Uşaq ayaqqabıları, arxiv şəkli

Əhalini intizarda saxlayan qərar gündəmə gəldi, 7 il əvvəl əksi baş vermişdi

2398
(Yenilənib 18:01 27.04.2018)
Uşaq bağçalarının Təhsil Nazirliyinə qaytarılması vacibdirmi?

Təranə Xudabaxşiyeva, Sputnik Azərbaycan

BAKI, 27 aprel — Sputnik. Milli Məclisin keçirilən növbəti plenar iclasında Azərbaycan Respublikası İnsan Hüquqları üzrə Müvəkkili (Ombudsman) Elmira Süleymanova maraqlı təklif irəli sürüb. Belə ki, Ombudsman məktəbəqədər təhsil müəssisələrinin Təhsil Nazirliyinin tabeliyinə qaytarılmasını zəruri hesab edib. O bildirib ki, uşaq bağçalarında mövcud olan yerlərin sayı müvafiq ərazidə yaşayan məktəbəqədər yaşlı uşaqların sayına uyğunlaşdırılmalıdır.

Qeyd edək ki, uşaq bağçaları 2011-ci ilədək Təhsil Nazirliyinin balansında olub, ancaq həmin il paytaxt bağçaları Bakı Şəhər İcra Hakimiyyətinin (BŞİH), rayonlar üzrə isə yerli icra hakimiyyətlərinin tabeliyinə verilib. Bu müddət ərzində ekspertlər bu yerdəyişmənin heç də uğurlu olmadığını, problemlərin həllinə heç bir fayda vermədiyini, əksinə, neqativ halların baş verdiyini bildiriblər.

Zaman-zaman uşaq bağçalarının yenidən Təhsil Nazirliyinin tabeliyinə qaytarılması təklifi irəli sürülüb. Bu məsələnin ölkənin Ombudsmanı tərəfindən yenidən gündəmə gətirilməsi isə ictimaiyyət arasında geniş rezonans doğurub. İnsanlar maraqlanırlar ki, məhz bu təklifdən sonra uşaq bağçalarının yenidən Təhsil Nazirliyinin balansına qaytarılması baş tuta bilərmi?

Məsələ ilə bağlı təhsil naziri Ceyhun Bayramov özü də mətbuata açıqlama verib. O deyib ki, ötən il Azərbaycanda "Məktəbəqədər təhsil haqqında" qanun qəbul edilib: "Ölkədə məktəbəqədər təhsilin tətbiqi ilə bağlı müvafiq fərman imzalanıb, normativ hüquqi aktlar formalaşıb. Məktəbəqədər təhsillə bağlı hakimiyyətin müxtəlif qolları arasında funksiyalar qanunvericilikdə tamamilə açıq şəkildə göstərilib".

"Məzmuna görə cavabdehlik funksiyası, məktəbəqədər təhsil müəssisələrinin saxlanılması funksiyası hansı müvafiq icra hakimiyyəti qurumuna aiddir və digər funksiyalar Azərbaycan qanunvericiliyində çox dəqiq formada öz əksini tapıb" — nazir vurğulayıb.

Yeni təklifi Sputnik Azərbaycan-a şərh edən təhsil eksperti Kamran Əsədov Ombudsmanın fikrini belə qiymətləndirib: "Təəssüf ki, uşaq bağçaları Təhsil Nazirliyindən alındı və icra hakimiyyəti orqanlarının balansına verildi. Bundan sonra təhsil pillələri arasında vahidlik və varislik prinsipi pozuldu. Düşünürəm ki, bağçalarin yenidən Təhsil Nazirliyinin balansına verilməsi müsbət təsir göstərəcək".

Эксперт в области образования Кямран Асадов
© Sputnik / Murad Orujov
Эксперт в области образования Кямран Асадов

Ekspert, həmçinin bundan sonra tədris vahidliyinin qorunması şərti ilə bağçaların özəlləşdirilməsini də təklif edib: "Azyaşlıların bağçalara getməsi çox vacibdir. Belə ki, orada uşaqlar kollektivə alışır, özlərini aparmağı, süfrə mədəniyyətini öyrənirlər. Mən düşünürəm ki, bu sahəyə kifayət qədər vəsait ayrılsa da, özəl bağçaların şəbəkəsi genişləndirilməlidir".

