025-ci ilə qədər ölkəmizdə elektrik enerjisinə tələbatın 25,5 milyard kVt·st-a qədər artacağı, ixrac da nəzərə alınmaqla elektrik enerjisi istehsalının isə ötən ilə nisbətən 15% artımla 30 milyard kVt·st-a çatacağı proqnozlaşdırılır. Bu istehsal həcmlərinin bir qismi ötən il istismara verilmiş, qoyuluş gücü 409 МVt olan "Şimal-2" elektrik stansiyası, bu il təməli qoyulmuş və 2022-ci ildə istifadəyə verilməsi planlaşdırılan 385 МVt gücündə "Qobu" elektrik stansiyası hesabına əldə ediləcək".

Nazirin fikrincə, həmçinin bu prosesdə "Azərenerji" ASC-nin istehsal güclərinin optimallaşdırılması və bərpası nəticəsində yenidən istismara cəlb edilən 1300 MVt imkan gücündən istifadə ediləcək: "Eyni zamanda, təhlillər göstərir ki, tələbatın tam qarşılanması üçün yeni istilik elektrik stansiyalarının tikilməsinə də ehtiyac var".

0