"Amerikada bağçaların 80%-i özəldir. Həmin bağçalarda olan şərait dövlət hesabında olan məktəbəqədər müəssisələrdən daha yaxşı qurulub. Dövlətin üzərinə az yük düşür" — K.Əsədov bildirib.

Ekspert onu da vurğulayıb ki, uşaq bağçalarında təhsilə yanaşma və baxış dəyişməlidir: "Təəssüf ki, bunu hələ də təhsil kimi qəbul edə bilmirlər. Məktəbəqədər təhsilə 1-3 yaşda cəlb edilən uşaqların psixoloji inkişafı məqsədyönlü şəkildə aparılır. Bunu tədqiqatlar da sübut edir. Bu da onun bilik səviyyəsini, ətraf aləmlə tanışlığı, digər həmyaşıdları və böyüklərlə ünsiyyətidir. Burada özünəməxsus cəmiyyətdə uşağın inkişafı nəzarət altına alınır".

Müsahibimiz bu gün bağçaların vəziyyətinin heç də ürəkaçan olmadığını qeyd edib: "Dövlət büdcəsinin vəsaiti hesabına hər il təmir olunsa da, tədrisin keyfiyyətinin yüksəldilməsi üçün heç bir addım atılmır".

"Onlar tədris resursları ilə çox zəif təmin olunub. Bütün bunları nəzərə alaraq, bağçaların yenidən Təhsil Nazirliyin balansına verilməsi vacibdir" — Əsədov əlavə edib.

2398
Teqlər:
təhsil naziri Ceyhun Bayramov, uşaq bağçaları, təhsil eksperti Kamran Əsədov, Elmira Süleymanova, ombudsman, plenar iclas, icra hakimiyyəti, Təhsil Nazirliyi, Milli Məclis
Əlaqədar
Elmira Süleymanovadan uşaq bağçaları ilə bağlı radikal təklif
Azərbaycanda uşaq bağçasında yanğın oldu
Uşaq bağçasında 100-dək uşaq zəhərləndi
Kamran Əsədov: “Dövlət uşaq bağçalarının vəziyyəti ürəkaçan deyil”
Bağçaya qəbul qaydaları qüvvəyə mindi: Valideynlər şikayət edə bilərlər
Özəl bağçalar barədə acı həqiqət ortaya çıxdı
Distant təhsil, arxiv şəkli

Virtual dərslərə qoşulmayan müəllimləri hansı cəza gözləyir

10
"Təhsil Nazirliyinin mətbuata açıqlamasında virtual dərslərə qoşulmayan müəllimlərlə növbəti illərdə bağlanacaq əmək müqaviləsi zamanı bu amilin nəzərə alınacağı bildirilmişdi"

BAKI, 22 yanvar — Sputnik. "Virtual dərslərə girməyən müəllimlər nəzarətdə saxlanılırlar". Sputnik Azərbaycan-ın məlumatına görə, bu sözləri bu gün keçirilən brifinqdə Təhsil Nazirliyinin Ümumi və məktəbəqədər təhsil şöbəsinin müdiri Vəfa Yaqublu bildirib. Onun sözlərinə görə, həm şagirdlərin, həmçinin də müəllimlərin onlayn dərslərdəki davamiyyəti məktəblər tərəfindən nəzarətdə saxlanılır: "Düşünürəm ki, hər bir şəxs sosial məsuliyyətini dərk etməlidir. Bəzi müəllimlərin internetə çıxış imkanı yoxdur. Düzdür, biz müəllimlərin hər birini sistemdən görürük, amma hər biri ilə bağlı araşdırma mümkün deyil. Bir həftədə 6,2 milyon onlayn dərs verə bilmişik, bu kifayət qədər yaxşı dinamikadır".

Xatırladaq ki, Təhsil Nazirliyinin mətbuata açıqlamasında virtual dərslərə qoşulmayan müəllimlərlə növbəti illərdə bağlanacaq əmək müqaviləsi zamanı bu amilin nəzərə alınacağı bildirilmişdi.

10
İmtahan, arxiv şəkli

İmtahanda iştirak edə bilməyən şagirdlərlə bağlı vacib açıqlama

7
(Yenilənib 13:58 22.01.2021)
"Birinci yarımillikdə distant formada qiymətləndirmədə iştirak edə bilməyən şagirdlərin imtahandan keçirilməsi üçün şərait yaradılacaq".

BAKI, 22 yanvar — Sputnik. Azərbaycanda qiymətləndirmə imtahanlarında iştirak edə bilməyən şagirdlər yenidən imtahan verə biləcəklər. Sputnik Azərbaycan-ın məlumatına görə, bu barədə xüsusi karantin rejimi dövründə ölkə ərazisində fəaliyyət göstərən təhsil müəssisələrinin fəaliyyətinin təşkili ilə bağlı brifinqdə Təhsil Nazirliyinin ümumi təhsildə məzmun, tədris və qiymətləndirmə şöbəsinin müdiri Vəfa Yaqublu məlumat verib.

O bildirib ki, birinci yarımillikdə distant formada qiymətləndirmədə iştirak edə bilməyən şagirdlərin imtahandan keçirilməsi üçün şərait yaradılacaq. V.Yaqublunun sözlərinə görə, həmin şagirdlər növbəti bir ay ərzində məktəbə gəlməklə imtahandan keçə bilərlər: "Nəzərə alsaq ki, növbəti aydan məktəblərdə tədris başlanacaq, həmin şagirdlər də sosial məsafə və sıxlığı gözləməklə gəlib məktəbdə imtahan verə biləcəklər".

7
Teqlər:
məktəb, şagirdlər, imtahan, təhsil
KT, arxiv şəkli

"Tibbi ölçü cihazları dövlət yoxlamasından keçməlidir"

0
(Yenilənib 16:38 22.01.2021)
Məqsəd diaqnostikada istifadə olunan klinik-laborator, rentgen aparatları və s.  kimi diaqnostik tibbi cihazların qeyri-dəqiq ölçmələrinin vətəndaşların həyatı və sağlamlığına mənfi təsirinin qarşısını almaqdır.

BAKI, 22 yanvar — Sputnik. Mülkiyyət formasından asılı olmayaraq, səhiyyə sahəsində istifadə olunan tibbi ölçü cihazları istismara verilənədək və təmirdən sonra ilkin yoxlamadan, istismar prosesində isə dövrü yoxlamadan keçirilməlidir. Bunu Sputnik Azərbaycan-a Antiinhisar və İstehlak Bazarına Nəzarət Dövlət Xidmətinin sektor müdiri Elməddin Quliyev deyib.

Məqsəd göstərilən səhiyyə xidmətləri zamanı xəstəliklərin diaqnostikasında istifadə olunan klinik-laborator, rentgen aparatları və s. kimi diaqnostik tibbi cihazların qeyri-dəqiq ölçmələrinin vətəndaşların həyatı və sağlamlığına mənfi təsirinin qarşısını almaqdır. İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti səhiyyə sahəsində xidmət göstərən subyektlərin nəzərinə çatdırır ki, "Ölçmələrin vəhdətinin təmin edilməsi haqqında" Azərbaycan Respublikası Qanununa əsasən, səhiyyə sahəsində yalnız üzərində yararlılığına dair yoxlama nişanı və ya yoxlama haqqında şəhadətnaməyə malik tibbi ölçü cihazlarından istifadəyə icazə verilir.

İnzibati Xətalar Məcəlləsinə əsasən, səhiyyə sahəsində ölçmələrin tipi təsdiq edilməmiş və ya yoxlamadan keçirilməmiş ölçmə vasitələrindən istifadəyə görə vəzifəli şəxslər üçün 1500 manatdan 2000 manatadək, hüquqi şəxslər üçün 3000 manatdan 4000 manatadək məbləğdə cərimə olunur. Mülkiyyət formasından asılı olmayaraq, səhiyyə sahəsində xidmət göstərən subyektlər tibbi ölçü cihazlarını ilkin yoxlamadan və ya dövrü yoxlamadan keçirmək üçün "Azərbaycan Metrologiya İnstitutu" publik hüquqi şəxsə və ya ölçmələrin vəhdətinin təmin edilməsi sahəsində akkreditasiya olunmuş digər qurumlara müraciət edə bilərlər.

İstehlakçılara tövsiyə olunur ki, səhiyyə xidmətlərindən istifadə edərkən ölçmələrin qeyri-dəqiq nəticələri ilə qarşılaşmamaq üçün tibbi ölçü cihazlarının yararlılığına dair təsdiqedici sənədi tələb etsinlər, yoxlamadan keçməmiş tibbi cihazlarla göstərilən xidmətləri almaqdan çəkinsinlər. Bu kimi hallarla qarşılaşdıqları təqdirdə istehlakçılara İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinə müraciət etmələri tövsiyə olunur (tel: 498-15-01 və 498-15-04).

0